༦. བཱི་ཛ་ནི་ཝ་གྒོ
༡. ཝི་དྷཱུ་པ་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘པ་དུ་མུ་ཏྟ་ར་བུ་དྡྷ་སྶ, ལོ་ཀ་ཛེ་ཊྛ་སྶ ཏཱ་དི་ནོ;
བཱི་ཛ་ནི་ཀཱ [ཝཱི་ཛ་ནི་ཀཱ (སཱི. སྱཱ.)] མ་ཡཱ དི་ནྣཱ, དྭི་པ་དི་ནྡ་སྶ ཏཱ་དི་ནོ.
༢. ‘‘ས་ཀཾ ཙི་ཏྟཾ པ་སཱ་དེ་ཏྭཱ, པ་གྒ་ཧེ་ཏྭཱ་ན ཨ་ཉྫ་ལིཾ;
ས་མྦུ་དྡྷ་མ་བྷི་ཝཱ་དེ་ཏྭཱ, པ་ཀྐ་མིཾ ཨུ་ཏྟ་རཱ་མུ་ཁོ.
༣. ‘‘བཱི་ཛ་ནིཾ པ་གྒ་ཧེ་ཏྭཱ་ན, ས་ཏྠཱ ལོ་ཀ་གྒ་ནཱ་ཡ་ཀོ [ལོ་ཀེ ཨ་ནུ་ཏྟ་རོ (སཱི.)];
བྷི་ཀྑུ་ས་ངྒྷེ ཋི་ཏོ ས་ནྟོ, ཨི་མཱ གཱ་ཐཱ ཨ་བྷཱ་ས་ཐ.
༤. ‘‘‘ཨི་མི་ནཱ བཱི་ཛ་ནི་དཱ་ནེ་ན, ཙི་ཏྟ་སྶ པ་ཎི་དྷཱི་ཧི [ཙེ་ཏ་ནཱ་པ་ཎི་དྷཱི་ཧི (ཨ་ཉྙ་ཏྠ)] ཙ;
ཀ་པྤཱ་ནཾ ས་ཏ་ས་ཧ་སྶཾ, ཝི་ནི་པཱ་ཏཾ ན ག་ཙྪ་ཏི’.
༥. ‘‘ཨཱ་ར་དྡྷ་ཝཱི་རི་ཡོ པ་ཧི་ཏ་ཏྟོ, ཙེ་ཏོ་གུ་ཎ་ས་མཱ་ཧི་ཏོ;
ཛཱ་ཏི་ཡཱ ས་ཏྟ་ཝ་སྶོ་ཧཾ, ཨ་ར་ཧ་ཏྟཾ ཨ་པཱ་པུ་ཎིཾ.
༦. ‘‘ས་ཊྛི་ཀ་པྤ་ས་ཧ་སྶ་མྷི, བཱི་ཛ་མཱ་ན་ས་ནཱ་མ་ཀཱ;
སོ་ལ༹་སཱ་སིཾ་སུ རཱ་ཛཱ་ནོ, ཙ་ཀྐ་ཝ་ཏྟཱི མ་ཧ་བྦ་ལཱ.
༧. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝི་དྷཱུ་པ་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝི་དྷཱུ་པ་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ས་ཏ་རཾ་སི་ཏྠེ་ར་ཨ་པ་དཱ་ནཾ
༨. ‘‘ཨུ་བྦི་དྡྷཾ སེ་ལ་མཱ་རུ་ཡ྄ཧ, ནི་སཱི་དི པུ་རི་སུ་ཏྟ་མོ;
པ་བྦ་ཏ་སྶཱ་ཝི་དཱུ་ར་མྷི, བྲཱ་ཧྨ་ཎོ མ་ནྟ་པཱ་ར་གཱུ.
༩. ‘‘ཨུ་པ་ཝི་ཊྛཾ མ་ཧཱ་ཝཱི་རཾ, དེ་ཝ་དེ་ཝཾ ན་རཱ་ས་བྷཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ས་ནྠ་ཝིཾ ལོ་ཀ་ནཱ་ཡ་ཀཾ.
༡༠. ‘‘‘ཨེ་ས བུ་དྡྷོ མ་ཧཱ་ཝཱི་རོ, ཝ་ར་དྷ་མྨ་པྤ་ཀཱ་ས་ཀོ;
ཛ་ལ་ཏི ཨ་གྒི་ཁ་ནྡྷོ་ཝ, བྷི་ཀྑུ་ས་ངྒྷ་པུ་ར་ཀྑ་ཏོ.
