༧. གི་རི་མཱ་ན་ནྡ་ཏྠེ་ར་ཨ་པ་དཱ་ནཾ
༤༡༩. ‘‘བྷ་རི་ཡཱ མེ ཀཱ་ལ་ངྐ་ཏཱ, པུ་ཏྟོ སཱི་ཝ་ཐི་ཀཾ ག་ཏོ;
མཱ་ཏཱ པི་ཏཱ མ་ཏཱ བྷཱ་ཏཱ, ཨེ་ཀ་ཙི་ཏ་མྷི [མཱ་ཏཱ པི་ཏཱ ཙ བྷཱ་ཏཱ ཙ, ཨེ་ཀ་ཙི་ཏ་ཀ་མྷི (སཱི. སྱཱ.)] ཌ་ཡ྄ཧ་རེ.
༤༢༠. ‘‘ཏེ་ན སོ་ཀེ་ན ས་ནྟ་ཏྟོ, ཀི་སོ པ་ཎྜུ ཨ་ཧོ་ས་ཧཾ;
ཙི་ཏྟ་ཀྑེ་པོ ཙ མེ ཨཱ་སི, ཏེ་ན སོ་ཀེ་ན ཨ་ཊྚི་ཏོ.
༤༢༡. ‘‘སོ་ཀ་ས་ལླ་པ་རེ་ཏོ་ཧཾ, ཝ་ན་ནྟ་མུ་པ་ས་ངྐ་མིཾ;
པ་ཝ་ཏྟ་ཕ་ལཾ བྷུ་ཉྫི་ཏྭཱ, རུ་ཀྑ་མཱུ་ལེ ཝ་སཱ་མ་ཧཾ.
༤༢༢. ‘‘སུ་མེ་དྷོ ནཱ་མ ས་མྦུ་དྡྷོ, དུ་ཀྑ་སྶ་ནྟ་ཀ་རོ ཛི་ནོ;
མ་མུ་དྡྷ་རི་ཏུ་ཀཱ་མོ སོ, ཨཱ་ག་ཉྪི མ་མ ས་ནྟི་ཀཾ.
༤༢༣. ‘‘པ་ད་ས་དྡཾ སུ་ཎི་ཏྭཱ་ན, སུ་མེ་དྷ་སྶ མ་ཧེ་སི་ནོ;
པ་གྒ་ཧེ་ཏྭཱ་ན་ཧཾ སཱི་སཾ, ཨུ་ལློ་ཀེ་སིཾ མ་ཧཱ་མུ་ནིཾ.
༤༢༤. ‘‘ཨུ་པཱ་ག་ཏེ མ་ཧཱ་ཝཱི་རེ, པཱི་ཏི མེ ཨུ་ད་པ་ཛྫ་ཐ;
ཏ་དཱ་སི་མེ་ཀ་གྒ་མ་ནོ, དི་སྭཱ ཏཾ ལོ་ཀ་ནཱ་ཡ་ཀཾ.
༤༢༥. ‘‘ས་ཏིཾ པ་ཊི་ལ་བྷི་ཏྭཱ་ན, པ་ཎྞ་མུ་ཊྛི་མ་དཱ་ས་ཧཾ;
ནི་སཱི་དི བྷ་ག་ཝཱ ཏ་ཏྠ, ཨ་ནུ་ཀ་མྤཱ་ཡ ཙ་ཀྑུ་མཱ.
༤༢༦. ‘‘ནི་ས་ཛྫ ཏ་ཏྠ བྷ་ག་ཝཱ, སུ་མེ་དྷོ ལོ་ཀ་ནཱ་ཡ་ཀོ;
དྷ་མྨཾ མེ ཀ་ཐ་ཡཱི བུ་དྡྷོ, སོ་ཀ་ས་ལླ་ཝི་ནོ་ད་ནཾ.
༤༢༧. ‘‘‘ཨ་ན་ཝ྄ཧི་ཏཱ ཏ་ཏོ ཨཱ་གུཾ, ཨ་ན་ནུ་ཉྙཱ་ཏཱ ཨི་ཏོ ག་ཏཱ;
ཡ་ཐཱ་ག་ཏཱ ཏ་ཐཱ ག་ཏཱ, ཏ་ཏྠ ཀཱ པ་རི་དེ་ཝ་ནཱ.
