༩. ཛ་ཏུ་ཀ་ཎྞི་ཏྠེ་ར་ཨ་པ་དཱ་ནཾ
༢༧༦. ‘‘ན་ག་རེ ཧཾ་ས་ཝ་ཏི་ཡཱ, སེ་ཊྛི་པུ་ཏྟོ ཨ་ཧོ་ས་ཧཾ;
ས་མ་པྤི་ཏོ ཀཱ་མ་གུ་ཎེ, པ་རི་ཙཱ་རེ་མ་ཧཾ ཏ་དཱ.
༢༧༧. ‘‘ཏ་ཏོ [ཏ་ཡོ (སཱི.)] པཱ་སཱ་ད་མཱ་རུ་ཡ྄ཧ, མ་ཧཱ་བྷོ་གེ ཝ་ལ་ཉྫ་ཀོ [ཨུ་བྦི་དྡྷཱ གེ་ཧ་ལུ་ཉྫ་ཀཱ (ཀ.), ཨུ་བྦི་དྡྷཱ་གེ་ཧ་ལ་ཉྪ་ཀཱ (སཱི.)];
ཏ་ཏྠ ན་ཙྩེ་ཧི གཱི་ཏེ་ཧི, པ་རི་ཙཱ་རེ་མ་ཧཾ ཏ་དཱ.
༢༧༨. ‘‘ཏཱུ་རི་ཡཱ ཨཱ་ཧ་ཏཱ མ་ཡ྄ཧཾ, ས་མྨ་ཏཱ་ལ༹་ས་མཱ་ཧི་ཏཱ;
ན་ཙྩ་ནྟཱ [ར་ཉྫ་ནྟཱི (སྱཱ.), ར་ཛྫ་ནྟཱ (ཀ.)] ཨི་ཏྠི་ཡོ ས་བྦཱ, ཧ་ར་ནྟི་ཡེ་ཝ མེ མ་ནོ.
༢༧༩. ‘‘ཙེ་ལཱ་པི་ཀཱ [ཙེ་ལཱ་ཝ་ཀཱ (སྱཱ.), ཝེ་ལཱ་མི་ཀཱ (པཱི.)] ལཱ་མ་ཎི་ཀཱ [ཝཱ་མ་ནི་ཀཱ (སྱཱ. པཱི.)], ཀུ་ཉྫ་ཝཱ་སཱི ཏི་མ་ཛ྄ཛྷི་ཀཱ [ཀུ་ཉྫ་ཝཱ སཱི་ཧི་མ་ཛ྄ཛྷི་ཏཱ (སྱཱ.), ཀུ་ཛྫཱ ཝཱ སཱི་ཧི་མ་ཛ྄ཛྷི་ཀཱ (པཱི.)];
ལ་ངྒྷི་ཀཱ སོ་ཀ་ཛ྄ཛྷཱ་ཡཱི ཙ, པ་རི་ཝཱ་རེ་ནྟི མཾ ས་དཱ.
༢༨༠. ‘‘ཝེ་ཏཱ་ལི༹་ནོ ཀུ་མྦྷ་ཐཱུ་ནཱི, ན་ཊཱ ཙ ན་ཙྩ་ཀཱ བ་ཧཱུ;
ན་ཊ་ཀཱ ནཱ་ཊ་ཀཱ ཙེ་ཝ, པ་རི་ཝཱ་རེ་ནྟི མཾ ས་དཱ.
༢༨༡. ‘‘ཀ་པྤ་ཀཱ ནྷཱ་པ་ཀཱ སཱུ་དཱ, མཱ་ལཱ་ཀཱ་རཱ སུ་པཱ་ས་ཀཱ [སུ་མཱ་པ་ཀཱ (སཱི. སྱཱ.)];
ཛ་ལླཱ མ་ལླཱ ཙ ཏེ ས་བྦེ, པ་རི་ཝཱ་རེ་ནྟི མཾ ས་དཱ.
༢༨༢. ‘‘ཨེ་ཏེ་སུ ཀཱི་ལ༹་མཱ་ནེ་སུ, སི་ཀྑི་ཏེ ཀ་ཏུ་པཱ་ས་ནེ;
ར་ཏྟི་ནྡི་ཝཾ ན ཛཱ་ནཱ་མི, ཨི་ནྡོ་ཝ ཏི་ད་ས་ངྒ་ཎེ.
