༤༠. པི་ལི་ནྡ་ཝ་ཙྪ་ཝ་གྒོ
༡. པི་ལི་ནྡ་ཝ་ཙྪ་ཏྠེ་ར་ཨ་པ་དཱ་ནཾ
༡. ‘‘ན་ག་རེ ཧཾ་ས་ཝ་ཏི་ཡཱ, ཨཱ་སིཾ དོ་ཝཱ་རི་ཀོ ཨ་ཧཾ;
ཨ་ཀྑོ་བྷཾ ཨ་མི་ཏཾ བྷོ་གཾ, གྷ་རེ ས་ནྣི་ཙི་ཏཾ མ་མ.
༢. ‘‘ར་ཧོ་ག་ཏོ ནི་སཱི་དི་ཏྭཱ, པ་ཧཾ་སི་ཏྭཱ་ན མཱ་ན་སཾ [ས་མྤ་ཧཾ་སི་ཏྭ མཱ་ན་སཾ (སཱི.)];
ནི་ས་ཛྫ པཱ་སཱ་ད་ཝ་རེ, ཨེ་ཝཾ ཙི་ནྟེ་ས་ཧཾ ཏ་དཱ.
(ཙི་ནྟ་ནཱ་ཀཱ་རོ)
༣. ‘‘‘བ་ཧཱུ མེ་དྷི་ག་ཏཱ བྷོ་གཱ, ཕཱི་ཏཾ ཨ་ནྟེ་པུ་རཾ མ་མ;
རཱ་ཛཱ་པི [རཱ་ཛི་སི (ཀ.)] ས་ནྣི་མ་ནྟེ་སི, ཨཱ་ན་ནྡོ པ་ཐ་ཝི་སྶ་རོ.
༤. ‘‘‘ཨ་ཡ་ཉྩ བུ་དྡྷོ ཨུ་པྤ་ནྣོ, ཨ་དྷི་ཙྩུ་པྤ་ཏྟི་ཀོ མུ་ནི;
སཾ་ཝི་ཛྫ་ནྟི ཙ མེ བྷོ་གཱ, དཱ་ནཾ ད་སྶཱ་མི ས་ཏྠུ་ནོ.
༥. ‘‘‘པ་དུ་མེ་ན རཱ་ཛ་པུ་ཏྟེ་ན, དི་ནྣཾ དཱ་ན་ཝ་རཾ ཛི་ནེ;
ཧ་ཏྠི་ནཱ་གེ ཙ པ་ལླ་ངྐེ, ཨ་པ་སྶེ་ན་ཉྩ་ན་པྤ་ཀཾ.
༦. ‘‘‘ཨ་ཧ་མྤི དཱ་ནཾ ད་སྶཱ་མི, ས་ངྒྷེ ག་ཎ་ཝ་རུ་ཏྟ་མེ;
ཨ་དི་ནྣ་པུ་བྦ་མ་ཉྙེ་སཾ, བྷ་ཝི་སྶཾ ཨཱ་དི་ཀ་མྨི་ཀོ.
༧. ‘‘‘ཙི་ནྟེ་ཏྭཱ་ཧཾ བ་ཧུ་ཝི་དྷཾ, ཡཱ་གེ ཡ་སྶ སུ་ཁཾ་ཕ་ལཾ;
པ་རི་ཀྑཱ་ར་དཱ་ན་མ་དྡ་ཀྑིཾ, མ་མ ས་ངྐ་པྤ་པཱུ་ར་ཎཾ.
༨. ‘‘‘པ་རི་ཀྑཱ་རཱ་ནི ད་སྶཱ་མི, ས་ངྒྷེ ག་ཎ་ཝ་རུ་ཏྟ་མེ;
ཨ་དི་ནྣ་པུ་བྦ་མ་ཉྙེ་སཾ, བྷ་ཝི་སྶཾ ཨཱ་དི་ཀ་མྨི་ཀོ’.
(དཱ་ན་ཝ་ཏྠུ་ས་མྤཱ་ད་ནཾ)
༩. ‘‘ན་ལ༹་ཀཱ་རེ ཨུ་པཱ་ག་མྨ, ཚ་ཏྟཾ ཀཱ་རེ་སི ཏཱ་ཝ་དེ;
ཚ་ཏྟ་ས་ཏ་ས་ཧ་སྶཱ་ནི, ཨེ་ཀ་ཏོ ས་ནྣི་པཱ་ཏ་ཡིཾ.
