༡༠. ཨུ་དེ་ན་ཏྠེ་ར་ཨ་པ་དཱ་ནཾ
༣༣༠. ‘‘ཧི་མ་ཝ་ནྟ་སྶཱ་ཝི་དཱུ་རེ, པ་དུ་མོ ནཱ་མ པ་བྦ་ཏོ;
ཨ་སྶ་མོ སུ་ཀ་ཏོ མ་ཡ྄ཧཾ, པ་ཎྞ་སཱ་ལཱ སུ་མཱ་པི་ཏཱ.
༣༣༡. ‘‘ན་དི་ཡོ ས་ནྡ་རེ ཏ་ཏྠ, སུ་པ་ཏི་ཏྠཱ མ་ནོ་ར་མཱ;
ཨ་ཙྪོ་ད་ཀཱ སཱི་ཏ་ཛ་ལཱ, ས་ནྡ་རེ ན་དི་ཡོ ས་དཱ.
༣༣༢. ‘‘པཱ་ཋཱི་ནཱ པཱ་ཝུ་སཱ མ་ཙྪཱ, བ་ལ་ཛཱ མུ་ཉྫ་རོ་ཧི་ཏཱ;
སོ་བྷེ་ནྟཱ ན་དི་ཡོ ཨེ་ཏེ, ཝ་ས་ནྟི ན་དི་ཡཱ ས་དཱ.
༣༣༣. ‘‘ཨ་མྦ་ཛ་མྦཱུ་ཧི ས་ཉྪ་ནྣཱ, ཀ་རེ་རི་ཏི་ལ་ཀཱ ཏ་ཐཱ;
ཨུ་དྡཱ་ལ་ཀཱ པཱ་ཊ་ལི་ཡོ, སོ་བྷེ་ནྟི མ་མ ཨ་སྶ་མཾ.
༣༣༤. ‘‘ཨ་ངྐོ་ལ་ཀཱ བི་མྦི་ཛཱ་ལཱ, མཱ་ཡཱ་ཀཱ་རཱི ཙ པུ་པྥི་ཏཱ;
ག་ནྡྷེ་ན ཨུ་པ་ཝཱ་ཡ་ནྟཱ, སོ་བྷེ་ནྟི མ་མ ཨ་སྶ་མཾ.
༣༣༥. ‘‘ཨ་ཏི་མུ་ཏྟཱ ས་ཏྟ་ལི་ཀཱ, ནཱ་གཱ སཱ་ལཱ ཙ པུ་པྥི་ཏཱ;
དི་བྦ་ག་ནྡྷཾ ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༣༦. ‘‘ཀོ་ས་མྦཱ ས་ལ༹་ལཱ ནཱི་པཱ, ཨ་ཊྛ་ངྒཱ་པི ཙ པུ་པྥི་ཏཱ [ཨ་ཊྛ་ངྒཱ ཙ སུ་པུ་པྥི་ཏཱ (སཱི.), ཀ་ཊྛ་ངྒཱ ཙ སུ་པུ་པྥི་ཏཱ (པཱི.)];
དི་བྦ་ག་ནྡྷཾ ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༣༧. ‘‘ཧ་རཱི་ཏ་ཀཱ ཨཱ་མ་ལ་ཀཱ, ཨ་མྦ་ཛ་མྦུ་ཝི་བྷཱི་ཏ་ཀཱ;
ཀོ་ལཱ བྷ་ལླཱ་ཏ་ཀཱ བི་ལླཱ, ཕ་ལཱ་ནི བ་ཧུ ཨ་སྶ་མེ.
