༥. བྷི་ས་དཱ་ཡ་ཀ་ཏྠེ་ར་ཨ་པ་དཱ་ནཾ

༢༩. ‘‘ཝེ་སྶ་བྷཱུ ནཱ་མ ནཱ་མེ་ན, ཨི་སཱི་ནཾ ཏ་ཏི་ཡོ ཨ་ཧུ;

ཀཱ་ན་ནཾ ཝ་ན་མོ་ག་ཡ྄ཧ, ཝི་ཧཱ་སི པུ་རི་སུ་ཏྟ་མོ.

༣༠. ‘‘བྷི་ས་མུ་ལཱ༹་ལཾ ག་ཎྷི་ཏྭཱ, ཨ་ག་མཾ བུ་དྡྷ་ས་ནྟི་ཀཾ;

ཏ་ཉྩ བུ་དྡྷ་སྶ པཱ་དཱ་སིཾ, པ་ས་ནྣོ སེ་ཧི པཱ་ཎི་བྷི.

༣༡. ‘‘ཀ་རེ་ན ཙ པ་རཱ་མ་ཊྛོ, ཝེ་སྶ་བྷཱུ་ཝ་ར་བུ་དྡྷི་ནཱ;

སུ་ཁཱ་ཧཾ ནཱ་བྷི་ཛཱ་ནཱ་མི, ས་མཾ ཏེ་ན ཀུ་ཏོ་ཏྟ་རིཾ.

༣༢. ‘‘ཙ་རི་མོ ཝ་ཏྟ་ཏེ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;

ཧ་ཏྠི་ནཱ་གེ་ན ས་ནྟེ་ན, ཀུ་ས་ལཾ རོ་པི་ཏཾ མ་ཡཱ [ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ (སྱཱ.)].

༣༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, བྷི་ས་དཱ་ན་སྶི་དཾ ཕ་ལཾ.

༣༤. ‘‘ས་མོ་དྷཱ་ནཱ ཙ རཱ་ཛཱ་ནོ, སོ་ལ༹་ས མ་ནུ་ཛཱ་དྷི་པཱ;

ཀ་པྤ་མྷི ཙུ་དྡ་སེ [ཏེ་ར་སེ (སཱི. སྱཱ.)] ཨཱ་སུཾ, ཙ་ཀྐ་ཝ་ཏྟཱི མ་ཧ་བྦ་ལཱ.

༣༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ བྷི་ས་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

བྷི་ས་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.