༦. བཱ་ཀུ་ལ་ཏྠེ་ར་ཨ་པ་དཱ་ནཾ
༣༨༦. ‘‘ཧི་མ་ཝ་ནྟ་སྶཱ་ཝི་དཱུ་རེ, སོ་བྷི་ཏོ ནཱ་མ པ་བྦ་ཏོ;
ཨ་སྶ་མོ སུ་ཀ་ཏོ མ་ཡ྄ཧཾ, ས་ཀ་སི་སྶེ་ཧི མཱ་པི་ཏོ.
༣༨༧. ‘‘མ་ཎྜ་པཱ ཙ བ་ཧཱུ ཏ་ཏྠ, པུ་པྥི་ཏཱ སི་ནྡུ་ཝཱ་ར་ཀཱ;
ཀ་པི་ཏྠཱ ཙ བ་ཧཱུ ཏ་ཏྠ, པུ་པྥི་ཏཱ ཛཱི་ཝ་ཛཱི་ཝ་ཀཱ [ཙ་མྤ་ཀཱ ནཱ་ག་ཀེ་ཏ་ཀཱ (སྱཱ.)].
༣༨༨. ‘‘ནི་གྒུ་ཎྜི་ཡོ བ་ཧཱུ ཏ་ཏྠ, བ་ད་རཱ་མ་ལ་ཀཱ་ནི ཙ;
ཕཱ་རུ་ས་ཀཱ ཨ་ལཱ་བཱུ ཙ, པུ་ཎྜ་རཱི་ཀཱ ཙ པུ་པྥི་ཏཱ.
༣༨༩. ‘‘ཨཱ་ལ༹་ཀཱ [ཨ་ལ༹་ཀྐཱ (སྱཱ.)] བེ་ལུ་ཝཱ ཏ་ཏྠ, ཀ་ད་ལཱི མཱ་ཏུ་ལུ་ངྒ་ཀཱ;
མ་ཧཱ་ནཱ་མཱ བ་ཧཱུ ཏ་ཏྠ, ཨ་ཛྫུ་ནཱ ཙ པི་ཡ་ངྒུ་ཀཱ.
༣༩༠. ‘‘ཀོ་ས་མྦཱ ས་ལ༹་ལཱ ནི་མྦཱ [ནཱི་པཱ (སཱི.)], ནི་གྲོ་དྷཱ ཙ ཀ་པི་ཏྠ་ནཱ;
ཨེ་དི་སོ ཨ་སྶ་མོ མ་ཡ྄ཧཾ, ས་སི་སྶོ་ཧཾ ཏ་ཧིཾ ཝ་སིཾ.
༣༩༡. ‘‘ཨ་ནོ་མ་ད་སྶཱི བྷ་ག་ཝཱ, ས་ཡ་མྦྷཱུ ལོ་ཀ་ནཱ་ཡ་ཀོ;
ག་ཝེ་སཾ པ་ཊི་ས་ལླཱ་ནཾ, མ་མ་སྶ་མ་མུ་པཱ་ག་མི.
༣༩༢. ‘‘ཨུ་པེ་ཏ་མྷི མ་ཧཱ་ཝཱི་རེ, ཨ་ནོ་མ་ད་སྶི་མ་ཧཱ་ཡ་སེ;
ཁ་ཎེ་ན ལོ་ཀ་ནཱ་ཐ་སྶ, ཝཱ་ཏཱ་བཱ་དྷོ ས་མུ་ཊྛ་ཧི.
༣༩༣. ‘‘ཝི་ཙ་ར་ནྟོ ཨ་ར་ཉྙ་མྷི, ཨ་དྡ་སཾ ལོ་ཀ་ནཱ་ཡ་ཀཾ;
ཨུ་པ་ག་ནྟྭཱ་ན ས་མྦུ་དྡྷཾ, ཙ་ཀྑུ་མ་ནྟཾ མ་ཧཱ་ཡ་སཾ.
༣༩༤. ‘‘ཨི་རི་ཡ་ཉྩཱ་པི དི་སྭཱ་ན, ཨུ་པ་ལ་ཀྑེ་ས་ཧཾ ཏ་དཱ;
ཨ་སཾ་ས་ཡ་ཉྷི བུ་དྡྷ་སྶ, བྱཱ་དྷི ནོ ཨུ་ད་པ་ཛྫ་ཐ.
