༧. ས་ཀ་ཙི་ནྟ་ནི་ཡ་ཝ་གྒོ
༡. ས་ཀ་ཙི་ནྟ་ནི་ཡ་ཏྠེ་ར་ཨ་པ་དཱ་ནཾ
༡. ‘‘པ་ཝ་ནཾ ཀཱ་ན་ནཾ དི་སྭཱ, ཨ་པྤ་ས་དྡ་མ་ནྣཱ་ཝི་ལཾ;
ཨི་སཱི་ནཾ ཨ་ནུ་ཙི་ཎྞཾ་ཝ, ཨཱ་ཧུ་ཏཱི་ནཾ པ་ཊི་གྒ་ཧཾ.
༢. ‘‘ཐཱུ་པཾ ཀ་ཏྭཱ་ན པུ་ལི་ནཾ [ཝེ་ལུ༹་ནཱ (ཨ་ཊྛ.), ཝེ་ལི༹་ནཾ (སྱཱ.)], ནཱ་ནཱ་པུ་པྥཾ ས་མོ་ཀི་རིཾ;
ས་མྨུ་ཁཱ ཝི་ཡ ས་མྦུ་དྡྷཾ, ནི་མྨི་ཏཾ ཨ་བྷི་ཝ་ནྡ་ཧཾ.
༣. ‘‘ས་ཏྟ་ར་ཏ་ན་ས་མྤ་ནྣོ, རཱ་ཛཱ ར་ཊྛ་མྷི ཨི་སྶ་རོ;
ས་ཀ་ཀ་མྨཱ་བྷི་ར་དྡྷོ་ཧཾ, པུ་པྥ་པཱུ་ཛཱ་ཡི་དཾ [ཐཱུ་པ་པཱུ་ཛཱ་ཡི་དཾ (སཱི.)] ཕ་ལཾ.
༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ [ཐཱུ་པ་པཱུ་ཛཱ་ཡི་དཾ (སཱི.)] ཕ་ལཾ.
༥. ‘‘ཨ་སཱི་ཏི་ཀ་པྤེ་ན་ནྟ་ཡ་སོ, ཙ་ཀྐ་ཝ་ཏྟཱི ཨ་ཧོ་ས་ཧཾ;
ས་ཏྟ་ར་ཏ་ན་ས་མྤ་ནྣོ, ཙ་ཏུ་དཱི་པ་མྷི ཨི་སྶ་རོ.
༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཀ་ཙི་ནྟ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཀ་ཙི་ནྟ་ནི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཨ་ཝོ་པུ་པྥི་ཡ་ཏྠེ་ར་ཨ་པ་དཱ་ནཾ
༧. ‘‘ཝི་ཧཱ་རཱ ཨ་བྷི་ནི་ཀྑ་མྨ, ཨ་བྦྷུ་ཊྛ་ཧི་ཡ [ཨ་བྦྷུ་ཊྛཱ་སི ཙ (སྱཱ. ཀ.)] ཙ་ངྐ་མེ;
ཙ་ཏུ་ས་ཙྩཾ པ་ཀཱ་ས་ནྟོ, དེ་སེ་ཏི [དེ་སེ་ནྟོ (སྱཱ. ཀ.)] ཨ་མ་ཏཾ པ་དཾ.
༨. ‘‘སི་ཁི་སྶ གི་ར་མ་ཉྙཱ་ཡ, བུ་དྡྷ་སེ་ཊྛ་སྶ ཏཱ་དི་ནོ;
ནཱ་ནཱ་པུ་པྥཾ ག་ཧེ་ཏྭཱ་ན, ཨཱ་ཀཱ་ས་མྷི ས་མོ་ཀི་རིཾ.
༩. ‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.
༡༠. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ ཕ་ལཾ.