༡༡. ‘‘‘མ་ཧཱ་ས་མུ་དྡོ་ཝ‘ཀྑུ་བྦྷོ [’ཀྑོ་བྷོ (སཱི. སྱཱ.)], ཨ་ཎྞ་ཝོ་ཝ དུ་རུ་ཏྟ་རོ;
མི་ག་རཱ་ཛཱ་ཝ་ས་མྦྷཱི་ཏོ [ཚ་མྦྷི་ཏོ (ཀ.)], དྷ་མྨཾ དེ་སེ་ཏི ཙ་ཀྑུ་མཱ’.
༡༢. ‘‘མ་མ ས་ངྐ་པྤ་མ་ཉྙཱ་ཡ, པ་དུ་མུ་ཏྟ་ར་ནཱ་ཡ་ཀོ;
བྷི་ཀྑུ་ས་ངྒྷེ ཋི་ཏོ ས་ཏྠཱ, ཨི་མཱ གཱ་ཐཱ ཨ་བྷཱ་ས་ཐ.
༡༣. ‘‘‘ཡེ་ནཱ་ཡཾ [ཡེ་ནཱ་ཧཾ (ཀ.)] ཨ་ཉྫ་ལཱི དི་ནྣོ, བུ་དྡྷ་སེ་ཊྛོ ཙ ཐོ་མི་ཏོ;
ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ར་ཛྫཾ ཀ་རི་སྶ་ཏི.
༡༤. ‘‘‘ཀ་པྤ་ས་ཏ་ས་ཧ་སྶ་མྷི, ཨ་ངྒཱི་ར་ས་ས་ནཱ་མ་ཀོ;
ཝི་ཝ་ཊྚ་ཙྪ་དོ [ཝི་ཝ་ཏྠ་ཙྪ་དྡོ (སཱི.)] ས་མྦུ་དྡྷོ, ཨུ་པྤ་ཛྫི་སྶ་ཏི ཏཱ་ཝ་དེ.
༡༥. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་ཏ་རཾ་སཱི་ཏི ནཱ་མེ་ན, ཨ་ར་ཧཱ སོ བྷ་ཝི་སྶ་ཏི’.
༡༦. ‘‘ཛཱ་ཏི་ཡཱ ས་ཏྟ་ཝ་སྶོ་ཧཾ, པ་བྦ་ཛིཾ ཨ་ན་གཱ་རི་ཡཾ;
ས་ཏ་རཾ་སི་མྷི ནཱ་མེ་ན, པ་བྷཱ ནི་དྡྷཱ་ཝ་ཏེ མ་མ.
༡༧. ‘‘མ་ཎྜ་པེ རུ་ཀྑ་མཱུ་ལེ ཝཱ, ཛྷཱ་ཡཱི ཛྷཱ་ན་ར་ཏོ ཨ་ཧཾ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༡༨. ‘‘ས་ཊྛི་ཀ་པྤ་ས་ཧ་སྶ་མྷི, ཙ་ཏུ་རོ རཱ་མ་ནཱ་མ་ཀཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཏ་རཾ་སི ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཏ་རཾ་སི་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ས་ཡ་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༢༠. ‘‘པ་དུ་མུ་ཏྟ་ར་བུ་དྡྷ་སྶ, ས་བྦ་ལོ་ཀཱ་ནུ་ཀ་མྤི་ནོ;
ས་ཡ་ནཾ ཏ་སྶ པཱ་དཱ་སིཾ, ཝི་པྤ་ས་ནྣེ་ན ཙེ་ཏ་སཱ.
༢༡. ‘‘ཏེ་ན ས་ཡ་ན་དཱ་ནེ་ན, སུ་ཁེ་ཏྟེ བཱི་ཛ་ས་མྤ་དཱ;
བྷོ་གཱ ནི་བྦ་ཏྟ་རེ ཏ་སྶ, ས་ཡ་ན་སྶ ཨི་དཾ ཕ་ལཾ.
༢༢. ‘‘ཨཱ་ཀཱ་སེ སེ་ཡྻཾ ཀ་པྤེ་མི, དྷཱ་རེ་མི པ་ཐ་ཝིཾ ཨི་མཾ;
པཱ་ཎེ་སུ མེ ཨི་སྶ་རི་ཡཾ, ས་ཡ་ན་སྶ ཨི་དཾ ཕ་ལཾ.
