༡༠. པུ་བྦ་ཀ་མྨ་པི་ལོ་ཏི་ཀ་བུ་དྡྷ་ཨ་པ་དཱ་ནཾ
༦༤. ‘‘ཨ་ནོ་ཏ་ཏྟ་ས་རཱ་ས་ནྣེ, ར་མ་ཎཱི་ཡེ སི་ལཱ་ཏ་ལེ;
ནཱ་ནཱ་ར་ཏ་ན་པ་ཛྫོ་ཏེ, ནཱ་ནཱ་ག་ནྡྷ་ཝ་ན་ནྟ་རེ.
༦༥. ‘‘མ་ཧ་ཏཱ བྷི་ཀྑུ་ས་ངྒྷེ་ན, པ་རེ་ཏོ [ཨུ་པེ་ཏོ (ཨུ་དཱ་ན་ཊྛ་ཀ་ཐཱ་ཡཾ ༤ ཝ་གྒེ, ༨ སུ་ཏྟེ)] ལོ་ཀ་ནཱ་ཡ་ཀོ;
ཨཱ་སཱི་ནོ བྱཱ་ཀ་རཱི ཏ་ཏྠ, པུ་བྦ་ཀ་མྨཱ་ནི ཨ་ཏྟ་ནོ.
༦༦. [སུ་ཎཱ་ཐ བྷི་ཀྑ་ཝེ མ་ཡ྄ཧཾ, ཡཾ ཀ་མྨཾ པ་ཀ་ཏཾ མ་ཡཱ; ཨེ་ཀཾ ཨ་ར་ཉྙི་ཀཾ བྷི་ཀྑུཾ, དི་སྭཱ དི་ནྣཾ པི་ལོ་ཏི་ཀཾ; པ་ཏྠི་ཏཾ པ་ཋ་མཾ བུ་དྡྷཾ, བུ་དྡྷ་ཏྟཱ་ཡ མ་ཡཱ ཏ་དཱ; པི་ལོ་ཏི་ཡ་སྶ ཀ་མྨ་སྶ, བུ་དྡྷ་ཏྟེ་པི ཝི་པ་ཙྩ་ཏི; གོ་པཱ་ལ་ཀོ པུ་རེ ཨཱ་སིཾ, གཱ་ཝིཾ པཱ་ཛེ་ཏི གོ་ཙ་རཾ; པི་ཝ་ནྟིཾ ཨུ་ད་ཀཾ ཨཱ་ཝི་ལཾ, གཱ་ཝིཾ དི་སྭཱ ནི་ཝཱ་ར་ཡིཾ; ཏེ་ན ཀ་མྨ་ཝི་པཱ་ཀེ་ན, ཨི་དྷ པ་ཙྪི་མ་ཀེ བྷ་ཝེ; ཝི་པཱ་སི་ཏོ ཡ་དི་ཙྪ་ཀཾ, ན ཧི པཱ་ཏུཾ ལ་བྷཱ་མ་ཧཾ (སྱཱ.)] ‘‘སུ་ཎཱ་ཐ བྷི་ཀྑ་ཝོ མ་ཡ྄ཧཾ, ཡཾ ཀ་མྨཾ པ་ཀ་ཏཾ མ་ཡཱ;
པི་ལོ་ཏི་ཀ་སྶ ཀ་མྨ་སྶ, བུ་དྡྷ་ཏྟེ་པི ཝི་པ་ཙྩ་ཏི [སུ་ཎཱ་ཐ བྷི་ཀྑ་ཝེ མ་ཡ྄ཧཾ, ཡཾ ཀ་མྨཾ པ་ཀ་ཏཾ མ་ཡཱ; ཨེ་ཀཾ ཨ་ར་ཉྙི་ཀཾ བྷི་ཀྑུཾ, དི་སྭཱ དི་ནྣཾ པི་ལོ་ཏི་ཀཾ; པ་ཏྠི་ཏཾ པ་ཋ་མཾ བུ་དྡྷཾ, བུ་དྡྷ་ཏྟཱ་ཡ མ་ཡཱ ཏ་དཱ; པི་ལོ་ཏི་ཡ་སྶ ཀ་མྨ་སྶ, བུ་དྡྷ་ཏྟེ་པི ཝི་པ་ཙྩ་ཏི; གོ་པཱ་ལ་ཀོ པུ་རེ ཨཱ་སིཾ, གཱ་ཝིཾ པཱ་ཛེ་ཏི གོ་ཙ་རཾ; པི་ཝ་ནྟིཾ ཨུ་ད་ཀཾ ཨཱ་ཝི་ལཾ, གཱ་ཝིཾ དི་སྭཱ ནི་ཝཱ་ར་ཡིཾ; ཏེ་ན ཀ་མྨ་ཝི་པཱ་ཀེ་ན, ཨི་དྷ པ་ཙྪི་མ་ཀེ བྷ་ཝེ; ཝི་པཱ་སི་ཏོ ཡ་དི་ཙྪ་ཀཾ, ན ཧི པཱ་ཏུཾ ལ་བྷཱ་མ་ཧཾ (སྱཱ.)].