༡༡. ‘‘ཨི་ཏོ ཝཱི་ས་ཏི་ཀ་པྤ་མྷི, སུ་མེ་དྷོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཝོ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ཝོ་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. པ་ཙྩཱ་ག་མ་ནི་ཡ་ཏྠེ་ར་ཨ་པ་དཱ་ནཾ
༡༣. ‘‘སི་ནྡྷུ་ཡཱ ན་དི་ཡཱ ཏཱི་རེ, ཙ་ཀྐ་ཝཱ་ཀོ ཨ་ཧཾ ཏ་དཱ;
སུ་དྡྷ་སེ་ཝཱ་ལ་བྷ་ཀྑོ་ཧཾ, པཱ་པེ་སུ ཙ སུ་ས་ཉྙ་ཏོ.
༡༤. ‘‘ཨ་དྡ་སཾ ཝི་ར་ཛཾ བུ་དྡྷཾ, ག་ཙྪ་ནྟཾ ཨ་ནི་ལ་ཉྫ་སེ;
ཏུ་ཎྜེ་ན སཱ་ལཾ པ་གྒ་ཡ྄ཧ, ཝི་པ་སྶི་སྶཱ་བྷི་རོ་པ་ཡིཾ.
༡༥. ‘‘ཡ་སྶ ས་དྡྷཱ ཏ་ཐཱ་ག་ཏེ, ཨ་ཙ་ལཱ སུ་པ་ཏི་ཊྛི་ཏཱ;
ཏེ་ན ཙི་ཏྟ་པྤ་སཱ་དེ་ན, དུ་གྒ་ཏིཾ སོ ན ག་ཙྪ་ཏི.
༡༦. ‘‘སྭཱ་ག་ཏཾ ཝ་ཏ མེ ཨཱ་སི, བུ་དྡྷ་སེ་ཊྛ་སྶ ས་ནྟི་ཀེ;
ཝི་ཧ་ངྒ་མེ་ན ས་ནྟེ་ན, སུ་བཱི་ཛཾ རོ་པི་ཏཾ མ་ཡཱ.
༡༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ [པུ་པྥ་པཱུ་ཛཱ་ཡི་དཾ (སཱི.)] ཕ་ལཾ.
༡༨. ‘‘སུ་ཙཱ་རུ་ད་སྶ་ནཱ ནཱ་མ, ཨ་ཊྛེ་ཏེ ཨེ་ཀ་ནཱ་མ་ཀཱ;
ཀ་པྤེ ས་ཏྟ་ར་སེ ཨཱ་སུཾ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཙྩཱ་ག་མ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཙྩཱ་ག་མ་ནི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. པ་ར་པྤ་སཱ་ད་ཀ་ཏྠེ་ར་ཨ་པ་དཱ་ནཾ
༢༠. ‘‘ཨུ་ས་བྷཾ པ་ཝ་རཾ ཝཱི་རཾ, མ་ཧེ་སིཾ ཝི་ཛི་ཏཱ་ཝི་ནཾ;
སུ་ཝ་ཎྞ་ཝ་ཎྞཾ ས་མྦུ་དྡྷཾ, ཀོ དི་སྭཱ ན་པྤ་སཱི་ད་ཏི.
༢༡. ‘‘ཧི་མ་ཝཱ་ཝཱ་པ་རི་མེ་ཡྻོ, སཱ་ག་རོ་ཝ དུ་རུ་ཏྟ་རོ;
ཏ་ཐེ་ཝ ཛྷཱ་ནཾ བུ་དྡྷ་སྶ, ཀོ དི་སྭཱ ན་པྤ་སཱི་ད་ཏི.
༢༢. ‘‘ཝ་སུ་དྷཱ ཡ་ཐཱ་པྤ་མེ་ཡྻཱ, ཙི་ཏྟཱ ཝ་ན་ཝ་ཊཾ་ས་ཀཱ;
ཏ་ཐེ་ཝ སཱི་ལཾ བུ་དྡྷ་སྶ, ཀོ དི་སྭཱ ན་པྤ་སཱི་ད་ཏི.
༢༣. ‘‘ཨ་ནི་ལ་ཉྫ་སཱ་ས་ངྑུ་བྦྷོ [ཨ་ནི་ལ་ཛོ་ཝ ཨ་ས་ངྑོ་བྷོ (སཱི.)], ཡ་ཐཱ་ཀཱ་སོ ཨ་ས་ངྑི་ཡོ;
ཏ་ཐེ་ཝ ཉཱ་ཎཾ བུ་དྡྷ་སྶ, ཀོ དི་སྭཱ ན་པྤ་སཱི་ད་ཏི.
