༤. མ་དྷུ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༣༣. ‘‘སི་ནྡྷུ་ཡཱ ན་དི་ཡཱ ཏཱི་རེ, སུ་ཀ་ཏོ ཨ་སྶ་མོ མ་མ;
ཏ་ཏྠ ཝཱ་ཙེ་མ་ཧཾ སི་སྶེ, ཨི་ཏི་ཧཱ་སཾ ས་ལ་ཀྑ་ཎཾ.
༣༣༤. ‘‘དྷ་མྨ་ཀཱ་མཱ ཝི་ནཱི་ཏཱ ཏེ, སོ་ཏུ་ཀཱ་མཱ སུ་སཱ་ས་ནཾ;
ཚ་ལ༹་ངྒེ པཱ་ར་མི་པྤ་ཏྟཱ, སི་ནྡྷུ་ཀཱུ་ལེ ཝ་ས་ནྟི ཏེ.
༣༣༥. ‘‘ཨུ་པྤཱ་ཏ་ག་མ་ནེ ཙེ་ཝ, ལ་ཀྑ་ཎེ་སུ ཙ ཀོ་ཝི་དཱ;
ཨུ་ཏྟ་མ་ཏྠཾ ག་ཝེ་ས་ནྟཱ, ཝ་ས་ནྟི ཝི་པི་ནེ ཏ་དཱ.
༣༣༦. ‘‘སུ་མེ་དྷོ ནཱ་མ ས་མྦུ་དྡྷོ, ལོ་ཀེ ཨུ་པྤ་ཛྫི ཏཱ་ཝ་དེ;
ཨ་མྷཱ་ཀཾ ཨ་ནུ་ཀ་མྤ་ནྟོ, ཨུ་པཱ་ག་ཙྪི ཝི་ནཱ་ཡ་ཀོ.
༣༣༧. ‘‘ཨུ་པཱ་ག་ཏཾ མ་ཧཱ་ཝཱི་རཾ, སུ་མེ་དྷཾ ལོ་ཀ་ནཱ་ཡ་ཀཾ;
ཏི་ཎ་ས་ནྠཱ་ར་ཀཾ ཀ་ཏྭཱ, ལོ་ཀ་ཛེ་ཊྛ་སྶ་དཱ་ས་ཧཾ.
༣༣༨. ‘‘ཝི་པི་ནཱ་ཏོ མ་དྷུཾ ག་ཡ྄ཧ, བུ་དྡྷ་སེ་ཊྛ་སྶ་དཱ་ས་ཧཾ;
ས་མྦུ་དྡྷོ པ་རི་བྷུ་ཉྫི་ཏྭཱ, ཨི་དཾ ཝ་ཙ་ན་མ་བྲ་ཝི.
༣༣༩. ‘‘‘ཡོ ཏཾ ཨ་དཱ་སི མ་དྷུཾ མེ, པ་ས་ནྣོ སེ་ཧི པཱ་ཎི་བྷི;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༣༤༠. ‘‘‘ཨི་མི་ནཱ མ་དྷུ་དཱ་ནེ་ན, ཏི་ཎ་ས་ནྠཱ་ར་ཀེ་ན ཙ;
ཏིཾ་ས ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི.
༣༤༡. ‘‘‘ཏིཾ་ས ཀ་པྤ་ས་ཧ་སྶ་མྷི, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༣༤༢. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་བྦཱ་ས་ཝེ པ་རི་ཉྙཱ་ཡ, ནི་བྦཱ་ཡི་སྶ་ཏི་ནཱ་ས་ཝོ.
༣༤༣. ‘‘‘དེ་ཝ་ལོ་ཀཱ ཨི་དྷཱ་ག་ནྟྭཱ, མཱ་ཏུ་ཀུ་ཙྪིཾ ཨུ་པཱ་ག་ཏེ;
མ་དྷུ་ཝ་སྶཾ པ་ཝ་སྶི་ཏྠ, ཚཱ་ད་ཡཾ མ་དྷུ་ནཱ མ་ཧིཾ’.
༣༤༤. ‘‘མ་ཡི ནི་ཀྑ་ནྟ་མ་ཏྟ་མྷི, ཀུ་ཙྪི་ཡཱ ཙ སུ་དུ་ཏྟ་རཱ;
ཏ་ཏྲཱ་པི མ་དྷུ་ཝ་སྶཾ མེ, ཝ་སྶ་ཏེ ནི་ཙྩ་ཀཱ་ལི་ཀཾ.
༣༤༥. ‘‘ཨ་གཱ་རཱ ཨ་བྷི་ནི་ཀྑ་མྨ, པ་བྦ་ཛིཾ ཨ་ན་གཱ་རི་ཡཾ;
ལཱ་བྷཱི ཨ་ནྣ་སྶ པཱ་ན་སྶ, མ་དྷུ་དཱ་ན་སྶི་དཾ ཕ་ལཾ.
༣༤༦. ‘‘ས་བྦ་ཀཱ་མ་ས་མི་དྡྷོ་ཧཾ, བྷ་ཝི་ཏྭཱ དེ་ཝ་མཱ་ནུ་སེ;
ཏེ་ནེ་ཝ མ་དྷུ་དཱ་ནེ་ན, པ་ཏྟོ་མྷི ཨཱ་ས་ཝ་ཀྑ་ཡཾ.
༣༤༧. ‘‘ཝུ་ཊྛ་མྷི དེ་ཝེ ཙ་ཏུ་ར་ངྒུ་ལེ ཏི་ཎེ, ས་མྤུ་པྥི་ཏེ [སུ་པུ་པྥི་ཏེ (སྱཱ.)] དྷ་ར་ཎཱི་རུ་ཧེ ས་ཉྪ་ནྣེ [ཝ་པྤ་དེ་སེ (སྱཱ.)];
སུ་ཉྙེ གྷ་རེ མ་ཎྜ་པ་རུ་ཀྑ་མཱུ་ལ་ཀེ, ཝ་སཱ་མི ནི་ཙྩཾ སུ་ཁི་ཏོ ཨ་ནཱ་ས་ཝོ.
༣༤༨. ‘‘མ་ཛ྄ཛྷེ མ་ཧ་ནྟེ ཧཱི་ནེ ཙ [མ་ཛ྄ཛྷེ མ་ཡ྄ཧཾ བྷ་ཝཱ ཨ་སྶུ (སྱཱ. པཱི. ཀ.)], བྷ་ཝེ ས་བྦེ ཨ་ཏི་ཀྐ་མིཾ [ཡེ བྷ་ཝེ ས་མ་ཏི་ཀྐ་མིཾ (སྱཱ. ཀ.), ཡོ བྷ་ཝེ་སུ པ་ཀི་ཏྟ་ཡི (ཀ.)];
ཨ་ཛྫ མེ ཨཱ་ས་ཝཱ ཁཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༣༤༩. ‘‘ཏིཾ་ས་ཀ་པྤ་ས་ཧ་སྶ་མྷི, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་དྷུ་དཱ་ན་སྶི་དཾ ཕ་ལཾ.
༣༥༠. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ས་བྦཱ་ས་ཝཱ པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༣༥༡. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༥༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་དྷུ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་དྷུ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.