༥. ཨུ་པ་སཱི་ཝ་ཏྠེ་ར་ཨ་པ་དཱ་ནཾ
༡༠༠. ‘‘ཧི་མ་ཝ་ནྟ་སྶཱ་ཝི་དཱུ་རེ, ཨ་ནོ་མོ ནཱ་མ པ་བྦ་ཏོ;
ཨ་སྶ་མོ སུ་ཀ་ཏོ མ་ཡ྄ཧཾ, པ་ཎྞ་སཱ་ལཱ སུ་མཱ་པི་ཏཱ.
༡༠༡. ‘‘ན་དཱི ཙ ས་ནྡ་ཏཱི ཏ་ཏྠ, སུ་པ་ཏི་ཏྠཱ མ་ནོ་ར་མཱ;
ཨ་ནཱུ་པ་ཏི་ཏྠེ ཛཱ་ཡ་ནྟི, པ་དུ་མུ་པྤ་ལ་ཀཱ བ་ཧཱུ.
༡༠༢. ‘‘པཱ་ཋཱི་ནཱ པཱ་ཝུ་སཱ མ་ཙྪཱ, བ་ལ་ཛཱ མུ་ཉྫ་རོ་ཧི་ཏཱ;
མ་ཙྪ་ཀ་ཙྪ་པ་ས་ཉྪ་ནྣཱ [མ་ཙྪ་ཀ་ཙྪ་པ་ས་མྤ་ནྣཱ (?)], ན་དི་ཀཱ ས་ནྡ་ཏེ ཏ་དཱ.
༡༠༣. ‘‘ཏི་མི་རཱ པུ་པྥི་ཏཱ ཏ་ཏྠ, ཨ་སོ་ཀཱ ཁུ་དྡ་མཱ་ལ་ཀཱ;
པུ་ནྣཱ་གཱ གི་རི་པུ་ནྣཱ་གཱ, ས་མྤ་ཝ་ནྟི མ་མ་སྶ་མཾ.
༡༠༤. ‘‘ཀུ་ཊ་ཛཱ པུ་པྥི་ཏཱ ཏ་ཏྠ, ཏི་ཎ་སཱུ་ལ་ཝ་ནཱ་ནི ཙ;
སཱ་ལཱ ཙ ས་ལ༹་ལཱ ཏ་ཏྠ, ཙ་མྤ་ཀཱ པུ་པྥི་ཏཱ བ་ཧཱུ.
༡༠༥. ‘‘ཨ་ཛྫུ་ནཱ ཨ་ཏི་མུ་ཏྟཱ ཙ, མ་ཧཱ་ནཱ་མཱ ཙ པུ་པྥི་ཏཱ;
ཨ་ས་ནཱ མ་དྷུ་ག་ནྡྷཱི ཙ, པུ་པྥི་ཏཱ ཏེ མ་མ་སྶ་མེ.
༡༠༦. ‘‘ཨུ་དྡཱ་ལ་ཀཱ པཱ་ཊ་ལི་ཀཱ, ཡཱུ་ཐི་ཀཱ ཙ པི་ཡ་ངྒུ་ཀཱ;
བི་མྦི་ཛཱ་ལ་ཀ་ས་ཉྪ་ནྣཱ, ས་མ་ནྟཱ ཨ་ཌྜྷ་ཡོ་ཛ་ནཾ.
༡༠༧. ‘‘མཱ་ཏ་གྒཱ་རཱ [མཱ་ཏ་ངྒ་ཝཱ (སཱི.), མཱ་ཏ་ཀ་རཱ (སྱཱ.), མཱ་ཏ་ངྒཱ ཝཱ (པཱི.)] ས་ཏྟ་ལི་ཡོ, པཱ་ཊ་ལཱི སི་ནྡུ་ཝཱ་ར་ཀཱ;
ཨ་ངྐོ་ལ་ཀཱ བ་ཧཱུ ཏ་ཏྠ, ཏཱ་ལ་ཀུ་ཊྛི [ཏཱ་ལ་ཀཱུ་ཊཱ (སཱི. སྱཱ.), ཏཱ་ལ་ཀུ་ཊྛཱ (པཱི.)] ཙ པུ་པྥི་ཏཱ;
སེ་ལེ་ཡྻ་ཀཱ བ་ཧཱུ ཏ་ཏྠ, པུ་པྥི་ཏཱ མ་མ ཨ་སྶ་མེ.