༣༣༨. ‘‘ཀ་ལ་མྦཱ ཀ་ནྡ་ལཱི ཏ་ཏྠ, པུ་པྥ་ནྟི མ་མ ཨ་སྶ་མེ;
དི་བྦ་ག་ནྡྷཾ [དི་བྦ་ག་ནྡྷཱ (སཱི. སྱཱ. པཱི.) ཨེ་ཝཾ པ་ར་ཏྠ་པི] ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༣༩. ‘‘ཨ་སོ་ཀ་པི་ཎྜི་ཝཱ་རཱི ཙ [ཨ་སོ་ཀ་པི་ཎྜཱི ཙ ཝ་རཱི (སཱི. སྱཱ.), ཨ་སོ་ཀ་པི་ཎྜཱི ཙ ཝཱ་རཱི (པཱི.)], ནི་མྦ་རུ་ཀྑཱ ཙ པུ་པྥི་ཏཱ;
དི་བྦ་ག་ནྡྷཾ ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༤༠. ‘‘པུ་ནྣཱ་གཱ གི་རི་པུ་ནྣཱ་གཱ, ཏི་མི་རཱ ཏ་ཏྠ པུ་པྥི་ཏཱ;
དི་བྦ་ག་ནྡྷཾ ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༤༡. ‘‘ནི་གྒུ་ཎྜཱི སི་རི་ནི་གྒུ་ཎྜཱི, ཙ་མྤ་རུ་ཀྑེ་ཏྠ པུ་པྥི་ཏཱ;
དི་བྦ་ག་ནྡྷཾ ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༤༢. ‘‘ཨ་ཝི་དཱུ་རེ པོ་ཀྑ་ར་ཎཱི, ཙ་ཀྐ་ཝཱ་ཀཱུ་པ་ཀཱུ་ཛི་ཏཱ;
མ་ནྡཱ་ལ་ཀེ་ཧི ས་ཉྪ་ནྣཱ, པ་དུ་མུ་པྤ་ལ་ཀེ་ཧི ཙ.
༣༤༣. ‘‘ཨ་ཙྪོ་ད་ཀཱ སཱི་ཏ་ཛ་ལཱ, སུ་པ་ཏི་ཏྠཱ མ་ནོ་ར་མཱ;
ཨ་ཙྪཱ ཕ་ལི་ཀ་ས་མཱ་ནཱ, སོ་བྷེ་ནྟི མ་མ ཨ་སྶ་མཾ.
༣༤༤. ‘‘པ་དུ་མཱ པུ་པྥ་རེ ཏ་ཏྠ, པུ་ཎྜ་རཱི་ཀཱ ཙ ཨུ་པྤ་ལཱ;
མ་ནྡཱ་ལ་ཀེ་ཧི ས་ཉྪ་ནྣཱ, སོ་བྷེ་ནྟི མ་མ ཨ་སྶ་མཾ.
༣༤༥. ‘‘པཱ་ཋཱི་ནཱ པཱ་ཝུ་སཱ མ་ཙྪཱ, བ་ལ་ཛཱ མུ་ཉྫ་རོ་ཧི་ཏཱ;
ཝི་ཙ་ར་ནྟཱ་ཝ ཏེ ཏ་ཏྠ, སོ་བྷེ་ནྟི མ་མ ཨ་སྶ་མཾ.
༣༤༦. ‘‘ཀུ་མྦྷཱི་ལཱ སུ་སུ་མཱ་རཱ ཙ, ཀ་ཙྪ་པཱ ཙ ག་ཧཱ བ་ཧཱུ;
ཨོ་ག་ཧཱ ཨ་ཛ་ག་རཱ ཙ, སོ་བྷེ་ནྟི མ་མ ཨ་སྶ་མཾ.
༣༤༧. ‘‘པཱ་རེ་ཝ་ཏཱ ར་ཝི་ཧཾ་སཱ, ཙ་ཀྐ་ཝཱ་ཀཱ ན་དཱི་ཙ་རཱ;
དི་ནྡི་བྷཱ སཱ་ལི༹་ཀཱ ཙེ་ཏྠ, སོ་བྷེ་ནྟི མ་མ ཨ་སྶ་མཾ.