༢༣. ‘‘པ་ཉྩ་ཀ་པྤ་ས་ཧ་སྶ་མྷི, ཨ་ཊྛ ཨཱ་སུཾ མ་ཧཱ་ཏེ་ཛཱ [མ་ཧཱ་ཝ་རཱ (སཱི.), མ་ཧཱ་ཝཱི་རཱ (སྱཱ.)];
ཙ་ཏུ་ཏྟིཾ་སེ ཀ་པྤ་ས་ཏེ, ཙ་ཏུ་རོ ཙ མ་ཧ་བྦ་ལཱ.
༢༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཡ་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཡ་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ག་ནྡྷོ་ད་ཀི་ཡ་ཏྠེ་ར་ཨ་པ་དཱ་ནཾ
༢༥. ‘‘པ་དུ་མུ་ཏྟ་ར་བུ་དྡྷ་སྶ, མ་ཧཱ་བོ་དྷི་མ་ཧོ ཨ་ཧུ;
ཝི་ཙི་ཏྟཾ གྷ་ཊ་མཱ་དཱ་ཡ, ག་ནྡྷོ་ད་ཀ་མ་དཱ་ས་ཧཾ.
༢༦. ‘‘ནྷཱ་ན་ཀཱ་ལེ ཙ བོ་དྷི་ཡཱ, མ་ཧཱ་མེ་གྷོ པ་ཝ་སྶ་ཐ;
ནི་ནྣཱ་དོ ཙ མ་ཧཱ ཨཱ་སི, ཨ་ས་ནི་ཡཱ ཕ་ལ་ནྟི་ཡཱ.
༢༧. ‘‘ཏེ་ནེ་ཝཱ་ས་ནི་ཝེ་གེ་ན, ཏ་ཏྠ ཀཱ་ལ་ངྐ་ཏོ [ཀཱ་ལ་ཀ་ཏོ (སཱི. སྱཱ.)] ཨ་ཧཾ [ཨ་ཧུཾ (སཱི.)];
དེ་ཝ་ལོ་ཀེ ཋི་ཏོ ས་ནྟོ, ཨི་མཱ གཱ་ཐཱ ཨ་བྷཱ་ས་ཧཾ.
༢༨. ‘‘‘ཨ་ཧོ བུ་དྡྷོ ཨ་ཧོ དྷ་མྨོ, ཨ་ཧོ ནོ ས་ཏྠུ་ས་མྤ་དཱ;
ཀ་ལེ༹་ཝ་རཾ [ཀ་ལེ་བ་རཾ (སཱི.)] མེ པ་ཏི་ཏཾ, དེ་ཝ་ལོ་ཀེ ར་མཱ་མ་ཧཾ.
༢༩. ‘‘‘ཨུ་བྦི་དྡྷཾ བྷ་ཝ་ནཾ མ་ཡ྄ཧཾ, ས་ཏ་བྷཱུ་མཾ ས་མུ་གྒ་ཏཾ;
ཀ་ཉྙཱ་ས་ཏ་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ.
༣༠. ‘‘‘ཨཱ་བཱ་དྷཱ མེ ན ཝི་ཛྫ་ནྟི, སོ་ཀོ མ་ཡ྄ཧཾ ན ཝི་ཛྫ་ཏི;
པ་རི་ལཱ༹་ཧཾ ན པ་སྶཱ་མི, པུ་ཉྙ་ཀ་མྨ་སྶི་དཾ ཕ་ལཾ.
༣༡. ‘‘‘ཨ་ཊྛ་ཝཱི་སེ ཀ་པྤ་ས་ཏེ, རཱ་ཛཱ སཾ་ཝ་སི་ཏོ ཨ་ཧུཾ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ’.
༣༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ག་ནྡྷོ་ད་ཀི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ག་ནྡྷོ་ད་ཀི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཨོ་པ་ཝ་ཡ྄ཧ་ཏྠེ་ར་ཨ་པ་དཱ་ནཾ
༣༣. ‘‘པ་དུ་མུ་ཏྟ་ར་བུ་དྡྷ་སྶ, ཨཱ་ཛཱ་ནཱི་ཡ་མ་དཱ་ས་ཧཾ;
ནི་ཡྻཱ་དེ་ཏྭཱ་ན ས་མྦུ་དྡྷེ [ས་མྦུ་དྡྷཾ (སཱི. ཀ.)], ཨ་ག་མཱ་སིཾ ས་ཀཾ གྷ་རཾ.