༡༠༨. ‘‘ཨེ་ཏེ་སུ པུ་པྥ་ཛཱ་ཏེ་སུ [པུ་པྥ་མཱ་ནེ་སུ (སཱི. པཱི.)], སོ་བྷ་ནྟི པཱ་ད་པཱ བ་ཧཱུ;
ས་མ་ནྟཱ ཏེ་ན ག་ནྡྷེ་ན, ཝཱ་ཡ་ཏེ མ་མ ཨ་སྶ་མོ.
༡༠༩. ‘‘ཧ་རཱི་ཏ་ཀཱ ཨཱ་མ་ལ་ཀཱ, ཨ་མྦ་ཛ་མྦུ་ཝི་བྷཱི་ཏ་ཀཱ [ཝི་བྷི་ཊ་ཀཱ (སཱི.)];
ཀོ་ལཱ བྷ་ལླཱ་ཏ་ཀཱ བི་ལླཱ, ཕཱ་རུ་ས་ཀ་ཕ་ལཱ་ནི ཙ.
༡༡༠. ‘‘ཏི་ནྡུ་ཀཱ ཙ པི་ཡཱ་ལཱ ཙ, མ་དྷུ་ཀཱ ཀཱ་སུ་མཱ་ར་ཡོ;
ལ་བུ་ཛཱ པ་ན་སཱ ཏ་ཏྠ, ཀ་ད་ལཱི བ་ད་རཱི་ཕ་ལཱ [མ་ནྡ་རི་ཕ་ལཱ (ཀ.), ཙ་ནྡ་རཱི་ཕ་ལཱ (སྱཱ. པཱི.)].
༡༡༡. ‘‘ཨ་མྦཱ་ཊ་ཀཱ བ་ཧཱུ ཏ་ཏྠ, ཝ་ལླི་ཀཱ་ར་ཕ་ལཱ་ནི ཙ;
བཱི་ཛ་པཱུ་ར་ས་པཱ་རི་ཡོ [ཙི་ར་སཾ་ར་ས་པཱ་ཀཱ ཙ (སྱཱ.), ཝི་ཊ་པཱ ཙ ས་པཱ་ཀཱ ཙ (པཱི), ཝི་ད་པ་ར་པ་དཱ་ད་ཡོ (ཀ.)], ཕ་ལི་ཏཱ མ་མ ཨ་སྶ་མེ.
༡༡༢. ‘‘ཨཱ་ལ༹་ཀཱ ཨི་སི་མུ་གྒཱ ཙ, ཏ་ཏོ མོ་ད་ཕ་ལཱ བ་ཧཱུ;
ཨ་ཝ་ཊཱ པ་ཀྐ་བྷ་རི་ཏཱ [ས་ཀྐ་རཱ་རི་ཏཱ (ཀ.)], པི་ལ་ཀྑུ་དུ་མྦ་རཱ་ནི ཙ.
༡༡༣. ‘‘པི་པྥི་ལཱི མ་རཱི་ཙཱ ཏ་ཏྠ, ནི་གྲོ་དྷཱ ཙ ཀ་པི་ཏྠ་ནཱ;
ཨུ་དུ་མྦ་ར་ཀཱ བ་ཧ་ཝོ, ཀ་ཎྜུ་པ་ཎྞཱ ཙ ཧ་རི་ཡོ [ཀ་ཎྜ་པ་ཀྐཱ ཙ པཱ་རི་ཡོ (སཱི. སྱཱ. པཱི.)].
