༢. ས་ཏ་རཾ་སི་ཏྠེ་ར་ཨ་པ་དཱ་ནཾ
༨. ‘‘ཨུ་བྦི་དྡྷཾ སེ་ལ་མཱ་རུ་ཡ྄ཧ, ནི་སཱི་དི པུ་རི་སུ་ཏྟ་མོ;
པ་བྦ་ཏ་སྶཱ་ཝི་དཱུ་ར་མྷི, བྲཱ་ཧྨ་ཎོ མ་ནྟ་པཱ་ར་གཱུ.
༩. ‘‘ཨུ་པ་ཝི་ཊྛཾ མ་ཧཱ་ཝཱི་རཾ, དེ་ཝ་དེ་ཝཾ ན་རཱ་ས་བྷཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ས་ནྠ་ཝིཾ ལོ་ཀ་ནཱ་ཡ་ཀཾ.
༡༠. ‘‘‘ཨེ་ས བུ་དྡྷོ མ་ཧཱ་ཝཱི་རོ, ཝ་ར་དྷ་མྨ་པྤ་ཀཱ་ས་ཀོ;
ཛ་ལ་ཏི ཨ་གྒི་ཁ་ནྡྷོ་ཝ, བྷི་ཀྑུ་ས་ངྒྷ་པུ་ར་ཀྑ་ཏོ.
༡༡. ‘‘‘མ་ཧཱ་ས་མུ་དྡོ་ཝ‘ཀྑུ་བྦྷོ [’ཀྑོ་བྷོ (སཱི. སྱཱ.)], ཨ་ཎྞ་ཝོ་ཝ དུ་རུ་ཏྟ་རོ;
མི་ག་རཱ་ཛཱ་ཝ་ས་མྦྷཱི་ཏོ [ཚ་མྦྷི་ཏོ (ཀ.)], དྷ་མྨཾ དེ་སེ་ཏི ཙ་ཀྑུ་མཱ’.
༡༢. ‘‘མ་མ ས་ངྐ་པྤ་མ་ཉྙཱ་ཡ, པ་དུ་མུ་ཏྟ་ར་ནཱ་ཡ་ཀོ;
བྷི་ཀྑུ་ས་ངྒྷེ ཋི་ཏོ ས་ཏྠཱ, ཨི་མཱ གཱ་ཐཱ ཨ་བྷཱ་ས་ཐ.
༡༣. ‘‘‘ཡེ་ནཱ་ཡཾ [ཡེ་ནཱ་ཧཾ (ཀ.)] ཨ་ཉྫ་ལཱི དི་ནྣོ, བུ་དྡྷ་སེ་ཊྛོ ཙ ཐོ་མི་ཏོ;
ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ར་ཛྫཾ ཀ་རི་སྶ་ཏི.
༡༤. ‘‘‘ཀ་པྤ་ས་ཏ་ས་ཧ་སྶ་མྷི, ཨ་ངྒཱི་ར་ས་ས་ནཱ་མ་ཀོ;
ཝི་ཝ་ཊྚ་ཙྪ་དོ [ཝི་ཝ་ཏྠ་ཙྪ་དྡོ (སཱི.)] ས་མྦུ་དྡྷོ, ཨུ་པྤ་ཛྫི་སྶ་ཏི ཏཱ་ཝ་དེ.
༡༥. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་ཏ་རཾ་སཱི་ཏི ནཱ་མེ་ན, ཨ་ར་ཧཱ སོ བྷ་ཝི་སྶ་ཏི’.
༡༦. ‘‘ཛཱ་ཏི་ཡཱ ས་ཏྟ་ཝ་སྶོ་ཧཾ, པ་བྦ་ཛིཾ ཨ་ན་གཱ་རི་ཡཾ;
ས་ཏ་རཾ་སི་མྷི ནཱ་མེ་ན, པ་བྷཱ ནི་དྡྷཱ་ཝ་ཏེ མ་མ.
༡༧. ‘‘མ་ཎྜ་པེ རུ་ཀྑ་མཱུ་ལེ ཝཱ, ཛྷཱ་ཡཱི ཛྷཱ་ན་ར་ཏོ ཨ་ཧཾ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༡༨. ‘‘ས་ཊྛི་ཀ་པྤ་ས་ཧ་སྶ་མྷི, ཙ་ཏུ་རོ རཱ་མ་ནཱ་མ་ཀཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཏ་རཾ་སི ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཏ་རཾ་སི་ཏྠེ་ར་སྶཱ་པ་དཱ་ནཾ དུ་ཏི་ཡཾ.