༣༩༥. ‘‘ཁི་པྤཾ ཨ་སྶ་མ་མཱ་ག་ཉྪིཾ, མ་མ སི་སྶཱ་ན ས་ནྟི་ཀེ;
བྷེ་ས་ཛྫཾ ཀ་ཏྟུ་ཀཱ་མོ་ཧཾ, སི་སྶེ ཨཱ་མ་ནྟ་ཡིཾ ཏ་དཱ.
༣༩༦. ‘‘པ་ཊི་སྶུ་ཎི་ཏྭཱ་ན མེ ཝཱ་ཀྱཾ, སི་སྶཱ ས་བྦེ ས་གཱ་ར་ཝཱ;
ཨེ་ཀ་ཛ྄ཛྷཾ ས་ནྣི་པ་ཏིཾ་སུ, ས་ཏྠུ་གཱ་ར་ཝ་ཏཱ མ་མ.
༣༩༧. ‘‘ཁི་པྤཾ པ་བྦ་ཏ་མཱ་རུ་ཡ྄ཧ, ས་བྦོ་ས་དྷ་མ་ཧཱ་ས་ཧཾ [མ་ཀཱ་ས་ཧཾ (སྱཱ. ཀ.)];
པཱ་ནཱི་ཡ་ཡོ་གཾ [པཱ་ནཱི་ཡ་ཡོ་གྒཾ (སཱི.)] ཀ་ཏྭཱ་ན, བུ་དྡྷ་སེ་ཊྛ་སྶ་དཱ་ས་ཧཾ.
༣༩༨. ‘‘པ་རི་བྷུ་ཏྟེ མ་ཧཱ་ཝཱི་རེ, ས་བྦ་ཉྙུ་ལོ་ཀ་ནཱ་ཡ་ཀེ;
ཁི་པྤཾ ཝཱ་ཏོ ཝཱུ་པ་ས་མི, སུ་ག་ཏ་སྶ མ་ཧེ་སི་ནོ.
༣༩༩. ‘‘པ་སྶ་དྡྷཾ ད་ར་ཐཾ དི་སྭཱ, ཨ་ནོ་མ་ད་སྶཱི མ་ཧཱ་ཡ་སོ;
ས་ཀཱ་ས་ནེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༤༠༠. ‘‘‘ཡོ མེ པཱ་དཱ་སི བྷེ་ས་ཛྫཾ, བྱཱ་དྷི་ཉྩ ས་མ་ཡཱི མ་མ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༤༠༡. ‘‘‘ཀ་པྤ་ས་ཏ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི;
ཝཱ་དི་ཏེ ཏཱུ་རི་ཡེ ཏ་ཏྠ, མོ་དི་སྶ་ཏི ས་དཱ ཨ་ཡཾ.
༤༠༢. ‘‘‘མ་ནུ་སྶ་ལོ་ཀ་མཱ་ག་ནྟྭཱ, སུ་ཀྐ་མཱུ་ལེ་ན ཙོ་དི་ཏོ;
ས་ཧ་སྶ་ཀྑ་ཏྟུཾ རཱ་ཛཱ ཙ, ཙ་ཀྐ་ཝ་ཏྟཱི བྷ་ཝི་སྶ་ཏི.
༤༠༣. ‘‘‘པ་ཉྩ་པ་ཉྙཱ་ས་ཀ་པྤ་མྷི, ཨ་ནོ་མོ ནཱ་མ ཁ་ཏྟི་ཡོ;
ཙཱ་ཏུ་ར་ནྟོ ཝི་ཛི་ཏཱ་ཝཱི, ཛ་མྦུ་མ་ཎྜ་སྶ [ཛ་མྦུ་དཱི་པ་སྶ (སྱཱ.)] ཨི་སྶ་རོ.
༤༠༤. ‘‘‘ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ;
ཏཱ་ཝ་ཏིཾ་སེ་པི ཁོ་བྷེ་ཏྭཱ, ཨི་སྶ་རཾ ཀཱ་ར་ཡི་སྶ་ཏི.