[༡]
༦༧. ‘‘མུ་ནཱ་ལི༹ ནཱ་མ་ཧཾ དྷུ་ཏྟོ, པུ་བྦེ ཨ་ཉྙཱ་སུ ཛཱ་ཏི་སུ [ཨ་ཉྙཱ་ཡ ཛཱ་ཏི་ཡཱ (ཨུ་དཱ་ན ཨ་ཊྛ.)];
པ་ཙྩེ་ཀ་བུ་དྡྷཾ སུ་ར་བྷིཾ [ས་ར་བྷུཾ (སཱི.)], ཨ་བྦྷཱ་ཙི་ཀྑིཾ ཨ་དཱུ་ས་ཀཾ.
༦༨. ‘‘ཏེ་ན ཀ་མྨ་ཝི་པཱ་ཀེ་ན, ནི་ར་ཡེ སཾ་ས་རིཾ ཙི་རཾ;
བ་ཧཱུ་ཝ་སྶ་ས་ཧ་སྶཱ་ནི, དུ་ཀྑཾ ཝེ་དེ་སི ཝེ་ད་ནཾ.
༦༩. ‘‘ཏེ་ན ཀ་མྨཱ་ཝ་སེ་སེ་ན, ཨི་དྷ པ་ཙྪི་མ་ཀེ བྷ་ཝེ;
ཨ་བྦྷ་ཀྑཱ་ནཾ མ་ཡཱ ལ་དྡྷཾ, སུ་ནྡ་རི་ཀཱ་ཡ ཀཱ་ར་ཎཱ.
[༢]
༧༠. ‘‘ས་བྦཱ་བྷི་བྷུ་སྶ བུ་དྡྷ་སྶ, ན་ནྡོ ནཱ་མཱ་སི སཱ་ཝ་ཀོ;
ཏཾ ཨ་བྦྷ་ཀྑཱ་ཡ ནི་ར་ཡེ, ཙི་རཾ སཾ་ས་རི་ཏཾ མ་ཡཱ.
༧༡. ‘‘ད་ས་ཝ་སྶ་ས་ཧ་སྶཱ་ནི, ནི་ར་ཡེ སཾ་ས་རིཾ ཙི་རཾ;
མ་ནུ་སྶ་བྷཱ་ཝཾ ལ་དྡྷཱ་ཧཾ, ཨ་བྦྷ་ཀྑཱ་ནཾ བ་ཧུཾ ལ་བྷིཾ.
༧༢. ‘‘ཏེ་ན ཀ་མྨཱ་ཝ་སེ་སེ་ན, ཙི་ཉྩ་མཱ་ན་ཝི་ཀཱ མ་མཾ;
ཨ་བྦྷཱ་ཙི་ཀྑི ཨ་བྷཱུ་ཏེ་ན, ཛ་ན་ཀཱ་ཡ་སྶ ཨ་གྒ་ཏོ.
