༦. སུ་ཙི་ནྟི་ཏ་ཏྠེ་ར་ཨ་པ་དཱ་ནཾ
༣༦. ‘‘གི་རི་དུ་གྒ་ཙ་རོ ཨཱ་སིཾ, ཨ་བྷི་ཛཱ་ཏོ་ཝ ཀེ་ས་རཱི;
མི་ག་ས་ངྒྷཾ ཝ་དྷི་ཏྭཱ་ན, ཛཱི་ཝཱ་མི པ་བྦ་ཏ་ནྟ་རེ.
༣༧. ‘‘ཨ་ཏྠ་ད་སྶཱི ཏུ བྷ་ག་ཝཱ, ས་བྦ་ཉྙཱུ ཝ་ད་ཏཾ ཝ་རོ;
མ་མུ་དྡྷ་རི་ཏུ་ཀཱ་མོ སོ, ཨཱ་ག་ཙྪི པ་བྦ་ཏུ་ཏྟ་མཾ.
༣༨. ‘‘པ་ས་ད་ཉྩ མི་གཾ ཧ་ནྟྭཱ, བྷ་ཀྑི་ཏུཾ ས་མུ་པཱ་ག་མིཾ;
བྷ་ག་ཝཱ ཏ་མྷི ས་མ་ཡེ, བྷི་ཀྑ་མཱ་ནོ [སི་ཀྑཱ་ཙཱ་རོ (སྱཱ.)] ཨུ་པཱ་ག་མི.
༣༩. ‘‘ཝ་ར་མཾ་སཱ་ནི པ་གྒ་ཡ྄ཧ, ཨ་དཱ་སིཾ ཏ་སྶ ས་ཏྠུ་ནོ;
ཨ་ནུ་མོ་དི མ་ཧཱ་ཝཱི་རོ, ནི་བྦཱ་པེ་ནྟོ མ་མཾ ཏ་དཱ.
༤༠. ‘‘ཏེ་ན ཙི་ཏྟ་པྤ་སཱ་དེ་ན, གི་རི་དུ་གྒཾ པ་ཝི་སིཾ ཨ་ཧཾ;
པཱི་ཏིཾ ཨུ་པྤཱ་ད་ཡི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༤༡. ‘‘ཨེ་ཏེ་ན མཾ་ས་དཱ་ནེ་ན, ཙི་ཏྟ་སྶ པ་ཎི་དྷཱི་ཧི ཙ;
པ་ནྣ་ར་སེ ཀ་པྤ་ས་ཏེ, དེ་ཝ་ལོ་ཀེ ར་མིཾ ཨ་ཧཾ.
༤༢. ‘‘ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཙི་ནྟི་ཏཾ [ནི་ཙི་ཏཾ (སཱི.), ཀ་རི་ཏཾ (སྱཱ.)] མ་ཡཱ;
ཏེ་ནེ་ཝ མཾ་ས་དཱ་ནེ་ན, བུ་དྡྷཱ་ནུ་སྶ་ར་ཎེ་ན ཙ.
༤༣. ‘‘ཨ་ཊྛ་ཏྟིཾ་ས་མྷི ཀ་པྤ་མྷི, ཨ་ཊྛ དཱི་གྷཱ་ཡུ་ནཱ་མ་ཀཱ;
ས་ཊྛི་མྷི་ཏོ ཀ་པྤ་ས་ཏེ, དུ་ཝེ ཝ་རུ་ཎ་ནཱ་མ་ཀཱ [ས་ར་ཎ་ནཱ་མ་ཀཱ (སྱཱ.)].
༤༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ཙི་ནྟི་ཏོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ཙི་ནྟི་ཏ་ཏྠེ་ར་སྶཱ་པ་དཱ་ནཾ ཚ་ཊྛཾ.