༢༣. ཝེ་སྶ་བྷཱུ་བུ་དྡྷ་ཝཾ་སོ
༡. ཏ་ཏྠེ་ཝ མ་ཎྜ་ཀ་པྤ་མྷི, ཨ་ས་མོ ཨ་པྤ་ཊི་པུ་གྒ་ལོ;
ཝེ་སྶ་བྷཱུ ནཱ་མ ནཱ་མེ་ན, ལོ་ཀེ ཨུ་པྤ་ཛྫི ནཱ་ཡ་ཀོ [སོ ཛི་ནོ (སྱཱ. ཀཾ. ཀ.)].
༢. ཨཱ་དི་ཏྟཾ ཝ་ཏ རཱ་ག་གྒི, ཏ་ཎྷཱ་ནཾ ཝི་ཛི་ཏཾ ཏ་དཱ;
ནཱ་གོ་ཝ བ་ནྡྷ་ནཾ ཚེ་ཏྭཱ, པ་ཏྟོ ས་མྦོ་དྷི་མུ་ཏྟ་མཾ.
༣. དྷ་མྨ་ཙ་ཀྐཾ པ་ཝ་ཏྟེ་ནྟེ, ཝེ་སྶ་བྷཱུ་ལོ་ཀ་ནཱ་ཡ་ཀེ;
ཨ་སཱི་ཏི་ཀོ་ཊི་ས་ཧ་སྶཱ་ནཾ, པ་ཋ་མཱ་བྷི་ས་མ་ཡོ ཨ་ཧུ.
༤. པ་ཀྐ་ནྟེ ཙཱ་རི་ཀཾ ར་ཊྛེ, ལོ་ཀ་ཛེ་ཊྛེ ན་རཱ་ས་བྷེ;
ས་ཏྟ་ཏི་ཀོ་ཊི་ས་ཧ་སྶཱ་ནཾ, དུ་ཏི་ཡཱ་བྷི་ས་མ་ཡོ ཨ་ཧུ.
༥. མ་ཧཱ་དི་ཊྛིཾ ཝི་ནོ་དེ་ནྟོ, པཱ་ཊི་ཧེ་རཾ ཀ་རོ་ཏི སོ;
ས་མཱ་ག་ཏཱ ན་ར་མ་རཱུ, ད་ས་ས་ཧ་སྶཱི ས་དེ་ཝ་ཀེ.
༦. མ་ཧཱ་ཨ་ཙྪ་རི་ཡཾ དི་སྭཱ, ཨ་བྦྷུ་ཏཾ ལོ་མ་ཧཾ་ས་ནཾ;
དེ་ཝཱ ཙེ་ཝ མ་ནུ་སྶཱ ཙ, བུ་ཛ྄ཛྷ་རེ ས་ཊྛི་ཀོ་ཊི་ཡོ.
༧. ས་ནྣི་པཱ་ཏཱ ཏ་ཡོ ཨཱ་སུཾ, ཝེ་སྶ་བྷུ་སྶ མ་ཧེ་སི་ནོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༨. ཨ་སཱི་ཏི་བྷི་ཀྑུ་ས་ཧ་སྶཱ་ནཾ, པ་ཋ་མོ ཨཱ་སི ས་མཱ་ག་མོ;
ས་ཏྟ་ཏི་བྷི་ཀྑུ་ས་ཧ་སྶཱ་ནཾ, དུ་ཏི་ཡོ ཨཱ་སི ས་མཱ་ག་མོ.
༩. ས་ཊྛི་བྷི་ཀྑུ་ས་ཧ་སྶཱ་ནཾ, ཏ་ཏི་ཡོ ཨཱ་སི ས་མཱ་ག་མོ;
ཛ་རཱ་དི་བྷ་ཡ་བྷཱི་ཏཱ་ནཾ, ཨོ་ར་སཱ་ནཾ མ་ཧེ་སི་ནོ.
༡༠. ཨ་ཧཾ ཏེ་ན ས་མ་ཡེ་ན, སུ་ད་སྶ་ནོ ནཱ་མ ཁ་ཏྟི་ཡོ;
ནི་མ་ནྟེ་ཏྭཱ མ་ཧཱ་ཝཱི་རཾ, དཱ་ནཾ ད་ཏྭཱ མ་ཧཱ་ར་ཧཾ;
ཨ་ནྣ་པཱ་ནེ་ན ཝ་ཏྠེ་ན, ས་ས་ངྒྷཾ ཛི་ན པཱུ་ཛ་ཡིཾ.
༡༡. ཏ་སྶ བུ་དྡྷ་སྶ ཨ་ས་མ་སྶ, ཙ་ཀྐཾ ཝ་ཏྟི་ཏ་མུ་ཏྟ་མཾ;
སུ་ཏྭཱ་ན པ་ཎི་ཏཾ དྷ་མྨཾ, པ་བྦ་ཛྫ་མ་བྷི་རོ་ཙ་ཡིཾ.
༡༢. མ་ཧཱ་དཱ་ནཾ པ་ཝ་ཏྟེ་ཏྭཱ, ར་ཏྟི་ནྡི་ཝ་མ་ཏ་ནྡི་ཏོ;
པ་བྦ་ཛྫཾ གུ་ཎ་ས་མྤ་ནྣཾ, པ་བྦ་ཛིཾ ཛི་ན་ས་ནྟི་ཀེ.
༡༣. ཨཱ་ཙཱ་ར་གུ་ཎ་ས་མྤ་ནྣོ, ཝ་ཏྟ་སཱི་ལ་ས་མཱ་ཧི་ཏོ;
ས་བྦ་ཉྙུ་ཏཾ ག་ཝེ་ས་ནྟོ, ར་མཱ་མི ཛི་ན་སཱ་ས་ནེ.