༢༤. ‘‘ཨི་མཱ་ཧི ཙ་ཏུ་གཱ་ཐཱ་ཧི, བྲཱ་ཧྨ་ཎོ སེ་ན་ས་ཝ྄ཧ་ཡོ;
བུ་དྡྷ་སེ་ཊྛཾ ཐ་ཝི་ཏྭཱ་ན, སི་དྡྷ་ཏྠཾ ཨ་པ་རཱ་ཛི་ཏཾ.
༢༥. ‘‘ཙ་ཏུ་ནྣ་ཝུ་ཏི་ཀ་པྤཱ་ནི, དུ་གྒ་ཏིཾ ནུ་པ་པ་ཛྫ་ཐ;
སུ་ག་ཏིཾ སུ་ཁ་ས་མྤ་ཏྟིཾ [སུ་ག་ཏཱི་སུ སུ་སུ་མྤ་ཏྟིཾ (སཱི. སྱཱ.)], ཨ་ནུ་བྷོ་སི་མ་ན་པྤ་ཀཾ.
༢༦. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཐ་ཝི་ཏྭཱ ལོ་ཀ་ནཱ་ཡ་ཀཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཐོ་མ་ནཱ་ཡ [ཐོ་མ་ན་སྶ (སྱཱ.)] ཨི་དཾ ཕ་ལཾ.
༢༧. ‘‘ཙཱ་ཏུ་དྡ་ས་མྷི ཀ་པྤ་མྷི, ཙ་ཏུ་རོ ཨཱ་སུ་མུ་གྒ་ཏཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ར་པྤ་སཱ་ད་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ར་པྤ་སཱ་ད་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. བྷི་ས་དཱ་ཡ་ཀ་ཏྠེ་ར་ཨ་པ་དཱ་ནཾ
༢༩. ‘‘ཝེ་སྶ་བྷཱུ ནཱ་མ ནཱ་མེ་ན, ཨི་སཱི་ནཾ ཏ་ཏི་ཡོ ཨ་ཧུ;
ཀཱ་ན་ནཾ ཝ་ན་མོ་ག་ཡ྄ཧ, ཝི་ཧཱ་སི པུ་རི་སུ་ཏྟ་མོ.
༣༠. ‘‘བྷི་ས་མུ་ལཱ༹་ལཾ ག་ཎྷི་ཏྭཱ, ཨ་ག་མཾ བུ་དྡྷ་ས་ནྟི་ཀཾ;
ཏ་ཉྩ བུ་དྡྷ་སྶ པཱ་དཱ་སིཾ, པ་ས་ནྣོ སེ་ཧི པཱ་ཎི་བྷི.
༣༡. ‘‘ཀ་རེ་ན ཙ པ་རཱ་མ་ཊྛོ, ཝེ་སྶ་བྷཱུ་ཝ་ར་བུ་དྡྷི་ནཱ;
སུ་ཁཱ་ཧཾ ནཱ་བྷི་ཛཱ་ནཱ་མི, ས་མཾ ཏེ་ན ཀུ་ཏོ་ཏྟ་རིཾ.
༣༢. ‘‘ཙ་རི་མོ ཝ་ཏྟ་ཏེ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ཧ་ཏྠི་ནཱ་གེ་ན ས་ནྟེ་ན, ཀུ་ས་ལཾ རོ་པི་ཏཾ མ་ཡཱ [ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ (སྱཱ.)].
༣༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷི་ས་དཱ་ན་སྶི་དཾ ཕ་ལཾ.
༣༤. ‘‘ས་མོ་དྷཱ་ནཱ ཙ རཱ་ཛཱ་ནོ, སོ་ལ༹་ས མ་ནུ་ཛཱ་དྷི་པཱ;
ཀ་པྤ་མྷི ཙུ་དྡ་སེ [ཏེ་ར་སེ (སཱི. སྱཱ.)] ཨཱ་སུཾ, ཙ་ཀྐ་ཝ་ཏྟཱི མ་ཧ་བྦ་ལཱ.