[༣]
༧༣. ‘‘བྲཱ་ཧྨ་ཎོ སུ་ཏ་ཝཱ ཨཱ་སིཾ, ཨ་ཧཾ ས་ཀྐ་ཏ་པཱུ་ཛི་ཏོ;
མ་ཧཱ་ཝ་ནེ པ་ཉྩ་ས་ཏེ, མ་ནྟེ ཝཱ་ཙེ་མི མཱ་ཎ་ཝེ.
༧༤. ‘‘ཏ་ཏྠཱ་ག་ཏོ [ཏ་མཱ་ག་ཏོ (ཀ.)] ཨི་སི བྷཱི་མོ, པ་ཉྩཱ་བྷི་ཉྙོ མ་ཧི་དྡྷི་ཀོ;
ཏཾ ཙཱ་ཧཾ ཨཱ་ག་ཏཾ དི་སྭཱ, ཨ་བྦྷཱ་ཙི་ཀྑིཾ ཨ་དཱུ་ས་ཀཾ.
༧༥. ‘‘ཏ་ཏོ་ཧཾ ཨ་ཝ་ཙཾ སི་སྶེ, ཀཱ་མ་བྷོ་གཱི ཨ་ཡཾ ཨི་སི;
མ་ཡ྄ཧ་མྤི བྷཱ་ས་མཱ་ན་སྶ, ཨ་ནུ་མོ་དིཾ་སུ མཱ་ཎ་ཝཱ.
༧༦. ‘‘ཏ་ཏོ མཱ་ཎ་ཝ་ཀཱ ས་བྦེ, བྷི་ཀྑ་མཱ་ནཾ ཀུ་ལེ ཀུ་ལེ;
མ་ཧཱ་ཛ་ན་སྶ ཨཱ་ཧཾ་སུ, ཀཱ་མ་བྷོ་གཱི ཨ་ཡཾ ཨི་སི.
༧༧. ‘‘ཏེ་ན ཀ་མྨ་ཝི་པཱ་ཀེ་ན, པ་ཉྩ བྷི་ཀྑུ་ས་ཏཱ ཨི་མེ;
ཨ་བྦྷ་ཀྑཱ་ནཾ ལ་བྷུཾ ས་བྦེ, སུ་ནྡ་རི་ཀཱ་ཡ ཀཱ་ར་ཎཱ.
[༤]
༧༨. ‘‘ཝེ་མཱ་ཏུ་བྷཱ་ཏ་རཾ པུ་བྦེ, དྷ་ན་ཧེ་ཏུ ཧ་ནིཾ ཨ་ཧཾ;
པ་ཀྑི་པིཾ གི་རི་དུ་གྒ་སྨིཾ, སི་ལཱ་ཡ ཙ ཨ་པིཾ་ས་ཡིཾ.
༧༩. ‘‘ཏེ་ན ཀ་མྨ་ཝི་པཱ་ཀེ་ན, དེ་ཝ་ད་ཏྟོ སི་ལཾ ཁི་པི;
ཨ་ངྒུ་ཊྛཾ པིཾ་ས་ཡཱི པཱ་དེ, མ་མ པཱ་སཱ་ཎ་ས་ཀྑ་རཱ.
[༥]
༨༠. ‘‘པུ་རེ་ཧཾ དཱ་ར་ཀོ ཧུ་ཏྭཱ, ཀཱི་ལ༹་མཱ་ནོ མ་ཧཱ་པ་ཐེ;
པ་ཙྩེ་ཀ་བུ་དྡྷཾ དི་སྭཱ་ན, མ་གྒེ ས་ཀ་ལི་ཀཾ [ས་ཀྑ་ལི་ཀཾ (ཀ.)] ཁི་པིཾ [ད་ཧིཾ (སྱཱ.)].
༨༡. ‘‘ཏེ་ན ཀ་མྨ་ཝི་པཱ་ཀེ་ན, ཨི་དྷ པ་ཙྪི་མ་ཀེ བྷ་ཝེ;
ཝ་དྷ་ཏྠཾ མཾ དེ་ཝ་ད་ཏྟོ, ཨ་བྷི་མཱ་རེ པ་ཡོ་ཛ་ཡི.