༡༠. ‘‘དུ་སྶ་ས་ཏ་ས་ཧ་སྶཱ་ནི, ཨེ་ཀ་ཏོ ས་ནྣི་པཱ་ཏ་ཡིཾ;
པ་ཏྟ་ས་ཏ་ས་ཧ་སྶཱ་ནི, ཨེ་ཀ་ཏོ ས་ནྣི་པཱ་ཏ་ཡིཾ.
༡༡. ‘‘ཝཱ་སི་ཡོ ས་ཏྠ་ཀེ ཙཱ་པི, སཱུ་ཙི་ཡོ ན་ཁ་ཚེ་ད་ནེ;
ཧེ་ཊྛཱ་ཚ་ཏྟེ ཋ་པཱ་པེ་སིཾ, ཀཱ་རེ་ཏྭཱ ཏ་ད་ནུ་ཙྪ་ཝེ.
༡༢. ‘‘ཝི་དྷཱུ་པ་ནེ ཏཱ་ལ་ཝ་ཎྚེ, མོ་ར་ཧ་ཏྠེ ཙ ཙཱ་མ་རེ;
པ་རི་སྶཱ་ཝ་ནེ ཏེ་ལ་དྷཱ་རེ [ཏེ་ལ་དྷ་རེ (སཱི.)], ཀཱ་ར་ཡིཾ ཏ་ད་ནུ་ཙྪ་ཝེ.
༡༣. ‘‘སཱུ་ཙི་གྷ་རེ ཨཾ་ས་བ་དྡྷེ, ཨ་ཐོ་པི ཀཱ་ཡ་བ་ནྡྷ་ནེ;
ཨཱ་དྷཱ་ར་ཀེ ཙ སུ་ཀ་ཏེ, ཀཱ་ར་ཡིཾ ཏ་ད་ནུ་ཙྪ་ཝེ.
༡༤. ‘‘པ་རི་བྷོ་ག་བྷཱ་ཛ་ནེ ཙ, ཨ་ཐོ་པི ལོ་ཧ་ཐཱ་ལ་ཀེ;
བྷེ་ས་ཛྫེ པཱུ་ར་ཡི་ཏྭཱ་ན, ཧེ་ཊྛཱ་ཚ་ཏྟེ ཋ་པེ་ས་ཧཾ.
༡༥. ‘‘ཝ་ཙཾ ཨུ་སཱི་རཾ ལ་ཊྛི་མ་དྷུཾ, པི་པྥ་ལཱི མ་རི་ཙཱ་ནི ཙ;
ཧ་རཱི་ཏ་ཀིཾ སི་ངྒཱི་ཝེ་རཾ, ས་བྦཾ པཱུ་རེ་སི བྷཱ་ཛ་ནེ.
༡༦. ‘‘ཨུ་པཱ་ཧ་ནཱ པཱ་དུ་ཀཱ་ཡོ, ཨ་ཐོ ཨུ་ད་ཀ་པུ་ཉྪ་ནེ;
ཀ་ཏྟ་ར་ད་ཎྜེ སུ་ཀ་ཏེ, ཀཱ་ར་ཡིཾ ཏ་ད་ནུ་ཙྪ་ཝེ.
༡༧. ‘‘ཨོ་ས་དྷ་ཉྫ་ན་ནཱ་ལཱི༹ ཙ [ཨོ་ས་དྷཾ ཨ་ཉྫ་ནཱ་པི་ཙ (སྱཱ.)], ས་ལཱ་ཀཱ དྷ་མྨ་ཀུ་ཏྟ་རཱ;
ཀུ་ཉྩི་ཀཱ པ་ཉྩ་ཝ་ཎྞེ་ཧི, སི་བྦི་ཏེ ཀུ་ཉྩི་ཀཱ་གྷ་རེ.
༡༨. ‘‘ཨཱ་ཡོ་གེ དྷཱུ་མ་ནེ་ཏྟེ ཙ, ཨ་ཐོ་པི དཱི་པ་དྷཱ་ར་ཀེ;
ཏུ་མྦ་ཀེ ཙ ཀ་ར་ཎྜེ ཙ, ཀཱ་ར་ཡིཾ ཏ་ད་ནུ་ཙྪ་ཝེ.