༡༡༤. ‘‘ཨེ་ཏེ ཙ་ཉྙེ ཙ བ་ཧ་ཝོ, ཕ་ལི་ཏཱ ཨ་སྶ་མེ མ་མ;
པུ་པྥ་རུ་ཀྑཱ་པི བ་ཧ་ཝོ, པུ་པྥི་ཏཱ མ་མ ཨ་སྶ་མེ.
༡༡༥. ‘‘ཨཱ་ལུ་ཝཱ ཙ ཀ་ལ༹་མྦཱ ཙ, བི་ལཱ༹་ལཱི ཏ་ཀྐ་ལཱ་ནི ཙ;
ཨཱ་ལ་ཀཱ ཏཱ་ལ་ཀཱ ཙེ་ཝ, ཝི་ཛྫ་ནྟི ཨ་སྶ་མེ མ་མ.
༡༡༦. ‘‘ཨ་སྶ་མ་སྶཱ་ཝི་དཱུ་རེ མེ, མ་ཧཱ་ཛཱ་ཏ་སྶ་རོ ཨ་ཧུ;
ཨ་ཙྪོ་ད་ཀོ སཱི་ཏ་ཛ་ལོ, སུ་པ་ཏི་ཏྠོ མ་ནོ་ར་མོ.
༡༡༧. ‘‘པ་དུ་མུ་པྤ་ལཱ བ་ཧཱུ ཏ་ཏྠ, པུ་ཎྜ་རཱི་ཀ་ས་མཱ་ཡུ་ཏཱ;
མ་ནྡཱ་ལ་ཀེ་ཧི ས་ཉྪ་ནྣཱ, ནཱ་ནཱ་ག་ནྡྷ་ས་མེ་རི་ཏཱ.
༡༡༨. ‘‘ག་བྦྷཾ ག་ཎྷ་ནྟི པ་དུ་མཱ, ཨ་ཉྙེ པུ་པྥ་ནྟི ཀེ་ས་རཱི;
ཨོ་པུ་པྥ་པ་ཏྟཱ ཏི་ཊྛ་ནྟི, པ་དུ་མཱ་ཀ་ཎྞི་ཀཱ བ་ཧཱུ.
༡༡༩. ‘‘མ་དྷུ བྷི་ས་མྷཱ ས་ཝ་ཏི, ཁཱི་རཾ ས་པྤི མུ་ལཱ་ལི༹་བྷི;
ས་མ་ནྟཱ ཏེ་ན ག་ནྡྷེ་ན, ནཱ་ནཱ་ག་ནྡྷ་ས་མེ་རི་ཏཱ.
༡༢༠. ‘‘ཀུ་མུ་དཱ ཨ་མྦ་ག་ནྡྷི ཙ, ན་ཡི་ཏཱ དི་སྶ་རེ བ་ཧཱུ;
ཛཱ་ཏ་སྶ་ར་སྶཱ་ནུ་ཀཱུ་ལཾ, ཀེ་ཏ་ཀཱ པུ་པྥི་ཏཱ བ་ཧཱུ.
༡༢༡. ‘‘སུ་ཕུ་ལླཱ བ་ནྡྷུ་ཛཱི་ཝཱ ཙ, སེ་ཏ་ཝཱ་རཱི སུ་ག་ནྡྷི་ཀཱ;
ཀུ་མྦྷི་ལཱ སུ་སུ་མཱ་རཱ ཙ, ག་ཧ་ཀཱ ཏ་ཏྠ ཛཱ་ཡ་རེ.
༡༢༢. ‘‘ཨུ་གྒཱ་ཧ་ཀཱ ཨ་ཛ་ག་རཱ, ཏ་ཏྠ ཛཱ་ཏ་སྶ་རེ བ་ཧཱུ;
པཱ་ཋཱི་ནཱ པཱ་ཝུ་སཱ མ་ཙྪཱ, བ་ལ་ཛཱ མུ་ཉྫ་རོ་ཧི་ཏཱ.