༣༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བྷི་ས་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བྷི་ས་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. སུ་ཙི་ནྟི་ཏ་ཏྠེ་ར་ཨ་པ་དཱ་ནཾ
༣༦. ‘‘གི་རི་དུ་གྒ་ཙ་རོ ཨཱ་སིཾ, ཨ་བྷི་ཛཱ་ཏོ་ཝ ཀེ་ས་རཱི;
མི་ག་ས་ངྒྷཾ ཝ་དྷི་ཏྭཱ་ན, ཛཱི་ཝཱ་མི པ་བྦ་ཏ་ནྟ་རེ.
༣༧. ‘‘ཨ་ཏྠ་ད་སྶཱི ཏུ བྷ་ག་ཝཱ, ས་བྦ་ཉྙཱུ ཝ་ད་ཏཾ ཝ་རོ;
མ་མུ་དྡྷ་རི་ཏུ་ཀཱ་མོ སོ, ཨཱ་ག་ཙྪི པ་བྦ་ཏུ་ཏྟ་མཾ.
༣༨. ‘‘པ་ས་ད་ཉྩ མི་གཾ ཧ་ནྟྭཱ, བྷ་ཀྑི་ཏུཾ ས་མུ་པཱ་ག་མིཾ;
བྷ་ག་ཝཱ ཏ་མྷི ས་མ་ཡེ, བྷི་ཀྑ་མཱ་ནོ [སི་ཀྑཱ་ཙཱ་རོ (སྱཱ.)] ཨུ་པཱ་ག་མི.
༣༩. ‘‘ཝ་ར་མཾ་སཱ་ནི པ་གྒ་ཡ྄ཧ, ཨ་དཱ་སིཾ ཏ་སྶ ས་ཏྠུ་ནོ;
ཨ་ནུ་མོ་དི མ་ཧཱ་ཝཱི་རོ, ནི་བྦཱ་པེ་ནྟོ མ་མཾ ཏ་དཱ.
༤༠. ‘‘ཏེ་ན ཙི་ཏྟ་པྤ་སཱ་དེ་ན, གི་རི་དུ་གྒཾ པ་ཝི་སིཾ ཨ་ཧཾ;
པཱི་ཏིཾ ཨུ་པྤཱ་ད་ཡི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༤༡. ‘‘ཨེ་ཏེ་ན མཾ་ས་དཱ་ནེ་ན, ཙི་ཏྟ་སྶ པ་ཎི་དྷཱི་ཧི ཙ;
པ་ནྣ་ར་སེ ཀ་པྤ་ས་ཏེ, དེ་ཝ་ལོ་ཀེ ར་མིཾ ཨ་ཧཾ.
༤༢. ‘‘ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཙི་ནྟི་ཏཾ [ནི་ཙི་ཏཾ (སཱི.), ཀ་རི་ཏཾ (སྱཱ.)] མ་ཡཱ;
ཏེ་ནེ་ཝ མཾ་ས་དཱ་ནེ་ན, བུ་དྡྷཱ་ནུ་སྶ་ར་ཎེ་ན ཙ.
༤༣. ‘‘ཨ་ཊྛ་ཏྟིཾ་ས་མྷི ཀ་པྤ་མྷི, ཨ་ཊྛ དཱི་གྷཱ་ཡུ་ནཱ་མ་ཀཱ;
ས་ཊྛི་མྷི་ཏོ ཀ་པྤ་ས་ཏེ, དུ་ཝེ ཝ་རུ་ཎ་ནཱ་མ་ཀཱ [ས་ར་ཎ་ནཱ་མ་ཀཱ (སྱཱ.)].
