༣༩. ཨ་ཝ་ཊ་ཕ་ལ་ཝ་གྒོ
༡. ཨ་ཝ་ཊ་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘ས་ཏ་རཾ་སི ནཱ་མ བྷ་ག་ཝཱ, ས་ཡ་མྦྷཱུ ཨ་པ་རཱ་ཛི་ཏོ;
ཝི་ཝེ་ཀ་ཀཱ་མོ ས་མྦུ་དྡྷོ, གོ་ཙ་རཱ་ཡཱ་བྷི་ནི་ཀྑ་མི.
༢. ‘‘ཕ་ལ་ཧ་ཏྠོ ཨ་ཧཾ དི་སྭཱ, ཨུ་པ་ག་ཙྪིཾ ན་རཱ་ས་བྷཾ;
པ་ས་ནྣ་ཙི་ཏྟོ སུ་མ་ནོ, ཨ་ཝ་ཊཾ [ཨ་ཝ་ཎྚཾ (སཱི.), ཨ་མྦ་ཊཾ (སྱཱ.)] ཨ་ད་དིཾ ཕ་ལཾ.
༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཕ་ལ་མ་ད་དིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༤. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༥. ‘‘སྭཱ་ག་ཏཾ ཝ་ཏ མེ ཨཱ་སི, མ་མ བུ་དྡྷ་སྶ ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཝ་ཊ་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ཝ་ཊ་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ལ་བུ་ཛ་དཱ་ཡ་ཀ་ཏྠེ་ར་ཨ་པ་དཱ་ནཾ
༧. ‘‘ན་ག་རེ བ་ནྡྷུ་མ་ཏི་ཡཱ, ཨཱ་སིཾ ཨཱ་རཱ་མི་ཀོ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ག་ཙྪ་ནྟཾ ཨ་ནི་ལ་ཉྫ་སེ.
༨. ‘‘ལ་བུ་ཛ་སྶ ཕ་ལཾ ག་ཡ྄ཧ, བུ་དྡྷ་སེ་ཊྛ་སྶ་དཱ་ས་ཧཾ;
ཨཱ་ཀཱ་སེ ཋི་ཏ་ཀོ ས་ནྟོ, པ་ཊི་ག་ཎྷི མ་ཧཱ་ཡ་སོ.
༩. ‘‘ཝི་ཏྟི་ས་ཉྫ་ན་ནཾ མ་ཡ྄ཧཾ, དི་ཊྛ་དྷ་མྨ་སུ་ཁཱ་ཝ་ཧཾ;
ཕ་ལཾ བུ་དྡྷ་སྶ ད་ཏྭཱ་ན, ཝི་པྤ་ས་ནྣེ་ན ཙེ་ཏ་སཱ.
༡༠. ‘‘ཨ་དྷི་ག་ཙྪིཾ ཏ་དཱ པཱི་ཏིཾ, ཝི་པུ་ལ་ཉྩ སུ་ཁུ་ཏྟ་མཾ;
ཨུ་པྤ་ཛྫ་ཏེ་ཝ ར་ཏ་ནཾ, ནི་བྦ་ཏྟ་སྶ ཏ་ཧིཾ ཏ་ཧིཾ.
༡༡. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༡༢. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༣. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ལ་བུ་ཛ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ལ་བུ་ཛ་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཨུ་དུ་མྦ་ར་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༥. ‘‘ཝི་ན་ཏཱ་ན་དི་ཡཱ ཏཱི་རེ, ཝི་ཧཱ་སི པུ་རི་སུ་ཏྟ་མོ;
ཨ་དྡ་སཾ ཝི་ར་ཛཾ བུ་དྡྷཾ, ཨེ་ཀ་གྒཾ སུ་ས་མཱ་ཧི་ཏཾ.
༡༦. ‘‘ཏ་སྨིཾ པ་ས་ནྣ་མཱ་ན་སོ, ཀི་ལེ་ས་མ་ལ་དྷོ་ཝ་ནེ;
ཨུ་དུ་མྦ་ར་ཕ་ལཾ ག་ཡ྄ཧ, བུ་དྡྷ་སེ་ཊྛ་སྶ་དཱ་ས་ཧཾ.