༢༨༣. ‘‘ཨ་དྡྷི་ཀཱ པ་ཐི་ཀཱ ས་བྦེ, ཡཱ་ཙ་ཀཱ ཝ་ར་ཀཱ བ་ཧཱུ;
ཨུ་པ་ག་ཙྪ་ནྟི ཏེ ནི་ཙྩཾ, བྷི་ཀྑ་ཡ་ནྟཱ མ་མཾ གྷ་རཾ.
༢༨༤. ‘‘ས་མ་ཎཱ བྲཱ་ཧྨ་ཎཱ ཙེ་ཝ, པུ་ཉྙ་ཀྑེ་ཏྟཱ ཨ་ནུ་ཏྟ་རཱ;
ཝ་ཌྜྷ་ཡ་ནྟཱ མ་མཾ པུ་ཉྙཾ, ཨཱ་ག་ཙྪ་ནྟི མ་མཾ གྷ་རཾ.
༢༨༥. ‘‘པ་ཊ་གཱ [པ་ཊ་ཀཱ (སཱི. སྱཱ.), པ་ད་ཀཱ (པཱི.)] ལ་ཊུ་ཀཱ [ལ་ཊ་ཀཱ (སཱི.)] ས་བྦེ, ནི་ག་ཎྛཱ པུ་པྥ་སཱ་ཊ་ཀཱ;
ཏེ་ད་ཎྜི་ཀཱ ཨེ་ཀ་སི་ཁཱ, ཨཱ་ག་ཙྪ་ནྟི མ་མཾ གྷ་རཾ.
༢༨༦. ‘‘ཨཱ་ཛཱི་ཝ་ཀཱ ཝི་ལུ་ཏྟཱ་ཝཱི, གོ་དྷ་མྨཱ དེ་ཝ་དྷ་མྨི་ཀཱ;
ར་ཛོ་ཛ་ལླ་དྷ་རཱ ཨེ་ཏེ, ཨཱ་ག་ཙྪ་ནྟི མ་མཾ གྷ་རཾ.
༢༨༧. ‘‘པ་རི་ཏྟ་ཀཱ ས་ནྟི་པ་ཏྟཱ [པ་རི་ཝ་ཏྟ་ཀཱ སི་དྡྷི་པ་ཏྟཱ (སཱི. སྱཱ. པཱི.)], ཀོ་དྷ་པུ་གྒ་ནི་ཀཱ [ཀོ་ཎྜ་པུ་གྒ་ཎི་ཀཱ (སཱི.), ཀོ་ཎྜ་པུ་གྒ་ལི་ཀཱ (པཱི.)] བ་ཧཱུ;
ཏ་པ་སྶཱི ཝ་ན་ཙཱ་རཱི ཙ, ཨཱ་ག་ཙྪ་ནྟི མ་མཾ གྷ་རཾ.
༢༨༨. ‘‘ཨོ་ཌྜ་ཀཱ ད་མི་ལཱ༹ ཙེ་ཝ, སཱ་ཀུ་ལཱ༹ མ་ལ་ཝཱ་ལ༹་ཀཱ [མ་ལ་ཡཱ་ལ་ཀཱ (སཱི. སྱཱ. པཱི.)];
ས་ཝ་རཱ ཡོ་ན་ཀཱ ཙེ་ཝ, ཨཱ་ག་ཙྪ་ནྟི མ་མཾ གྷ་རཾ.
༢༨༩. ‘‘ཨ་ནྡྷ་ཀཱ མུ་ཎྜ་ཀཱ ས་བྦེ, ཀོ་ཊ་ལཱ ཧ་ནུ་ཝི་ནྡ་ཀཱ [ཀོ་ལ་ཀཱ སཱ་ནུ་ཝི་ནྡ་ཀཱ (སཱི. པཱི.)];
ཨཱ་རཱ་ཝ་ཙཱི་ན་ར་ཊྛཱ ཙ, ཨཱ་ག་ཙྪ་ནྟི མ་མཾ གྷ་རཾ.
