༣༥. ཨེ་ཀ་པ་དུ་མི་ཡ་ཝ་གྒོ
༡. ཨེ་ཀ་པ་དུ་མི་ཡ་ཏྠེ་ར་ཨ་པ་དཱ་ནཾ
༡. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
བྷ་ཝཱ་བྷ་ཝེ ཝི་བྷཱ་ཝེ་ནྟོ, ཏཱ་རེ་སི ཛ་ན་ཏཾ བ་ཧུཾ.
༢. ‘‘ཧཾ་ས་རཱ་ཛཱ ཏ་དཱ ཧོ་མི, དི་ཛཱ་ནཾ པ་ཝ་རོ ཨ་ཧཾ;
ཛཱ་ཏ་སྶ་རཾ ས་མོ་ག་ཡ྄ཧ, ཀཱི་ལཱ༹་མི ཧཾ་ས་ཀཱི་ལི༹་ཏཾ.
༣. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཛཱ་ཏ་སྶ་ར་སྶ ཨུ་པ་རི, ཨཱ་ག་ཙྪི ཏཱ་ཝ་དེ ཛི་ནོ.
༤. ‘‘དི་སྭཱ་ན་ཧཾ དེ་ཝ་དེ་ཝཾ, ས་ཡ་མྦྷུཾ ལོ་ཀ་ནཱ་ཡ་ཀཾ;
ཝ་ཎྚེ ཚེ་ཏྭཱ་ན པ་དུ་མཾ, ས་ཏ་པ་ཏྟཾ མ་ནོ་ར་མཾ.
༥. ‘‘མུ་ཁ་ཏུ་ཎྜེ་ན པ་གྒ་ཡ྄ཧ, པ་ས་ནྣོ ལོ་ཀ་ནཱ་ཡ་ཀེ [ཝི་པྤ་ས་ནྣེ་ན ཙེ་ཏ་སཱ (སྱཱ.)];
ཨུ་ཀྑི་པི་ཏྭཱ་ན ག་ག་ཎེ [ཨུ་ཀྑི་པི་ཏྭཱ ན་ལཱ་ཊེ་ན (ཀ.)], བུ་དྡྷ་སེ་ཊྛཾ ཨ་པཱུ་ཛ་ཡིཾ.
༦. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཨ་ནྟ་ལི་ཀྑེ ཋི་ཏོ ས་ཏྠཱ, ཨ་ཀཱ མེ ཨ་ནུ་མོ་ད་ནཾ.
༧. ‘‘‘ཨི་མི་ནཱ ཨེ་ཀ་པ་དུ་མེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཀ་པྤཱ་ནཾ ས་ཏ་ས་ཧ་སྶཾ, ཝི་ནི་པཱ་ཏཾ ན ག་ཙྪ་སི’.
༨. ‘‘ཨི་དཾ ཝ་ཏྭཱ་ན ས་མྦུ་དྡྷོ, ཛ་ལ་ཛུ་ཏྟ་མ་ནཱ་མ་ཀོ;
མ་མ ཀ་མྨཾ པ་ཀི་ཏྟེ་ཏྭཱ, ཨ་ག་མཱ ཡེ་ན པ་ཏྠི་ཏཾ.
༩. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་པ་དུ་མི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་པ་དུ་མི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཏཱི་ཎུ་པྤ་ལ་མཱ་ལི་ཡ་ཏྠེ་ར་ཨ་པ་དཱ་ནཾ
༡༡. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཝཱ་ན་རོ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ནི་སི་ནྣཾ པ་བྦ་ཏ་ནྟ་རེ.
༡༢. ‘‘ཨོ་བྷཱ་སེ་ནྟཾ དི་སཱ ས་བྦཱ, སཱ་ལ་རཱ་ཛཾ་ཝ ཕུ་ལླི་ཏཾ;
ལ་ཀྑ་ཎ་བྱ་ཉྫ་ནཱུ་པེ་ཏཾ, དི་སྭཱ ཨ་ཏྟ་མ་ནོ ཨ་ཧུཾ.
༡༣. ‘‘ཨུ་ད་གྒ་ཙི་ཏྟོ སུ་མ་ནོ, པཱི་ཏི་ཡཱ ཧ་ཊྛ་མཱ་ན་སོ;
ཏཱི་ཎི ཨུ་པྤ་ལ་པུ་པྥཱ་ནི, མ་ཏྠ་ཀེ ཨ་བྷི་རོ་པ་ཡིཾ.
