༡༡. ནཱ་ར་ད་བུ་དྡྷ་ཝཾ་སོ
༡. པ་དུ་མ་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;
ནཱ་ར་དོ ནཱ་མ ནཱ་མེ་ན, ཨ་ས་མོ ཨ་པྤ་ཊི་པུ་གྒ་ལོ.
༢. སོ བུ་དྡྷོ ཙ་ཀྐ་ཝ་ཏྟི་སྶ, ཛེ་ཊྛོ ད་ཡི་ཏ་ཨོ་ར་སོ;
ཨཱ་མུ་ཀྐ་མཱ་ལཱ་བྷ་ར་ཎོ, ཨུ་ཡྻཱ་ནཾ ཨུ་པ་ས་ངྐ་མི.
༣. ཏ་ཏྠཱ་སི རུ་ཀྑོ ཡ་ས་ཝི་པུ་ལོ, ཨ་བྷི་རཱུ་པོ བྲ་ཧཱ སུ་ཙི;
ཏ་མ་ཛ྄ཛྷ་པ་ཏྭཱ ཨུ་པ་ནི་སཱི་དི, མ་ཧཱ་སོ་ཎ་སྶ ཧེ་ཊྛ་ཏོ.
༤. ཏ་ཏྠ ཉཱ་ཎ་ཝ་རུ་པྤ་ཛྫི, ཨ་ན་ནྟཾ ཝ་ཛི་རཱུ་པ་མཾ;
ཏེ་ན ཝི་ཙི་ནི ས་ངྑཱ་རེ, ཨུ་ཀྐུ་ཛྫ་མ་ཝ་ཀུ་ཛྫ་ཀཾ [ཀུ་ཛྫ་ཏཾ (སྱཱ. ཀཾ.)].
༥. ཏ་ཏྠ ས་བྦ་ཀི་ལེ་སཱ་ནི, ཨ་སེ་ས་མ་བྷི་ཝཱ་ཧ་ཡི;
པཱ་པུ་ཎཱི ཀེ་ཝ་ལཾ བོ་དྷིཾ, བུ་དྡྷ་ཉཱ་ཎེ ཙ ཙུ་དྡ་ས.
༦. པཱ་པུ་ཎི་ཏྭཱ་ན ས་མྦོ་དྷིཾ, དྷ་མྨ་ཙ་ཀྐཾ པ་ཝ་ཏྟ་ཡི;
ཀོ་ཊི་ས་ཏ་ས་ཧ་སྶཱ་ནཾ, པ་ཋ་མཱ་བྷི་ས་མ་ཡོ ཨ་ཧུ.
༧. མ་ཧཱ་དོ་ཎཾ ནཱ་ག་རཱ་ཛཾ, ཝི་ན་ཡ་ནྟོ མ་ཧཱ་མུ་ནི;
པཱ་ཊི་ཧེ་རཾ ཏ་དཱ་ཀཱ་སི, ད་སྶ་ཡ་ནྟོ ས་དེ་ཝ་ཀེ.
༨. ཏ་དཱ དེ་ཝ་མ་ནུ་སྶཱ་ནཾ, ཏ་མྷི དྷ་མྨ་པྤ་ཀཱ་ས་ནེ;
ན་ཝུ་ཏི་ཀོ་ཊི་ས་ཧ་སྶཱ་ནི, ཏ་རིཾ་སུ ས་བྦ་སཾ་ས་ཡཾ.
༩. ཡ་མྷི ཀཱ་ལེ མ་ཧཱ་ཝཱི་རོ, ཨོ་ཝ་དཱི ས་ཀ་མ་ཏྲ་ཛཾ;
ཨ་སཱི་ཏི་ཀོ་ཊི་ས་ཧ་སྶཱ་ནཾ, ཏ་ཏི་ཡཱ་བྷི་ས་མ་ཡོ ཨ་ཧུ.
༡༠. ས་ནྣི་པཱ་ཏཱ ཏ་ཡོ ཨཱ་སུཾ, ནཱ་ར་ད་སྶ མ་ཧེ་སི་ནོ;
ཀོ་ཊི་ས་ཏ་ས་ཧ་སྶཱ་ནཾ, པ་ཋ་མོ ཨཱ་སི ས་མཱ་ག་མོ.
