༩. སོ་ཎ་ཀོ་ཊི་ཝཱི་ས་ཏྠེ་ར་ཨ་པ་དཱ་ནཾ
༤༩. ‘‘ཝི་པ་སྶི་ནོ པཱ་ཝ་ཙ་ནེ, ཨེ་ཀཾ ལེ་ཎཾ མ་ཡཱ ཀ་ཏཾ;
ཙཱ་ཏུ་དྡི་ས་སྶ ས་ངྒྷ་སྶ, བ་ནྡྷུ་མཱ་རཱ་ཛ་དྷཱ་ནི་ཡཱ.
༥༠. ‘‘དུ་སྶེ་ཧི བྷཱུ་མིཾ ལེ་ཎ་སྶ, ས་ནྠ་རི་ཏྭཱ པ་རི་ཙྩ་ཛིཾ;
ཨུ་ད་གྒ་ཙི་ཏྟོ སུ་མ་ནོ, ཨ་ཀཱ་སིཾ པ་ཎི་དྷིཾ ཏ་དཱ.
༥༡. ‘‘ཨཱ་རཱ་དྷ་ཡེ་ཡྻཾ ས་མྦུ་དྡྷཾ, པ་བྦ་ཛྫ་ཉྩ ལ་བྷེ་ཡྻ་ཧཾ;
ཨ་ནུ་ཏྟ་ར་ཉྩ ནི་བྦཱ་ནཾ, ཕུ་སེ་ཡྻཾ ས་ནྟི་མུ་ཏྟ་མཾ.
༥༢. ‘‘ཏེ་ནེ་ཝ སུ་ཀྐ་མཱུ་ལེ་ན, ཀ་པྤེ [ཀ་པྤཾ (སཱི.), ཀ་པྤ (ཀ.)] ན་ཝུ་ཏི སཾ་ས་རིཾ;
དེ་ཝ་བྷཱུ་ཏོ མ་ནུ་སྶོ ཙ, ཀ་ཏ་པུ་ཉྙོ ཝི་རོ་ཙ་ཧཾ.
༥༣. ‘‘ཏ་ཏོ ཀ་མྨཱ་ཝ་སེ་སེ་ན, ཨི་དྷ པ་ཙྪི་མ་ཀེ བྷ་ཝེ;
ཙ་མྤཱ་ཡཾ ཨ་གྒ་སེ་ཊྛི་སྶ, ཛཱ་ཏོ་མྷི ཨེ་ཀ་པུ་ཏྟ་ཀོ.
༥༤. ‘‘ཛཱ་ཏ་མ་ཏྟ་སྶ མེ སུ་ཏྭཱ, པི་ཏུ ཚ་ནྡོ ཨ་ཡཾ ཨ་ཧུ;
ད་དཱ་མ་ཧཾ ཀུ་མཱ་ར་སྶ, ཝཱི་ས་ཀོ་ཊཱི ཨ་ནཱུ་ན་ཀཱ.
༥༥. ‘‘ཙ་ཏུ་ར་ངྒུ་ལཱ ཙ མེ ལོ་མཱ, ཛཱ་ཏཱ པཱ་ད་ཏ་ལེ ཨུ་བྷོ;
སུ་ཁུ་མཱ མུ་དུ་ས་མྥ་སྶཱ, ཏཱུ་ལཱ་པི་ཙུ་ས་མཱ སུ་བྷཱ.
༥༦. ‘‘ཨ་ཏཱི་ཏཱ ན་ཝུ་ཏི ཀ་པྤཱ, ཨ་ཡཾ ཨེ་ཀོ ཙ ཨུ་ཏྟ་རི;
ནཱ་བྷི་ཛཱ་ནཱ་མི ནི་ཀྑི་ཏྟེ, པཱ་དེ བྷཱུ་མྱཱ ཨ་ས་ནྠ་ཏེ.
༥༧. ‘‘ཨཱ་རཱ་དྷི་ཏོ མེ ས་མྦུ་དྡྷོ, པ་བྦ་ཛིཾ ཨ་ན་གཱ་རི་ཡཾ;
ཨ་ར་ཧ་ཏྟ་ཉྩ མེ པ་ཏྟཾ, སཱི་ཏི་བྷཱུ་ཏོ་མྷི ནི་བྦུ་ཏོ.
༥༨. ‘‘ཨ་གྒོ ཨཱ་ར་དྡྷ་ཝཱི་རི་ཡཱ་ནཾ, ནི་དྡི་ཊྛོ ས་བྦ་ད་སྶི་ནཱ;
ཁཱི་ཎཱ་ས་ཝོ་མྷི ཨ་ར་ཧཱ, ཚ་ལ༹་བྷི་ཉྙོ མ་ཧི་དྡྷི་ཀོ.
༥༩. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ལེ་ཎ་དཱ་ན་སྶི་དཾ ཕ་ལཾ.
༦༠. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༦༡. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༦༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
༦༣. ‘‘ཐེ་རོ ཀོ་ཊི་ཝཱི་སོ [ཀོ་ཊི་ཝི་སོ (སྱཱ. ཀ.), ཀོ་ལི༹་ཝི་སོ (ཨ་ཉྙ་ཊྛཱ་ནེ་སུ)] སོ་ཎོ, བྷི་ཀྑུ་ས་ངྒྷ་སྶ ཨ་གྒ་ཏོ;
པ་ཉྷཾ པུ་ཊྛོ ཝི་ཡཱ་ཀཱ་སི, ཨ་ནོ་ཏ་ཏྟེ མ་ཧཱ་ས་རེ’’ཏི.
ཨི་ཏྠཾ སུ་དཾ ཨཱ་ཡ་སྨཱ སོ་ཎོ ཀོ་ཊི་ཝཱི་སོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སོ་ཎ་ཀོ་ཊི་ཝཱི་ས་ཏྠེ་ར་སྶཱ་པ་དཱ་ནཾ ན་ཝ་མཾ.