༩. དྷ་མྨ་ས་ཝ་ནི་ཡ་ཏྠེ་ར་ཨ་པ་དཱ་ནཾ
༡༡༡. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཙ་ཏུ་ས་ཙྩཾ པ་ཀཱ་སེ་ནྟོ, ས་ནྟཱ་རེ་སི བ་ཧུཾ ཛ་ནཾ.
༡༡༢. ‘‘ཨ་ཧཾ ཏེ་ན ས་མ་ཡེ་ན, ཛ་ཊི་ལོ ཨུ་གྒ་ཏཱ་པ་ནོ;
དྷུ་ན་ནྟོ ཝཱ་ཀ་ཙཱི་རཱ་ནི, ག་ཙྪཱ་མི ཨ་མྦ་རེ ཏ་དཱ.
༡༡༣. ‘‘བུ་དྡྷ་སེ་ཊྛ་སྶ ཨུ་པ་རི, ག་ནྟུཾ ན ཝི་ས་ཧཱ་མ་ཧཾ;
པ་ཀྑཱི་ཝ སེ་ལ་མཱ་ས་ཛྫ [སེ་ལ་མཱ་པ་ཛྫ (སྱཱ.)], ག་མ་ནཾ ན ལ་བྷཱ་མ་ཧཾ.
༡༡༤. ‘‘ན མེ ཨི་དཾ བྷཱུ་ཏ་པུ་བྦཾ, ཨི་རི་ཡ་སྶ ཝི་ཀོ་པ་ནཾ;
ད་ཀེ ཡ་ཐཱ ཨུ་མྨུ་ཛྫི་ཏྭཱ, ཨེ་ཝཾ ག་ཙྪཱ་མི ཨ་མྦ་རེ.
༡༡༥. ‘‘ཨུ་ལཱ༹་ར་བྷཱུ་ཏོ མ་ནུ་ཛོ, ཧེ་ཊྛཱ་སཱི་ནོ [ཧེ་ཊྛཱ་པི ནོ (ཀ.)] བྷ་ཝི་སྶ་ཏི;
ཧ་ནྡ མེ་ནཾ ག་ཝེ་སི་སྶཾ, ཨ་པི ཨ་ཏྠཾ ལ་བྷེ་ཡྻ་ཧཾ.
༡༡༦. ‘‘ཨོ་རོ་ཧ་ནྟོ ཨ་ནྟ་ལི་ཀྑཱ, ས་དྡ་མ་སྶོ་སི ས་ཏྠུ་ནོ;
ཨ་ནི་ཙྩ་ཏཾ ཀ་ཐེ་ནྟ་སྶ, ཏ་མ་ཧཾ ཨུ་གྒ་ཧིཾ ཏ་དཱ.
༡༡༧. ‘‘ཨ་ནི་ཙྩ་ས་ཉྙ་མུ་གྒ་ཡ྄ཧ, ཨ་ག་མཱ་སིཾ མ་མ་སྶ་མཾ;
ཡཱ་ཝ་ཏཱ་ཡུཾ ཝ་སི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༡༡༨. ‘‘ཙ་རི་མེ ཝ་ཏྟ་མཱ་ན་མྷི, ཏཾ དྷ་མྨ་ས་ཝ་ནཾ [དྷ་མྨ་ས་ཝ་ཎཾ (སཱི.)] ས་རིཾ;
ཏེ་ན ཀ་མྨེ་ན སུ་ཀ་ཏེ་ན, ཏཱ་ཝ་ཏིཾ་ས་མ་ག་ཙྪ་ཧཾ.
༡༡༩. ‘‘ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མིཾ ཨ་ཧཾ;
ཨེ་ཀ་པ་ཉྙཱ་ས་ཀྑ་ཏྟུ་ཉྩ, དེ་ཝ་ར་ཛྫ་མ་ཀཱ་ར་ཡིཾ.
༡༢༠. ‘‘ཨེ་ཀ་ས་ཏྟ་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༡༢༡. ‘‘པི་ཏུ་གེ་ཧེ ནི་སཱི་དི་ཏྭཱ, ས་མ་ཎོ བྷཱ་ཝི་ཏི་ནྡྲི་ཡོ;
གཱ་ཐཱ་ཡ པ་རི་དཱི་པེ་ནྟོ, ཨ་ནི་ཙྩ་ཏ་མུ་དཱ་ཧ་རི [ཨ་ནི་ཙྩ་ཝ་ཏྠུ་དཱ་ཧ་རི (སྱཱ. ཀ.)].
༡༢༢. ‘‘ཨ་ནུ་སྶ་རཱ་མི ཏཾ ས་ཉྙཾ, སཾ་ས་ར་ནྟོ བྷ་ཝཱ་བྷ་ཝེ;
ན ཀོ་ཊིཾ པ་ཊི་ཝི་ཛ྄ཛྷཱ་མི [ན ཀོ་ཙི པ་ཊི་ཝ་ཛྫཱ་མི (ཀ.)], ནི་བྦཱ་ནཾ ཨ་ཙྩུ་ཏཾ པ་དཾ [ཨ་ཡཾ གཱ་ཐཱ ཨུ་པ་རི ༤༣ ཝ་གྒེ ས་ཏྟ་མཱ་པ་དཱ་ནེ པུ་རི་མ་གཱ་ཐཱ་ཡ པུ་རེ་ཏ་རཾ དི་སྶ་ཏི].
༡༢༣. ‘‘ཨ་ནི་ཙྩཱ ཝ་ཏ ས་ངྑཱ་རཱ, ཨུ་པྤཱ་ད་ཝ་ཡ་དྷ་མྨི་ནོ;
ཨུ་པྤ་ཛྫི་ཏྭཱ ནི་རུ་ཛ྄ཛྷ་ནྟི, ཏེ་སཾ ཝཱུ་པ་ས་མོ སུ་ཁོ.
༡༢༤. ‘‘ས་ཧ གཱ་ཐཾ སུ་ཎི་ཏྭཱ་ན, པུ་བྦ་ཀ་མྨཾ ཨ་ནུ་སྶ་རིཾ;
ཨེ་ཀཱ་ས་ནེ ནི་སཱི་དི་ཏྭཱ, ཨ་ར་ཧ་ཏྟ་མ་པཱ་པུ་ཎིཾ.
༡༢༥. ‘‘ཛཱ་ཏི་ཡཱ ས་ཏྟ་ཝ་སྶོ་ཧཾ, ཨ་ར་ཧ་ཏྟ་མ་པཱ་པུ་ཎིཾ;
ཨུ་པ་ས་མྤཱ་ད་ཡི བུ་དྡྷོ, གུ་ཎ་མ་ཉྙཱ་ཡ ཙ་ཀྑུ་མཱ.
༡༢༦. ‘‘དཱ་ར་ཀོ་ཝ ཨ་ཧཾ ས་ནྟོ, ཀ་ར་ཎཱི་ཡཾ ས་མཱ་པ་ཡིཾ;
ཀིཾ མེ ཀ་ར་ཎཱི་ཡཾ ཨ་ཛྫ, ས་ཀྱ་པུ་ཏྟ་སྶ སཱ་ས་ནེ.
༡༢༧. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་དྡྷ་མྨ་ས་ཝ་ནེ ཕ་ལཾ.
༡༢༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷ་མྨ་ས་ཝ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷ་མྨ་ས་ཝ་ནི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.