༡༤. ‘‘པུ་པྥཱ་ནི ཨ་བྷི་རོ་པེ་ཏྭཱ, ཝི་པ་སྶི་སྶ མ་ཧེ་སི་ནོ;
ས་གཱ་ར་ཝོ བྷ་ཝི་ཏྭཱ་ན [ག་མི་ཏྭཱ་ན (སཱི.), ན་མི་ཏྭཱ་ན (ཀ.)], པ་ཀྐཱ་མིཾ ཨུ་ཏྟ་རཱ་མུ་ཁོ.
༡༥. ‘‘ག་ཙྪ་ནྟོ པ་ཊི་ཀུ་ཊི་ཀོ, ཝི་པྤ་ས་ནྣེ་ན ཙེ་ཏ་སཱ;
སེ་ལ་ནྟ་རེ པ་ཏི་ཏྭཱ་ན [པ་པ་ཏི་ཏྭཱ (སྱཱ. ཀ.)], པཱ་པུ་ཎིཾ ཛཱི་ཝི་ཏ་ཀྑ་ཡཾ.
༡༦. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ [པུ་རི་མཾ ཛཱ་ཏིཾ (?) ཨུ་པ་རི ༣༨ ཝ་གྒེ ཏ་ཏི་ཡཱ་པ་དཱ་ནེ ཨེ་ཝ་མེ་ཝ དི་སྶ་ཏི], ཏཱ་ཝ་ཏིཾ་ས་མ་ག་ཙྪ་ཧཾ.
༡༧. ‘‘ས་ཏཱ་ནཾ ཏཱི་ཎི་ཀྑ་ཏྟུ་ཉྩ, དེ་ཝ་ར་ཛྫཾ ཨ་ཀཱ་ར་ཡིཾ;
ས་ཏཱ་ནཾ པ་ཉྩ་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.
༡༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏཱི་ཎུ་པྤ་ལ་མཱ་ལི་ཡོ [ཏི་ཨུ་པྤ་ལ་མཱ་ལི་ཡོ (སཱི.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏཱི་ཎུ་པྤ་ལ་མཱ་ལི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. དྷ་ཛ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༠. ‘‘ཏི་སྶོ ནཱ་མ ཨ་ཧུ ས་ཏྠཱ, ལོ་ཀ་ཛེ་ཊྛོ ན་རཱ་ས་བྷོ;
ཏ་ཡོ་པ་དྷི་ཀྑ་ཡེ [ཏ་སྶོ་པ་དྷི་ཀྑ་ཡེ (སཱི.)] དི་སྭཱ, དྷ་ཛཾ ཨཱ་རོ་པི་ཏཾ མ་ཡཱ.
༢༡. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༢༢. ‘‘ས་ཏཱ་ནཾ ཏཱི་ཎི་ཀྑ་ཏྟུ་ཉྩ, དེ་ཝ་ར་ཛྫཾ ཨ་ཀཱ་ར་ཡིཾ;
ས་ཏཱ་ནཾ པ་ཉྩ་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.
༢༣. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
ཨ་ནུ་བྷོ་མི ས་ཀཾ ཀ་མྨཾ, པུ་བྦེ སུ་ཀ་ཏ་མ་ཏྟ་ནོ.
༢༤. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དྷ་ཛ་དཱ་ན་སྶི་དཾ ཕ་ལཾ.
༢༥. ‘‘ཨི་ཙྪ་མཱ་ནོ ཙ་ཧཾ ཨ་ཛྫ, ས་ཀཱ་ན་ནཾ ས་པ་བྦ་ཏཾ;
ཁོ་མ་དུ་སྶེ་ན ཚཱ་དེ་ཡྻཾ, ཏ་དཱ མ་ཡ྄ཧཾ ཀ་ཏེ ཕ་ལཾ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷ་ཛ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷ་ཛ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཏི་ཀི་ངྐ་ཎི་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༧. ‘‘ཧི་མ་ཝ་ནྟ་སྶཱ་ཝི་དཱུ་རེ, བྷཱུ་ཏ་ག་ཎོ ནཱ་མ པ་བྦ་ཏོ;
ཏ་ཏྠ་དྡ་སཾ པཾ་སུ་ཀཱུ་ལཾ, དུ་མ་གྒ་མྷི ཝི་ལ་གྒི་ཏཾ.