༣༤༨. ‘‘ན་ཡི་ཏཱ ཨ་མྦ་ག་ནྡྷཱི ཙ, ཀེ་ཏ་ཀཱ ཏ་ཏྠ པུ་པྥི་ཏཱ;
དི་བྦ་ག་ནྡྷཾ ས་མྤ་ཝ་ནྟཱ, སོ་བྷེ་ནྟི མ་མ ཨ་སྶ་མཾ.
༣༤༩. ‘‘སཱི་ཧཱ བྱ་གྒྷཱ ཙ དཱི་པཱི ཙ, ཨ་ཙྪ་ཀོ་ཀ་ཏ་ར་ཙྪ་ཀཱ;
ཨ་ནུ་ས་ཉྩ་ར་ནྟཱ པ་ཝ་ནེ, སོ་བྷེ་ནྟི མ་མ ཨ་སྶ་མཾ.
༣༥༠. ‘‘ཛ་ཊཱ་བྷཱ་རེ་ན བྷ་རི་ཏཱ, ཨ་ཛི་ནུ་ཏྟ་ར་ཝཱ་ས་ནཱ;
ཨ་ནུ་ས་ཉྩ་ར་ནྟཱ པ་ཝ་ནེ, སོ་བྷེ་ནྟི མ་མ ཨ་སྶ་མཾ.
༣༥༡. ‘‘ཨ་ཛི་ནཱ་ནི་དྷ་རཱ ཨེ་ཏེ, ནི་པ་ཀཱ ས་ནྟ་ཝུ་ཏྟི་ནོ;
ཨ་པྤཱ་ཧཱ་རཱ་ཝ ཏེ ས་བྦེ, སོ་བྷེ་ནྟི མ་མ ཨ་སྶ་མཾ.
༣༥༢. ‘‘ཁཱ་རི་བྷཱ་རཾ ག་ཧེ་ཏྭཱ་ན, ཨ་ཛ྄ཛྷོ་ག་ཡ྄ཧ ཝ་ནཾ ཏ་དཱ;
མཱུ་ལ་ཕ་ལཱ་ནི བྷུ་ཉྫ་ནྟཱ, ཝ་ས་ནྟི ཨ་སྶ་མེ ཏ་དཱ.
༣༥༣. ‘‘ན ཏེ དཱ་རུཾ ཨཱ་ཧ་ར་ནྟི, ཨུ་ད་ཀཾ པཱ་ད་དྷོ་ཝ་ནཾ;
ས་བྦེ་སཾ ཨཱ་ནུ་བྷཱ་ཝེ་ན, ས་ཡ་མེ་ཝཱ་ཧ་རཱི་ཡ་ཏི.
༣༥༤. ‘‘ཙུ་ལླཱ་སཱི་ཏི་ས་ཧ་སྶཱ་ནི, ཨི་ས་ཡེ་ཏྠ ས་མཱ་ག་ཏཱ;
ས་བྦེ་ཝ ཛྷཱ་ཡི་ནོ ཨེ་ཏེ, ཨུ་ཏྟ་མ་ཏྠ་ག་ཝེ་ས་ཀཱ.
༣༥༥. ‘‘ཏ་པ་སྶི་ནོ བྲ་ཧྨ་ཙཱ་རཱི, ཙོ་དེ་ནྟཱ ཨ་པྤ་ནཱ་ཝ ཏེ;
ཨ་མྦ་རཱ་ཝ་ཙ་རཱ ས་བྦེ, ཝ་ས་ནྟི ཨ་སྶ་མེ ཏ་དཱ.
༣༥༦. ‘‘པ་ཉྩཱ་ཧཾ ས་ནྣི་པ་ཏ་ནྟི, ཨེ་ཀ་གྒཱ ས་ནྟ་ཝུ་ཏྟི་ནོ;
ཨ་ཉྙོ་ཉྙཾ ཨ་བྷི་ཝཱ་དེ་ཏྭཱ, པ་ཀྐ་མ་ནྟི དི་སཱ་མུ་ཁཱ.