༡༢༣. ‘‘མ་ཙྪ་ཀ་ཙྪ་པ་ས་ཉྪ་ནྣཱ, ཨ་ཐོ པ་པ་ཊ་ཀཱ་ཧི [པ་མྤ་ཊ་ཀེ་ཧི (སཱི.), ས་པ་ཊ་ཀེ་ཧི (སྱཱ.), པ་པྤ་ཊ་ཀེ་ཧི (པཱི)] ཙ;
པཱ་རེ་ཝ་ཏཱ ར་ཝི་ཧཾ་སཱ, ཀུ་ཀུ་ཏྠཱ [ཀུ་ཀྐུ་ཏྠཱ (སྱཱ. ཀ.), ཀུ་ཏྠ་ཀཱ (པཱི.)] ཙ ན་དཱི་ཙ་རཱ.
༡༢༤. ‘‘དི་ནྡི་བྷཱ [ཊི་ཊྚི་བྷཱ (པཱི.)] ཙ་ཀྐ་ཝཱ་ཀཱ ཙ, པ་མྤ་ཀཱ ཛཱི་ཝ་ཛཱི་ཝ་ཀཱ;
ཀ་ལ་ནྡ་ཀཱ ཨུ་ཀྐུ་སཱ ཙ, སེ་ན་ཀཱ ཨུ་དྡྷ་རཱ བ་ཧཱུ.
༡༢༥. ‘‘ཀོ་ཊྛ་ཀཱ སུ་ཀ་པོ་ཏཱ ཙ, ཏུ་ལི་ཡཱ ཙ་མ་རཱ བ་ཧཱུ;
ཀཱ་རེ་ནི་ཡོ [ཀཱ་སེ་ནི་ཡཱ (སྱཱ.)] ཙ ཏི་ལ་ཀཱ [ཀི་ལ་ཀཱ (ཀ.)], ཨུ་པ་ཛཱི་ཝ་ནྟི ཏཾ ས་རཾ.
༡༢༦. ‘‘སཱི་ཧཱ བྱ་གྒྷཱ ཙ དཱི་པཱི ཙ, ཨ་ཙྪ་ཀོ་ཀ་ཏ་ར་ཙྪ་ཀཱ;
ཝཱ་ན་རཱ ཀི་ནྣ་རཱ ཙེ་ཝ, དི་སྶ་ནྟི མ་མ ཨ་སྶ་མེ.
༡༢༧. ‘‘ཏཱ་ནི ག་ནྡྷཱ་ནི གྷཱ་ཡ་ནྟོ, བྷ་ཀྑ་ཡ་ནྟོ ཕ་ལཱ་ན་ཧཾ;
ག་ནྡྷོ་ད་ཀཾ པི་ཝ་ནྟོ ཙ, ཝ་སཱ་མི མ་མ ཨ་སྶ་མེ.
༡༢༨. ‘‘ཨེ་ཎཱི་མི་གཱ ཝ་རཱ་ཧཱ ཙ, པ་ས་དཱ ཁུ་དྡ་རཱུ་པ་ཀཱ;
ཨ་གྒི་ཀཱ ཛོ་ཏི་ཀཱ ཙེ་ཝ, ཝ་ས་ནྟི མ་མ ཨ་སྶ་མེ.
༡༢༩. ‘‘ཧཾ་སཱ ཀོ་ཉྩཱ མ་ཡཱུ་རཱ ཙ, སཱ་ལི་ཀཱ་པི ཙ ཀོ་ཀི་ལཱ;
མ་ཛྫཱ་རི་ཀཱ [མ་ཉྫ་རི་ཀཱ (སཱི. སྱཱ. པཱི.)] བ་ཧཱུ ཏ་ཏྠ, ཀོ་སི་ཀཱ པོ་ཊྛ་སཱི་ས་ཀཱ.
