༢༠. ཕུ་སྶ་བུ་དྡྷ་ཝཾ་སོ
༡. ཏ་ཏྠེ་ཝ མ་ཎྜ་ཀ་པྤ་མྷི, ཨ་ཧུ ས་ཏྠཱ ཨ་ནུ་ཏྟ་རོ;
ཨ་ནུ་པ་མོ ཨ་ས་མ་ས་མོ, ཕུ་སྶོ ལོ་ཀ་གྒ་ནཱ་ཡ་ཀོ.
༢. སོ་པི ས་བྦཾ ཏ་མཾ ཧ་ནྟྭཱ, ཝི་ཛ་ཊེ་ཏྭཱ མ་ཧཱ་ཛ་ཊཾ;
ས་དེ་ཝ་ཀཾ ཏ་པྤ་ཡ་ནྟོ, ཨ་བྷི་ཝ་སྶི ཨ་མ་ཏ་མྦུ་ནཱ.
༣. དྷ་མྨ་ཙ་ཀྐཾ པ་ཝ་ཏྟེ་ནྟེ, ཕུ་སྶེ ན་ཀྑ་ཏྟ་མ་ངྒ་ལེ;
ཀོ་ཊི་ས་ཏ་ས་ཧ་སྶཱ་ནཾ, པ་ཋ་མཱ་བྷི་ས་མ་ཡོ ཨ་ཧུ.
༤. ན་ཝུ་ཏི་ས་ཏ་ས་ཧ་སྶཱ་ནཾ, དུ་ཏི་ཡཱ་བྷི་ས་མ་ཡོ ཨ་ཧུ;
ཨ་སཱི་ཏི་ས་ཏ་ས་ཧ་སྶཱ་ནཾ, ཏ་ཏི་ཡཱ་བྷི་ས་མ་ཡོ ཨ་ཧུ.
༥. ས་ནྣི་པཱ་ཏཱ ཏ་ཡོ ཨཱ་སུཾ, ཕུ་སྶ་སྶཱ་པི མ་ཧེ་སི་ནོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༦. ས་ཊྛི་ས་ཏ་ས་ཧ་སྶཱ་ནཾ, པ་ཋ་མོ ཨཱ་སི ས་མཱ་ག་མོ;
པ་ཉྙཱ་ས་ས་ཏ་ས་ཧ་སྶཱ་ནཾ, དུ་ཏི་ཡོ ཨཱ་སི ས་མཱ་ག་མོ.
༧. ཙ་ཏྟཱ་རཱི་ས་ས་ཏ་ས་ཧ་སྶཱ་ནཾ, ཏ་ཏི་ཡོ ཨཱ་སི ས་མཱ་ག་མོ;
ཨ་ནུ་པཱ་དཱ ཝི་མུ་ཏྟཱ་ནཾ, ཝོ་ཙྪི་ནྣ་པ་ཊི་ས་ནྡྷི་ནཾ.
༨. ཨ་ཧཾ ཏེ་ན ས་མ་ཡེ་ན, ཝི་ཛི་ཏཱ་ཝཱི ནཱ་མ ཁ་ཏྟི་ཡོ;
ཚ་ཌྜ་ཡི་ཏྭཱ མ་ཧཱ་ར་ཛྫཾ, པ་བྦ་ཛིཾ ཏ་སྶ ས་ནྟི་ཀེ.
༩. སོ་པི མཾ བུ་དྡྷོ བྱཱ་ཀཱ་སི, ཕུ་སྶོ ལོ་ཀ་གྒ་ནཱ་ཡ་ཀོ;
‘‘དྭེ་ན་ཝུ་ཏེ ཨི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༠. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༡. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༡༢. སུ་ཏྟ་ནྟཾ ཝི་ན་ཡ་ཉྩཱ་པི, ན་ཝ་ངྒཾ ས་ཏྠུ་སཱ་ས་ནཾ;
ས་བྦཾ པ་རི་ཡཱ་པུ་ཎི་ཏྭཱ, སོ་བྷ་ཡིཾ ཛི་ན་སཱ་ས་ནཾ.
༡༣. ཏ་ཏྠ་པྤ་མ་ཏྟོ ཝི་ཧ་ར་ནྟོ, བྲ་ཧྨཾ བྷཱ་ཝེ་ཏྭ བྷཱ་ཝ་ནཾ;
ཨ་བྷི་ཉྙཱ་སུ པཱ་ར་མིཾ ག་ནྟྭཱ, བྲ་ཧྨ་ལོ་ཀ་མ་ག་ཉྪ་ཧཾ.