༢༨. ‘‘ཏཱི་ཎི ཀི་ངྐ་ཎི་པུ་པྥཱ་ནི, ཨོ་ཙི་ནི་ཏྭཱ་ན་ཧཾ ཏ་དཱ;
ཧ་ཊྛོ ཧ་ཊྛེ་ན ཙི་ཏྟེ་ན, པཾ་སུ་ཀཱུ་ལཾ ཨ་པཱུ་ཛ་ཡིཾ.
༢༩. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏི་ཎྞཾ པུ་པྥཱ་ནི་དཾ ཕ་ལཾ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཀི་ངྐ་ཎི་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཀི་ངྐ་ཎི་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ན་ལཱ༹་གཱ་རི་ཀ་ཏྠེ་ར་ཨ་པ་དཱ་ནཾ
༣༡. ‘‘ཧི་མ་ཝ་ནྟ་སྶཱ་ཝི་དཱུ་རེ, ཧཱ་རི་ཏོ ནཱ་མ པ་བྦ་ཏོ;
ས་ཡ་མྦྷཱུ ནཱ་ར་དོ ནཱ་མ, རུ་ཀྑ་མཱུ་ལེ ཝ་སཱི ཏ་དཱ.
༣༢. ‘‘ན་ལཱ༹་གཱ་རཾ ཀ་རི་ཏྭཱ་ན, ཏི་ཎེ་ན ཚཱ་ད་ཡིཾ ཨ་ཧཾ;
ཙ་ངྐ་མཾ སོ་དྷ་ཡི་ཏྭཱ་ན, ས་ཡ་མྦྷུ་སྶ ཨ་དཱ་ས་ཧཾ.
༣༣. ‘‘ཙ་ཏུ་དྡ་ས་སུ ཀ་པྤེ་སུ, དེ་ཝ་ལོ་ཀེ ར་མིཾ ཨ་ཧཾ;
ཙ་ཏུ་ས་ཏྟ་ཏི་ཀྑ་ཏྟུ་ཉྩ, དེ་ཝ་ར་ཛྫཾ ཨ་ཀཱ་ར་ཡིཾ.
༣༤. ‘‘ཙ་ཏུ་ས་ཏྟ་ཏི [ས་ཏྟ་ས་ཏྟ་ཏི (སཱི.)] ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༣༥. ‘‘ཨུ་བྦི་དྡྷཾ བྷ་ཝ་ནཾ མ་ཡ྄ཧཾ, ཨི་ནྡ་ལ་ཊྛཱི་ཝ ཨུ་གྒ་ཏཾ;
ས་ཧ་སྶ་ཐ་མྦྷཾ ཨ་ཏུ་ལཾ, ཝི་མཱ་ནཾ ས་པ་བྷ་སྶ་རཾ.
༣༦. ‘‘དྭེ ས་མྤ་ཏྟཱི ཨ་ནུ་བྷོ་ཏྭཱ, སུ་ཀྐ་མཱུ་ལེ་ན ཙོ་དི་ཏོ;
གོ་ཏ་མ་སྶ བྷ་ག་ཝ་ཏོ, སཱ་ས་ནེ པ་བྦ་ཛིཾ ཨ་ཧཾ.
༣༧. ‘‘པ་དྷཱ་ན་པ་ཧི་ཏ་ཏྟོ་མྷི, ཨུ་པ་ས་ནྟོ ནི་རཱུ་པ་དྷི;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ན་ལཱ༹་གཱ་རི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ན་ལཱ༹་གཱ་རི་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཙ་མྤ་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༣༩. ‘‘ཧི་མ་ཝ་ནྟ་སྶཱ་ཝི་དཱུ་རེ, ཛཱ་པ་ལོ [ཙཱ་པ་ལོ (སཱི.), ཚཱ་པ་ལོ (སྱཱ.)] ནཱ་མ པ་བྦ་ཏོ;
བུ་དྡྷོ སུ་ད་སྶ་ནོ ནཱ་མ, ཝི་ཧཱ་སི པ་བྦ་ཏ་ནྟ་རེ.