༡༩. ‘‘ས་ཎྜཱ་སེ པི་པྥ་ལེ ཙེ་ཝ, ཨ་ཐོ་པི མ་ལ་ཧཱ་ར་ཀེ;
བྷེ་ས་ཛྫ་ཐ་ཝི་ཀེ ཙེ་ཝ, ཀཱ་ར་ཡིཾ ཏ་ད་ནུ་ཙྪ་ཝེ.
༢༠. ‘‘ཨཱ་ས་ནྡི་ཡོ པཱི་ཋ་ཀེ ཙ, པ་ལླ་ངྐེ ཙ་ཏུ་རོ་མ་ཡེ;
ཏ་ད་ནུ་ཙྪ་ཝེ ཀཱ་ར་ཡི་ཏྭཱ, ཧེ་ཊྛཱ་ཚ་ཏྟེ ཋ་པེ་ས་ཧཾ.
༢༡. ‘‘ཨུ་ཎྞཱ་བྷི་སཱི ཏཱུ་ལ་བྷི་སཱི, ཨ་ཐོ་པི པཱི་ཋི་ཀཱ་བྷི་སཱི [པཱི་ཋ་ཀཱ་བྷི་སཱི (སྱཱ. ཀ.)];
བི་མྦོ་ཧ་ནེ [བི་བྦོ་ཧ་ནེ (སྱཱ. ཀ.)] ཙ སུ་ཀ་ཏེ, ཀཱ་ར་ཡིཾ ཏ་ད་ནུ་ཙྪ་ཝེ.
༢༢. ‘‘ཀུ་རུ་ཝི་ནྡེ མ་དྷུ་སི་ཏྠེ, ཏེ་ལཾ ཧ་ཏྠ་པྤ་ཏཱ་པ་ཀཾ;
སི་པཱ་ཊི་ཕ་ལ་ཀེ སུ་ཙཱི, མ་ཉྩཾ ཨ་ཏྠ་ར་ཎེ་ན ཙ.
༢༣. ‘‘སེ་ནཱ་ས་ནེ པཱ་ད་པུ་ཉྪེ, ས་ཡ་ནཱ་ས་ན་ད་ཎྜ་ཀེ;
ད་ནྟ་པོ་ཎེ ཙ ཨཱ་ཊ་ལཱི [ཀ་ཐ་ལིཾ (སྱཱ.)], སཱི་སཱ་ལེ་པ་ན་ག་ནྡྷ་ཀེ.
༢༤. ‘‘ཨ་ར་ཎཱི ཕ་ལ་པཱི་ཋེ [པ་ལཱ་ལ་པཱི་ཋེ (སཱི.)] ཙ, པ་ཏྟ་པི་དྷཱ་ན་ཐཱ་ལ་ཀེ;
ཨུ་ད་ཀ་སྶ ཀ་ཊ་ཙྪཱུ ཙ, ཙུ་ཎྞ་ཀཾ ར་ཛ་ན་མྦ་ཎཾ [ར་ཛ་ན་མྨ་ཎཾ (སཱི.)].
༢༥. ‘‘ས་མྨ་ཛྫ་ནཾ [ས་མྨུ་ཉྫ་ནཾ (སྱཱ.), ས་མྨ་ཛྫ་ནིཾ, ས་མྨུ་ཉྫ་ནིཾ (?)] ཨུ་ད་པ་ཏྟཾ, ཏ་ཐཱ ཝ་སྶི་ཀ་སཱ་ཊི་ཀཾ;
ནི་སཱི་ད་ནཾ ཀ་ཎྜུ་ཙྪཱ་དི, ཨ་ཐ ཨ་ནྟ་ར་ཝཱ་ས་ཀཾ.
༢༦. ‘‘ཨུ་ཏྟ་རཱ་ས་ངྒ་ས་ངྒྷཱ་ཊཱི, ན་ཏྠུ་ཀཾ མུ་ཁ་སོ་དྷ་ནཾ;
བི་ལ༹་ངྒ་ལོ་ཎཾ པ་ཧཱུ་ཏ་ཉྩ [ལོ་ཎ་བྷཱུ་ཏ་ཉྩ (ཀ.)], མ་དྷུ་ཉྩ ད་དྷི་པཱ་ན་ཀཾ.