༡༡. ཡ་དཱ བུ་དྡྷོ བུ་དྡྷ་གུ་ཎཾ, ས་ནི་དཱ་ནཾ པ་ཀཱ་ས་ཡི;
ན་ཝུ་ཏི་ཀོ་ཊི་ས་ཧ་སྶཱ་ནི, ས་མིཾ་སུ ཝི་མ་ལཱ ཏ་དཱ.
༡༢. ཡ་དཱ ཝེ་རོ་ཙ་ནོ ནཱ་གོ, དཱ་ནཾ ད་དཱ་ཏི ས་ཏྠུ་ནོ;
ཏ་དཱ ས་མིཾ་སུ ཛི་ན་པུ་ཏྟཱ, ཨ་སཱི་ཏི་ས་ཏ་ས་ཧ་སྶི་ཡོ.
༡༣. ཨ་ཧཾ ཏེ་ན ས་མ་ཡེ་ན, ཛ་ཊི་ལོ ཨུ་གྒ་ཏཱ་པ་ནོ;
ཨ་ནྟ་ལི་ཀྑ་ཙ་རོ ཨཱ་སིཾ, པ་ཉྩཱ་བྷི་ཉྙཱ་སུ པཱ་ར་གཱུ.
༡༤. ཏ་དཱ་པཱ་ཧཾ ཨ་ས་མ་ས་མཾ, ས་ས་ངྒྷཾ ས་པ་རི་ཛྫ་ནཾ;
ཨ་ནྣ་པཱ་ནེ་ན ཏ་པྤེ་ཏྭཱ, ཙ་ནྡ་ནེ་ནཱ་བྷི་པཱུ་ཛ་ཡིཾ.
༡༥. སོ་པི མཾ ཏ་དཱ བྱཱ་ཀཱ་སི, ནཱ་ར་དོ ལོ་ཀ་ནཱ་ཡ་ཀོ;
‘‘ཨ་པ་རི་མེ་ཡྻི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༦. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༧. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཧཱ་སེ་ཏྭ མཱ་ན་སཾ;
ཨ་དྷི་ཊྛ་ཧིཾ ཝ་ཏཾ ཨུ་གྒཾ, ད་ས་པཱ་ར་མི་པཱུ་རི་ཡཱ.
༡༨. ན་ག་རཾ དྷ་ཉྙ་ཝ་ཏཱི ནཱ་མ, སུ་དེ་ཝོ ནཱ་མ ཁ་ཏྟི་ཡོ;
ཨ་ནོ་མཱ ནཱ་མ ཛ་ནི་ཀཱ, ནཱ་ར་ད་སྶ མ་ཧེ་སི་ནོ.
༡༩. ན་ཝ་ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
ཛི་ཏོ ཝི་ཛི་ཏཱ་བྷི་རཱ་མོ, ཏ་ཡོ པཱ་སཱ་ད་མུ་ཏྟ་མཱ.
༢༠. ཏི་ཙ་ཏྟཱ་རཱི་ས་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
ཝི་ཛི་ཏ་སེ་ནཱ ནཱ་མ ནཱ་རཱི, ན་ནྡུ་ཏྟ་རོ ནཱ་མ ཨ་ཏྲ་ཛོ.
༢༡. ནི་མི་ཏྟེ ཙ་ཏུ་རོ དི་སྭཱ, པ་ད་སཱ ག་མ་ནེ་ན ནི་ཀྑ་མི;
ས་ཏྟཱ་ཧཾ པ་དྷཱ་ན་ཙཱ་རཾ, ཨ་ཙ་རཱི པུ་རི་སུ་ཏྟ་མོ [ལོ་ཀ་ནཱ་ཡ་ཀོ (སཱི. ཀ.)].
༢༢. བྲ་ཧྨུ་ནཱ ཡཱ་ཙི་ཏོ ས་ནྟོ, ནཱ་ར་དོ ལོ་ཀ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, དྷ་ན་ཉྩུ་ཡྻཱ་ན་མུ་ཏྟ་མེ.
