༨. ནཱ་ག་ས་མཱ་ལ་ཝ་གྒོ
༡. ནཱ་ག་ས་མཱ་ལ་ཏྠེ་ར་ཨ་པ་དཱ་ནཾ
༡. ‘‘ཨ་པཱ་ཊ་ལིཾ ཨ་ཧཾ པུ་པྥཾ, ཨུ་ཛ྄ཛྷི་ཏཾ སུ་མ་ཧཱ་པ་ཐེ;
ཐཱུ་པ་མྷི ཨ་བྷི་རོ་པེ་སིཾ, སི་ཁི་ནོ ལོ་ཀ་བ་ནྡྷུ་ནོ.
༢. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཐཱུ་པ་པཱུ་ཛཱ་ཡི་དཾ ཕ་ལཾ.
༣. ‘‘ཨི་ཏོ པ་ནྣ་ར་སེ ཀ་པྤེ, བྷཱུ་མི་ཡོ [པུ་པྥི་ཡོ (སྱཱ.)] ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནཱ་ག་ས་མཱ་ལོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནཱ་ག་ས་མཱ་ལ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. པ་ད་ས་ཉྙ་ཀ་ཏྠེ་ར་ཨ་པ་དཱ་ནཾ
༥. ‘‘ཨ་ཀྐ་ནྟ་ཉྩ པ་དཾ དི་སྭཱ, ཏི་སྶ་སྶཱ་དི་ཙྩ་བ་ནྡྷུ་ནོ;
ཧ་ཊྛོ ཧ་ཊྛེ་ན ཙི་ཏྟེ་ན, པ་དེ ཙི་ཏྟཾ པ་སཱ་ད་ཡིཾ.
༦. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ད་ས་ཉྙཱ་ཡི་དཾ ཕ་ལཾ.
༧. ‘‘ཨི་ཏོ ས་ཏྟ་མ་ཀེ ཀ་པྤེ, སུ་མེ་དྷོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏཱི མ་ཧ་བྦ་ལོ.
༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ད་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ད་ས་ཉྙ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. བུ་དྡྷ་ས་ཉྙ་ཀ་ཏྠེ་ར་ཨ་པ་དཱ་ནཾ
༩. ‘‘དུ་མ་གྒེ པཾ་སུ་ཀཱུ་ལི་ཀཾ, ལ་གྒཾ དི་སྭཱ་ན ས་ཏྠུ་ནོ;
ཏ་ཏོ ཏ་མ་ཉྫ་ལིཾ ཀ་ཏྭཱ, པཾ་སུ་ཀཱུ་ལཾ ཨ་ཝ་ནྡ་ཧཾ.
༡༠. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༡༡. ‘‘ཨི་ཏོ ཙ་ཏུ་ཏྠ་ཀེ ཀ་པྤེ, དུ་མ་སཱ་རོ་སི ཁ་ཏྟི་ཡོ;
ཙཱ་ཏུ་ར་ནྟོ ཝི་ཛི་ཏཱ་ཝཱི, ཙ་ཀྐ་ཝ་ཏྟཱི མ་ཧ་བྦ་ལོ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བུ་དྡྷ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བུ་དྡྷ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. བྷི་སཱ་ལུ་ཝ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༣. ‘‘ཀཱ་ན་ནཾ ཝ་ན་མོ་ག་ཡ྄ཧ, ཝ་སཱ་མི ཝི་པི་ནེ ཨ་ཧཾ;
ཝི་པ་སྶིཾ ཨ་དྡ་སཾ བུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ.
༡༤. ‘‘བྷི་སཱ་ལུ་ཝ་ཉྩ པཱ་དཱ་སིཾ, ཨུ་ད་ཀཾ ཧ་ཏྠ་དྷོ་ཝ་ནཾ;
ཝ་ནྡི་ཏྭཱ སི་ར་སཱ པཱ་དེ, པ་ཀྐཱ་མི ཨུ་ཏྟ་རཱ་མུ་ཁོ.
༡༥. ‘‘ཨེ་ཀ་ན་ཝུ་ཏི་ཏོ ཀ་པྤེ, བྷི་སཱ་ལུ་ཝ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་ཉྙ་ཀ་མྨ་སྶི་དཾ ཕ་ལཾ.