༤༠. ‘‘པུ་པྥཾ ཧེ་མ་ཝ་ནྟཾ [ཧེ་མ་ཝ་ཏཾ (སཱི.), ཧེ་མ་ཝ་ཎྞཾ (སྱཱ.)] ག་ཡ྄ཧ, ག་ཙྪཾ ཝེ་ཧཱ་ཡ་སེ་ན་ཧཾ;
ཨ་དྡ་སཾ ཝི་ར་ཛཾ བུ་དྡྷཾ, ཨོ་གྷ་ཏི་ཎྞ་མ་ནཱ་ས་ཝཾ.
༤༡. ‘‘ས་ཏྟ ཙ་མྤ་ཀ་པུ་པྥཱ་ནི, སཱི་སེ ཀ་ཏྭཱ་ན་ཧཾ ཏ་དཱ;
བུ་དྡྷ་སྶ ཨ་བྷི་རོ་པེ་སིཾ, ས་ཡ་མྦྷུ་སྶ མ་ཧེ་སི་ནོ.
༤༢. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙ་མྤ་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙ་མྤ་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. པ་དུ་མ་པཱུ་ཛ་ཀ་ཏྠེ་ར་ཨ་པ་དཱ་ནཾ
༤༤. ‘‘ཧི་མ་ཝ་ནྟ་སྶཱ་ཝི་དཱུ་རེ, རོ་མ་སོ ནཱ་མ པ་བྦ་ཏོ;
བུ་དྡྷོ་པི ས་མྦྷ་ཝོ ནཱ་མ, ཨ་བྦྷོ་ཀཱ་སེ ཝ་སཱི ཏ་དཱ.
༤༥. ‘‘བྷ་ཝ་ནཱ ནི་ཀྑ་མི་ཏྭཱ་ན, པ་དུ་མཾ དྷཱ་ར་ཡིཾ ཨ་ཧཾ;
ཨེ་ཀཱ་ཧཾ དྷཱ་ར་ཡི་ཏྭཱ་ན, པུ་ན བྷ་ཝ་ནུ་པཱ་ག་མིཾ.
༤༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་དུ་མ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་དུ་མ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
ཏེ་ར་ས་མཾ བྷཱ་ཎ་ཝཱ་རཾ.
༨. ཏི་ཎ་མུ་ཊྛི་དཱ་ཡ་ཀ་ཏྠེ་ར་ཨ་པ་དཱ་ནཾ
༤༨. ‘‘ཧི་མ་ཝ་ནྟ་སྶཱ་ཝི་དཱུ་རེ, ལ་མྦ་ཀོ ནཱ་མ པ་བྦ་ཏོ;
ཨུ་པ་ཏི་སྶོ ནཱ་མ ས་མྦུ་དྡྷོ, ཨ་བྦྷོ་ཀཱ་ས་མྷི ཙ་ངྐ་མི.
༤༩. ‘‘མི་ག་ལུ་དྡོ ཏ་དཱ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ;
དི་སྭཱ་ན ཏཾ དེ་ཝ་དེ་ཝཾ, ས་ཡ་མྦྷུཾ ཨ་པ་རཱ་ཛི་ཏཾ.
༥༠. ‘‘ཝི་པྤ་ས་ནྣེ་ན ཙི་ཏྟེ་ན, ཏ་དཱ ཏ་སྶ མ་ཧེ་སི་ནོ;
ནི་སཱི་ད་ན་ཏྠཾ བུ་དྡྷ་སྶ, ཏི་ཎ་མུ་ཊྛི་མ་དཱ་ས་ཧཾ.
༥༡. ‘‘ད་ཏྭཱ་ན དེ་ཝ་དེ་ཝ་སྶ, བྷི་ཡྻོ ཙི་ཏྟཾ པ་སཱ་ད་ཡིཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, པ་ཀྐཱ་མིཾ ཨུ་ཏྟ་རཱ་མུ་ཁོ.
༥༢. ‘‘ཨ་ཙི་རཾ ག་ཏ་མ་ཏྟཾ མཾ, མི་ག་རཱ་ཛཱ ཨ་པོ་ཐ་ཡི [ཨ་ཧེ་ཋ་ཡི (སཱི. སྱཱ.)];
སཱི་ཧེ་ན པོ་ཐི་ཏོ [པཱ་ཏི་ཏོ (སཱི. སྱཱ.)] ས་ནྟོ, ཏ་ཏྠ ཀཱ་ལ་ངྐ་ཏོ ཨ་ཧཾ.
