༩. པ་དུ་མ་ཏྠེ་ར་ཨ་པ་དཱ་ནཾ
༦༧. ‘‘ཙ་ཏུ་ས་ཙྩཾ པ་ཀཱ་སེ་ནྟོ, ཝ་ར་དྷ་མྨ་པྤ་ཝ་ཏྟ་ཀོ;
ཝ་སྶ་ཏེ [ཝ་སྶེ་ཏི (?)] ཨ་མ་ཏཾ ཝུ་ཊྛིཾ, ནི་བྦཱ་པེ་ནྟོ མ་ཧཱ་ཛ་ནཾ.
༦༨. ‘‘ས་དྷ་ཛཾ [ས་ད་ཎྜཾ (སཱི.)] པ་དུ་མཾ ག་ཡ྄ཧ, ཨ་ཌྜྷ་ཀོ་སེ ཋི་ཏོ ཨ་ཧཾ;
པ་དུ་མུ་ཏྟ་ར་མུ་ནི་སྶ, པ་ཧ་ཊྛོ ཨུ་ཀྑི་པི་མ་མྦ་རེ.
༦༩. ‘‘ཨཱ་ག་ཙྪ་ནྟེ ཙ པ་དུ་མེ, ཨ་བྦྷུ་ཏོ ཨཱ་སི ཏཱ་ཝ་དེ;
མ་མ ས་ངྐ་པྤ་མ་ཉྙཱ་ཡ, པ་གྒ་ཎྷི ཝ་ད་ཏཾ ཝ་རོ.
༧༠. ‘‘ཀ་ར་སེ་ཊྛེ་ན པ་གྒ་ཡ྄ཧ, ཛ་ལ་ཛཾ པུ་པྥ་མུ་ཏྟ་མཾ;
བྷི་ཀྑུ་ས་ངྒྷེ ཋི་ཏོ ས་ཏྠཱ, ཨི་མཱ གཱ་ཐཱ ཨ་བྷཱ་ས་ཐ.
༧༡. ‘‘‘ཡེ་ནི་དཾ པ་དུ་མཾ ཁི་ཏྟཾ, ས་བྦ་ཉྙུ་མྷི ཝི་ནཱ་ཡ་ཀེ [ས་བྦ་ཉྙུ་ཏ་མ་ནཱ་ཡ་ཀེ (སྱཱ. ཀ.)];
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༧༢. ‘‘‘ཏིཾ་ས་ཀ་པྤཱ་ནི དེ་ཝི་ནྡོ, དེ་ཝ་ར་ཛྫཾ ཀ་རི་སྶ་ཏི;
པ་ཐ་བྱཱ ར་ཛྫཾ ས་ཏྟ་ས་ཏཾ, ཝ་སུ་དྷཾ ཨཱ་ཝ་སི་སྶ་ཏི.
༧༣. ‘‘‘ཏ་ཏྠ པ་ཏྟཾ ག་ཎེ་ཏྭཱ་ན, ཙ་ཀྐ་ཝ་ཏྟཱི བྷ་ཝི་སྶ་ཏི;
ཨཱ་ཀཱ་ས་ཏོ པུ་པྥ་ཝུ་ཊྛི, ཨ་བྷི་ཝ་སྶི་སྶ་ཏཱི ཏ་དཱ.
༧༤. ‘‘‘ཀ་པྤ་ས་ཏ་ས་ཧ་སྶ་མྷི, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ ནཱ་མེ་ན, ས་ཏྠཱ ལོ་ཀེ བྷ་ཝི་སྶ་ཏི.
༧༥. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་བྦཱ་ས་ཝེ པ་རི་ཉྙཱ་ཡ, ནི་བྦཱ་ཡི་སྶ་ཏི་ནཱ་ས་ཝོ’.
༧༦. ‘‘ནི་ཀྑ་མི་ཏྭཱ་ན ཀུ་ཙྪི་མྷཱ, ས་མྤ་ཛཱ་ནོ པ་ཏི་སྶ་ཏོ;
ཛཱ་ཏི་ཡཱ པ་ཉྩ་ཝ་སྶོ་ཧཾ, ཨ་ར་ཧ་ཏྟཾ ཨ་པཱ་པུ་ཎིཾ.
༧༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་དུ་མོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་དུ་མ་ཏྠེ་ར་སྶཱ་པ་དཱ་ནཾ ན་ཝ་མཾ.