༢༧. ‘‘དྷཱུ་པཾ [དྷཱུ་མཾ (ཀ.)] སི་ཏྠཾ པི་ལོ་ཏི་ཉྩ, མུ་ཁ་པུ་ཉྪ་ན་སུ་ཏྟ་ཀཾ;
དཱ་ཏ་བྦཾ ནཱ་མ ཡཾ ཨ་ཏྠི, ཡ་ཉྩ ཀ་པྤ་ཏི ས་ཏྠུ་ནོ.
༢༨. ‘‘ས་བྦ་མེ་ཏཾ ས་མཱ་ནེ་ཏྭཱ, ཨཱ་ན་ནྡཾ ཨུ་པ་ས་ངྐ་མིཾ;
ཨུ་པ་ས་ངྐ་མྨ རཱ་ཛཱ་ནཾ, ཛ་ནེ་ཏཱ་རཾ མ་ཧེ་སི་ནོ [མ་ཧེ་སི་ནཾ (སཱི.), མ་ཧཱ་ཡ་སཾ (སྱཱ.), མ་ཧི་སྶ་རཾ (ཀ.)];
སི་ར་སཱ ཨ་བྷི་ཝཱ་དེ་ཏྭཱ, ཨི་དཾ ཝ་ཙ་ན་མ་བྲ་ཝིཾ.
(དཱ་ནོ་ཀཱ་ས་ཡཱ་ཙ་ནཱ)
༢༩. ‘‘‘ཨེ་ཀ་ཏོ ཛཱ་ཏ་སཾ་ཝ་དྡྷཱ, ཨུ་བྷི་ནྣཾ ཨེ་ཀ་ཏོ མ་ནཾ [ཡ་སོ (སྱཱ.), མ་ནོ (?)];
སཱ་དྷཱ་ར་ཎཱ སུ་ཁ་དུ་ཀྑེ, ཨུ་བྷོ ཙ ཨ་ནུ་ཝ་ཏྟ་ཀཱ.
༣༠. ‘‘‘ཨ་ཏྠི ཙེ་ཏ་སི་ཀཾ དུ་ཀྑཾ, ཏ་ཝཱ་དྷེ་ཡྻཾ ཨ་རི་ནྡ་མ;
ཡ་དི ས་ཀྐོ་སི ཏཾ དུ་ཀྑཾ, ཝི་ནོ་དེ་ཡྻཱ་སི ཁ་ཏྟི་ཡ.
༣༡. ‘‘‘ཏ་ཝ དུ་ཀྑཾ མ་མ དུ་ཀྑཾ, ཨུ་བྷི་ནྣཾ ཨེ་ཀ་ཏོ མ་ནོ [མ་ནཾ (སཱི. སྱཱ.)];
ནི་ཊྛི་ཏ་ནྟི ཝི་ཛཱ་ནཱ་ཧི, མ་མཱ་དྷེ་ཡྻཾ ས་ཙེ ཏུ་ཝཾ.
༣༢. ‘‘‘ཛཱ་ནཱ་ཧི ཁོ མ་ཧཱ་རཱ་ཛ, དུ་ཀྑཾ མེ དུ་བྦི་ནོ་ད་ཡཾ;
པ་ཧུ ས་མཱ་ནོ ག་ཛྫ་སུ, ཨེ་ཀཾ ཏེ དུ་ཙྩ་ཛཾ ཝ་རཾ.
༣༣. ‘‘‘ཡཱ་ཝ་ཏཱ ཝི་ཛི་ཏེ ཨ་ཏྠི, ཡཱ་ཝ་ཏཱ མ་མ ཛཱི་ཝི་ཏཾ;
ཨེ་ཏེ་ཧི ཡ་དི ཏེ ཨ་ཏྠོ, ད་སྶཱ་མི ཨ་ཝི་ཀ་མྤི་ཏོ.
༣༤. ‘‘‘ག་ཛྫི་ཏཾ ཁོ ཏ་ཡཱ དེ་ཝ, མི་ཙྪཱ ཏཾ བ་ཧུ ག་ཛྫི་ཏཾ;
ཛཱ་ནི་སྶཱ་མི ཏུ་ཝཾ ཨ་ཛྫ, ས་བྦ་དྷ་མྨེ [ས་ཙྩ་དྷ་མྨེ (?)] པ་ཏི་ཊྛི་ཏཾ.