༤༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ཙི་ནྟི་ཏོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ཙི་ནྟི་ཏ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཝ་ཏྠ་དཱ་ཡ་ཀ་ཏྠེ་ར་ཨ་པ་དཱ་ནཾ
༤༥. ‘‘པ་ཀྑི་ཛཱ་ཏོ ཏ་དཱ ཨཱ་སིཾ, སུ་པ་ཎྞོ ག་རུ་ལཱ༹་དྷི་པོ;
ཨ་དྡ་སཾ ཝི་ར་ཛཾ བུ་དྡྷཾ, ག་ཙྪ་ནྟཾ ག་ནྡྷ་མཱ་ད་ནཾ.
༤༦. ‘‘ཛ་ཧི་ཏྭཱ ག་རུ་ལ༹་ཝ་ཎྞཾ, མཱ་ཎ་ཝ་ཀཾ ཨ་དྷཱ་ར་ཡིཾ;
ཨེ་ཀཾ ཝ་ཏྠཾ མ་ཡཱ དི་ནྣཾ, དྭི་པ་དི་ནྡ་སྶ ཏཱ་དི་ནོ.
༤༧. ‘‘ཏ་ཉྩ དུ་སྶཾ པ་ཊི་གྒ་ཡ྄ཧ, བུ་དྡྷོ ལོ་ཀ་གྒ་ནཱ་ཡ་ཀོ;
ཨ་ནྟ་ལི་ཀྑེ ཋི་ཏོ ས་ཏྠཱ, ཨི་མཱ གཱ་ཐཱ ཨ་བྷཱ་ས་ཐ.
༤༨. ‘‘‘ཨི་མི་ནཱ ཝ་ཏྠ་དཱ་ནེ་ན, ཙི་ཏྟ་སྶ པ་ཎི་དྷཱི་ཧི ཙ;
པ་ཧཱ་ཡ ག་རུ་ལ༹ཾ ཡོ་ནིཾ, དེ་ཝ་ལོ་ཀེ ར་མི་སྶ་ཏི’.
༤༩. ‘‘ཨ་ཏྠ་ད་སྶཱི ཏུ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
ཝ་ཏྠ་དཱ་ནཾ པ་སཾ་སི་ཏྭཱ, པ་ཀྐཱ་མི ཨུ་ཏྟ་རཱ་མུ་ཁོ.
༥༠. ‘‘བྷ་ཝེ ནི་བྦ་ཏྟ་མཱ་ན་མྷི, ཧོ་ནྟི མེ ཝ་ཏྠ་ས་མྤ་དཱ;
ཨཱ་ཀཱ་སེ ཚ་ད་ནཾ ཧོ་ཏི, ཝ་ཏྠ་དཱ་ན་སྶི་དཾ ཕ་ལཾ.
༥༡. ‘‘ཨ་རུ་ཎ་ཝཱ [ཨ་རུ་ཎ་ཀཱ (སཱི.), ཨ་རུ་ཎ་སཱ (སྱཱ.)] ས་ཏྟ ཛ་ནཱ, ཙ་ཀྐ་ཝ་ཏྟཱི མ་ཧ་བྦ་ལཱ;
ཚ་ཏྟིཾ་ས་ཏི་མྷི ཨཱ་སིཾ་སུ, ཀ་པྤ་མྷི མ་ནུ་ཛཱ་དྷི་པཱ.
༥༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝ་ཏྠ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝ་ཏྠ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཨ་མྦ་དཱ་ཡ་ཀ་ཏྠེ་ར་ཨ་པ་དཱ་ནཾ
༥༣. ‘‘ཨ་ནོ་མ་ད་སྶཱི བྷ་ག་ཝཱ, ནི་སི་ནྣོ པ་བྦ་ཏ་ནྟ་རེ;
མེ་ཏྟཱ་ཡ ཨ་ཕ་རི ལོ་ཀེ, ཨ་པྤ་མཱ་ཎེ ནི་རཱུ་པ་དྷི.
༥༤. ‘‘ཀ་པི ཨ་ཧཾ ཏ་དཱ ཨཱ་སིཾ, ཧི་མ་ཝ་ནྟེ ན་གུ་ཏྟ་མེ;
དི་སྭཱ ཨ་ནོ་མ་ད་སྶིཾ ཏཾ [ཨ་ནོ་མཾ ཨ་མི་ཏཾ (སཱི.), ཨ་ནོ་མ་མ་དྷི་ཏཾ (སྱཱ.)], བུ་དྡྷེ ཙི་ཏྟཾ པ་སཱ་ད་ཡིཾ.