༡༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༡༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་དུ་མྦ་ར་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་དུ་མྦ་ར་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. པི་ལ་ཀྑ་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༡. ‘‘ཝ་ན་ནྟ་རེ བུ་དྡྷཾ དི་སྭཱ, ཨ་ཏྠ་ད་སྶིཾ མ་ཧཱ་ཡ་སཾ;
པ་ས་ནྣ་ཙི་ཏྟོ སུ་མ་ནོ, པི་ལ་ཀྑ་སྶཱ་ད་དིཾ ཕ་ལཾ [པི་ལ་ཀྑ་སྶ ཕ་ལཾ ཨ་དཾ (སཱི.), པི་ལ་ཀྑུ་སྶ ཕ་ལཾ ཨ་དཾ (སྱཱ.)].
༢༢. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༢༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༢༤. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པི་ལ་ཀྑ་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པི་ལ་ཀྑ་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཕཱ་རུ་ས་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༦. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
ར་ཐི་ཡཾ པ་ཊི་པ་ཛྫ་ནྟཾ, ཕཱ་རུ་ས་ཕ་ལ་མ་དཱ་ས་ཧཾ.
༢༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཕ་ལ་མ་ད་དིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༢༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༢༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཕཱ་རུ་ས་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཕཱ་རུ་ས་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཝ་ལླི་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༡. ‘‘ས་བྦེ ཛ་ནཱ ས་མཱ་ག་མྨ, ཨ་ག་མིཾ་སུ ཝ་ནཾ ཏ་དཱ;
ཕ་ལ་མ་ནྭེ་ས་མཱ་ནཱ ཏེ, ཨ་ལ་བྷིཾ་སུ ཕ་ལཾ ཏ་དཱ.
༣༢. ‘‘ཏ་ཏྠ་དྡ་སཱ་སིཾ ས་མྦུ་དྡྷཾ, ས་ཡ་མྦྷུཾ ཨ་པ་རཱ་ཛི་ཏཾ;
པ་ས་ནྣ་ཙི་ཏྟོ སུ་མ་ནོ, ཝ་ལླི་ཕ་ལ་མ་དཱ་ས་ཧཾ.
༣༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༣༤. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༣༥. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝ་ལླི་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝ་ལླི་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཀ་ད་ལི་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༧. ‘‘ཀ་ཎི་ཀཱ་རཾ་ཝ ཛ་ལི་ཏཾ, པུ་ཎྞ་མཱ་ཡེ་ཝ [པུ་ཎྞ་མཱ་སེ་ཝ (སཱི. ཀ.)] ཙ་ནྡི་མཾ;
ཛ་ལ་ནྟཾ དཱི་པ་རུ་ཀྑཾ་ཝ, ཨ་དྡ་སཾ ལོ་ཀ་ནཱ་ཡ་ཀཾ.
༣༨. ‘‘ཀ་ད་ལི་ཕ་ལཾ པ་གྒ་ཡ྄ཧ, ཨ་དཱ་སིཾ ས་ཏྠུ་ནོ ཨ་ཧཾ;
པ་ས་ནྣ་ཙི་ཏྟོ སུ་མ་ནོ, ཝ་ནྡི་ཏྭཱ་ན ཨ་པ་ཀྐ་མིཾ.
༣༩. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༤༠. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༤༡. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ད་ལི་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ད་ལི་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. པ་ན་ས་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༤༣. ‘‘ཨ་ཛྫུ་ནོ ནཱ་མ ས་མྦུ་དྡྷོ, ཧི་མ་ཝ་ནྟེ ཝ་སཱི ཏ་དཱ;
ཙ་ར་ཎེ་ན ཙ ས་མྤ་ནྣོ, ས་མཱ་དྷི་ཀུ་ས་ལོ མུ་ནི.
༤༤. ‘‘ཀུ་མྦྷ་མ་ཏྟཾ ག་ཧེ་ཏྭཱ་ན, པ་ན་སཾ ཛཱི་ཝ་ཛཱི་ཝ་ཀཾ [དེ་ཝ་ག་ནྡྷི་ཀཾ (༤༡ ཝ་གྒེ, ༥ ཨ་པ་དཱ་ནེ)];
ཚ་ཏྟ་པ་ཎྞེ ཋ་པེ་ཏྭཱ་ན, ཨ་དཱ་སིཾ ས་ཏྠུ་ནོ ཨ་ཧཾ.