༣༥. ‘‘‘ཨ་ཏི་བཱ་ལ༹ྷཾ ནི་པཱི་ལེ༹་སི, ད་ད་མཱ་ན་སྶ མེ ས་ཏོ;
ཀིཾ ཏེ མེ པཱི་ལི༹་ཏེ་ན་ཏྠོ, པ་ཏྠི་ཏཾ ཏེ ཀ་ཐེ་ཧི མེ.
༣༦. ‘‘‘ཨི་ཙྪཱ་མ་ཧཾ མ་ཧཱ་རཱ་ཛ, བུ་དྡྷ་སེ་ཊྛཾ ཨ་ནུ་ཏྟ་རཾ;
བྷོ་ཛ་ཡི་སྶཱ་མི ས་མྦུ་དྡྷཾ, ཝ་ཛྫཾ [ཝ་ཉྩུཾ (?)] མེ མཱ་ཧུ ཛཱི་ཝི་ཏཾ.
༣༧. ‘‘‘ཨ་ཉྙཾ ཏེ་ཧཾ ཝ་རཾ ད་མྨི, མཱ ཡཱ་ཙི་ཏྠོ ཏ་ཐཱ་ག་ཏཾ [ཨ་ཡཱ་ཙི་ཏོ ཏ་ཐཱ་ག་ཏོ (སྱཱ. ཀ.)];
ཨ་དེ་ཡྻོ ཀ་སྶ་ཙི བུ་དྡྷོ, མ་ཎི ཛོ་ཏི་ར་སོ ཡ་ཐཱ.
༣༨. ‘‘‘ན་ནུ ཏེ ག་ཛྫི་ཏཾ དེ་ཝ, ཡཱ་ཝ ཛཱི་ཝི་ཏ་མ་ཏྟ་ནོ [ཝི་ཛི་ཏ་མ་ཏྠི་ཏཾ (ཀ.), ཛཱི་ཝི་ཏ་མ་ཏྠི་ཀཾ (སྱཱ.)];
ཛཱི་ཝི་ཏཾ [ཝི་ཛི་ཏཾ (ཀ.)] ད་ད་མཱ་ནེ་ན, ཡུ་ཏྟཾ དཱ་ཏུཾ ཏ་ཐཱ་ག་ཏཾ.
༣༩. ‘‘‘ཋ་པ་ནཱི་ཡོ མ་ཧཱ་ཝཱི་རོ, ཨ་དེ་ཡྻོ ཀ་སྶ་ཙི ཛི་ནོ;
ན མེ པ་ཊི་སྶུ་ཏོ བུ་དྡྷོ, ཝ་ར་སྶུ ཨ་མི་ཏཾ དྷ་ནཾ.
༤༠. ‘‘‘ཝི་ནི་ཙྪ་ཡཾ པཱ་པུ་ཎཱ་མ, པུ་ཙྪི་སྶཱ་མ ཝི་ནི་ཙྪ་ཡེ;
ཡ་ཐཱ་ས་ཎྛཾ [ཡ་ཐཱ་ས་ནྟཾ (སཱི.)] ཀ་ཐེ་སྶ་ནྟི, པ་ཊི་པུ་ཙྪཱ་མ ཏཾ ཏ་ཐཱ.
༤༡. ‘‘‘ར་ཉྙོ ཧ་ཏྠེ ག་ཧེ་ཏྭཱ་ན, ཨ་ག་མཱ་སིཾ ཝི་ནི་ཙྪ་ཡཾ;
པུ་ར་ཏོ ཨ་ཀྑ་ད་སྶཱ་ནཾ, ཨི་དཾ ཝ་ཙ་ན་མ་བྲ་ཝིཾ.
༤༢. ‘‘‘སུ་ཎ་ནྟུ མེ ཨ་ཀྑ་ད་སྶཱ, རཱ་ཛཱ ཝ་ར་མ་དཱ་སི མེ;
ན ཀི་ཉྩི ཋ་པ་ཡི་ཏྭཱ་ན, ཛཱི་ཝི་ཏ་མྤི [ཝི་ཛི་ཏཾ་པི (ཀ.)] པ་ཝཱ་ར་ཡི.