༡༦. ‘‘ཨི་ཏོ ཏ་ཏི་ཡ་ཀེ ཀ་པྤེ, བྷི་ས་ས་མྨ་ཏ་ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བྷི་སཱ་ལུ་ཝ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བྷི་སཱ་ལུ་ཝ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
ཚ་ཊྛ་བྷཱ་ཎ་ཝཱ་རཾ.
༥. ཨེ་ཀ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༨. ‘‘ཁ་ཎྜོ ནཱ་མཱ་སི ནཱ་མེ་ན, ཝི་པ་སྶི་སྶ་གྒ་སཱ་ཝ་ཀོ;
ཨེ་ཀཱ བྷི་ཀྑཱ མ་ཡཱ དི་ནྣཱ, ལོ་ཀཱ་ཧུ་ཏི་པ་ཊི་གྒ་ཧེ.
༡༩. ‘‘ཏེ་ན ཙི་ཏྟ་པྤ་སཱ་དེ་ན, དྭི་པ་དི་ནྡ ན་རཱ་ས་བྷ;
དུ་གྒ་ཏིཾ ནཱ་བྷི་ཛཱ་ནཱ་མི, ཨེ་ཀ་བྷི་ཀྑཱ་ཡི་དཾ ཕ་ལཾ.
༢༠. ‘‘ཙ་ཏྟཱ་ལཱི་ས་མྷི་ཏོ ཀ་པྤེ, ཝ་རུ་ཎོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཏི་ཎ་ས་ནྠ་ར་དཱ་ཡ་ཀ་ཏྠེ་ར་ཨ་པ་དཱ་ནཾ
༢༢. ‘‘ཧི་མ་ཝ་ནྟ་སྶཱ་ཝི་དཱུ་རེ, མ་ཧཱ་ཛཱ་ཏ་སྶ་རོ ཨ་ཧུ;
ས་ཏ་པ་ཏྟེ་ཧི ས་ཉྪ་ནྣོ, ནཱ་ནཱ་ས་ཀུ་ཎ་མཱ་ལ་ཡོ.
༢༣. ‘‘ཏ་མྷི ནྷ་ཏྭཱ ཙ པི་ཏྭཱ [པཱི་ཏྭཱ (སཱི. སྱཱ.)] ཙ, ཨ་ཝི་དཱུ་རེ ཝ་སཱ་མ་ཧཾ;
ཨ་དྡ་སཾ ས་མ་ཎཱ་ན་གྒཾ, ག་ཙྪ་ནྟཾ ཨ་ནི་ལ་ཉྫ་སེ.
༢༤. ‘‘མ་མ ས་ངྐ་པྤ་མ་ཉྙཱ་ཡ, ས་ཏྠཱ ལོ་ཀེ ཨ་ནུ་ཏྟ་རོ;
ཨ་བྦྷ་ཏོ ཨོ་རུ་ཧི་ཏྭཱ་ན, བྷཱུ་མི་ཡཾ་ཋཱ་སི ཏཱ་ཝ་དེ.
༢༥. ‘‘ཝི་སཱ་ཎེ་ན [ལཱ་ཡ་ནེ་ན (སྱཱ.)] ཏི་ཎཾ ག་ཡ྄ཧ, ནི་སཱི་ད་ན་མ་དཱ་ས་ཧཾ;
ནི་སཱི་དི བྷ་ག་ཝཱ ཏ་ཏྠ, ཏི་སྶོ ལོ་ཀ་གྒ་ནཱ་ཡ་ཀོ.
༢༦. ‘‘ས་ཀཾ ཙི་ཏྟཾ པ་སཱ་དེ་ཏྭཱ, ཨ་ཝ་ནྡི ལོ་ཀ་ནཱ་ཡ་ཀཾ;
པ་ཊི་ཀུ་ཊི་ཀོ [ཨུ་ཀྐུ་ཊི་ཀོ (སྱཱ. ཀ.)] ཨ་པ་ས་ཀྐིཾ, ནི་ཛ྄ཛྷཱ་ཡ་ནྟོ མ་ཧཱ་མུ་ནིཾ.
༢༧. ‘‘ཏེ་ན ཙི་ཏྟ་པྤ་སཱ་དེ་ན, ནི་མྨཱ་ནཾ ཨུ་པ་པ་ཛྫ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.