༢༩༠. ‘‘ཨ་ལ་ས་ནྡ་ཀཱ [ཨ་ལ་ས་ནྟཱ (ཀ.)] པ་ལླ་ཝ་ཀཱ, དྷ་མྨ་རཱ ནི་གྒ་མཱ་ནུ་སཱ [བ་བྦ་རཱ བྷ་གྒ་ཀཱ་རུ་སཱ (སཱི.)];
གེ་ཧི་ཀཱ [རོ་ཧི་ཏཱ (སཱི.), བཱ་ཧི་ཀཱ (པཱི.)] ཙེ་ཏ་པུ་ཏྟཱ ཙ, ཨཱ་ག་ཙྪ་ནྟི མ་མཾ གྷ་རཾ.
༢༩༡. ‘‘མཱ་དྷུ་ར་ཀཱ ཀོ་ས་ལ་ཀཱ, ཀ་ལི་ངྒཱ [ཀཱ་སི་ཀཱ (སཱི.)] ཧ་ཏྠི་པོ་རི་ཀཱ;
ཨི་སི་ཎྜཱ མ་ཀྐ་ལཱ ཙེ་ཝ, ཨཱ་ག་ཙྪ་ནྟི མ་མཾ གྷ་རཾ.
༢༩༢. ‘‘ཙེ་ལཱ་ཝ་ཀཱ ཨཱ་ར་བྦྷཱ [ཨ་ར་མྨཱ (སཱི. པཱི.)] ཙ, ཨོ་གྷུ་ལ༹ྷཱ [ཨོ་ཀྐ་ལཱ (སཱི.)] མེ་གྷ་ལཱ བ་ཧཱུ;
ཁུ་དྡ་ཀཱ སུ་དྡ་ཀཱ ཙེ་ཝ, ཨཱ་ག་ཙྪ་ནྟི མ་མཾ གྷ་རཾ.
༢༩༣. ‘‘རོ་ཧ་ཎཱ སི་ནྡྷ་ཝཱ ཙེ་ཝ, ཙི་ཏ་ཀཱ ཨེ་ཀ་ཀ་ཎྞི་ཀཱ;
སུ་ར་ཊྛཱ ཨ་པ་ར་ནྟཱ ཙ, ཨཱ་ག་ཙྪ་ནྟི མ་མཾ གྷ་རཾ.
༢༩༤. ‘‘སུ་པྤཱ་ར་ཀཱ ཀུ་མཱ་རཱ [ཀི་ཀུ་མཱ་རཱ (སཱི. པཱི.)] ཙ, མ་ལླ་སོ་ཝ་ཎྞ་བྷཱུ་མི་ཀཱ [མ་ལ་ཡཱ སོ་ཎྞ་བྷཱུ་མི་ཀཱ (སཱི. སྱཱ. པཱི.)];
ཝ་ཛྫཱི་ཏ་ངྒཱ [ཝ་ཛྫཱི ཏཱ་རཱ (སཱི.), ཝ་ཛྫཱི་ཧཱ་རཱ (སྱཱ. པཱི.)] ཙ ཏེ ས་བྦེ, ཨཱ་ག་ཙྪ་ནྟི མ་མཾ གྷ་རཾ.
༢༩༥. ‘‘ན་ལ༹་ཀཱ་རཱ པེ་ས་ཀཱ་རཱ, ཙ་མྨ་ཀཱ་རཱ ཙ ཏ་ཙྪ་ཀཱ;
ཀ་མྨཱ་རཱ ཀུ་མྦྷ་ཀཱ་རཱ ཙ, ཨཱ་ག་ཙྪ་ནྟི མ་མཾ གྷ་རཾ.
༢༩༦. ‘‘མ་ཎི་ཀཱ་རཱ ལོ་ཧ་ཀཱ་རཱ, སོ་ཎྞ་ཀཱ་རཱ ཙ དུ་སྶི་ཀཱ;
ཏི་པུ་ཀཱ་རཱ ཙ ཏེ ས་བྦེ, ཨཱ་ག་ཙྪ་ནྟི མ་མཾ གྷ་རཾ.