༥༣. ‘‘ཨཱ་ས་ནྣེ མེ ཀ་ཏཾ ཀ་མྨཾ, བུ་དྡྷ་སེ་ཊྛེ ཨ་ནཱ་ས་ཝེ;
སུ་མུ་ཏྟོ ས་ར་ཝེ་གོ་ཝ, དེ་ཝ་ལོ་ཀཾ ཨ་ག་ཉྪ་ཧཾ.
༥༤. ‘‘ཡཱུ་པོ ཏ་ཏྠ སུ་བྷོ ཨཱ་སི, པུ་ཉྙ་ཀ་མྨཱ་བྷི་ནི་མྨི་ཏོ;
ས་ཧ་སྶ་ཀ་ཎྜོ ས་ཏ་བྷེ་ཎྜུ, དྷ་ཛཱ་ལུ ཧ་རི་ཏཱ་མ་ཡོ.
༥༥. ‘‘པ་བྷཱ ནི་དྡྷཱ་ཝ་ཏེ ཏ་སྶ, ས་ཏ་རཾ་སཱི་ཝ ཨུ་གྒ་ཏོ;
ཨཱ་ཀི་ཎྞོ དེ་ཝ་ཀ་ཉྙཱ་ཧི, ཨཱ་མོ་དིཾ ཀཱ་མ་ཀཱ་མ་ཧཾ.
༥༦. ‘‘དེ་ཝ་ལོ་ཀཱ ཙ་ཝི་ཏྭཱ་ན, སུ་ཀྐ་མཱུ་ལེ་ན ཙོ་དི་ཏོ;
ཨཱ་ག་ནྟྭཱ་ན མ་ནུ་སྶ་ཏྟཾ, པ་ཏྟོ་མྷི ཨཱ་ས་ཝ་ཀྑ་ཡཾ.
༥༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ནི་སཱི་ད་ན་མ་དཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཏི་ཎ་མུ་ཊྛི་ཡི་དཾ ཕ་ལཾ.
༥༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཎ་མུ་ཊྛི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཎ་མུ་ཊྛི་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཏི་ནྡུ་ཀ་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༥༩. ‘‘ཀ་ཎི་ཀཱ་རཾ་ཝ ཛོ་ཏ་ནྟཾ, ནི་སི་ནྣཾ པ་བྦ་ཏ་ནྟ་རེ;
ཨ་དྡ་སཾ ཝི་ར་ཛཾ བུ་དྡྷཾ, ཨོ་གྷ་ཏི་ཎྞ་མ་ནཱ་ས་ཝཾ.
༦༠. ‘‘ཏི་ནྡུ་ཀཾ ས་ཕ་ལཾ དི་སྭཱ, བྷི་ནྡི་ཏྭཱ་ན ས་ཀོ་ས་ཀཾ [ས་ཀོ་ཊ་ཀཾ (སཱི.), ས་ཀོ་ཊི་ཀཾ (སྱཱ.)];
པ་ས་ནྣ་ཙི་ཏྟོ སུ་མ་ནོ, ས་ཡ་མྦྷུ་སྶ མ་དཱ་ས་ཧཾ [ཝེ་སྶ་བྷུ་སྶ ཨ་དཱ་ས་ཧཾ (སཱི.)].
༦༡. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༦༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ནྡུ་ཀ་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ནྡུ་ཀ་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཨེ་ཀ་ཉྫ་ལི་ཡ་ཏྠེ་ར་ཨ་པ་དཱ་ནཾ
༦༣. ‘‘རོ་མ་སོ [རེ་ཝ་ཏོ (སཱི.)] ནཱ་མ ས་མྦུ་དྡྷོ, ན་དཱི་ཀཱུ་ལེ ཝ་སཱི ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, པཱི་ཏ་རཾ་སིཾ་ཝ བྷཱ་ཎུ་མཾ.
༦༤. ‘‘ཨུ་ཀྐཱ་མུ་ཁ་པ་ཧ་ཊྛཾ་ཝ, ཁ་དི་ར་ངྒཱ་ར་ས་ནྣི་བྷཾ;
ཨོ་ས་དྷིཾ་ཝ ཝི་རོ་ཙ་ནྟཾ, ཨེ་ཀ་ཉྫ་ལི་མ་ཀཱ་ས་ཧཾ.