༡༩. ཏི་སྶ་བུ་དྡྷ་ཝཾ་སོ
༡. སི་དྡྷ་ཏྠ་སྶ ཨ་པ་རེ་ན, ཨ་ས་མོ ཨ་པྤ་ཊི་པུ་གྒ་ལོ;
ཨ་ན་ནྟ་ཏེ་ཛོ ཨ་མི་ཏ་ཡ་སོ, ཏི་སྶོ ལོ་ཀ་གྒ་ནཱ་ཡ་ཀོ.
༢. ཏ་མ་ནྡྷ་ཀཱ་རཾ ཝི་དྷ་མི་ཏྭཱ, ཨོ་བྷཱ་སེ་ཏྭཱ ས་དེ་ཝ་ཀཾ;
ཨ་ནུ་ཀ་མྤ་ཀོ མ་ཧཱ་ཝཱི་རོ, ལོ་ཀེ ཨུ་པྤ་ཛྫི ཙ་ཀྑུ་མཱ.
༣. ཏ་སྶཱ་པི ཨ་ཏུ་ལཱ ཨི་དྡྷི, ཨ་ཏུ་ལཾ སཱི་ལཾ ས་མཱ་དྷི ཙ;
ས་བྦ་ཏྠ པཱ་ར་མིཾ ག་ནྟྭཱ, དྷ་མྨ་ཙ་ཀྐཾ པ་ཝ་ཏྟ་ཡི.
༤. སོ བུ་དྡྷོ ད་ས་ས་ཧ་སྶི་མྷི, ཝི་ཉྙཱ་པེ་སི གི་རཾ སུ་ཙིཾ;
ཀོ་ཊི་ས་ཏཱ་ནི ཨ་བྷི་ས་མིཾ་སུ, པ་ཋ་མེ དྷ་མྨ་དེ་ས་ནེ.
༥. དུ་ཏི་ཡོ ན་ཝུ་ཏི་ཀོ་ཊཱི་ནཾ, ཏ་ཏི་ཡོ ས་ཊྛི་ཀོ་ཊི་ཡོ;
བ་ནྡྷ་ནཱ་ཏོ པ་མོ་ཙེ་སི, ས་ཏྟེ [ས་མྤ་ཏྟེ (ཀ.)] ན་ར་མ་རཱུ ཏ་དཱ.
༦. ས་ནྣི་པཱ་ཏཱ ཏ་ཡོ ཨཱ་སུཾ, ཏི་སྶེ ལོ་ཀ་གྒ་ནཱ་ཡ་ཀེ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༧. ཁཱི་ཎཱ་ས་ཝ་ས་ཏ་ས་ཧ་སྶཱ་ནཾ, པ་ཋ་མོ ཨཱ་སི ས་མཱ་ག་མོ;
ན་ཝུ་ཏི་ས་ཏ་ས་ཧ་སྶཱ་ནཾ, དུ་ཏི་ཡོ ཨཱ་སི ས་མཱ་ག་མོ.
༨. ཨ་སཱི་ཏི་ས་ཏ་ས་ཧ་སྶཱ་ནཾ, ཏ་ཏི་ཡོ ཨཱ་སི ས་མཱ་ག་མོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, པུ་པྥི་ཏཱ་ནཾ ཝི་མུ་ཏྟི་ཡཱ.
༩. ཨ་ཧཾ ཏེ་ན ས་མ་ཡེ་ན, སུ་ཛཱ་ཏོ ནཱ་མ ཁ་ཏྟི་ཡོ;
མ་ཧཱ་བྷོ་གཾ ཚ་ཌྜ་ཡི་ཏྭཱ, པ་བྦ་ཛིཾ ཨི་སི་པ་བྦ་ཛཾ.
༡༠. མ་ཡི པ་བྦ་ཛི་ཏེ ས་ནྟེ, ཨུ་པྤ་ཛྫི ལོ་ཀ་ནཱ་ཡ་ཀོ;
བུ་དྡྷོ་ཏི ས་དྡཾ སུ་ཏྭཱ་ན, པཱི་ཏི མེ ཨུ་པ་པ་ཛྫ་ཐ.
༡༡. དི་བྦཾ མ་ནྡཱ་ར་ཝཾ པུ་པྥཾ, པ་དུ་མཾ པཱ་རི་ཚ་ཏྟ་ཀཾ;
ཨུ་བྷོ ཧ་ཏྠེ་ཧི པ་གྒ་ཡ྄ཧ, དྷུ་ན་མཱ་ནོ ཨུ་པཱ་ག་མིཾ.
༡༢. ཙ་ཏུ་ཝ་ཎྞ་པ་རི་ཝུ་ཏཾ, ཏི་སྶཾ ལོ་ཀ་གྒ་ནཱ་ཡ་ཀཾ;
ཏ་མ་ཧཾ པུ་པྥཾ ག་ཧེ་ཏྭཱ, མ་ཏྠ་ཀེ དྷཱ་ར་ཡིཾ ཛི་ནཾ.