༡༤. ཀཱ་སི་ཀཾ ནཱ་མ ན་ག་རཾ, ཛ་ཡ་སེ་ནོ ནཱ་མ ཁ་ཏྟི་ཡོ;
སི་རི་མཱ ནཱ་མ ཛ་ནི་ཀཱ, ཕུ་སྶ་སྶཱ་པི མ་ཧེ་སི་ནོ.
༡༥. ན་ཝ་ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
ག་རུ་ལ༹་པ་ཀྑ ཧཾ་ས སུ་ཝ་ཎྞ་བྷཱ་རཱ, ཏ་ཡོ པཱ་སཱ་ད་མུ་ཏྟ་མཱ.
༡༦. ཏིཾ་ས་ཨི་ཏྠི་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
ཀི་སཱ་གོ་ཏ་མཱི ནཱ་མ ནཱ་རཱི, ཨ་ནཱུ་པ་མོ ནཱ་མ ཨ་ཏྲ་ཛོ.
༡༧. ནི་མི་ཏྟེ ཙ་ཏུ་རོ དི་སྭཱ, ཧ་ཏྠི་ཡཱ་ནེ་ན ནི་ཀྑ་མི;
ཚ་མཱ་སཾ པ་དྷཱ་ན་ཙཱ་རཾ, ཨ་ཙ་རཱི པུ་རི་སུ་ཏྟ་མོ.
༡༨. བྲ་ཧྨུ་ནཱ ཡཱ་ཙི་ཏོ ས་ནྟོ, ཕུ་སྶོ ལོ་ཀ་གྒ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, མི་ག་དཱ་ཡེ ན་རུ་ཏྟ་མོ.
༡༩. སུ་ར་ཀྑི་ཏོ དྷ་མྨ་སེ་ནོ, ཨ་ཧེ་སུཾ ཨ་གྒ་སཱ་ཝ་ཀཱ;
ས་བྷི་ཡོ ནཱ་མུ་པ་ཊྛཱ་ཀོ, ཕུ་སྶ་སྶཱ་པི མ་ཧེ་སི་ནོ.
༢༠. ཙཱ་ལཱ ཙ ཨུ་པ་ཙཱ་ལཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, ཨཱ་མ་ཎྜོ་ཏི པ་ཝུ་ཙྩ་ཏི.
༢༡. དྷ་ན་ཉྩ་ཡོ ཝི་སཱ་ཁོ ཙ, ཨ་ཧེ་སུཾ ཨ་གྒུ་པ་ཊྛ་ཀཱ;
པ་དུ་མཱ ཙེ་ཝ ནཱ་གཱ ཙ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༢. ཨ་ཊྛ་པ་ཎྞཱ་ས་ར་ཏ་ནཾ, སོ་པི ཨ་ཙྩུ་གྒ་ཏོ མུ་ནི;
སོ་བྷ་ཏེ ས་ཏ་རཾ་སཱི་ཝ, ཨུ་ལུ༹་རཱ་ཛཱ་ཝ པཱུ་རི་ཏོ.
༢༣. ན་ཝུ་ཏི་ཝ་སྶ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༢༤. ཨོ་ཝ་དི་ཏྭཱ བ་ཧཱུ ས་ཏྟེ, ས་ནྟཱ་རེ་ཏྭཱ བ་ཧཱུ ཛ་ནེ;
སོ་པི ས་ཏྠཱ ཨ་ཏུ་ལ་ཡ་སོ, ནི་བྦུ་ཏོ སོ ས་སཱ་ཝ་ཀོ.
༢༥. ཕུ་སྶོ ཛི་ན་ཝ་རོ ས་ཏྠཱ, སེ་ནཱ་རཱ་མ་མྷི ནི་བྦུ་ཏོ;
དྷཱ་ཏུ་ཝི་ཏྠཱ་རི་ཀཾ ཨཱ་སི, ཏེ་སུ ཏེ་སུ པ་དེ་ས་ཏོ་ཏི.
ཕུ་སྶ་སྶ བྷ་ག་ཝ་ཏོ ཝཾ་སོ ཨ་ཊྛཱ་ར་ས་མོ.