༤༣. ‘‘‘ཏ་སྶ མེ ཝ་ར་དི་ནྣ་སྶ, བུ་དྡྷ་སེ་ཊྛཾ ཝ་རིཾ ཨ་ཧཾ;
སུ་དི་ནྣོ ཧོ་ཏི མེ བུ་དྡྷོ, ཚི་ནྡ་ཐ སཾ་ས་ཡཾ མ་མ.
༤༤. ‘‘‘སོ་སྶཱ་མ ཏ་ཝ ཝ་ཙ་ནཾ, བྷཱུ་མི་པཱ་ལ་སྶ རཱ་ཛི་ནོ;
ཨུ་བྷི་ནྣཾ ཝ་ཙ་ནཾ སུ་ཏྭཱ, ཚི་ནྡི་སྶཱ་མེ་ཏྠ སཾ་ས་ཡཾ.
༤༥. ‘‘‘ས་བྦཾ དེ་ཝ ཏ་ཡཱ དི་ནྣཾ, ཨི་མ་སྶ ས་བྦ་གཱ་ཧི་ཀཾ [ས་བྦ་གཱ་ཧི་ཏཾ (སྱཱ. ཀ.)];
ན ཀི་ཉྩི ཋ་པ་ཡི་ཏྭཱ་ན, ཛཱི་ཝི་ཏ་མྤི པ་ཝཱ་ར་ཡི.
༤༦. ‘‘‘ཀི་ཙྪ་པྤ་ཏྟོ་ཝ ཧུ་ཏྭཱ་ན, ཡཱ་ཙཱི ཝ་ར་མ་ནུ་ཏྟ་རཾ [ཡཱ་ཝ་ཛཱི་ཝ་མ་ནུ་ཏྟ་རཾ (སྱཱ. ཀ.)];
ཨི་མཾ སུ་དུ་ཀྑི་ཏཾ ཉ་ཏྭཱ, ཨ་དཱ་སིཾ ས་བྦ་གཱ་ཧི་ཀཾ.
༤༧. ‘‘‘པ་རཱ་ཛ་ཡོ ཏུ་ཝཾ [ཏ་ཝཾ (སཱི.)] དེ་ཝ, ཨ་སྶ དེ་ཡྻོ ཏ་ཐཱ་ག་ཏོ;
ཨུ་བྷི་ནྣཾ སཾ་ས་ཡོ ཚི་ནྣོ, ཡ་ཐཱ་ས་ཎྛ་མྷི [ཡ་ཐཱ་ས་ནྟ་མྷི (སཱི.)] ཏི་ཊྛ་ཐ.
༤༨. ‘‘‘རཱ་ཛཱ ཏ་ཏྠེ་ཝ ཋ་ཏྭཱ་ན, ཨ་ཀྑ་ད་སྶེ་ཏ་ད་བྲ་ཝི;
ས་མྨཱ མ་ཡ྄ཧ་མྤི དེ་ཡྻཱ་ཐ, པུ་ན བུ་དྡྷཾ ལ་བྷཱ་མ་ཧཾ.
༤༩. ‘‘‘པཱུ་རེ་ཏྭཱ ཏ་ཝ ས་ངྐ་པྤཾ, བྷོ་ཛ་ཡི་ཏྭཱ ཏ་ཐཱ་ག་ཏཾ;
པུ་ན དེ་ཡྻཱ་སི [དེ་ཡྻཱ་ཐ (ཀ.)] ས་མྦུ་དྡྷཾ, ཨཱ་ན་ནྡ་སྶ ཡ་ས་སྶི་ནོ’.
(ནི་མ་ནྟ་ན་ཀ་ཐཱ)
༥༠. ‘‘ཨ་ཀྑ་ད་སྶེ་བྷི་ཝཱ་དེ་ཏྭཱ, ཨཱ་ན་ནྡ་ཉྩཱ་པི ཁ་ཏྟི་ཡཾ;
ཏུ་ཊྛོ པ་མུ་དི་ཏོ ཧུ་ཏྭཱ, ས་མྦུ་དྡྷ་མུ་པ་ས་ངྐ་མིཾ.