༢༨. ‘‘ཨི་ཏོ དུ་ཏི་ཡ་ཀེ ཀ་པྤེ, མི་ག [མི་ཏྟ (སྱཱ.)] ས་མྨ་ཏ་ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཎ་ས་ནྠ་ར་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཎ་ས་ནྠ་ར་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. སཱུ་ཙི་དཱ་ཡ་ཀ་ཏྠེ་ར་ཨ་པ་དཱ་ནཾ
༣༠. ‘‘ཏིཾ་ས་ཀ་པྤ་ས་ཧ་སྶ་མྷི, ས་མྦུ་དྡྷོ ལོ་ཀ་ནཱ་ཡ་ཀོ;
སུ་མེ་དྷོ ནཱ་མ ནཱ་མེ་ན, བཱ་ཏྟིཾ་ས་ཝ་ར་ལ་ཀྑ་ཎོ.
༣༡. ‘‘ཏ་སྶ ཀ་ཉྩ་ན་ཝ་ཎྞ་སྶ, དྭི་པ་དི་ནྡ་སྶ ཏཱ་དི་ནོ;
པ་ཉྩ སཱུ་ཙཱི མ་ཡཱ དི་ནྣཱ, སི་བྦ་ན་ཏྠཱ་ཡ ཙཱི་ཝ་རཾ.
༣༢. ‘‘ཏེ་ནེ་ཝ སཱུ་ཙི་དཱ་ནེ་ན, ནི་པུ་ཎ་ཏྠ་ཝི་པ་སྶ་ཀཾ;
ཏི་ཀྑཾ ལ་ཧུ་ཉྩ ཕཱ་སུ་ཉྩ, ཉཱ་ཎཾ མེ ཨུ་ད་པ་ཛྫ་ཐ.
༣༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༣༤. ‘‘དྭི་པ་དཱ་དྷི་པ་ཏཱི ནཱ་མ, རཱ་ཛཱ་ནོ ཙ་ཏུ་རོ ཨ་ཧུཾ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༣༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སཱུ་ཙི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སཱུ་ཙི་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. པཱ་ཊ་ལི་པུ་པྥི་ཡ་ཏྠེ་ར་ཨ་པ་དཱ་ནཾ
༣༦. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ག་ཙྪ་ནྟཾ ཨ་ནྟ་རཱ་པ་ཎེ;
ཀ་ཉྩ་ན་གྒྷི་ཡ་ས་ངྐཱ་སཾ, བཱ་ཏྟིཾ་ས་ཝ་ར་ལ་ཀྑ་ཎཾ.
༣༧. ‘‘སེ་ཊྛི་པུ་ཏྟོ ཏ་དཱ ཨཱ་སིཾ, སུ་ཁུ་མཱ་ལོ སུ་ཁེ་དྷི་ཏོ;
ཨུ་ཙྪ་ངྒེ པཱ་ཊ་ལི་པུ་པྥཾ, ཀ་ཏྭཱ་ན [ཀ་ཏྭཱ ཏཾ (སཱི. སྱཱ.)] ཨ་བྷི་སཾ་ཧ་རིཾ.
༣༨. ‘‘ཧ་ཊྛོ ཧ་ཊྛེ་ན ཙི་ཏྟེ་ན, པུ་པྥེ་ཧི ཨ་བྷི་པཱུ་ཛ་ཡིཾ;
ཏི་སྶཾ ལོ་ཀ་ཝི་དུཾ ནཱ་ཐཾ, ན་ར་དེ་ཝཾ ན་མ་སྶ་ཧཾ.
༣༩. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ ཕ་ལཾ.
༤༠. ‘‘ཨི་ཏོ ཏེ་ས་ཊྛི་ཀ་པྤ་མྷི, ཨ་བྷི་ས་མྨ་ཏ་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ཊ་ལི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་ཊ་ལི་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཋི་ཏ་ཉྫ་ལི་ཡ་ཏྠེ་ར་ཨ་པ་དཱ་ནཾ
༤༢. ‘‘མི་ག་ལུ་དྡོ པུ་རེ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ;
ཏ་ཏྠ ཨ་དྡ་སཾ [ཏ་ཏྠ་དྡ་སཱ་སིཾ (སཱི. སྱཱ.)] ས་མྦུ་དྡྷཾ, བཱ་ཏྟིཾ་ས་ཝ་ར་ལ་ཀྑ་ཎཾ.