༢༣. བྷ་དྡ་སཱ་ལོ ཛི་ཏ་མི་ཏྟོ, ཨ་ཧེ་སུཾ ཨ་གྒ་སཱ་ཝ་ཀཱ;
ཝཱ་སེ་ཊྛོ ནཱ་མུ་པ་ཊྛཱ་ཀོ, ནཱ་ར་ད་སྶ མ་ཧེ་སི་ནོ.
༢༤. ཨུ་ཏྟ་རཱ ཕ་གྒུ་ནཱི ཙེ་ཝ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, མ་ཧཱ་སོ་ཎོ་ཏི ཝུ་ཙྩ་ཏི.
༢༥. ཨུ་གྒ་རི་ནྡོ ཝ་ས་བྷོ ཙ, ཨ་ཧེ་སུཾ ཨ་གྒུ་པ་ཊྛ་ཀཱ;
ཨི་ནྡཱ་ཝ་རཱི ཙ ཝ་ཎྜཱི [ཨུ་ནྡཱི (སཱི.), ག་ཎྜཱི (སྱཱ. ཀཾ.)] ཙ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༦. ཨ་ཊྛཱ་སཱི་ཏི་ར་ཏ་ནཱ་ནི, ཨ་ཙྩུ་གྒ་ཏོ མ་ཧཱ་མུ་ནི;
ཀ་ཉྩ་ན་གྒྷི་ཡ་ས་ངྐཱ་སོ, ད་ས་ས་ཧ་སྶཱི ཝི་རོ་ཙ་ཏི.
༢༧. ཏ་སྶ བྱཱ་མ་པྤ་བྷཱ ཀཱ་ཡཱ, ནི་དྡྷཱ་ཝ་ཏི དི་སོ་དི་སཾ;
ནི་ར་ནྟ་རཾ དི་ཝཱ་ར་ཏྟིཾ, ཡོ་ཛ་ནཾ ཕ་ར་ཏེ ས་དཱ.
༢༨. ན ཀེ་ཙི ཏེ་ན ས་མ་ཡེ་ན, ས་མ་ནྟཱ ཡོ་ཛ་ནེ ཛ་ནཱ;
ཨུ་ཀྐཱ་པ་དཱི་པེ ཨུ་ཛྫཱ་ལེ་ནྟི, བུ་དྡྷ་རཾ་སཱི་ཧི ཨོ་ཏྠ་ཊཱ.
༢༩. ན་ཝུ་ཏི་ཝ་སྶ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༣༠. ཡ་ཐཱ ཨུ་ལཱུ༹་ཧི ག་ག་ནཾ, ཝི་ཙི་ཏྟཾ ཨུ་པ་སོ་བྷ་ཏི;
ཏ་ཐེ་ཝ སཱ་ས་ནཾ ཏ་སྶ, ཨ་ར་ཧ་ནྟེ་ཧི སོ་བྷ་ཏི.
༣༡. སཾ་སཱ་ར་སོ་ཏཾ ཏ་ར་ཎཱ་ཡ, སེ་ས་ཀེ པ་ཊི་པ་ནྣ་ཀེ;
དྷ་མྨ་སེ་ཏུཾ ད་ལ༹ྷཾ ཀ་ཏྭཱ, ནི་བྦུ་ཏོ སོ ན་རཱ་ས་བྷོ.
༣༢. སོ་པི བུ་དྡྷོ ཨ་ས་མ་ས་མོ, ཏེ་པི ཁཱི་ཎཱ་ས་ཝཱ ཨ་ཏུ་ལ་ཏེ་ཛཱ;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ.
༣༣. ནཱ་ར་དོ ཛི་ན་ཝ་ས་བྷོ, ནི་བྦུ་ཏོ སུ་ད་སྶ་ནེ པུ་རེ;
ཏ་ཏྠེ་ཝ་སྶ ཐཱུ་པ་ཝ་རོ, ཙ་ཏུ་ཡོ་ཛ་ན་མུ་གྒ་ཏོ་ཏི.
ནཱ་ར་ད་སྶ བྷ་ག་ཝ་ཏོ ཝཾ་སོ ན་ཝ་མོ.