༡༧. དྷ་མྨ་ད་སྶཱི་བུ་དྡྷ་ཝཾ་སོ
༡. ཏ་ཏྠེ་ཝ མ་ཎྜ་ཀ་པྤ་མྷི, དྷ་མྨ་ད་སྶཱི མ་ཧཱ་ཡ་སོ;
ཏ་མ་ནྡྷ་ཀཱ་རཾ ཝི་དྷ་མི་ཏྭཱ, ཨ་ཏི་རོ་ཙ་ཏི ས་དེ་ཝ་ཀེ.
༢. ཏ་སྶཱ་པི ཨ་ཏུ་ལ་ཏེ་ཛ་སྶ, དྷ་མྨ་ཙ་ཀྐ་པྤ་ཝ་ཏྟ་ནེ;
ཀོ་ཊི་ས་ཏ་ས་ཧ་སྶཱ་ནཾ, པ་ཋ་མཱ་བྷི་ས་མ་ཡོ ཨ་ཧུ.
༣. ཡ་དཱ བུ་དྡྷོ དྷ་མྨ་ད་སྶཱི, ཝི་ནེ་སི ས་ཉྫ་ཡཾ ཨི་སིཾ;
ཏ་དཱ ན་ཝུ་ཏི་ཀོ་ཊཱི་ནཾ, དུ་ཏི་ཡཱ་བྷི་ས་མ་ཡོ ཨ་ཧུ.
༤. ཡ་དཱ ས་ཀྐོ ཨུ་པཱ་ག་ཉྪི, ས་པ་རི་སོ ཝི་ནཱ་ཡ་ཀཾ;
ཏ་དཱ ཨ་སཱི་ཏི་ཀོ་ཊཱི་ནཾ, ཏ་ཏི་ཡཱ་བྷི་ས་མ་ཡོ ཨ་ཧུ.
༥. ཏ་སྶཱ་པི དེ་ཝ་དེ་ཝ་སྶ, ས་ནྣི་པཱ་ཏཱ ཏ་ཡོ ཨ་ཧུཾ [ཨཱ་སུཾ (སཱི. སྱཱ.)];
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༦. ཡ་དཱ བུ་དྡྷོ དྷ་མྨ་ད་སྶཱི, ས་ར་ཎེ ཝ་སྶཾ ཨུ་པཱ་ག་མི;
ཏ་དཱ ཀོ་ཊི་ས་ཏ་ས་ཧ་སྶཱ་ནཾ [ཀོ་ཊི་ས་ཧ་སྶཱ་ནཾ (སཱི. སྱཱ. ཀཾ.)], པ་ཋ་མོ ཨཱ་སི ས་མཱ་ག་མོ.
༧. པུ་ནཱ་པ་རཾ ཡ་དཱ བུ་དྡྷོ, དེ་ཝ་ཏོ ཨེ་ཏི མཱ་ནུ་སཾ;
ཏ་དཱ་པི ས་ཏ་ཀོ་ཊཱི་ནཾ, དུ་ཏི་ཡོ ཨཱ་སི ས་མཱ་ག་མོ.
༨. པུ་ནཱ་པ་རཾ ཡ་དཱ བུ་དྡྷོ, པ་ཀཱ་སེ་སི དྷུ་ཏེ གུ་ཎེ;
ཏ་དཱ ཨ་སཱི་ཏི་ཀོ་ཊཱི་ནཾ, ཏ་ཏི་ཡོ ཨཱ་སི ས་མཱ་ག་མོ.
༩. ཨ་ཧཾ ཏེ་ན ས་མ་ཡེ་ན, ས་ཀྐོ ཨཱ་སིཾ པུ་རི་ནྡ་དོ;
དི་བྦེ་ན ག་ནྡྷ་མཱ་ལེ་ན, ཏུ་རི་ཡེ་ནཱ་བྷི་པཱུ་ཛ་ཡིཾ.
༡༠. སོ་པི མཾ བུ་དྡྷོ བྱཱ་ཀཱ་སི, དེ་ཝ་མ་ཛ྄ཛྷེ ནི་སཱི་དི་ཡ;
‘‘ཨ་ཊྛཱ་ར་སེ ཀ་པྤ་ས་ཏེ, ཨ་ཡཾ བུ་དྡྷོ བྷ་ཝི་སྶ་ཏི.
༡༡. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༢. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༡༣. ས་ར་ཎཾ ནཱ་མ ན་ག་རཾ, ས་ར་ཎོ ནཱ་མ ཁ་ཏྟི་ཡོ;
སུ་ན་ནྡཱ ནཱ་མ ཛ་ནི་ཀཱ, དྷ་མྨ་ད་སྶི་སྶ ས་ཏྠུ་ནོ.
༡༤. ཨ་ཊྛ་ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
ཨ་ར་ཛོ ཝི་ར་ཛོ སུ་ད་སྶ་ནོ, ཏ་ཡོ པཱ་སཱ་ད་མུ་ཏྟ་མཱ.