༣༤. ‘‘དེ་ཝ་ལོ ནཱ་མ ནཱ་མེ་ན, ས་ཏྠུ་ནོ ཨ་གྒ་སཱ་ཝ་ཀོ;
ཝ་ར་དྷ་མྨ་སྶ དཱ་ཡཱ་དོ, ཨཱ་ག་ཙྪི མ་མ ས་ནྟི་ཀཾ.
༣༥. ‘‘ས་པ་ཏྟ་བྷཱ་རོ བྷ་ག་ཝཱ, ཨཱ་ཛཱ་ནེ་ཡྻོ ན ཀ་པྤ་ཏི;
ཏ་ཝ ས་ངྐ་པྤ་མ་ཉྙཱ་ཡ, ཨ་དྷི་ཝཱ་སེ་སི ཙ་ཀྑུ་མཱ.
༣༦. ‘‘ཨ་གྒྷཱ་པེ་ཏྭཱ ཝཱ་ཏ་ཛ་ཝཾ, སི་ནྡྷ་ཝཾ སཱི་གྷ་ཝཱ་ཧ་ནཾ;
པ་དུ་མུ་ཏྟ་ར་བུ་དྡྷ་སྶ, ཁ་མ་ནཱི་ཡ་མ་དཱ་ས་ཧཾ.
༣༧. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ [དེ་ཝེ ཙ མཱ་ནུ་སེ བྷ་ཝེ (སཱི. ཀ.)];
ཁ་མ་ནཱི་ཡཾ ཝཱ་ཏ་ཛ་ཝཾ, ཙི་ཏྟཾ ནི་བྦ་ཏྟ་ཏེ [ཨཱ་ཛཱ་ནཱི་ཡཱ ཝཱ་ཏ་ཛ་ཝཱ, ཝི་ཏྟི ནི་བྦ་ཏྟ་རེ (སྱཱ.), ཁ་མ་ནཱི་ཡཱ ཝཱ་ཏ་ཛ་ཝཱ, ཙི་ཏྟཱ ནི་བྦ་ཏྟ་རེ (སཱི.)] མ་མ.
༣༨. ‘‘ལཱ་བྷཾ ཏེ་སཾ སུ་ལ་དྡྷཾ་ཝ, ཡེ ལ་བྷ་ནྟུ་པ་ས་མྤ་དཾ;
པུ་ན་པི པ་ཡི་རུ་པཱ་སེ་ཡྻཾ, བུ་དྡྷོ ལོ་ཀེ ས་ཙེ བྷ་ཝེ.
༣༩. ‘‘ཨ་ཊྛ་ཝཱི་ས་ཏི་ཀྑ་ཏྟུཾ་ཧཾ, རཱ་ཛཱ ཨཱ་སིཾ མ་ཧ་བྦ་ལོ;
ཙཱ་ཏུ་ར་ནྟོ ཝི་ཛི་ཏཱ་ཝཱི, ཛ་མྦུ་ས་ཎྜ་སྶ [ཛ་མྦུ་དཱི་པ་སྶ (སྱཱ.), ཛ་མྦུ་མ་ཎྜ་སྶ (ཀ.)] ཛ་མྦུ་ཨི་སྶ་རོ.
༤༠. ‘‘ཨི་དཾ པ་ཙྪི་མ་ཀཾ མ་ཡ྄ཧཾ, ཙ་རི་མོ ཝ་ཏྟ་ཏེ བྷ་ཝོ;
པ་ཏྟོ་སྨི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.
༤༡. ‘‘ཙ་ཏུ་ཏིཾ་ས་ས་ཧ་སྶ་མྷི, མ་ཧཱ་ཏེ་ཛོ་སི ཁ་ཏྟི་ཡོ;
ས་ཏ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨོ་པ་ཝ་ཡ྄ཧོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨོ་པ་ཝ་ཡ྄ཧ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ས་པ་རི་ཝཱ་རཱ་ས་ན་ཏྠེ་ར་ཨ་པ་དཱ་ནཾ
༤༣. ‘‘པ་དུ་མུ་ཏྟ་ར་བུ་དྡྷ་སྶ, པི་ཎྜ་པཱ་ཏཾ ཨ་དཱ་ས་ཧཾ;
ག་ནྟྭཱ ཀི་ལི་ཊྛ་ཀཾ ཋཱ་ནཾ [ཏཾ བྷོ་ཛ་ན་ཊྛཱ་ནཾ (སཱི.)], མ་ལླི་ཀཱ་ཧི པ་རི་ཀྑི་ཏཾ [པ་རི་ཀྑི་པིཾ (སཱི.)].