༡༣༠. ‘‘པི་སཱ་ཙཱ དཱ་ན་ཝཱ ཙེ་ཝ, ཀུ་མྦྷ་ཎྜཱ ར་ཀྑ་སཱ བ་ཧཱུ;
ག་རུ་ལཱ༹ པ་ནྣ་གཱ ཙེ་ཝ, ཝ་ས་ནྟི མ་མ ཨ་སྶ་མེ.
༡༣༡. ‘‘མ་ཧཱ་ནུ་བྷཱ་ཝཱ ཨི་ས་ཡོ, ས་ནྟ་ཙི་ཏྟཱ ས་མཱ་ཧི་ཏཱ;
ཀ་མ་ཎྜ་ལུ་དྷ་རཱ ས་བྦེ, ཨ་ཛི་ནུ་ཏྟ་ར་ཝཱ་ས་ནཱ;
ཛ་ཊཱ་བྷཱ་ར་བྷ་རི་ཏཱ་ཝ [ཏེ ཛ་ཊཱ་བྷཱ་ར་བྷ་རི་ཏཱ (སཱི. པཱི.), ཛ་ཊཱ་བྷཱ་ར་བྷ་རི་ཏཱ ཙ (སྱཱ.)], ཝ་ས་ནྟི མ་མ ཨ་སྶ་མེ.
༡༣༢. ‘‘ཡུ་ག་མ་ཏྟ་ཉྩ པེ་ཀྑ་ནྟཱ, ནི་པ་ཀཱ ས་ནྟ་ཝུ་ཏྟི་ནོ;
ལཱ་བྷཱ་ལཱ་བྷེ་ན ས་ནྟུ་ཊྛཱ, ཝ་ས་ནྟི མ་མ ཨ་སྶ་མེ.
༡༣༣. ‘‘ཝཱ་ཀ་ཙཱི་རཾ དྷུ་ན་ནྟཱ ཏེ, ཕོ་ཊེ་ནྟཱ་ཛི་ན་ཙ་མྨ་ཀཾ;
ས་བ་ལེ་ཧི ཨུ་པ་ཏྠ་དྡྷཱ, ག་ཙྪ་ནྟི ཨ་མྦ་རེ ཏ་དཱ.
༡༣༤. ‘‘ན ཏེ ད་ཀཾ ཨཱ་ཧ་ར་ནྟི, ཀ་ཊྛཾ ཝཱ ཨ་གྒི་དཱ་རུ་ཀཾ;
ས་ཡ་ཉྩ ཨུ་པ་ས་མྤ་ནྣཱ, པཱ་ཊི་ཧཱི་ར་སྶི་དཾ ཕ་ལཾ.
༡༣༥. ‘‘ལོ་ཧ་དོ་ཎིཾ ག་ཧེ་ཏྭཱ་ན, ཝ་ན་མ་ཛ྄ཛྷེ ཝ་ས་ནྟི ཏེ;
ཀུ་ཉྫ་རཱ་ཝ མ་ཧཱ་ནཱ་གཱ, ཨ་ས་མྦྷཱི་ཏཱ་ཝ ཀེ་ས་རཱི.
༡༣༦. ‘‘ཨ་ཉྙེ ག་ཙྪ་ནྟི གོ་ཡཱ་ནཾ, ཨ་ཉྙེ པུ་བྦ་ཝི་དེ་ཧ་ཀཾ [པུ་བྦ་ཝི་དེ་ཧ་ནཾ (སྱཱ. པཱི. ཀ.)];
ཨ་ཉྙེ ཙ ཨུ་ཏྟ་ར་ཀུ་རུཾ, ས་ཀཾ བ་ལ་མ་ཝ་སྶི་ཏཱ [བ་ལ་མ་པ་སྶི་ཏཱ (སྱཱ. པཱི. ཀ.)].
༡༣༧. ‘‘ཏ་ཏོ པི་ཎྜཾ ཨཱ་ཧ་རི་ཏྭཱ, པ་རི་བྷུ་ཉྫ་ནྟི ཨེ་ཀ་ཏོ;
ས་བྦེ་སཾ པ་ཀྐ་མ་ནྟཱ་ནཾ, ཨུ་གྒ་ཏེ་ཛཱ་ན ཏཱ་དི་ནཾ.