༡༥. ཏི་ཙ་ཏྟཱ་རཱི་ས་ས་ཧ་སྶཱ་ནི [ཙ་ཏྟཱ་ལཱི་ས་ས་ཧ་སྶཱ་ནི (སྱཱ. ཀཾ.)], ནཱ་རི་ཡོ ས་མ་ལ་ངྐ་ཏཱ;
ཝི་ཙི་ཀོ་ལི༹ ནཱ་མ ནཱ་རཱི, ཨ་ཏྲ་ཛོ པུ་ཉྙ་ཝ་ཌྜྷ་ནོ.
༡༦. ནི་མི་ཏྟེ ཙ་ཏུ་རོ དི་སྭཱ, པཱ་སཱ་དེ་ནཱ་བྷི་ནི་ཀྑ་མི;
ས་ཏྟཱ་ཧཾ པ་དྷཱ་ན་ཙཱ་རཾ, ཨ་ཙ་རཱི པུ་རི་སུ་ཏྟ་མོ.
༡༧. བྲ་ཧྨུ་ནཱ ཡཱ་ཙི་ཏོ ས་ནྟོ, དྷ་མྨ་ད་སྶཱི ན་རཱ་ས་བྷོ;
ཝ་ཏྟི ཙ་ཀྐཾ མ་ཧཱ་ཝཱི་རོ, མི་ག་དཱ་ཡེ ན་རུ་ཏྟ་མོ.
༡༨. པ་དུ་མོ ཕུ་སྶ་དེ་ཝོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;
སུ་ནེ་ཏྟོ [སུ་ད་ཏྟོ (སྱཱ. ཀཾ.)] ནཱ་མུ་པ་ཊྛཱ་ཀོ, དྷ་མྨ་ད་སྶི་སྶ ས་ཏྠུ་ནོ.
༡༩. ཁེ་མཱ ཙ ས་ཙྩ་ནཱ་མཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, བི་མྦི་ཛཱ་ལོ་ཏི ཝུ་ཙྩ་ཏི.
༢༠. སུ་བྷ་དྡོ ཀ་ཊི་སྶ་ཧོ ཙེ་ཝ, ཨ་ཧེ་སུཾ ཨ་གྒུ་པ་ཊྛ་ཀཱ;
སཱ་ལི༹་ཡཱ [སཱ་ལི་སཱ (སྱཱ. ཀཾ.)] ཙ ཀ་ལི༹་ཡཱ ཙ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༡. སོ་པི བུ་དྡྷོ ཨ་ས་མ་ས་མོ, ཨ་སཱི་ཏི་ཧ་ཏྠ་མུ་གྒ་ཏོ;
ཨ་ཏི་རོ་ཙ་ཏི ཏེ་ཛེ་ན, ད་ས་ས་ཧ་སྶི་མྷི དྷཱ་ཏུ་ཡཱ.
༢༢. སུ་ཕུ་ལློ སཱ་ལ་རཱ་ཛཱ་ཝ, ཝི་ཛྫཱུ་ཝ ག་ག་ནེ ཡ་ཐཱ;
མ་ཛ྄ཛྷ་ནྷི་ཀེ་ཝ སཱུ་རི་ཡོ, ཨེ་ཝཾ སོ ཨུ་པ་སོ་བྷ་ཐ.
༢༣. ཏ་སྶཱ་པི ཨ་ཏུ་ལ་ཏེ་ཛ་སྶ, ས་མ་ཀཾ ཨཱ་སི ཛཱི་ཝི་ཏཾ;
ཝ་སྶ་ས་ཏ་ས་ཧ་སྶཱ་ནི, ལོ་ཀེ ཨ་ཊྛཱ་སི ཙ་ཀྑུ་མཱ.
༢༤. ཨོ་བྷཱ་སཾ ད་སྶ་ཡི་ཏྭཱ་ན, ཝི་མ་ལཾ ཀ་ཏྭཱ་ན སཱ་ས་ནཾ;
ཙ་ཝི ཙ་ནྡོ་ཝ ག་ག་ནེ, ནི་བྦུ་ཏོ སོ ས་སཱ་ཝ་ཀོ.
༢༥. དྷ་མྨ་ད་སྶཱི མ་ཧཱ་ཝཱི་རོ, སཱ་ལཱ་རཱ་མ་མྷི ནི་བྦུ་ཏོ;
ཏ་ཏྠེ་ཝ་སྶ ཐཱུ་པ་ཝ་རོ, ཏཱི་ཎི་ཡོ་ཛ་ན་མུ་གྒ་ཏོ་ཏི.
དྷ་མྨ་ད་སྶི་སྶ བྷ་ག་ཝ་ཏོ ཝཾ་སོ པ་ནྣ་ར་ས་མོ.