༣༥༧. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཏ་མ་ནྡྷ་ཀཱ་རཾ ཝི་དྷ་མཾ, ཨུ་པྤ་ཛྫི ཏཱ་ཝ་དེ ཛི་ནོ.
༣༥༨. ‘‘མ་མ ཨ་སྶ་མ་སཱ་མ་ནྟཱ, ཡ་ཀྑོ ཨཱ་སི མ་ཧི་དྡྷི་ཀོ;
སོ མེ སཾ་སི་ཏྠ ས་མྦུ་དྡྷཾ, ཛ་ལ་ཛུ་ཏྟ་མ་ནཱ་ཡ་ཀཾ.
༣༥༩. ‘‘ཨེ་ས བུ་དྡྷོ ས་མུ་པྤ་ནྣོ, པ་དུ་མུ་ཏྟ་རོ མ་ཧཱ་མུ་ནི;
ཁི་པྤཾ ག་ནྟྭཱ་ན ས་མྦུ་དྡྷཾ, པ་ཡི་རཱུ་པཱ་ས མཱ་རི་ས.
༣༦༠. ‘‘ཡ་ཀྑ་སྶ ཝ་ཙ་ནཾ སུ་ཏྭཱ, ཝི་པྤ་ས་ནྣེ་ན ཙེ་ཏ་སཱ;
ཨ་སྶ་མཾ སཾ་སཱ་མེ་ཏྭཱ་ན, ནི་ཀྑ་མིཾ ཝི་པི་ནཱ ཏ་དཱ.
༣༦༡. ‘‘ཙེ་ལེ༹་ཝ ཌ་ཡ྄ཧ་མཱ་ན་མྷི, ནི་ཀྑ་མི་ཏྭཱ་ན ཨ་སྶ་མཱ;
ཨེ་ཀ་ར་ཏྟིཾ ནི་ཝཱ་སེ་ཏྭཱ [ནི་ཝ་སི་ཏྭཱ (སཱི.), ནི་ཝཱ་སེ་ན (?)], ཨུ་པ་ག་ཙྪིཾ ཝི་ནཱ་ཡ་ཀཾ.
༣༦༢. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཙ་ཏུ་ས་ཙྩཾ པ་ཀཱ་སེ་ནྟོ, དེ་སེ་སི ཨ་མ་ཏཾ པ་དཾ.
༣༦༣. ‘‘སུ་ཕུ་ལླཾ པ་དུ་མཾ ག་ཡ྄ཧ, ཨུ་པ་ག་ནྟྭཱ མ་ཧེ་སི་ནོ;
པ་ས་ནྣ་ཙི་ཏྟོ སུ་མ་ནོ, བུ་དྡྷ་སྶ ཨ་བྷི་རོ་པ་ཡིཾ.
༣༦༤. ‘‘པཱུ་ཛ་ཡི་ཏྭཱ་ན ས་མྦུ་དྡྷཾ, ཛ་ལ་ཛུ་ཏྟ་མ་ནཱ་ཡ་ཀཾ;
ཨེ་ཀཾ་སཾ ཨ་ཛི་ནཾ ཀ་ཏྭཱ, ས་ནྠ་ཝིཾ ལོ་ཀ་ནཱ་ཡ་ཀཾ.
༣༦༥. ‘‘ཡེ་ན ཉཱ་ཎེ་ན ས་མྦུ་དྡྷོ, ཝ་ས་ཏཱི་ཧ ཨ་ནཱ་ས་ཝོ;
ཏཾ ཉཱ་ཎཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༣༦༦. ‘‘‘སཾ་སཱ་ར་སོ་ཏཾ ཚི་ནྡི་ཏྭཱ, ཏཱ་རེ་སི ས་བྦ་པཱ་ཎི་ནཾ;
ཏ་ཝ དྷ་མྨཾ སུ་ཎི་ཏྭཱ་ན, ཏ་ཎྷཱ་སོ་ཏཾ ཏ་ར་ནྟི ཏེ.