༥༡. ‘‘ཨུ་པ་ས་ངྐ་མྨ ས་མྦུ་དྡྷཾ, ཨོ་གྷ་ཏི་ཎྞ་མ་ནཱ་ས་ཝཾ;
སི་ར་སཱ ཨ་བྷི་ཝཱ་དེ་ཏྭཱ, ཨི་དཾ ཝ་ཙ་ན་མ་བྲ་ཝིཾ.
༥༢. ‘ཝ་སཱི་ས་ཏ་ས་ཧ་སྶེ་ཧི, ཨ་དྷི་ཝཱ་སེ་ཧི ཙ་ཀྑུ་མ;
ཧཱ་ས་ཡ་ནྟོ མ་མ ཙི་ཏྟཾ, ནི་ཝེ་ས་ན་མུ་པེ་ཧི མེ’.
༥༣. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
མ་མ ས་ངྐ་པྤ་མ་ཉྙཱ་ཡ, ཨ་དྷི་ཝཱ་སེ་སི ཙ་ཀྑུ་མཱ.
༥༤. ‘‘ཨ་དྷི་ཝཱ་ས་ན་མ་ཉྙཱ་ཡ, ཨ་བྷི་ཝཱ་དི་ཡ ས་ཏྠུ་ནོ;
ཧ་ཊྛོ ཨུ་ད་གྒ་ཙི་ཏྟོ་ཧཾ, ནི་ཝེ་ས་ན་མུ་པཱ་ག་མིཾ.
(དཱ་ན་པ་ཊི་ཡཱ་ད་ནཾ)
༥༥. ‘‘མི་ཏྟཱ་མ་ཙྩེ ས་མཱ་ནེ་ཏྭཱ, ཨི་དཾ ཝ་ཙ་ན་མ་བྲ་ཝིཾ;
‘སུ་དུ་ལླ་བྷོ མ་ཡཱ ལ་དྡྷོ, མ་ཎི ཛོ་ཏི་ར་སོ ཡ་ཐཱ.
༥༦. ‘‘‘ཀེ་ན ཏཾ པཱུ་ཛ་ཡི་སྶཱ་མ, ཨ་པྤ་མེ་ཡྻོ ཨ་ནཱུ་པ་མོ;
ཨ་ཏུ་ལོ ཨ་ས་མོ དྷཱི་རོ, ཛི་ནོ ཨ་པྤ་ཊི་པུ་གྒ་ལོ.
༥༧. ‘‘‘ཏ་ཐཱ་ས་མ་ས་མོ ཙེ་ཝ, ཨ་དུ་ཏི་ཡོ ན་རཱ་ས་བྷོ;
དུ་ཀྐ་རཾ ཨ་དྷི་ཀཱ་ར་ཉྷི, བུ་དྡྷཱ་ནུ་ཙྪ་ཝི་ཀཾ མ་ཡཱ.
༥༨. ‘‘‘ནཱ་ནཱ་པུ་པྥེ ས་མཱ་ནེ་ཏྭཱ, ཀ་རོ་མ པུ་པྥ་མ་ཎྜ་པཾ;
བུ་དྡྷཱ་ནུ་ཙྪ་ཝི་ཀཾ ཨེ་ཏཾ, ས་བྦ་པཱུ་ཛཱ བྷ་ཝི་སྶ་ཏི’.
༥༩. ‘‘ཨུ་པྤ་ལཾ པ་དུ་མཾ ཝཱ་པི, ཝ་སྶི་ཀཾ ཨ་དྷི་མུ་ཏྟ་ཀཾ [ཨ་ཏི་མུ་ཏྟ་ཀཾ (?)];
ཙ་མྤ་ཀཾ [ཙ་ནྡ་ནཾ (ཀ.)] ནཱ་ག་པུ་པྥ་ཉྩ, མ་ཎྜ་པཾ ཀཱ་ར་ཡིཾ ཨ་ཧཾ.
༦༠. ‘‘ས་ཏཱ་ས་ན་ས་ཧ་སྶཱ་ནི, ཚ་ཏྟ་ཙྪཱ་ཡཱ་ཡ པ་ཉྙ་པིཾ;
པ་ཙྪི་མཾ ཨཱ་ས་ནཾ མ་ཡ྄ཧཾ, ཨ་དྷི་ཀཾ ས་ཏ་མ་གྒྷ་ཏི.