[༦]
༨༢. ‘‘ཧ་ཏྠཱ་རོ་ཧོ པུ་རེ ཨཱ་སིཾ, པ་ཙྩེ་ཀ་མུ་ནི་མུ་ཏྟ་མཾ;
པི་ཎྜཱ་ཡ ཝི་ཙ་ར་ནྟཾ ཏཾ, ཨཱ་སཱ་དེ་སིཾ ག་ཛེ་ན་ཧཾ.
༨༣. ‘‘ཏེ་ན ཀ་མྨ་ཝི་པཱ་ཀེ་ན, བྷ་ནྟོ [ད་ནྟོ (ཀ.)] ནཱ་ལཱ༹་གི་རཱི ག་ཛོ;
གི་རི་བྦ་ཛེ པུ་ར་ཝ་རེ, དཱ་རུ་ཎོ ས་མུ་པཱ་ག་མི [མཾ ཨུ་པཱ་ག་མི (སཱི.)].
[༧]
༨༤. ‘‘རཱ་ཛཱ་ཧཾ པ་ཏྠི་ཝོ [པ་ཏྟི་ཀོ (སྱཱ. ཀ.), ཁ་ཏྟི་ཡོ (ཨུ་དཱ་ན ཨ་ཊྛ.)] ཨཱ་སིཾ, ས་ཏྟི་ཡཱ པུ་རི་སཾ ཧ་ནིཾ;
ཏེ་ན ཀ་མྨ་ཝི་པཱ་ཀེ་ན, ནི་ར་ཡེ པ་ཙྩི་སཾ བྷུ་སཾ.
༨༥. ‘‘ཀ་མྨུ་ནོ ཏ་སྶ སེ་སེ་ན, ཨི་དཱ་ནི ས་ཀ་ལཾ མ་མ;
པཱ་དེ ཚ་ཝིཾ པ་ཀ་པྤེ་སི [པ་ཀོ་པེ་སི (སཱི.)], ན ཧི ཀ་མྨཾ ཝི་ན་སྶ་ཏི.
[༨]
༨༦. ‘‘ཨ་ཧཾ ཀེ་ཝ་ཊྚ་གཱ་མ་སྨིཾ, ཨ་ཧུཾ ཀེ་ཝ་ཊྚ་དཱ་ར་ཀོ;
མ་ཙྪ་ཀེ གྷཱ་ཏི་ཏེ དི་སྭཱ, ཛ་ན་ཡིཾ སོ་མ་ན་སྶ་ཀཾ [སོ་མ་ན་སྶ་ཧཾ (ཨུ་དཱ་ན ཨ་ཊྛ.)].
༨༧. ‘‘ཏེ་ན ཀ་མྨ་ཝི་པཱ་ཀེ་ན, སཱི་ས་དུ་ཀྑཾ ཨ་ཧཱུ མ་མ;
ས་བྦེ ས་ཀྐཱ ཙ ཧ་ཉྙིཾ་སུ, ཡ་དཱ ཧ་ནི ཝི་ཊ་ཊཱུ་བྷོ [ཝི་ཊ་ཊུ་བྷོ (སྱཱ. ཀ.)].
[༩]
༨༨. ‘‘ཕུ་སྶ་སྶཱ་ཧཾ པཱ་ཝ་ཙ་ནེ, སཱ་ཝ་ཀེ པ་རི་བྷཱ་ས་ཡིཾ;
ཡ་ཝཾ ཁཱ་ད་ཐ བྷུ་ཉྫ་ཐ, མཱ ཙ བྷུ་ཉྫ་ཐ སཱ་ལ་ཡོ.
༨༩. ‘‘ཏེ་ན ཀ་མྨ་ཝི་པཱ་ཀེ་ན, ཏེ་མཱ་སཾ ཁཱ་དི་ཏཾ ཡ་ཝཾ;
ནི་མ་ནྟི་ཏོ བྲཱ་ཧྨ་ཎེ་ན, ཝེ་ར་ཉྫཱ་ཡཾ ཝ་སིཾ ཏ་དཱ.