༣༦༧. ‘‘‘ཏུ་ཝཾ ས་ཏྠཱ ཙ ཀེ་ཏུ ཙ, དྷ་ཛོ ཡཱུ་པོ ཙ པཱ་ཎི་ནཾ;
པ་རཱ་ཡ་ཎོ པ་ཏི་ཊྛཱ ཙ, དཱི་པོ ཙ དྭི་པ་དུ་ཏྟ་མ [དི་པ་དུ་ཏྟ་མ (སཱི. སྱཱ. པཱི.)].
༣༦༨. ‘‘‘ཡཱ་ཝ་ཏཱ ག་ཎི་ནོ ལོ་ཀེ, ས་ཏྠ་ཝཱ་ཧཱ པ་ཝུ་ཙྩ་རེ;
ཏུ་ཝཾ ཨ་གྒོ་སི ས་བྦ་ཉྙུ, ཏ་ཝ ཨ་ནྟོ་ག་དྷཱ་ཝ ཏེ.
༣༦༩. ‘‘‘ཏ་ཝ ཉཱ་ཎེ་ན ས་བྦ་ཉྙུ, ཏཱ་རེ་སི ཛ་ན་ཏཾ བ་ཧུཾ;
ཏ་ཝ ད་སྶ་ན་མཱ་ག་མྨ, དུ་ཀྑ་སྶ་ནྟཾ ཀ་རི་སྶ་རེ.
༣༧༠. ‘‘‘ཡེ ཀེ་ཙི་མེ ག་ནྡྷ་ཛཱ་ཏཱ, ལོ་ཀེ ཝཱ་ཡ་ནྟི ཙ་ཀྑུ་མ;
ཏ་ཝ ག་ནྡྷ་ས་མོ ན་ཏྠི, པུ་ཉྙ་ཀྑེ་ཏྟེ མ་ཧཱ་མུ་ནེ’.
༣༧༡. ‘‘‘ཏི་ར་ཙྪཱ་ན་ཡོ་ནིཾ ནི་ར་ཡཾ, པ་རི་མོ་ཙེ་སི [པ་རི་མོ་ཙེ་ཧི (སྱཱ. ཀ.)] ཙ་ཀྑུ་མ;
ཨ་ས་ངྑ་ཏཾ པ་དཾ ས་ནྟཾ, དེ་སེ་སི [དེ་སེ་ཧི (སྱཱ. ཀ.)] ཏྭཾ མ་ཧཱ་མུ་ནེ’.
༣༧༢. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
བྷི་ཀྑུ་ས་ངྒྷེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༣༧༣. ‘‘‘ཡོ མེ ཉཱ་ཎཾ ཨ་པཱུ་ཛེ་སི, པ་ས་ནྣོ སེ་ཧི པཱ་ཎི་བྷི;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༣༧༤. ‘‘‘ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི;
ས་ཧ་སྶ་ཀྑ་ཏྟུཾ རཱ་ཛཱ ཙ, ཙ་ཀྐ་ཝ་ཏྟཱི བྷ་ཝི་སྶ་ཏི’.
༣༧༥. ‘‘སུ་ལ་དྡྷ་ལཱ་བྷཾ ལ་དྡྷོ་མྷི, ཏོ་ས་ཡི་ཏྭཱ་ན སུ་བྦ་ཏཾ;
ས་བྦཱ་ས་ཝེ པ་རི་ཉྙཱ་ཡ, ཝི་ཧ་རཱ་མི ཨ་ནཱ་ས་ཝོ.
༣༧༦. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༣༧༧. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༧༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་དེ་ནོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་དེ་ན་ཏྠེ་ར་སྶཱ་པ་དཱ་ནཾ ད་ས་མཾ.
མེ་ཏྟེ་ཡྻ་ཝ་གྒོ ཨེ་ཀ་ཙ་ཏྟཱ་ལཱི་ས་མོ.