༤༢༨. ‘‘‘ཡ་ཐཱ་པི པ་ཐི་ཀཱ ས་ཏྟཱ, ཝ་སྶ་མཱ་ནཱ་ཡ ཝུ་ཊྛི་ཡཱ;
ས་བྷ་ཎྜཱ ཨུ་པ་ག་ཙྪ་ནྟི, ཝ་སྶ་སྶཱ་པ་ཏ་ནཱ་ཡ ཏེ.
༤༢༩. ‘‘‘ཝ་སྶེ ཙ ཏེ ཨོ་ར་མི་ཏེ, ས་མྤ་ཡ་ནྟི ཡ་དི་ཙྪ་ཀཾ;
ཨེ་ཝཾ མཱ་ཏཱ པི་ཏཱ ཏུ་ཡ྄ཧཾ, ཏ་ཏྠ ཀཱ པ་རི་དེ་ཝ་ནཱ.
༤༣༠. ‘‘‘ཨཱ་ག་ནྟུ་ཀཱ པཱ་ཧུ་ན་ཀཱ, ཙ་ལི་ཏེ་རི་ཏ་ཀ་མྤི་ཏཱ;
ཨེ་ཝཾ མཱ་ཏཱ པི་ཏཱ ཏུ་ཡ྄ཧཾ, ཏ་ཏྠ ཀཱ པ་རི་དེ་ཝ་ནཱ.
༤༣༡. ‘‘‘ཡ་ཐཱ་པི ཨུ་ར་གོ ཛི་ཎྞཾ, ཧི་ཏྭཱ ག་ཙྪ་ཏི སཾ ཏ་ཙཾ [སཾ་ཏ་ནུཾ (སྱཱ. ཀ.)];
ཨེ་ཝཾ མཱ་ཏཱ པི་ཏཱ ཏུ་ཡ྄ཧཾ, སཾ ཏ་ནུཾ ཨི་དྷ ཧཱི་ཡ་རེ’.
༤༣༢. ‘‘བུ་དྡྷ་སྶ གི་ར་མ་ཉྙཱ་ཡ, སོ་ཀ་ས་ལླཾ ཝི་ཝ་ཛྫ་ཡིཾ;
པཱ་མོ་ཛྫཾ ཛ་ན་ཡི་ཏྭཱ་ན, བུ་དྡྷ་སེ་ཊྛཾ ཨ་ཝ་ནྡ་ཧཾ.
༤༣༣. ‘‘ཝ་ནྡི་ཏྭཱ་ན མ་ཧཱ་ནཱ་གཾ, པཱུ་ཛ་ཡིཾ གི་རི་མ་ཉྫ་རིཾ [གི་རི་མ་ཉྫ་རི་མ་པཱུ་ཛ་ཡིཾ (སཱི. སྱཱ.)];
དི་བྦ་ག་ནྡྷཾ ས་མྤ་ཝ་ནྟཾ [དི་བྦ་ག་ནྡྷེ་ན ས་མྤ་ནྣཾ (སཱི. སྱཱ.)], སུ་མེ་དྷཾ ལོ་ཀ་ནཱ་ཡ་ཀཾ.
༤༣༤. ‘‘པཱུ་ཛ་ཡི་ཏྭཱ་ན ས་མྦུ་དྡྷཾ, སི་རེ ཀ་ཏྭཱ་ན ཨ་ཉྫ་ལིཾ;
ཨ་ནུ་སྶ་རཾ གུ་ཎ་གྒཱ་ནི, ས་ནྠ་ཝིཾ ལོ་ཀ་ནཱ་ཡ་ཀཾ.
༤༣༥. ‘‘ནི་ཏྟི་ཎྞོ་སི [ནི་ཏྟ་ཎྷོ་སི (སཱི.), ཝི་ཏི་ཎྞོ་སི (སྱཱ.)] མ་ཧཱ་ཝཱི་ར, ས་བྦ་ཉྙུ ལོ་ཀ་ནཱ་ཡ་ཀ;
ས་བྦེ ས་ཏྟེ ཨུ་དྡྷ་ར་སི, ཉཱ་ཎེ་ན ཏྭཾ མ་ཧཱ་མུ་ནེ.
༤༣༦. ‘‘ཝི་མ་ཏིཾ དྭེ་ལ༹ྷ་ཀཾ ཝཱ་པི, ས་ཉྪི་ནྡ་སི མ་ཧཱ་མུ་ནེ;
པ་ཊི་པཱ་དེ་སི མེ མ་གྒཾ, ཏ་ཝ ཉཱ་ཎེ་ན ཙ་ཀྑུ་མ.