༢༩༧. ‘‘ཨུ་སུ་ཀཱ་རཱ བྷ་མ་ཀཱ་རཱ, པེ་ས་ཀཱ་རཱ ཙ ག་ནྡྷི་ཀཱ;
ར་ཛ་ཀཱ ཏུ་ནྣ་ཝཱ་ཡཱ ཙ, ཨཱ་ག་ཙྪ་ནྟི མ་མཾ གྷ་རཾ.
༢༩༨. ‘‘ཏེ་ལི་ཀཱ ཀ་ཊྛ་ཧཱ་རཱ ཙ, ཨུ་ད་ཧཱ་རཱ ཙ པེ་སྶི་ཀཱ;
སཱུ་པི་ཀཱ སཱུ་པ་ར་ཀྑཱ ཙ, ཨཱ་ག་ཙྪ་ནྟི མ་མཾ གྷ་རཾ.
༢༩༩. ‘‘དོ་ཝཱ་རི་ཀཱ ཨ་ནཱི་ཀ་ཊྛཱ, བ་ནྡྷི་ཀཱ [ཝ་ནྡི་ཀཱ (སཱི.), ག་ནྠི་ཀཱ (སྱཱ.), ས་ནྡི་ཀཱ (པཱི.)] པུ་པྥ་ཚ་ཌྜ་ཀཱ;
ཧ་ཏྠཱ་རུ་ཧཱ ཧ་ཏྠི་པཱ་ལཱ, ཨཱ་ག་ཙྪ་ནྟི མ་མཾ གྷ་རཾ.
༣༠༠. ‘‘ཨཱ་ན་ནྡ་སྶ མ་ཧཱ་ར་ཉྙོ [ཨཱ་ན་ནྡ་སྶ ནཱ་མ ར་ཉྙོ (སྱཱ.), ཨ་རི་ནྡ་མ་ནཱ་མ ར་ཉྙོ (པཱི.)], མ་མ་ཏྠ་སྶ [པ་མ་ཏྟ་སྶ (སཱི. པཱི.), ས་མ་གྒ་སྶ (སྱཱ.)] ཨ་དཱ་ས་ཧཾ;
ས་ཏྟ་ཝ་ཎྞེ་ན ར་ཏ་ནེ་ན, ཨཱུ་ན་ཏྠཾ [ཨཱུ་ན་ཏྟཾ (སཱི. སྱཱ. པཱི.)] པཱུ་ར་ཡཱ་མ་ཧཾ.
༣༠༡. ‘‘ཡེ མ་ཡཱ ཀི་ཏྟི་ཏཱ ས་བྦེ, ནཱ་ནཱ་ཝ་ཎྞཱ བ་ཧཱུ ཛ་ནཱ;
ཏེ་སཱ་ཧཾ ཙི་ཏྟ་མ་ཉྙཱ་ཡ, ཏ་པྤ་ཡིཾ ར་ཏ་ནེ་ན་ཧཾ.
༣༠༢. ‘‘ཝ་གྒཱུ་སུ བྷཱ་ས་མཱ་ནཱ་སུ, ཝ་ཛྫ་མཱ་ནཱ་སུ བྷེ་རི་སུ;
ས་ངྑེ་སུ དྷ་མ་ཡ་ནྟེ་སུ, ས་ཀ་གེ་ཧེ ར་མཱ་མ་ཧཾ.
༣༠༣. ‘‘བྷ་ག་ཝཱ ཏ་མྷི ས་མ་ཡེ, པ་དུ་མུ་ཏྟ་ར་ནཱ་ཡ་ཀོ;
ཝ་སཱི་ས་ཏ་ས་ཧ་སྶེ་ཧི, པ་རི་ཀྑཱི་ཎཱ་ས་ཝེ་ཧི སོ.
༣༠༤. ‘‘བྷི་ཀྑཱུ་ཧི ས་ཧི་ཏོ ཝཱི་ཐིཾ, པ་ཊི་པ་ཛྫི་ཏྠ ཙ་ཀྑུ་མཱ;
ཨོ་བྷཱ་སེ་ནྟོ དི་སཱ ས་བྦཱ, དཱི་པ་རུ་ཀྑོ་ཝ ཛོ་ཏ་ཏི.