༤༤. ‘‘ཏ་མྷཱ་ས་ན་མྷི ཨཱ་སཱི་ནོ, བུ་དྡྷོ ལོ་ཀ་གྒ་ནཱ་ཡ་ཀོ;
ཨ་ཀི་ཏྟ་ཡི པི་ཎྜ་པཱ་ཏཾ, ཨུ་ཛུ་བྷཱུ་ཏོ ས་མཱ་ཧི་ཏོ.
༤༥. ‘‘ཡ་ཐཱ་པི བྷ་དྡ་ཀེ ཁེ་ཏྟེ, བཱི་ཛཾ ཨ་པྤ་མྤི རོ་པི་ཏཾ;
ས་མྨཱ དྷཱ་རཾ པ་ཝེ་ཙྪ་ནྟེ, ཕ་ལཾ ཏོ་སེ་ཏི ཀ་སྶ་ཀཾ.
༤༦. ‘‘ཏ་ཐེ་ཝཱ་ཡཾ པི་ཎྜ་པཱ་ཏོ, སུ་ཁེ་ཏྟེ རོ་པི་ཏོ ཏ་ཡཱ;
བྷ་ཝེ ནི་བྦ་ཏྟ་མཱ་ན་མྷི, ཕ་ལཾ ཏེ [ནི་བྦ་ཏྟ་མཱ་ནཾ ཧི, ཕ་ལ་ཏོ (སཱི.)] ཏོ་ས་ཡི་སྶ་ཏི [ཏ་པྤ་ཡི་སྶ་ཏི (ཀ.)].
༤༧. ‘‘ཨི་དཾ ཝ་ཏྭཱ་ན ས་མྦུ་དྡྷོ, ཛ་ལ་ཛུ་ཏྟ་མ་ནཱ་མ་ཀོ;
པི་ཎྜ་པཱ་ཏཾ ག་ཧེ་ཏྭཱ་ན, པ་ཀྐཱ་མི ཨུ་ཏྟ་རཱ་མུ་ཁོ.
༤༨. ‘‘སཾ་ཝུ་ཏོ པཱ་ཏི་མོ་ཀྑ་སྨིཾ, ཨི་ནྡྲི་ཡེ་སུ ཙ པ་ཉྩ་སུ;
པ་ཝི་ཝེ་ཀ་མ་ནུ་ཡུ་ཏྟོ, ཝི་ཧ་རཱ་མི ཨ་ནཱ་ས་ཝོ.
༤༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་པ་རི་ཝཱ་རཱ་ས་ནོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་པ་རི་ཝཱ་རཱ་ས་ན་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. པ་ཉྩ་དཱི་པ་ཀ་ཏྠེ་ར་ཨ་པ་དཱ་ནཾ
༥༠. ‘‘པ་དུ་མུ་ཏྟ་ར་བུ་དྡྷ་སྶ, ས་བྦ་བྷཱུ་ཏཱ་ནུ་ཀ་མྤི་ནོ;
ས་དྡ་ཧི་ཏྭཱ་ན [སུ་ས་ཎྛ་ཧི་ཏྭཱ (སཱི.)] ས་དྡྷ་མྨེ, ཨུ་ཛུ་དི་ཊྛི ཨ་ཧོ་ས་ཧཾ.
༥༡. ‘‘པ་དཱི་པ་དཱ་ནཾ པཱ་དཱ་སིཾ, པ་རི་ཝཱ་རེ་ཏྭཱ་ན བོ་དྷི་ཡཾ;
ས་དྡ་ཧ་ནྟོ པ་དཱི་པཱ་ནི, ཨ་ཀ་རིཾ ཏཱ་ཝ་དེ ཨ་ཧཾ.
༥༢. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
ཨཱ་ཀཱ་སེ ཨུ་ཀྐཾ དྷཱ་རེ་ནྟི, དཱི་པ་དཱ་ན་སྶི་དཾ ཕ་ལཾ.
༥༣. ‘‘ཏི་རོ་ཀུ་ཊྚཾ ཏི་རོ་སེ་ལཾ, ས་མ་ཏི་གྒ་ཡ྄ཧ པ་བྦ་ཏཾ;
ས་མ་ནྟཱ ཡོ་ཛ་ན་ས་ཏཾ, ད་སྶ་ནཾ ཨ་ནུ་བྷོ་མ་ཧཾ.
༥༤. ‘‘ཏེ་ན ཀ་མྨཱ་ཝ་སེ་སེ་ན, པ་ཏྟོ་མྷི ཨཱ་ས་ཝ་ཀྑ་ཡཾ;
དྷཱ་རེ་མི ཨ་ནྟི་མཾ དེ་ཧཾ, དྭི་པ་དི་ནྡ་སྶ སཱ་ས་ནེ.