༤༠༥. ‘‘‘དེ་ཝ་བྷཱུ་ཏོ མ་ནུ་སྶོ ཝཱ, ཨ་པྤཱ་བཱ་དྷོ བྷ་ཝི་སྶ་ཏི;
པ་རི་གྒ་ཧཾ ཝི་ཝ་ཛྫེ་ཏྭཱ, བྱཱ་དྷིཾ ལོ་ཀེ ཏ་རི་སྶ་ཏི.
༤༠༦. ‘‘‘ཨ་པྤ་རི་མེ་ཡྻེ ཨི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༤༠༧. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་བྦཱ་ས་ཝེ པ་རི་ཉྙཱ་ཡ, ནི་བྦཱ་ཡི་སྶ་ཏི་ནཱ་ས་ཝོ.
༤༠༨. ‘‘‘ཀི་ལེ་སེ ཛྷཱ་པ་ཡི་ཏྭཱ་ན, ཏ་ཎྷཱ་སོ་ཏཾ ཏ་རི་སྶ་ཏི;
བཱ་ཀུ་ལོ [བ་ཀྐུ་ལོ (སཱི. སྱཱ.)] ནཱ་མ ནཱ་མེ་ན, ཧེ་སྶ་ཏི ས་ཏྠུ སཱ་ཝ་ཀོ.
༤༠༩. ‘‘‘ཨི་དཾ ས་བྦཾ ཨ་བྷི་ཉྙཱ་ཡ, གོ་ཏ་མོ ས་ཀྱ་པུ་ངྒ་ཝོ;
བྷི་ཀྑུ་ས་ངྒྷེ ནི་སཱི་དི་ཏྭཱ, ཨེ་ཏ་ད་གྒེ ཋ་པེ་སྶ་ཏི’.
༤༡༠. ‘‘ཨ་ནོ་མ་ད་སྶཱི བྷ་ག་ཝཱ, ས་ཡ་མྦྷཱུ ལོ་ཀ་ནཱ་ཡ་ཀོ;
ཝི་ཝེ་ཀཱ་ནུ་ཝི་ལོ་ཀེ་ནྟོ, མ་མ་སྶ་མ་མུ་པཱ་ག་མི.
༤༡༡. ‘‘ཨུ་པཱ་ག་ཏཾ མ་ཧཱ་ཝཱི་རཾ, ས་བྦ་ཉྙུཾ ལོ་ཀ་ནཱ་ཡ་ཀཾ;
ས་བྦོ་ས་དྷེ་ན ཏ་པྤེ་སིཾ, པ་ས་ནྣོ སེ་ཧི པཱ་ཎི་བྷི.
༤༡༢. ‘‘ཏ་སྶ མེ སུ་ཀ་ཏཾ ཀ་མྨཾ, སུ་ཁེ་ཏྟེ བཱི་ཛ་ས་མྤ་དཱ;
ཁེ་པེ་ཏུཾ ནེ་ཝ ས་ཀྐོ་མི, ཏ་དཱ ཧི སུ་ཀ་ཏཾ མ་མ.
༤༡༣. ‘‘ལཱ་བྷཱ མ་མ སུ་ལ་དྡྷཾ མེ, ཡོ་ཧཾ ཨ་དྡ་ཀྑི ནཱ་ཡ་ཀཾ;
ཏེ་ན ཀ་མྨཱ་ཝ་སེ་སེ་ན, པ་ཏྟོ་མྷི ཨ་ཙ་ལཾ པ་དཾ.
༤༡༤. ‘‘ས་བྦ་མེ་ཏཾ ཨ་བྷི་ཉྙཱ་ཡ, གོ་ཏ་མོ ས་ཀྱ་པུ་ངྒ་ཝོ;
བྷི་ཀྑུ་ས་ངྒྷེ ནི་སཱི་དི་ཏྭཱ, ཨེ་ཏ་ད་གྒེ ཋ་པེ་སི མཾ.
༤༡༥. ‘‘ཨ་པ་རི་མེ་ཡྻེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷེ་ས་ཛྫ་སྶ ཨི་དཾ ཕ་ལཾ.
༤༡༦. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ས་བྦཱ་ས་ཝཱ པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༤༡༧. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༡༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བཱ་ཀུ་ལོ [བ་ཀྐུ་ལོ (སཱི. སྱཱ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
བཱ་ཀུ་ལ་ཏྠེ་ར་སྶཱ་པ་དཱ་ནཾ ཚ་ཊྛཾ.