[༡༠]
༩༠. ‘‘ནི་བྦུ་དྡྷེ ཝ་ཏྟ་མཱ་ན་མྷི, མ་ལླ་པུ་ཏྟཾ ནི་ཧེ་ཋ་ཡིཾ [ནི་སེ་དྷ་ཡིཾ (སྱཱ. ཀ.)];
ཏེ་ན ཀ་མྨ་ཝི་པཱ་ཀེ་ན, པི་ཊྛི་དུ་ཀྑཾ ཨ་ཧཱུ མ་མ.
[༡༡]
༩༡. ‘‘ཏི་ཀི་ཙྪ་ཀོ ཨ་ཧཾ ཨཱ་སིཾ, སེ་ཊྛི་པུ་ཏྟཾ ཝི་རེ་ཙ་ཡིཾ;
ཏེ་ན ཀ་མྨ་ཝི་པཱ་ཀེ་ན, ཧོ་ཏི པ་ཀྑ་ནྡི་ཀཱ མ་མ.
[༡༢]
༩༢. ‘‘ཨ་ཝ་ཙཱ་ཧཾ ཛོ་ཏི་པཱ་ལོ, སུ་ག་ཏཾ ཀ་སྶ་པཾ ཏ་དཱ;
ཀུ་ཏོ ནུ བོ་དྷི མུ་ཎྜ་སྶ, བོ་དྷི པ་ར་མ་དུ་ལླ་བྷཱ.
༩༣. ‘‘ཏེ་ན ཀ་མྨ་ཝི་པཱ་ཀེ་ན, ཨ་ཙ་རིཾ དུ་ཀྐ་རཾ བ་ཧུཾ;
ཚ་བྦ་སྶཱ་ནུ་རུ་ཝེ་ལཱ༹་ཡཾ, ཏ་ཏོ བོ་དྷི་མ་པཱ་པུ་ཎིཾ.
༩༤. ‘‘ནཱ་ཧཾ ཨེ་ཏེ་ན མ་གྒེ་ན, པཱ་པུ་ཎིཾ བོ་དྷི་མུ་ཏྟ་མཾ;
ཀུ་མྨ་གྒེ་ན ག་ཝེ་སི་སྶཾ, པུ་བྦ་ཀ་མྨེ་ན ཝཱ་རི་ཏོ.
༩༥. ‘‘པུ་ཉྙ་པཱ་པ་པ་རི་ཀྑཱི་ཎོ, ས་བྦ་ས་ནྟཱ་པ་ཝ་ཛྫི་ཏོ;
ཨ་སོ་ཀོ ཨ་ནུ་པཱ་ཡཱ་སོ, ནི་བྦཱ་ཡི་སྶ་མ་ནཱ་ས་ཝོ.
༩༦. ‘‘ཨེ་ཝཾ ཛི་ནོ ཝི་ཡཱ་ཀཱ་སི, བྷི་ཀྑུ་ས་ངྒྷ་སྶ ཨ་གྒ་ཏོ;
ས་བྦཱ་བྷི་ཉྙཱ་བ་ལ་པྤ་ཏྟོ, ཨ་ནོ་ཏ་ཏྟེ མ་ཧཱ་ས་རེ’’ཏི.
ཨི་ཏྠཾ སུ་དཾ བྷ་ག་ཝཱ ཨ་ཏྟ་ནོ པུ་བྦ་ཙ་རི་ཏཾ ཀ་མྨ་པི་ལོ་ཏི་ཀཾ ནཱ་མ བུ་དྡྷཱ་པ་དཱ་ན་དྷ་མྨ་པ་རི་ཡཱ་ཡཾ ཨ་བྷཱ་སི་ཏྠཱ་ཏི.
པུ་བྦ་ཀ་མྨ་པི་ལོ་ཏི་ཀཾ ནཱ་མ བུ་དྡྷཱ་པ་དཱ་ནཾ ད་ས་མཾ.
ཨ་ཝ་ཊ་ཕ་ལ་ཝ་གྒོ ཨེ་ཀཱུ་ན་ཙ་ཏྟཱ་ལཱི་ས་མོ.