༩. ས་བྦ་དཱ་ཡ་ཀ་ཏྠེ་ར་ཨ་པ་དཱ་ནཾ
༤༥༦. ‘‘མ་ཧཱ་ས་མུ་དྡཾ ཨོ་ག་ཡ྄ཧ, བྷ་ཝ་ནཾ མེ སུ་ནི་མྨི་ཏཾ;
སུ་ནི་མྨི་ཏཱ པོ་ཀྑ་ར་ཎཱི, ཙ་ཀྐ་ཝཱ་ཀ་པ་ཀཱུ་ཛི་ཏཱ.
༤༥༧. ‘‘མ་ནྡཱ་ལ་ཀེ་ཧི ས་ཉྪ་ནྣཱ, པ་དུ་མུ་པྤ་ལ་ཀེ་ཧི ཙ;
ན་དཱི ཙ ས་ནྡ་ཏེ ཏ་ཏྠ, སུ་པ་ཏི་ཏྠཱ མ་ནོ་ར་མཱ.
༤༥༨. ‘‘མ་ཙྪ་ཀ་ཙྪ་པ་ས་ཉྪ་ནྣཱ, ནཱ་ནཱ་དི་ཛ་ས་མོ་ཏྠ་ཏཱ;
མ་ཡཱུ་ར་ཀོ་ཉྩཱ་བྷི་རུ་དཱ, ཀོ་ཀི་ལཱ་དཱི་ཧི ཝ་གྒུ་ཧི.
༤༥༩. ‘‘པཱ་རེ་ཝ་ཏཱ ར་ཝི་ཧཾ་སཱ ཙ, ཙ་ཀྐ་ཝཱ་ཀཱ ན་དཱི་ཙ་རཱ;
དི་ནྡི་བྷཱ སཱ་ལི༹་ཀཱ ཙེ་ཏྠ, པ་མྨ་ཀཱ [པ་མྤ་ཀཱ (སཱི.), ཙ་པྤ་ཀཱ (སྱཱ.)] ཛཱི་ཝ་ཛཱི་ཝ་ཀཱ.
༤༦༠. ‘‘ཧཾ་སཱ ཀོ་ཉྩཱ་པི ན་དི་ཏཱ [ཀོ་ཉྩཱ་བྷི་ན་དི་ཏཱ (སཱི. སྱཱ.)], ཀོ་སི་ཡཱ པི་ངྒ་ལཱ བ་ཧཱུ;
ས་ཏྟ་ར་ཏ་ན་ས་མྤ་ནྣཱ, མ་ཎི་མུ་ཏྟི་ཀ་ཝཱ་ལུ་ཀཱ.
༤༦༡. ‘‘ས་བྦ་སོ་ཎྞ་མ་ཡཱ རུ་ཀྑཱ, ནཱ་ནཱ་ག་ནྡྷ་ས་མེ་རི་ཏཱ;
ཨུ་ཛྫོ་ཏེ་ནྟི དི་ཝཱ་ར་ཏྟིཾ, བྷ་ཝ་ནཾ ས་བྦ་ཀཱ་ལི་ཀཾ.
༤༦༢. ‘‘ས་ཊྛི ཏཱུ་རི་ཡ་ས་ཧ་སྶཱ་ནི, སཱ་ཡཾ པཱ་ཏོ པ་ཝ་ཛྫ་རེ;
སོ་ལ༹་སི་ཏྠི་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ.
༤༦༣. ‘‘ཨ་བྷི་ནི་ཀྑ་མྨ བྷ་ཝ་ནཱ, སུ་མེ་དྷཾ ལོ་ཀ་ནཱ་ཡ་ཀཾ;
པ་ས་ནྣ་ཙི་ཏྟོ སུ་མ་ནོ, ཝ་ནྡ་ཡིཾ ཏཾ མ་ཧཱ་ཡ་སཾ.
༤༦༤. ‘‘ས་མྦུ་དྡྷཾ ཨ་བྷི་ཝཱ་དེ་ཏྭཱ, ས་ས་ངྒྷཾ ཏཾ ནི་མ་ནྟ་ཡིཾ;
ཨ་དྷི་ཝཱ་སེ་སི སོ དྷཱི་རོ, སུ་མེ་དྷོ ལོ་ཀ་ནཱ་ཡ་ཀོ.
༤༦༥. ‘‘མ་མ དྷ་མྨ་ཀ་ཐཾ ཀ་ཏྭཱ, ཨུ་ཡྻོ་ཛེ་སི མ་ཧཱ་མུ་ནི;
ས་མྦུ་དྡྷཾ ཨ་བྷི་ཝཱ་དེ་ཏྭཱ, བྷ་ཝ་ནཾ མེ ཨུ་པཱ་ག་མིཾ.
༤༦༦. ‘‘ཨཱ་མ་ནྟ་ཡིཾ པ་རི་ཛ་ནཾ, ས་བྦེ ས་ནྣི་པ་ཏཱ་ཐ [ས་ནྣི་པ་ཏ་ཏྠ (ཀ.)] ཝོ;
པུ་བྦ་ཎྷ་ས་མ་ཡཾ བུ་དྡྷོ, བྷ་ཝ་ནཾ ཨཱ་ག་མི་སྶ་ཏི.