༣༠༥. ‘‘ཝ་ཛྫ་ནྟི བྷེ་རི་ཡོ ས་བྦཱ, ག་ཙྪ་ནྟེ ལོ་ཀ་ནཱ་ཡ་ཀེ;
པ་བྷཱ ནི་དྡྷཱ་ཝ་ཏེ ཏ་སྶ, ས་ཏ་རཾ་སཱི་ཝ ཨུ་གྒ་ཏོ.
༣༠༦. ‘‘ཀ་ཝཱ་ཊ་ནྟ་རི་ཀཱ་ཡཱ་པི, པ་ཝི་ཊྛེ་ན ཙ ར་སྨི་ནཱ;
ཨ་ནྟོ་གྷ་རེ་སུ ཝི་པུ་ལོ, ཨཱ་ལོ་ཀོ ཨཱ་སི ཏཱ་ཝ་དེ.
༣༠༧. ‘‘པ་བྷཾ དི་སྭཱ་ན བུ་དྡྷ་སྶ, པཱ་རི་ས་ཛྫེ ཨ་ཝོ་ཙ་ཧཾ;
ནི་སྶཾ་ས་ཡཾ བུ་དྡྷ་སེ་ཊྛོ, ཨི་མཾ ཝཱི་ཐི་མུ་པཱ་ག་ཏོ.
༣༠༨. ‘‘ཁི་པྤཾ ཨོ་རུ་ཡ྄ཧ པཱ་སཱ་དཱ, ཨ་ག་མིཾ ཨ་ནྟ་རཱ་པ་ཎཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨི་དཾ ཝ་ཙ་ན་མ་བྲ་ཝིཾ.
༣༠༩. ‘‘‘ཨ་ནུ་ཀ་མྤ་ཏུ མེ བུ་དྡྷོ, ཛ་ལ་ཛུ་ཏྟ་མ་ནཱ་ཡ་ཀོ;
ཝ་སཱི་ས་ཏ་ས་ཧ་སྶེ་ཧི, ཨ་དྷི་ཝཱ་སེ་སི སོ མུ་ནི’.
༣༡༠. ‘‘ནི་མ་ནྟེ་ཏྭཱ་ན ས་མྦུ་དྡྷཾ, ཨ་བྷི་ནེ་སིཾ ས་ཀཾ གྷ་རཾ;
ཏ་ཏྠ ཨ་ནྣེ་ན པཱ་ནེ་ན, ས་ནྟ་པྤེ་སིཾ མ་ཧཱ་མུ་ནིཾ.
༣༡༡. ‘‘བྷུ་ཏྟཱ་ཝིཾ ཀཱ་ལ་མ་ཉྙཱ་ཡ, བུ་དྡྷ་སེ་ཊྛ་སྶ ཏཱ་དི་ནོ;
ས་ཏ་ངྒི་ཀེ་ན ཏཱུ་རི་ཡེ་ན, བུ་དྡྷ་སེ་ཊྛཾ ཨུ་པ་ཊྛ་ཧིཾ.
༣༡༢. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཨ་ནྟོ་གྷ་རེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༣༡༣. ‘‘‘ཡོ མཾ ཏཱུ་རི་ཡེ་ཧུ་པ་ཊྛཱ་སི, ཨ་ནྣ་པཱ་ན་ཉྩ་དཱ་སི མེ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༣༡༤. ‘‘‘པ་ཧཱུ་ཏ་བྷ་ཀྑོ ཧུ་ཏྭཱ་ན, ས་ཧི་ར་ཉྙོ ས་བྷོ་ཛ་ནོ;
ཙ་ཏུ་དཱི་པེ ཨེ་ཀ་ར་ཛྫཾ, ཀཱ་ར་ཡི་སྶ་ཏི་ཡཾ ན་རོ.
༣༡༥. ‘‘‘པ་ཉྩ་སཱི་ལེ ས་མཱ་དཱ་ཡ, ད་ས་ཀ་མྨ་པ་ཐེ ཏ་ཏོ;
ས་མཱ་དཱ་ཡ པ་ཝ་ཏྟེ་ནྟོ, པ་རི་སཾ སི་ཀྑཱ་པ་ཡི་སྶ་ཏི.