༤༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༤༦. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༤༧. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ན་ས་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ན་ས་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. སོ་ཎ་ཀོ་ཊི་ཝཱི་ས་ཏྠེ་ར་ཨ་པ་དཱ་ནཾ
༤༩. ‘‘ཝི་པ་སྶི་ནོ པཱ་ཝ་ཙ་ནེ, ཨེ་ཀཾ ལེ་ཎཾ མ་ཡཱ ཀ་ཏཾ;
ཙཱ་ཏུ་དྡི་ས་སྶ ས་ངྒྷ་སྶ, བ་ནྡྷུ་མཱ་རཱ་ཛ་དྷཱ་ནི་ཡཱ.
༥༠. ‘‘དུ་སྶེ་ཧི བྷཱུ་མིཾ ལེ་ཎ་སྶ, ས་ནྠ་རི་ཏྭཱ པ་རི་ཙྩ་ཛིཾ;
ཨུ་ད་གྒ་ཙི་ཏྟོ སུ་མ་ནོ, ཨ་ཀཱ་སིཾ པ་ཎི་དྷིཾ ཏ་དཱ.
༥༡. ‘‘ཨཱ་རཱ་དྷ་ཡེ་ཡྻཾ ས་མྦུ་དྡྷཾ, པ་བྦ་ཛྫ་ཉྩ ལ་བྷེ་ཡྻ་ཧཾ;
ཨ་ནུ་ཏྟ་ར་ཉྩ ནི་བྦཱ་ནཾ, ཕུ་སེ་ཡྻཾ ས་ནྟི་མུ་ཏྟ་མཾ.
༥༢. ‘‘ཏེ་ནེ་ཝ སུ་ཀྐ་མཱུ་ལེ་ན, ཀ་པྤེ [ཀ་པྤཾ (སཱི.), ཀ་པྤ (ཀ.)] ན་ཝུ་ཏི སཾ་ས་རིཾ;
དེ་ཝ་བྷཱུ་ཏོ མ་ནུ་སྶོ ཙ, ཀ་ཏ་པུ་ཉྙོ ཝི་རོ་ཙ་ཧཾ.
༥༣. ‘‘ཏ་ཏོ ཀ་མྨཱ་ཝ་སེ་སེ་ན, ཨི་དྷ པ་ཙྪི་མ་ཀེ བྷ་ཝེ;
ཙ་མྤཱ་ཡཾ ཨ་གྒ་སེ་ཊྛི་སྶ, ཛཱ་ཏོ་མྷི ཨེ་ཀ་པུ་ཏྟ་ཀོ.
༥༤. ‘‘ཛཱ་ཏ་མ་ཏྟ་སྶ མེ སུ་ཏྭཱ, པི་ཏུ ཚ་ནྡོ ཨ་ཡཾ ཨ་ཧུ;
ད་དཱ་མ་ཧཾ ཀུ་མཱ་ར་སྶ, ཝཱི་ས་ཀོ་ཊཱི ཨ་ནཱུ་ན་ཀཱ.
༥༥. ‘‘ཙ་ཏུ་ར་ངྒུ་ལཱ ཙ མེ ལོ་མཱ, ཛཱ་ཏཱ པཱ་ད་ཏ་ལེ ཨུ་བྷོ;
སུ་ཁུ་མཱ མུ་དུ་ས་མྥ་སྶཱ, ཏཱུ་ལཱ་པི་ཙུ་ས་མཱ སུ་བྷཱ.
༥༦. ‘‘ཨ་ཏཱི་ཏཱ ན་ཝུ་ཏི ཀ་པྤཱ, ཨ་ཡཾ ཨེ་ཀོ ཙ ཨུ་ཏྟ་རི;
ནཱ་བྷི་ཛཱ་ནཱ་མི ནི་ཀྑི་ཏྟེ, པཱ་དེ བྷཱུ་མྱཱ ཨ་ས་ནྠ་ཏེ.
༥༧. ‘‘ཨཱ་རཱ་དྷི་ཏོ མེ ས་མྦུ་དྡྷོ, པ་བྦ་ཛིཾ ཨ་ན་གཱ་རི་ཡཾ;
ཨ་ར་ཧ་ཏྟ་ཉྩ མེ པ་ཏྟཾ, སཱི་ཏི་བྷཱུ་ཏོ་མྷི ནི་བྦུ་ཏོ.
༥༨. ‘‘ཨ་གྒོ ཨཱ་ར་དྡྷ་ཝཱི་རི་ཡཱ་ནཾ, ནི་དྡི་ཊྛོ ས་བྦ་ད་སྶི་ནཱ;
ཁཱི་ཎཱ་ས་ཝོ་མྷི ཨ་ར་ཧཱ, ཚ་ལ༹་བྷི་ཉྙོ མ་ཧི་དྡྷི་ཀོ.
