༡. ཝི་དྷཱུ་པ་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘པ་དུ་མུ་ཏྟ་ར་བུ་དྡྷ་སྶ, ལོ་ཀ་ཛེ་ཊྛ་སྶ ཏཱ་དི་ནོ;
བཱི་ཛ་ནི་ཀཱ [ཝཱི་ཛ་ནི་ཀཱ (སཱི. སྱཱ.)] མ་ཡཱ དི་ནྣཱ, དྭི་པ་དི་ནྡ་སྶ ཏཱ་དི་ནོ.
༢. ‘‘ས་ཀཾ ཙི་ཏྟཾ པ་སཱ་དེ་ཏྭཱ, པ་གྒ་ཧེ་ཏྭཱ་ན ཨ་ཉྫ་ལིཾ;
ས་མྦུ་དྡྷ་མ་བྷི་ཝཱ་དེ་ཏྭཱ, པ་ཀྐ་མིཾ ཨུ་ཏྟ་རཱ་མུ་ཁོ.
༣. ‘‘བཱི་ཛ་ནིཾ པ་གྒ་ཧེ་ཏྭཱ་ན, ས་ཏྠཱ ལོ་ཀ་གྒ་ནཱ་ཡ་ཀོ [ལོ་ཀེ ཨ་ནུ་ཏྟ་རོ (སཱི.)];
བྷི་ཀྑུ་ས་ངྒྷེ ཋི་ཏོ ས་ནྟོ, ཨི་མཱ གཱ་ཐཱ ཨ་བྷཱ་ས་ཐ.
༤. ‘‘‘ཨི་མི་ནཱ བཱི་ཛ་ནི་དཱ་ནེ་ན, ཙི་ཏྟ་སྶ པ་ཎི་དྷཱི་ཧི [ཙེ་ཏ་ནཱ་པ་ཎི་དྷཱི་ཧི (ཨ་ཉྙ་ཏྠ)] ཙ;
ཀ་པྤཱ་ནཾ ས་ཏ་ས་ཧ་སྶཾ, ཝི་ནི་པཱ་ཏཾ ན ག་ཙྪ་ཏི’.
༥. ‘‘ཨཱ་ར་དྡྷ་ཝཱི་རི་ཡོ པ་ཧི་ཏ་ཏྟོ, ཙེ་ཏོ་གུ་ཎ་ས་མཱ་ཧི་ཏོ;
ཛཱ་ཏི་ཡཱ ས་ཏྟ་ཝ་སྶོ་ཧཾ, ཨ་ར་ཧ་ཏྟཾ ཨ་པཱ་པུ་ཎིཾ.
༦. ‘‘ས་ཊྛི་ཀ་པྤ་ས་ཧ་སྶ་མྷི, བཱི་ཛ་མཱ་ན་ས་ནཱ་མ་ཀཱ;
སོ་ལ༹་སཱ་སིཾ་སུ རཱ་ཛཱ་ནོ, ཙ་ཀྐ་ཝ་ཏྟཱི མ་ཧ་བྦ་ལཱ.
༧. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝི་དྷཱུ་པ་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝི་དྷཱུ་པ་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.