༥༥. ‘‘ཨ་ཝི་དཱུ་རེ ཧི་མ་ཝ་ནྟ་སྶ, ཨ་མྦཱ་སུཾ ཕ་ལི་ནོ ཏ་དཱ;
ཏ་ཏོ པ་ཀྐཾ ག་ཧེ་ཏྭཱ་ན, ཨ་མྦཾ ས་མ་དྷུ་ཀཾ ཨ་དཾ.
༥༦. ‘‘ཏཾ མེ བུ་དྡྷོ ཝི་ཡཱ་ཀཱ་སི, ཨ་ནོ་མ་ད་སྶཱི མ་ཧཱ་མུ་ནི;
ཨི་མི་ནཱ མ་དྷུ་དཱ་ནེ་ན, ཨ་མྦ་དཱ་ནེ་ན ཙཱུ་བྷ་ཡཾ.
༥༧. ‘‘ས་ཏྟ་པ་ཉྙཱ་ས་ཀ་པྤ་མྷི, དེ་ཝ་ལོ་ཀེ ར་མི་སྶ་ཏི;
ཨ་ཝ་སེ་སེ་སུ ཀ་པྤེ་སུ, ཝོ་ཀི་ཎྞཾ སཾ་ས་རི་སྶ་ཏི.
༥༨. ‘‘ཁེ་པེ་ཏྭཱ པཱ་པ་ཀཾ ཀ་མྨཾ, པ་རི་པ་ཀྐཱ་ཡ བུ་དྡྷི་ཡཱ;
ཝི་ནི་པཱ་ཏ་མ་ག་ནྟྭཱ་ན, ཀི་ལེ་སེ ཛྷཱ་པ་ཡི་སྶ་ཏི.
༥༩. ‘‘ད་མེ་ན ཨུ་ཏྟ་མེ་ནཱ་ཧཾ, ད་མི་ཏོ་མྷི མ་ཧེ་སི་ནཱ;
པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.
༦༠. ‘‘ས་ཏྟ་ས་ཏྟ་ཏི་ཀ་པྤ་ས་ཏེ, ཨ་མྦ་ཊྛ་ཛ་ས་ནཱ་མ་ཀཱ;
ཙ་ཏུ་དྡ་ས ཏེ རཱ་ཛཱ་ནོ, ཙ་ཀྐ་ཝ་ཏྟཱི མ་ཧ་བྦ་ལཱ.
༦༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་མྦ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་མྦ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. སུ་མ་ན་ཏྠེ་ར་ཨ་པ་དཱ་ནཾ
༦༢. ‘‘སུ་མ་ནོ ནཱ་མ ནཱ་མེ་ན, མཱ་ལཱ་ཀཱ་རོ ཨ་ཧཾ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ལོ་ཀཱ་ཧུ་ཏི་པ་ཊི་གྒ་ཧཾ.
༦༣. ‘‘ཨུ་བྷོ ཧ་ཏྠེ་ཧི པ་གྒ་ཡ྄ཧ, སུ་མ་ནཾ པུ་པྥ་མུ་ཏྟ་མཾ;
བུ་དྡྷ་སྶ ཨ་བྷི་རོ་པེ་སིཾ, སི་ཁི་ནོ ལོ་ཀ་བ་ནྡྷུ་ནོ.
༦༤. ‘‘ཨི་མཱ་ཡ པུ་པྥ་པཱུ་ཛཱ་ཡ, ཙེ་ཏ་ནཱ་པ་ཎི་དྷཱི་ཧི ཙ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༦༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ [པུ་པྥ་པཱུ་ཛཱ་ཡི་དཾ (སཱི.)] ཕ་ལཾ.
༦༦. ‘‘ཚ་བྦཱི་ས་ཏི་མྷི ཀ་པྤ་མྷི, ཙ་ཏྟཱ་རོ་སུཾ མ་ཧཱ་ཡ་སཱ;