༡༣༨. ‘‘ཨ་ཛི་ན་ཙ་མྨ་ས་དྡེ་ན, ཝ་ནཾ ས་དྡཱ་ཡ་ཏེ ཏ་དཱ;
ཨེ་དི་སཱ ཏེ མ་ཧཱ་ཝཱི་ར, སི་སྶཱ ཨུ་གྒ་ཏ་པཱ མ་མ.
༡༣༩. ‘‘པ་རི་ཝུ་ཏོ ཨ་ཧཾ ཏེ་ཧི, ཝ་སཱ་མི མ་མ ཨ་སྶ་མེ;
ཏོ་སི་ཏཱ ས་ཀ་ཀ་མྨེ་ན, ཝི་ནཱི་ཏཱ་པི ས་མཱ་ག་ཏཱ.
༡༤༠. ‘‘ཨཱ་རཱ་དྷ་ཡིཾ་སུ མཾ ཨེ་ཏེ, ས་ཀ་ཀ་མྨཱ་བྷི་ལཱ་སི་ནོ;
སཱི་ལ་ཝ་ནྟོ ཙ ནི་པ་ཀཱ, ཨ་པྤ་མ་ཉྙཱ་སུ ཀོ་ཝི་དཱ.
༡༤༡. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ས་མ་ཡཾ སཾ་ཝི་དི་ཏྭཱ་ན, ཨུ་པ་ག་ཙྪི ཝི་ནཱ་ཡ་ཀོ.
༡༤༢. ‘‘ཨུ་པ་ག་ནྟྭཱ་ན ས་མྦུ་དྡྷོ, ཨཱ་ཏཱ་པཱི ནི་པ་ཀོ མུ་ནི;
པ་ཏྟཾ པ་གྒ་ཡ྄ཧ ས་མྦུ་དྡྷོ, བྷི་ཀྑཱ་ཡ མ་མུ་པཱ་ག་མི.
༡༤༣. ‘‘ཨུ་པཱ་ག་ཏཾ མ་ཧཱ་ཝཱི་རཾ, ཛ་ལ་ཛུ་ཏྟ་མ་ནཱ་ཡ་ཀཾ;
ཏི་ཎ་ས་ནྠ་རཾ [ཏི་ཎ་ཏྠ་རཾ (སྱཱ.), ཏི་ཎ་ཏྠ་ཏཾ (ཀ.)] པ་ཉྙཱ་པེ་ཏྭཱ, སཱ་ལ་པུ་པྥེ་ཧི ཨོ་ཀི་རིཾ.
༡༤༤. ‘‘ནི་སཱ་དེ་ཏྭཱ་ན [ནི་སཱི་དེ་ཏྭཱ་ན (སཱི.), ནི་སཱི་དི་ཏྭཱ་ན (སྱཱ. པཱི.)] ས་མྦུ་དྡྷཾ, ཧ་ཊྛོ སཾ་ཝི་གྒ་མཱ་ན་སོ;
ཁི་པྤཾ པ་བྦ་ཏ་མཱ་རུ་ཡ྄ཧ, ཨ་ག་ལུ༹ཾ [ཨ་ག་རུཾ (སཱི.)] ཨ་གྒ་ཧིཾ ཨ་ཧཾ.
༡༤༥. ‘‘ཀུ་མྦྷ་མ་ཏྟཾ ག་ཧེ་ཏྭཱ་ན, པ་ན་སཾ དེ་ཝ་ག་ནྡྷི་ཀཾ;
ཁ་ནྡྷེ ཨཱ་རོ་པ་ཡི་ཏྭཱ་ན, ཨུ་པ་ག་ཙྪིཾ ཝི་ནཱ་ཡ་ཀཾ.