༤༣. ‘‘ཏ་ཏྠཱ་ཧཾ ཨ་ཉྫ་ལིཾ ཀ་ཏྭཱ, པ་ཀྐཱ་མིཾ པཱ་ཙི་ནཱ་མུ་ཁོ;
ཨ་ཝི་དཱུ་རེ ནི་སི་ནྣ་སྶ, ནི་ཡ་ཀེ པ་ཎྞ་ས་ནྠ་རེ.
༤༤. ‘‘ཏ་ཏོ མེ ཨ་ས་ནཱི་པཱ་ཏོ, མ་ཏྠ་ཀེ ནི་པ་ཏཱི ཏ་དཱ;
སོ་ཧཾ མ་ར་ཎ་ཀཱ་ལ་མྷི, ཨ་ཀཱ་སིཾ པུ་ན་ར་ཉྫ་ལིཾ.
༤༥. ‘‘དྭེ་ན་ཝུ་ཏེ ཨི་ཏོ ཀ་པྤེ, ཨ་ཉྫ་ལིཾ ཨ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨ་ཉྫ་ལི་སྶ ཨི་དཾ ཕ་ལཾ.
༤༦. ‘‘ཙ་ཏུ་པ་ཎྞཱ་ས་ཀ་པྤ་མྷི, མི་ག་ཀེ་ཏུ་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཋི་ཏ་ཉྫ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཋི་ཏ་ཉྫ་ལི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཏི་པ་དུ་མི་ཡ་ཏྠེ་ར་ཨ་པ་དཱ་ནཾ
༤༨. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ད་ནྟོ ད་ནྟ་པ་རི་ཝུ་ཏོ, ན་ག་རཱ ནི་ཀྑ་མཱི ཏ་དཱ.
༤༩. ‘‘ན་ག་རེ ཧཾ་ས་ཝ་ཏི་ཡཾ, ཨ་ཧོ་སིཾ མཱ་ལི་ཀོ ཏ་དཱ;
ཡཾ ཏ་ཏྠ ཨུ་ཏྟ་མཾ ཏོ་ཎི, པ་དྨ་པུ་པྥཱ་ནི [ཨུ་ཏྟ་མཾ པུ་པྥཾ, ཏཱི་ཎི པུ་པྥཱ་ནི (སཱི.)] ཨ་གྒ་ཧིཾ.
༥༠. ‘‘ཨ་དྡ་སཾ ཝི་ར་ཛཾ བུ་དྡྷཾ, པ་ཊི་མ་གྒ་ནྟ་རཱ་པ་ཎེ;
ས་ཧ [སོ་ཧཾ (སཱི.)] དི་སྭཱ་ན ས་མྦུ་དྡྷཾ, ཨེ་ཝཾ ཙི་ནྟེ་ས་ཧཾ ཏ་དཱ.
༥༡. ‘‘ཀིཾ མེ ཨི་མེ་ཧི པུ་པྥེ་ཧི, ར་ཉྙོ ཨུ་པ་ནི་ཏེ་ཧི མེ;
གཱ་མཾ ཝཱ གཱ་མ་ཁེ་ཏྟཾ ཝཱ, ས་ཧ་སྶཾ ཝཱ ལ་བྷེ་ཡྻ་ཧཾ.
༥༢. ‘‘ཨ་ད་ནྟ་ད་མ་ནཾ ཝཱི་རཾ, ས་བྦ་ས་ཏྟ་སུ་ཁཱ་ཝ་ཧཾ;
ལོ་ཀ་ནཱ་ཐཾ པཱུ་ཛ་ཡི་ཏྭཱ, ལ་ཙྪཱ་མི ཨ་མ་ཏཾ དྷ་ནཾ.
༥༣. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, ས་ཀཾ ཙི་ཏྟཾ པ་སཱ་ད་ཡིཾ;
ཏཱི་ཎི ལོ་ཧི་ཏ་ཀེ ག་ཡ྄ཧ, ཨཱ་ཀཱ་སེ ཨུ་ཀྑི་པིཾ ཏ་དཱ.
༥༤. ‘‘མ་ཡཱ ཨུ་ཀྑི་ཏྟ་མ་ཏྟ་མྷི, ཨཱ་ཀཱ་སེ པ་ཏྠ་རིཾ་སུ ཏེ;
དྷཱ་རིཾ་སུ མ་ཏྠ་ཀེ ཏ་ཏྠ, ཨུ་དྡྷཾ་ཝ་ཎྚཱ ཨ་དྷོ་མུ་ཁཱ.