༣༡༦. ‘‘‘ཏཱུ་རི་ཡ་ས་ཏ་ས་ཧ་སྶཱ་ནི, བྷེ་རི་ཡོ ས་མ་ལ་ངྐ་ཏཱ;
ཝ་ཛྫ་ཡི་སྶ་ནྟི་མཾ ནི་ཙྩཾ, ཨུ་པ་ཊྛཱ་ན་སྶི་དཾ ཕ་ལཾ.
༣༡༧. ‘‘‘ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི;
ཙ་ཏུ་ས་ཊྛི་ཀྑ་ཏྟུཾ དེ་ཝི་ནྡོ, དེ་ཝ་ར་ཛྫཾ ཀ་རི་སྶ་ཏི.
༣༡༨. ‘‘‘ཙ་ཏུ་ས་ཊྛི་ཀྑ་ཏྟུཾ རཱ་ཛཱ, ཙ་ཀྐ་ཝ་ཏྟཱི བྷ་ཝི་སྶ་ཏི;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༣༡༩. ‘‘‘ཀ་པྤ་ས་ཏ་ས་ཧ་སྶ་མྷི, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༣༢༠. ‘‘‘ཨུ་པ་པ་ཛྫ་ཏི ཡཾ ཡོ་ནིཾ, དེ་ཝ་ཏྟཾ ཨ་ཐ མཱ་ནུ་སཾ;
ཨ་ནཱུ་ན་བྷོ་གོ ཧུ་ཏྭཱ་ན, མ་ནུ་སྶ་ཏྟཾ ག་མི་སྶ་ཏི.
༣༢༡. ‘‘‘ཨ་ཛ྄ཛྷཱ་ཡ་ཀོ བྷ་ཝི་ཏྭཱ་ན, ཏི་ཎྞཾ ཝེ་དཱ་ན པཱ་ར་གཱུ;
ཨུ་ཏྟ་མ་ཏྠཾ ག་ཝེ་ས་ནྟོ, ཙ་རི་སྶ་ཏི མ་ཧིཾ ཨི་མཾ.
༣༢༢. ‘‘‘སོ པ་ཙྪཱ པ་བྦ་ཛི་ཏྭཱ་ན, སུ་ཀྐ་མཱུ་ལེ་ན ཙོ་དི་ཏོ;
གོ་ཏ་མ་སྶ བྷ་ག་ཝ་ཏོ, སཱ་ས་ནེ་བྷི་ར་མི་སྶ་ཏི.
༣༢༣. ‘‘‘ཨཱ་རཱ་དྷ་ཡི་ཏྭཱ་ན ས་མྦུ་དྡྷཾ, གོ་ཏ་མཾ ས་ཀྱ་པུ་ངྒ་ཝཾ;
ཀི་ལེ་སེ ཛྷཱ་པ་ཡི་ཏྭཱ་ན, ཨ་ར་ཧཱ་ཡཾ བྷ་ཝི་སྶ་ཏི’.
༣༢༤. ‘‘ཝི་པི་ནེ བྱ་གྒྷ་རཱ་ཛཱ་ཝ, མི་ག་རཱ་ཛཱ་ཝ ཀེ་ས་རཱི;
ཨ་བྷཱི་ཏོ ཝི་ཧ་རཱ་མ་ཛྫ, ས་ཀྱ་པུ་ཏྟ་སྶ སཱ་ས་ནེ.
༣༢༥. ‘‘དེ་ཝ་ལོ་ཀེ མ་ནུ་སྶེ ཝཱ, ད་ལི་དྡེ དུ་གྒ་ཏི་མྷི ཝཱ;
ནི་བྦ་ཏྟིཾ མེ ན པ་སྶཱ་མི, ཨུ་པ་ཊྛཱ་ན་སྶི་དཾ ཕ་ལཾ.
༣༢༦. ‘‘ཝི་ཝེ་ཀ་མ་ནུ་ཡུ་ཏྟོ་མྷི, ཨུ་པ་ས་ནྟོ ནི་རཱུ་པ་དྷི;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༣༢༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༣༢༨. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཛ་ཏུ་ཀ་ཎྞི་ཏྠེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཛ་ཏུ་ཀ་ཎྞི་ཏྠེ་ར་སྶཱ་པ་དཱ་ནཾ ན་ཝ་མཾ.