༤༦༧. ‘‘ལཱ་བྷཱ ཨ་མྷཾ སུ་ལ་དྡྷཾ ནོ, ཡེ ཝ་སཱ་མ ཏ་ཝ་ནྟི་ཀེ;
མ་ཡ་མྤི བུ་དྡྷ་སེ་ཊྛ་སྶ, པཱུ་ཛཾ ཀ་སྶཱ་མ ས་ཏྠུ་ནོ.
༤༦༨. ‘‘ཨ་ནྣ་པ་ནཾ པ་ཊྛ་པེ་ཏྭཱ, ཀཱ་ལཾ ཨཱ་རོ་ཙ་ཡིཾ ཨ་ཧཾ;
ཝ་སཱི་ས་ཏ་ས་ཧ་སྶེ་ཧི, ཨུ་པེ་སི ལོ་ཀ་ནཱ་ཡ་ཀོ.
༤༦༩. ‘‘པ་ཉྩ་ངྒི་ཀེ་ཧི ཏཱུ་རི་ཡེ་ཧི, པ་ཙྩུ་གྒ་མ་ན་མ་ཀཱ་ས་ཧཾ;
ས་བྦ་སོ་ཎྞ་མ་ཡེ པཱི་ཋེ, ནི་སཱི་དི པུ་རི་སུ་ཏྟ་མོ.
༤༧༠. ‘‘ཨུ་པ་རི་ཙྪ་ད་ནཾ ཨཱ་སི, ས་བྦ་སོ་ཎྞ་མ་ཡཾ ཏ་དཱ;
བཱི་ཛ་ནི་ཡོ པ་ཝཱ་ཡ་ནྟི, བྷི་ཀྑུ་ས་ངྒྷ་སྶ ཨ་ནྟ་རེ.
༤༧༡. ‘‘པ་ཧཱུ་ཏེ་ན་ནྣ་པཱ་ནེ་ན, བྷི་ཀྑུ་ས་ངྒྷ་མ་ཏ་པྤ་ཡིཾ;
པ་ཙྩེ་ཀ་དུ་སྶ་ཡུ་ག་ལེ༹, བྷི་ཀྑུ་ས་ངྒྷ་སྶ་དཱ་ས་ཧཾ.
༤༧༢. ‘‘ཡཾ ཝ་ད་ནྟི སུ་མེ་དྷོ་ཏི, ལོ་ཀཱ་ཧུ་ཏི་པ་ཊི་གྒ་ཧཾ;
བྷི་ཀྑུ་ས་ངྒྷེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༤༧༣. ‘‘ཡོ མེ ཨ་ནྣེ་ན པཱ་ནེ་ན, ས་བྦེ ཨི་མེ ཙ ཏ་པྤ་ཡིཾ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༤༧༤. ‘‘ཨ་ཊྛཱ་ར་སེ ཀ་པྤ་ས་ཏེ, དེ་ཝ་ལོ་ཀེ ར་མི་སྶ་ཏི;
ས་ཧ་སྶ་ཀྑ་ཏྟུཾ རཱ་ཛཱ ཙ, ཙ་ཀྐ་ཝ་ཏྟཱི བྷ་ཝི་སྶ་ཏི.
༤༧༥. ‘‘ཨུ་པྤ་ཛྫ་ཏི [ཨུ་པ་ག་ཙྪ་ཏི (སཱི.)] ཡཾ ཡོ་ནིཾ, དེ་ཝ་ཏྟཾ ཨ་ཐ མཱ་ནུ་སཾ;
ས་བྦ་དཱ ས་བྦ་སོ་ཝ་ཎྞཾ, ཚ་ད་ནཾ དྷཱ་ར་ཡི་སྶ་ཏི.
༤༧༦. ‘‘ཏིཾ་ས་ཀ་པྤ་ས་ཧ་སྶ་མྷི, ཨོ་ཀྐཱ་ཀ་ཀུ་ས་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༤༧༧. ‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་བྦཱ་ས་ཝེ པ་རི་ཉྙཱ་ཡ, ནི་བྦཱ་ཡི་སྶ་ཏི་ནཱ་ས་ཝོ.
༤༧༨. ‘‘‘བྷི་ཀྑུ་ས་ངྒྷེ ནི་སཱི་དི་ཏྭཱ, སཱི་ཧ་ནཱ་དཾ ན་དི་སྶ་ཏི;
ཙི་ཏ་ཀེ ཚ་ཏྟཾ དྷཱ་རེ་ནྟི, ཧེ་ཊྛཱ ཚ་ཏྟ་མྷི ཌ་ཡ྄ཧ་ཐ’.
༤༧༩. ‘‘སཱ་མ་ཉྙཾ མེ ཨ་ནུ་པྤ་ཏྟཾ, ཀི་ལེ་སཱ ཛྷཱ་པི་ཏཱ མ་ཡཱ;
མ་ཎྜ་པེ རུ་ཀྑ་མཱུ་ལེ ཝཱ, ས་ནྟཱ་པོ མེ ན ཝི་ཛྫ་ཏི.
༤༨༠. ‘‘ཏིཾ་ས་ཀ་པྤ་ས་ཧ་སྶ་མྷི, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་བྦ་དཱ་ན་སྶི་དཾ ཕ་ལཾ.
༤༨༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༤༨༢. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༨༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་བྦ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་བྦ་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.