༦༡. ‘‘ས་ཏཱ་ས་ན་ས་ཧ་སྶཱ་ནི, ཚ་ཏྟ་ཙྪཱ་ཡཱ་ཡ པ་ཉྙ་པིཾ;
པ་ཊི་ཡཱ་དེ་ཏྭཱ ཨ་ནྣ་པཱ་ནཾ, ཀཱ་ལཾ ཨཱ་རོ་ཙ་ཡིཾ ཨ་ཧཾ.
༦༢. ‘‘ཨཱ་རོ་ཙི་ཏ་མྷི ཀཱ་ལ་མྷི, པ་དུ་མུ་ཏྟ་རོ མ་ཧཱ་མུ་ནི;
ཝ་སཱི་ས་ཏ་ས་ཧ་སྶེ་ཧི, ནི་ཝེ་ས་ན་མུ་པེ་སི མེ.
༦༣. ‘‘དྷཱ་རེ་ནྟཾ ཨུ་པ་རི་ཙྪ་ཏྟཾ [དྷཱ་རེ་ནྟ་མུ་པ་རི་ཙྪ་ཏྟེ (སཱི.)], སུ་ཕུ་ལླ་པུ་པྥ་མ་ཎྜ་པེ;
ཝ་སཱི་ས་ཏ་ས་ཧ་སྶེ་ཧི, ནི་སཱི་དི པུ་རི་སུ་ཏྟ་མོ.
༦༤. ‘‘‘ཚ་ཏྟ་ས་ཏ་ས་ཧ་སྶཱ་ནི, ས་ཏ་ས་ཧ་སྶ་མཱ་ས་ནཾ;
ཀ་པྤི་ཡཾ ཨ་ན་ཝ་ཛྫ་ཉྩ, པ་ཊི་ག་ཎྷཱ་ཧི ཙ་ཀྑུ་མ’.
༦༥. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
མ་མཾ ཏཱ་རེ་ཏུ་ཀཱ་མོ སོ, ས་མྤ་ཊི་ཙྪི མ་ཧཱ་མུ་ནི.
(དཱ་ན་ཀ་ཐཱ)
༦༦. ‘‘བྷི་ཀྑུ་ནོ ཨེ་ཀ་མེ་ཀ་སྶ, པ་ཙྩེ་ཀཾ པ་ཏྟ་མ་དཱ་ས་ཧཾ;
ཛ་ཧིཾ་སུ སུ་མྦྷ་ཀཾ [པུ་བྦ་ཀཾ (སཱི.), ས་མྦྷ་ཏཾ (སྱཱ.), མ་ཏྟི་ཀཾ (?)] པ་ཏྟཾ, ལོ་ཧ་པ་ཏྟཾ ཨ་དྷཱ་ར་ཡུཾ.
༦༧. ‘‘ས་ཏྟ་ར་ཏྟི་ནྡི་ཝཾ བུ་དྡྷོ, ནི་སཱི་དི པུ་པྥ་མ་ཎྜ་པེ;
བོ་དྷ་ཡ་ནྟོ བ་ཧཱུ ས་ཏྟེ, དྷ་མྨ་ཙ་ཀྐཾ པ་ཝ་ཏྟ་ཡི.
༦༨. ‘‘དྷ་མྨ་ཙ་ཀྐཾ པ་ཝ་ཏྟེ་ནྟོ, ཧེ་ཊྛ་ཏོ པུ་པྥ་མ་ཎྜ་པེ;
ཙུ་ལླཱ་སཱི་ཏི་ས་ཧ་སྶཱ་ནཾ, དྷ་མྨཱ་བྷི་ས་མ་ཡོ ཨ་ཧུ.
༦༩. ‘‘ས་ཏྟ་མེ དི་ཝ་སེ པ་ཏྟེ, པ་དུ་མུ་ཏྟ་རོ མ་ཧཱ་མུ་ནི;
ཚ་ཏྟ་ཙྪཱ་ཡཱ་ཡ་མཱ་སཱི་ནོ, ཨི་མཱ གཱ་ཐཱ ཨ་བྷཱ་ས་ཐ.
(བྱཱ་ཀ་ར་ཎཾ)
༧༠. ‘‘‘ཨ་ནཱུ་ན་ཀཾ དཱ་ན་ཝ་རཾ, ཡོ མེ པཱ་དཱ་སི མཱ་ཎ་ཝོ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.