༥༩. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ལེ་ཎ་དཱ་ན་སྶི་དཾ ཕ་ལཾ.
༦༠. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༦༡. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༦༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
༦༣. ‘‘ཐེ་རོ ཀོ་ཊི་ཝཱི་སོ [ཀོ་ཊི་ཝི་སོ (སྱཱ. ཀ.), ཀོ་ལི༹་ཝི་སོ (ཨ་ཉྙ་ཊྛཱ་ནེ་སུ)] སོ་ཎོ, བྷི་ཀྑུ་ས་ངྒྷ་སྶ ཨ་གྒ་ཏོ;
པ་ཉྷཾ པུ་ཊྛོ ཝི་ཡཱ་ཀཱ་སི, ཨ་ནོ་ཏ་ཏྟེ མ་ཧཱ་ས་རེ’’ཏི.
ཨི་ཏྠཾ སུ་དཾ ཨཱ་ཡ་སྨཱ སོ་ཎོ ཀོ་ཊི་ཝཱི་སོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སོ་ཎ་ཀོ་ཊི་ཝཱི་ས་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པུ་བྦ་ཀ་མྨ་པི་ལོ་ཏི་ཀ་བུ་དྡྷ་ཨ་པ་དཱ་ནཾ
༦༤. ‘‘ཨ་ནོ་ཏ་ཏྟ་ས་རཱ་ས་ནྣེ, ར་མ་ཎཱི་ཡེ སི་ལཱ་ཏ་ལེ;
ནཱ་ནཱ་ར་ཏ་ན་པ་ཛྫོ་ཏེ, ནཱ་ནཱ་ག་ནྡྷ་ཝ་ན་ནྟ་རེ.
༦༥. ‘‘མ་ཧ་ཏཱ བྷི་ཀྑུ་ས་ངྒྷེ་ན, པ་རེ་ཏོ [ཨུ་པེ་ཏོ (ཨུ་དཱ་ན་ཊྛ་ཀ་ཐཱ་ཡཾ ༤ ཝ་གྒེ, ༨ སུ་ཏྟེ)] ལོ་ཀ་ནཱ་ཡ་ཀོ;
ཨཱ་སཱི་ནོ བྱཱ་ཀ་རཱི ཏ་ཏྠ, པུ་བྦ་ཀ་མྨཱ་ནི ཨ་ཏྟ་ནོ.
༦༦. [སུ་ཎཱ་ཐ བྷི་ཀྑ་ཝེ མ་ཡ྄ཧཾ, ཡཾ ཀ་མྨཾ པ་ཀ་ཏཾ མ་ཡཱ; ཨེ་ཀཾ ཨ་ར་ཉྙི་ཀཾ བྷི་ཀྑུཾ, དི་སྭཱ དི་ནྣཾ པི་ལོ་ཏི་ཀཾ; པ་ཏྠི་ཏཾ པ་ཋ་མཾ བུ་དྡྷཾ, བུ་དྡྷ་ཏྟཱ་ཡ མ་ཡཱ ཏ་དཱ; པི་ལོ་ཏི་ཡ་སྶ ཀ་མྨ་སྶ, བུ་དྡྷ་ཏྟེ་པི ཝི་པ་ཙྩ་ཏི; གོ་པཱ་ལ་ཀོ པུ་རེ ཨཱ་སིཾ, གཱ་ཝིཾ པཱ་ཛེ་ཏི གོ་ཙ་རཾ; པི་ཝ་ནྟིཾ ཨུ་ད་ཀཾ ཨཱ་ཝི་ལཾ, གཱ་ཝིཾ དི་སྭཱ ནི་ཝཱ་ར་ཡིཾ; ཏེ་ན ཀ་མྨ་ཝི་པཱ་ཀེ་ན, ཨི་དྷ པ་ཙྪི་མ་ཀེ བྷ་ཝེ; ཝི་པཱ་སི་ཏོ ཡ་དི་ཙྪ་ཀཾ, ན ཧི པཱ་ཏུཾ ལ་བྷཱ་མ་ཧཾ (སྱཱ.)] ‘‘སུ་ཎཱ་ཐ བྷི་ཀྑ་ཝོ མ་ཡ྄ཧཾ, ཡཾ ཀ་མྨཾ པ་ཀ་ཏཾ མ་ཡཱ;