༡༣. སོ་པི མཾ བུ་དྡྷོ བྱཱ་ཀཱ་སི, ཛ་ན་མ་ཛ྄ཛྷེ ནི་སཱི་དི་ཡ;
‘‘དྭེ་ན་ཝུ་ཏེ ཨི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༤. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༥. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༡༦. ཁེ་མ་ཀཾ ནཱ་མ ན་ག་རཾ, ཛ་ན་ས་ནྡྷོ ནཱ་མ ཁ་ཏྟི་ཡོ;
པ་དུ་མཱ ནཱ་མ ཛ་ནི་ཀཱ, ཏི་སྶ་སྶ ཙ མ་ཧེ་སི་ནོ.
༡༧. ས་ཏྟ་ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
གུ་ཧཱ་སེ་ལ ནཱ་རི་ས་ཡ ནི་ས་བྷཱ [ཀུ་མུ་དོ ནཱ་ལི༹་ཡོ པ་དུ་མོ (ཀ.)], ཏ་ཡོ པཱ་སཱ་ད་མུ་ཏྟ་མཱ.
༡༨. ས་མ་ཏིཾ་ས་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
སུ་བྷ་དྡཱ་ནཱ་མི་ཀཱ ནཱ་རཱི, ཨཱ་ན་ནྡོ ནཱ་མ ཨ་ཏྲ་ཛོ.
༡༩. ནི་མི་ཏྟེ ཙ་ཏུ་རོ དི་སྭཱ, ཨ་སྶ་ཡཱ་ནེ་ན ནི་ཀྑ་མི;
ཨ་ནཱུ་ན་ཨ་ཊྛ་མཱ་སཱ་ནི, པ་དྷཱ་ནཾ པ་ད་ཧཱི ཛི་ནོ.
༢༠. བྲ་ཧྨུ་ནཱ ཡཱ་ཙི་ཏོ ས་ནྟོ, ཏི་སྶོ ལོ་ཀ་གྒ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, ཡ་ས་ཝ་ཏི་ཡ་མུ་ཏྟ་མེ.
༢༡. བྲ་ཧྨ་དེ་ཝོ ཨུ་ད་ཡོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;
ས་མ་ངྒོ ནཱ་མུ་པ་ཊྛཱ་ཀོ, ཏི་སྶ་སྶ ཙ མ་ཧེ་སི་ནོ.
༢༢. ཕུ་སྶཱ ཙེ་ཝ སུ་ད་ཏྟཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, ཨ་ས་ནོ་ཏི པ་ཝུ་ཙྩ་ཏི.
༢༣. ས་མྦ་ལོ ཙ སི་རི་མཱ ཙེ་ཝ, ཨ་ཧེ་སུཾ ཨ་གྒུ་པ་ཊྛ་ཀཱ;
ཀི་སཱ་གོ་ཏ་མཱི ཨུ་པ་སེ་ནཱ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༤. སོ བུ་དྡྷོ ས་ཊྛི་ར་ཏ་ནོ, ཨ་ཧུ ཨུ་ཙྩ་ཏྟ་ནེ ཛི་ནོ;
ཨ་ནཱུ་པ་མོ ཨ་ས་དི་སོ, ཧི་མ་ཝཱ ཝི་ཡ དི་སྶ་ཏི.
༢༥. ཏ་སྶཱ་པི ཨ་ཏུ་ལ་ཏེ་ཛ་སྶ, ཨཱ་ཡུ ཨཱ་སི ཨ་ནུ་ཏྟ་རོ;
ཝ་སྶ་ས་ཏ་ས་ཧ་སྶཱ་ནི, ལོ་ཀེ ཨ་ཊྛཱ་སི ཙ་ཀྑུ་མཱ.
༢༦. ཨུ་ཏྟ་མཾ པ་ཝ་རཾ སེ་ཊྛཾ, ཨ་ནུ་བྷོ་ཏྭཱ མ་ཧཱ་ཡ་སཾ;
ཛ་ལི་ཏྭཱ ཨ་གྒི་ཀྑ་ནྡྷོ་ཝ, ནི་བྦུ་ཏོ སོ ས་སཱ་ཝ་ཀོ.
༢༧. ཝ་ལཱ་ཧ་ཀོ་ཝ ཨ་ནི་ལེ་ན, སཱུ་རི་ཡེ་ན ཝི་ཡ ཨུ་སྶ་ཝོ;
ཨ་ནྡྷ་ཀཱ་རོ་ཝ པ་དཱི་པེ་ན, ནི་བྦུ་ཏོ སོ ས་སཱ་ཝ་ཀོ.
༢༨. ཏི་སྶོ ཛི་ན་ཝ་རོ བུ་དྡྷོ, ན་ནྡཱ་རཱ་མ་མྷི ནི་བྦུ་ཏོ;
ཏ་ཏྠེ་ཝ་སྶ ཛི་ན་ཐཱུ་པོ, ཏཱི་ཎི་ཡོ་ཛ་ན་མུ་གྒ་ཏོ་ཏི.
ཏི་སྶ་སྶ བྷ་ག་ཝ་ཏོ ཝཾ་སོ ས་ཏྟ་ར་ས་མོ.