༤༣༧. ‘‘ཨ་ར་ཧཱ ཝ་སི་པ་ཏྟཱ [སི་དྡྷི་པ་ཏྟཱ (སཱི. སྱཱ.)] ཙ, ཚ་ལ༹་བྷི་ཉྙཱ མ་ཧི་དྡྷི་ཀཱ;
ཨ་ནྟ་ལི་ཀྑ་ཙ་རཱ དྷཱི་རཱ, པ་རི་ཝཱ་རེ་ནྟི ཏཱ་ཝ་དེ.
༤༣༨. ‘‘པ་ཊི་པ་ནྣཱ ཙ སེ་ཁཱ ཙ, ཕ་ལ་ཊྛཱ ས་ནྟི སཱ་ཝ་ཀཱ;
སཱུ་རོ་ད་ཡེ་ཝ པ་དུ་མཱ, པུ་པྥ་ནྟི ཏ་ཝ སཱ་ཝ་ཀཱ.
༤༣༩. ‘‘མ་ཧཱ་ས་མུ་དྡོ་ཝ་ཀྑོ་བྷོ, ཨ་ཏུ་ལོ་པི [ཡ་ཐཱ ས་མུ་དྡོ ཨ་ཀྑོ་བྷོ, ཨ་ཏུ་ལོ ཙ (སཱི.)] དུ་རུ་ཏྟ་རོ;
ཨེ་ཝཾ ཉཱ་ཎེ་ན ས་མྤ་ནྣོ, ཨ་པྤ་མེ་ཡྻོ་སི ཙ་ཀྑུ་མ.
༤༤༠. ‘‘ཝ་ནྡི་ཏྭཱ་ཧཾ ལོ་ཀ་ཛི་ནཾ, ཙ་ཀྑུ་མ་ནྟཾ མ་ཧཱ་ཡ་སཾ;
པུ་ཐུ དི་སཱ ན་མ་སྶ་ནྟོ, པ་ཊི་ཀུ་ཊི་ཀོ ཨ་ག་ཉྪ་ཧཾ.
༤༤༡. ‘‘དེ་ཝ་ལོ་ཀཱ ཙ་ཝི་ཏྭཱ་ན, ས་མྤ་ཛཱ་ནོ པ་ཏི་སྶ་ཏོ;
ཨོ་ཀྐ་མིཾ མཱ་ཏུ་ཡཱ ཀུ་ཙྪིཾ, ས་ནྡྷཱ་ཝ་ནྟོ བྷ་ཝཱ་བྷ་ཝེ.
༤༤༢. ‘‘ཨ་གཱ་རཱ ཨ་བྷི་ནི་ཀྑ་མྨ, པ་བྦ་ཛིཾ ཨ་ན་གཱ་རི་ཡཾ;
ཨཱ་ཏཱ་པཱི ནི་པ་ཀོ ཛྷཱ་ཡཱི, པ་ཊི་ས་ལླཱ་ན་གོ་ཙ་རོ.
༤༤༣. ‘‘པ་དྷཱ་ནཾ པ་ད་ཧི་ཏྭཱ་ན, ཏོ་ས་ཡི་ཏྭཱ མ་ཧཱ་མུ་ནིཾ;
ཙ་ནྡོ་ཝ་བྦྷ་གྷ་ནཱ མུ་ཏྟོ, ཝི་ཙ་རཱ་མི ཨ་ཧཾ ས་དཱ.
༤༤༤. ‘‘ཝི་ཝེ་ཀ་མ་ནུ་ཡུ་ཏྟོ་མྷི, ཨུ་པ་ས་ནྟོ ནི་རཱུ་པ་དྷི;
ས་བྦཱ་ས་ཝེ པ་རི་ཉྙཱ་ཡ, ཝི་ཧ་རཱ་མི ཨ་ནཱ་ས་ཝོ.
༤༤༥. ‘‘ཏིཾ་ས་ཀ་པྤ་ས་ཧ་སྶ་མྷི, ཡཾ བུ་དྡྷ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤༤༦. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ས་བྦཱ་ས་ཝཱ པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༤༤༧. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༤༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ གི་རི་མཱ་ན་ནྡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
གི་རི་མཱ་ན་ནྡ་ཏྠེ་ར་སྶཱ་པ་དཱ་ནཾ ས་ཏྟ་མཾ.