པི་ལོ་ཏི་ཀ་སྶ ཀ་མྨ་སྶ, བུ་དྡྷ་ཏྟེ་པི ཝི་པ་ཙྩ་ཏི [སུ་ཎཱ་ཐ བྷི་ཀྑ་ཝེ མ་ཡ྄ཧཾ, ཡཾ ཀ་མྨཾ པ་ཀ་ཏཾ མ་ཡཱ; ཨེ་ཀཾ ཨ་ར་ཉྙི་ཀཾ བྷི་ཀྑུཾ, དི་སྭཱ དི་ནྣཾ པི་ལོ་ཏི་ཀཾ; པ་ཏྠི་ཏཾ པ་ཋ་མཾ བུ་དྡྷཾ, བུ་དྡྷ་ཏྟཱ་ཡ མ་ཡཱ ཏ་དཱ; པི་ལོ་ཏི་ཡ་སྶ ཀ་མྨ་སྶ, བུ་དྡྷ་ཏྟེ་པི ཝི་པ་ཙྩ་ཏི; གོ་པཱ་ལ་ཀོ པུ་རེ ཨཱ་སིཾ, གཱ་ཝིཾ པཱ་ཛེ་ཏི གོ་ཙ་རཾ; པི་ཝ་ནྟིཾ ཨུ་ད་ཀཾ ཨཱ་ཝི་ལཾ, གཱ་ཝིཾ དི་སྭཱ ནི་ཝཱ་ར་ཡིཾ; ཏེ་ན ཀ་མྨ་ཝི་པཱ་ཀེ་ན, ཨི་དྷ པ་ཙྪི་མ་ཀེ བྷ་ཝེ; ཝི་པཱ་སི་ཏོ ཡ་དི་ཙྪ་ཀཾ, ན ཧི པཱ་ཏུཾ ལ་བྷཱ་མ་ཧཾ (སྱཱ.)].
[༡]
༦༧. ‘‘མུ་ནཱ་ལི༹ ནཱ་མ་ཧཾ དྷུ་ཏྟོ, པུ་བྦེ ཨ་ཉྙཱ་སུ ཛཱ་ཏི་སུ [ཨ་ཉྙཱ་ཡ ཛཱ་ཏི་ཡཱ (ཨུ་དཱ་ན ཨ་ཊྛ.)];
པ་ཙྩེ་ཀ་བུ་དྡྷཾ སུ་ར་བྷིཾ [ས་ར་བྷུཾ (སཱི.)], ཨ་བྦྷཱ་ཙི་ཀྑིཾ ཨ་དཱུ་ས་ཀཾ.
༦༨. ‘‘ཏེ་ན ཀ་མྨ་ཝི་པཱ་ཀེ་ན, ནི་ར་ཡེ སཾ་ས་རིཾ ཙི་རཾ;
བ་ཧཱུ་ཝ་སྶ་ས་ཧ་སྶཱ་ནི, དུ་ཀྑཾ ཝེ་དེ་སི ཝེ་ད་ནཾ.
༦༩. ‘‘ཏེ་ན ཀ་མྨཱ་ཝ་སེ་སེ་ན, ཨི་དྷ པ་ཙྪི་མ་ཀེ བྷ་ཝེ;
ཨ་བྦྷ་ཀྑཱ་ནཾ མ་ཡཱ ལ་དྡྷཾ, སུ་ནྡ་རི་ཀཱ་ཡ ཀཱ་ར་ཎཱ.
[༢]
༧༠. ‘‘ས་བྦཱ་བྷི་བྷུ་སྶ བུ་དྡྷ་སྶ, ན་ནྡོ ནཱ་མཱ་སི སཱ་ཝ་ཀོ;
ཏཾ ཨ་བྦྷ་ཀྑཱ་ཡ ནི་ར་ཡེ, ཙི་རཾ སཾ་ས་རི་ཏཾ མ་ཡཱ.
༧༡. ‘‘ད་ས་ཝ་སྶ་ས་ཧ་སྶཱ་ནི, ནི་ར་ཡེ སཾ་ས་རིཾ ཙི་རཾ;
མ་ནུ་སྶ་བྷཱ་ཝཾ ལ་དྡྷཱ་ཧཾ, ཨ་བྦྷ་ཀྑཱ་ནཾ བ་ཧུཾ ལ་བྷིཾ.
༧༢. ‘‘ཏེ་ན ཀ་མྨཱ་ཝ་སེ་སེ་ན, ཙི་ཉྩ་མཱ་ན་ཝི་ཀཱ མ་མཾ;