༡༤. ས་དྡྷཱ་པཱི་ཏིཾ ཨུ་པ་ག་ནྟྭཱ, བུ་དྡྷཾ ཝ་ནྡཱ་མི ས་ཏྠ་རཾ;
པཱི་ཏི ཨུ་པྤ་ཛྫ་ཏི མ་ཡ྄ཧཾ, བོ་དྷི་ཡཱ་ཡེ་ཝ ཀཱ་ར་ཎཱ.
༡༥. ཨ་ནི་ཝ་ཏྟ་མཱ་ན་སཾ ཉ་ཏྭཱ, ས་མྦུ་དྡྷོ ཨེ་ཏ་ད་བྲ་ཝི;
‘‘ཨེ་ཀ་ཏིཾ་སེ ཨི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༦. ‘‘ཨ་ཧུ ཀ་པི་ལ་ཝ྄ཧ་ཡཱ ར་མྨཱ…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༧. ཏ་སྶཱ་ཧཾ ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༡༨. ཨ་ནོ་མཾ ནཱ་མ ན་ག་རཾ, སུ་པྤ་ཏཱི་ཏོ ནཱ་མ ཁ་ཏྟི་ཡོ;
མཱ་ཏཱ ཡ་ས་ཝ་ཏཱི ནཱ་མ, ཝེ་སྶ་བྷུ་སྶ མ་ཧེ་སི་ནོ.
༡༩. ཚ ཙ ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
རུ་ཙི སུ་རུ་ཙི ར་ཏི་ཝ་ཌྜྷ་ནོ, ཏ་ཡོ པཱ་སཱ་ད་མུ་ཏྟ་མཱ.
༢༠. ཨ་ནཱུ་ན་ཏིཾ་ས་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
སུ་ཙི་ཏྟཱ ནཱ་མ སཱ ནཱ་རཱི, སུ་པྤ་བུ་དྡྷོ ནཱ་མ ཨ་ཏྲ་ཛོ.
༢༡. ནི་མི་ཏྟེ ཙ་ཏུ་རོ དི་སྭཱ, སི་ཝི་ཀཱ་ཡཱ་བྷི་ནི་ཀྑ་མི;
ཚ་མཱ་སཾ པ་དྷཱ་ན་ཙཱ་རཾ, ཨ་ཙ་རཱི པུ་རི་སུ་ཏྟ་མོ.
༢༢. བྲ་ཧྨུ་ནཱ ཡཱ་ཙི་ཏོ ས་ནྟོ, ཝེ་སྶ་བྷཱུ་ལོ་ཀ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, ཨ་རུ་ཎཱ་རཱ་མེ ན་རུ་ཏྟ་མོ.
༢༣. སོ་ཎོ ཙ ཨུ་ཏྟ་རོ ཙེ་ཝ, ཨ་ཧེ་སུཾ ཨ་གྒ་སཱ་ཝ་ཀཱ;
ཨུ་པ་ས་ནྟོ ནཱ་མུ་པ་ཊྛཱ་ཀོ, ཝེ་སྶ་བྷུ་སྶ མ་ཧེ་སི་ནོ.
༢༤. རཱ་མཱ [དཱ་མཱ (སཱི.)] ཙེ་ཝ ས་མཱ་ལཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, མ་ཧཱ་སཱ་ལོ་ཏི ཝུ་ཙྩ་ཏི.
༢༥. སོ་ཏྠི་ཀོ ཙེ་ཝ ར་མྦྷོ ཙ, ཨ་ཧེ་སུཾ ཨ་གྒུ་པ་ཊྛ་ཀཱ;
གོ་ཏ་མཱི སི་རི་མཱ ཙེ་ཝ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༦. ས་ཊྛི་ར་ཏ་ན་མུ་བྦེ་དྷོ, ཧེ་མ་ཡཱུ་པ་ས་མཱུ་པ་མོ;
ཀཱ་ཡཱ ནི་ཙྪ་ར་ཏི ར་སྨི, ར་ཏྟིཾ་ཝ པ་བྦ་ཏེ སི་ཁཱི.
༢༧. ས་ཊྛི་ཝ་སྶ་ས་ཧ་སྶཱ་ནི, ཨཱ་ཡུ ཏ་སྶ མ་ཧེ་སི་ནོ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༢༨. དྷ་མྨཾ ཝི་ཏྠཱ་རི་ཀཾ ཀ་ཏྭཱ, ཝི་བྷ་ཛི་ཏྭཱ མ་ཧཱ་ཛ་ནཾ;
དྷ་མྨ་ནཱ་ཝཾ ཋ་པེ་ཏྭཱ་ན, ནི་བྦུ་ཏོ སོ ས་སཱ་ཝ་ཀོ.
༢༩. ད་སྶ་ནེ་ཡྻཾ ས་བྦ་ཛ་ནཾ, ཝི་ཧཱ་རཾ ཨི་རི་ཡཱ་པ་ཐཾ;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ.
༣༠. ཝེ་སྶ་བྷཱུ ཛི་ན་ཝ་རོ ས་ཏྠཱ, ཁེ་མཱ་རཱ་མ་མྷི ནི་བྦུ་ཏོ;
དྷཱ་ཏུ་ཝི་ཏྠཱ་རི་ཀཾ ཨཱ་སི, ཏེ་སུ ཏེ་སུ པ་དེ་ས་ཏོ་ཏི.
ཝེ་སྶ་བྷུ་སྶ བྷ་ག་ཝ་ཏོ ཝཾ་སོ ཨེ་ཀ་ཝཱི་ས་ཏི་མོ.