༡༤༦. ‘‘ཕ་ལཾ བུ་དྡྷ་སྶ ད་ཏྭཱ་ན, ཨ་ག་ལུ༹ཾ ཨ་ནུ་ལི་མྤ་ཧཾ;
པ་ས་ནྣ་ཙི་ཏྟོ སུ་མ་ནོ, བུ་དྡྷ་སེ་ཊྛཾ ཨ་ཝ་ནྡི་ཧཾ.
༡༤༧. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཨི་སི་མ་ཛ྄ཛྷེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༡༤༨. ‘‘‘ཡོ མེ ཕ་ལ་ཉྩ ཨ་ག་ལུ༹ཾ, ཨཱ་ས་ན་ཉྩ ཨ་དཱ་སི མེ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༡༤༩. ‘‘‘གཱ་མེ ཝཱ ཡ་དི ཝཱ་ར་ཉྙེ, པ་བྦྷཱ་རེ་སུ གུ་ཧཱ་སུ ཝཱ;
ཨི་མ་སྶ ཙི་ཏྟ་མ་ཉྙཱ་ཡ, ནི་བྦ་ཏྟི་སྶ་ཏི བྷོ་ཛ་ནཾ.
༡༥༠. ‘‘‘དེ་ཝ་ལོ་ཀེ མ་ནུ་སྶེ ཝཱ, ཨུ་པ་པ་ནྣོ ཨ་ཡཾ ན་རོ;
བྷོ་ཛ་ནེ་ཧི ཙ ཝ་ཏྠེ་ཧི, པ་རི་སཾ ཏ་པྤ་ཡི་སྶ་ཏི.
༡༥༡. ‘‘‘ཨུ་པ་པ་ཛྫ་ཏི ཡཾ ཡོ་ནིཾ, དེ་ཝ་ཏྟཾ ཨ་ཐ མཱ་ནུ་སཾ;
ཨ་ཀྑོ་བྷ་བྷོ་གོ ཧུ་ཏྭཱ་ན, སཾ་ས་རི་སྶ་ཏི་ཡཾ ན་རོ.
༡༥༢. ‘‘‘ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི;
ས་ཧ་སྶ་ཀྑ་ཏྟུཾ རཱ་ཛཱ ཙ, ཙ་ཀྐ་ཝ་ཏྟཱི བྷ་ཝི་སྶ་ཏི.
༡༥༣. ‘‘‘ཨེ་ཀ་ས་ཏྟ་ཏི་ཀྑ་ཏྟུ་ཉྩ, དེ་ཝ་ར་ཛྫཾ ཀ་རི་སྶ་ཏི;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༡༥༤. ‘‘‘ཀ་པྤ་ས་ཏ་ས་ཧ་སྶ་མྷི, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༡༥༥. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ [(ཨུ་པ་སཱི་ཝོ ནཱ་མ ནཱ་མེ་ན, ཧེ་སྶ་ཏི ས་ཏྠུ སཱ་ཝ་ཀོ) (སྱཱ.)];
ས་བྦཱ་ས་ཝེ པ་རི་ཉྙཱ་ཡ, ཝི་ཧ་རི་སྶ་ཏི་ནཱ་ས་ཝོ’.
༡༥༦. ‘‘སུ་ལ་དྡྷ་ལཱ་བྷོ ལ་དྡྷོ མེ, ཡོ་ཧཾ ཨ་དྡ་ཀྑིཾ ནཱ་ཡ་ཀཾ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༡༥༧. ‘‘གཱ་མེ ཝཱ ཡ་དི ཝཱ་ར་ཉྙེ, པ་བྦྷཱ་རེ་སུ གུ་ཧཱ་སུ ཝཱ;
མ་མ ས་ངྐ་པྤ་མ་ཉྙཱ་ཡ, བྷོ་ཛ་ནཾ ཧོ་ཏི མེ ས་དཱ.
༡༥༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༥༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༦༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་པ་སཱི་ཝོ [ཨུ་པ་སི་ཝོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་པ་སཱི་ཝ་ཏྠེ་ར་སྶཱ་པ་དཱ་ནཾ པ་ཉྩ་མཾ.