༡༠. ཨུ་ཀྑི་ཏྟ་པ་དུ་མི་ཡ་ཏྠེ་ར་ཨ་པ་དཱ་ནཾ
༡༢༩. ‘‘ན་ག་རེ ཧཾ་ས་ཝ་ཏི་ཡཱ, ཨ་ཧོ་སིཾ མཱ་ལི་ཀོ ཏ་དཱ;
ཨོ་གཱ་ཧེ་ཏྭཱ པ་དུ་མ་ས་རཾ, ས་ཏ་པ་ཏྟཾ ཨོ་ཙི་ནཱ་མ་ཧཾ.
༡༣༠. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ས་ཧ ས་ཏ་ས་ཧ་སྶེ་ཧི [ས་ཏ་ས་ཧ་སྶ་སི་སྶེ་ཧི (ཀ.)], ས་ནྟ་ཙི་ཏྟེ་ཧི ཏཱ་དི་བྷི.
༡༣༡. ‘‘ཁཱི་ཎཱ་ས་ཝེ་ཧི སུ་དྡྷེ་ཧི, ཚ་ལ༹་བྷི་ཉྙེ་ཧི ཛྷཱ་ཡི་བྷི [སོ ཏ་དཱ (སཱི.), སོ ས་ཧ (ཀ.)];
མ་མ ཝུ་དྡྷིཾ ས་མ་ནྭེ་སཾ, ཨཱ་ག་ཙྪི མ་མ ས་ནྟི་ཀཾ [མ་མ ས་ནྟི་ཀེ (སཱི.), པུ་རི་སུ་ཏྟ་མོ (སྱཱ. ཀ.)].
༡༣༢. ‘‘དི་སྭཱ་ན་ཧཾ དེ་ཝ་དེ་ཝཾ, ས་ཡ་མྦྷུཾ ལོ་ཀ་ནཱ་ཡ་ཀཾ;
ཝ་ཎྚེ ཚེ་ཏྭཱ ས་ཏ་པ་ཏྟཾ, ཨུ་ཀྑི་པི་མ་མྦ་རེ ཏ་དཱ.
༡༣༣. ‘‘ཡ་དི བུ་དྡྷོ ཏུ་ཝཾ ཝཱི་ར, ལོ་ཀ་ཛེ་ཊྛོ ན་རཱ་ས་བྷོ;
ས་ཡཾ ག་ནྟྭཱ ས་ཏ་པ་ཏྟཱ, མ་ཏྠ་ཀེ དྷཱ་ར་ཡ་ནྟུ ཏེ.
༡༣༤. ‘‘ཨ་དྷི་ཊྛ་ཧི མ་ཧཱ་ཝཱི་རོ, ལོ་ཀ་ཛེ་ཊྛོ ན་རཱ་ས་བྷོ;
བུ་དྡྷ་སྶ ཨཱ་ནུ་བྷཱ་ཝེ་ན, མ་ཏྠ་ཀེ དྷཱ་ར་ཡིཾ་སུ ཏེ.
༡༣༥. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༡༣༦. ‘‘ཏ་ཏྠ མེ སུ་ཀ་ཏཾ བྱ་མྷཾ, ས་ཏ་པ་ཏྟ་ནྟི ཝུ་ཙྩ་ཏི;
ས་ཊྛི་ཡོ་ཛ་ན་མུ་བྦི་དྡྷཾ, ཏིཾ་ས་ཡོ་ཛ་ན་ཝི་ཏྠ་ཏཾ.
༡༣༧. ‘‘ས་ཧ་སྶ་ཀྑ་ཏྟུཾ དེ་ཝི་ནྡོ, དེ་ཝ་ར་ཛྫ་མ་ཀཱ་ར་ཡིཾ;
པ་ཉྩ་ས་ཏྟ་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.
༡༣༨. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
ཨ་ནུ་བྷོ་མི ས་ཀཾ ཀ་མྨཾ, པུ་བྦེ སུ་ཀ་ཏ་མ་ཏྟ་ནོ.
༡༣༩. ‘‘ཏེ་ནེ་ཝེ་ཀ་པ་དུ་མེ་ན, ཨ་ནུ་བྷོ་ཏྭཱ་ན ས་མྤ་དཱ;
གོ་ཏ་མ་སྶ བྷ་ག་ཝ་ཏོ, དྷ་མྨཾ ས་ཙྪི་ཀ་རིཾ ཨ་ཧཾ.
༡༤༠. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༡༤༡. ‘‘ས་ཏ་ས་ཧ་སྶི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཨེ་ཀ་པ་དུ་མ་སྶི་དཾ ཕ་ལཾ.
༡༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་ཀྑི་ཏྟ་པ་དུ་མི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ཀྑི་ཏྟ་པ་དུ་མི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
ག་ནྡྷོ་ད་ཀ་ཝ་གྒོ ཙ་ཏུ་ཏིཾ་ས་ཏི་མོ.