༥༥. ‘‘ཙ་ཏུ་ཏྟིཾ་སེ ཀ་པྤ་ས་ཏེ, ས་ཏ་ཙ་ཀྑུ་ས་ནཱ་མ་ཀཱ;
རཱ་ཛཱ་ཧེ་སུཾ མ་ཧཱ་ཏེ་ཛཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༥༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཉྩ་དཱི་པ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཉྩ་དཱི་པ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. དྷ་ཛ་དཱ་ཡ་ཀ་ཏྠེ་ར་ཨ་པ་དཱ་ནཾ
༥༧. ‘‘པ་དུ་མུ་ཏྟ་ར་བུ་དྡྷ་སྶ, བོ་དྷི་ཡཱ པཱ་ད་པུ་ཏྟ་མེ;
ཧ་ཊྛོ ཧ་ཊྛེ་ན ཙི་ཏྟེ་ན, དྷ་ཛ་མཱ་རོ་པ་ཡིཾ ཨ་ཧཾ.
༥༨. ‘‘པ་ཏི་ཏ་པ་ཏྟཱ་ནི ག་ཎྷི་ཏྭཱ, བ་ཧི་དྡྷཱ ཚ་ཌྜ་ཡིཾ ཨ་ཧཾ;
ཨ་ནྟོ་སུ་དྡྷཾ བ་ཧི་སུ་དྡྷཾ, ཨ་དྷི་མུ་ཏྟ་མ་ནཱ་ས་ཝཾ.
༥༩. ‘‘ས་མྨུ་ཁཱ ཝི་ཡ ས་མྦུ་དྡྷཾ, ཨ་ཝ་ནྡིཾ བོ་དྷི་མུ་ཏྟ་མཾ;
པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ.
༦༠. ‘‘བྷི་ཀྑུ་ས་ངྒྷེ ཋི་ཏོ ས་ཏྠཱ, ཨི་མཱ གཱ་ཐཱ ཨ་བྷཱ་ས་ཐ;
‘‘‘ཨི་མི་ནཱ དྷ་ཛ་དཱ་ནེ་ན, ཨུ་པ་ཊྛཱ་ནེ་ན ཙཱུ་བྷ་ཡཾ.
༦༡. ‘‘‘ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ སོ ན ག་ཙྪ་ཏི;
དེ་ཝེ་སུ དེ་ཝ་སོ་བྷ་གྱཾ, ཨ་ནུ་བྷོ་སྶ་ཏི་ན་པྤ་ཀཾ.
༦༢. ‘‘‘ཨ་ནེ་ཀ་ས་ཏ་ཀྑ་ཏྟུ་ཉྩ, རཱ་ཛཱ ར་ཊྛེ བྷ་ཝི་སྶ་ཏི;
ཨུ་གྒ་ཏོ ནཱ་མ ནཱ་མེ་ན, ཙ་ཀྐ་ཝ་ཏྟཱི བྷ་ཝི་སྶ་ཏི.
༦༣. ‘‘‘ས་མྤ་ཏྟིཾ ཨ་ནུ་བྷོ་ཏྭཱ་ན, སུ་ཀྐ་མཱུ་ལེ་ན ཙོ་དི་ཏོ;
གོ་ཏ་མ་སྶ བྷ་ག་ཝ་ཏོ, སཱ་ས་ནེ་བྷི་ར་མི་སྶ་ཏི’.
༦༤. ‘‘པ་དྷཱ་ན་པ་ཧི་ཏ་ཏྟོ་མྷི, ཨུ་པ་ས་ནྟོ ནི་རཱུ་པ་དྷི;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༦༥. ‘‘ཨེ་ཀ་པ་ཉྙཱ་ས་ས་ཧ་སྶེ, ཀ་པྤེ ཨུ་གྒ་ཏ་ས་ཝ྄ཧ་ཡོ [ས་ཝ྄ཧ་ཡཱ (སྱཱ.)];
པ་ཉྙཱ་ས་ས་ཏ་ས་ཧ་སྶེ, ཁ་ཏྟི་ཡོ མེ་གྷ་ས་ཝ྄ཧ་ཡོ [ཁ་ཏྟི་ཡཱ ཁེ་མ་ས་ཝ྄ཧ་ཡཱ (སྱཱ.)].
༦༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷ་ཛ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷ་ཛ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.