༥༥. ‘‘ཡེ ཀེ་ཙི མ་ནུ་ཛཱ དི་སྭཱ, ཨུ་ཀྐུ་ཊྛིཾ ས་མྤ་ཝ་ཏྟ་ཡུཾ;
དེ་ཝ་ཏཱ ཨ་ནྟ་ལི་ཀྑ་མྷི, སཱ་དྷུ་ཀཱ་རཾ པ་ཝ་ཏྟ་ཡུཾ.
༥༦. ‘‘ཨ་ཙྪེ་རཾ ལོ་ཀེ ཨུ་པྤ་ནྣཾ, བུ་དྡྷ་སེ་ཊྛ་སྶ ཝཱ་ཧ་སཱ;
ས་བྦེ དྷ་མྨཾ སུ་ཎི་སྶཱ་མ, པུ་པྥཱ་ནཾ ཝཱ་ཧ་སཱ མ་ཡཾ.
༥༧. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཝཱི་ཐི་ཡ་ཉྷི ཋི་ཏོ ས་ནྟོ, ཨི་མཱ གཱ་ཐཱ ཨ་བྷཱ་ས་ཐ.
༥༨. ‘‘‘ཡོ སོ བུ་དྡྷཾ ཨ་པཱུ་ཛེ་སི, ར་ཏྟ་པ་དྨེ་ཧི [ར་ཏྟ་པ་དུ་མེ་ཧི (སཱི. སྱཱ.)] མཱ་ཎ་ཝོ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༥༩. ‘‘‘ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི;
ཏིཾ་ས་ཀ་པྤཱ་ནི [ཏིཾ་ས་ཀྑ་ཏྟུ་ཉྩ (སྱཱ.)] དེ་ཝི་ནྡོ, དེ་ཝ་ར་ཛྫཾ ཀ་རི་སྶ་ཏི.
༦༠. ‘‘‘མ་ཧཱ་ཝི་ཏྠཱ་རི་ཀཾ ནཱ་མ, བྱ་མྷཾ ཧེ་སྶ་ཏི ཏཱ་ཝ་དེ;
ཏི་ཡོ་ཛ་ན་ས་ཏུ་བྦི་དྡྷཾ, དི་ཡ་ཌྜྷ་ས་ཏ་ཝི་ཏྠ་ཏཾ.
༦༡. ‘‘‘ཙ་ཏྟཱ་རི་ས་ཏ་ས་ཧ་སྶཱ་ནི, ནི་ཡྻཱུ་ཧཱ ཙ སུ་མཱ་པི་ཏཱ;
ཀཱུ་ཊཱ་གཱ་ར་ཝ་རཱུ་པེ་ཏཱ, མ་ཧཱ་ས་ཡ་ན་མ་ཎྜི་ཏཱ.
༦༢. ‘‘‘ཀོ་ཊི་ས་ཏ་ས་ཧ་སྶི་ཡོ, པ་རི་ཝཱ་རེ་སྶ་ནྟི ཨ་ཙྪ་རཱ;
ཀུ་ས་ལཱ ན་ཙྩ་གཱི་ཏ་སྶ, ཝཱ་དི་ཏེ་པི པ་ད་ཀྑི་ཎཱ.
༦༣. ‘‘‘ཨེ་ཏཱ་དི་སེ བྱ་མྷ་ཝ་རེ, ནཱ་རཱི་ག་ཎ་ས་མཱ་ཀུ་ལེ;
ཝ་སྶི་སྶ་ཏི པུ་པྥ་ཝ་སྶོ, དི་བྦོ [པ་ད (ཀ.)] ལོ་ཧི་ཏ་ཀོ ས་དཱ.
༦༤. ‘‘‘བྷི་ཏྟི་ཁཱི་ལེ ནཱ་ག་ད་ནྟེ, དྭཱ་ར་བཱ་ཧཱ་ཡ ཏོ་ར་ཎེ;
ཙ་ཀྐ་མ་ཏྟཱ ལོ་ཧི་ཏ་ཀཱ, ཨོ་ལ་མྦི་སྶ་ནྟི ཏཱ་ཝ་དེ.