༣༦. ས་དྡ་ས་ཉྙ་ཀ་ཝ་གྒོ
༡. ས་དྡ་ས་ཉྙ་ཀ་ཏྠེ་ར་ཨ་པ་དཱ་ནཾ
༡. ‘‘མི་ག་ལུ་དྡོ པུ་རེ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ;
ཏ་ཏྠ་དྡ་སཱ་སིཾ ས་མྦུ་དྡྷཾ, དེ་ཝ་ས་ངྒྷ་པུ་ར་ཀྑ་ཏཾ.
༢. ‘‘ཙ་ཏུ་ས་ཙྩཾ པ་ཀཱ་སེ་ནྟཾ, ཨུ་དྡྷ་ར་ནྟཾ མ་ཧཱ་ཛ་ནཾ;
ཨ་སྶོ་སིཾ མ་དྷུ་རཾ ཝཱ་ཙཾ, ཀ་ར་ཝཱི་ཀ་རུ་དོ་པ་མཾ [རུ་ཏོ་པ་མཾ (?)].
༣. ‘‘བྲ་ཧྨ་ས་ར་སྶ མུ་ནི་ནོ, སི་ཁི་ནོ ལོ་ཀ་བ་ནྡྷུ་ནོ;
གྷོ་སེ ཙི་ཏྟཾ པ་སཱ་དེ་ཏྭཱ, པ་ཏྟོ་མྷི ཨཱ་ས་ཝ་ཀྑ་ཡཾ.
༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་སཱ་ད་སྶ ཨི་དཾ ཕ་ལཾ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་དྡ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་དྡ་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཡ་ཝ་ཀ་ལཱ་པི་ཡ་ཏྠེ་ར་ཨ་པ་དཱ་ནཾ
༦. ‘‘ན་ག་རེ ཨ་རུ་ཎ་ཝ་ཏི་ཡཱ, ཨཱ་སིཾ ཡ་ཝ་སི་ཀོ ཏ་དཱ;
པ་ནྠེ དི་སྭཱ་ན ས་མྦུ་དྡྷཾ, ཡ་ཝ་ཀ་ལཱ་པཾ ས་ནྠ་རིཾ [ཡ་ཝ་ཀ་ལཱ་པ་མ་ཝ་ཏྠ་རིཾ (སཱི.)].
༧. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, སི་ཁཱི ལོ་ཀ་གྒ་ནཱ་ཡ་ཀོ;
མ་མ ས་ངྐ་པྤ་མ་ཉྙཱ་ཡ, ནི་སཱི་དི ཡ་ཝ་ས་ནྠ་རེ.
༨. ‘‘དི་སྭཱ ནི་སི་ནྣཾ ཝི་མ་ལཾ, མ་ཧཱ་ཛྷཱ་ཡིཾ ཝི་ནཱ་ཡ་ཀཾ;
པཱ་མོ་ཛྫཾ ཛ་ན་ཡི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༩. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཡ་ཝ་ཏྠ་རེ ཨི་དཾ ཕ་ལཾ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཡ་ཝ་ཀ་ལཱ་པི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡ་ཝ་ཀ་ལཱ་པི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཀིཾ་སུ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༡༡. ‘‘ཀིཾ་སུ་ཀཾ པུ་པྥི་ཏཾ དི་སྭཱ, པ་གྒ་ཧེ་ཏྭཱ་ན ཨ་ཉྫ་ལིཾ;
བུ་དྡྷཾ ས་རི་ཏྭཱ སི་དྡྷ་ཏྠཾ, ཨཱ་ཀཱ་སེ ཨ་བྷི་པཱུ་ཛ་ཡིཾ.
༡༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀིཾ་སུ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀིཾ་སུ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ས་ཀོ་ས་ཀ་ཀོ་ར་ཎྜ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༤. ‘‘ཨ་ཀྐ་ནྟ་ཉྩ པ་དཾ དི་སྭཱ, སི་ཁི་ནོ ལོ་ཀ་བ་ནྡྷུ་ནོ;
ཨེ་ཀཾ་སཾ ཨ་ཛི་ནཾ ཀ་ཏྭཱ, པ་ད་སེ་ཊྛཾ ཨ་ཝ་ནྡ་ཧཾ.
༡༥. ‘‘ཀོ་ར་ཎྜཾ པུ་པྥི་ཏཾ དི་སྭཱ, པཱ་ད་པཾ དྷ་ར་ཎཱི་རུ་ཧཾ;
ས་ཀོ་ས་ཀཾ [ས་ཀོ་ཊ་ཀཾ (སཱི. སྱཱ.)] ག་ཧེ་ཏྭཱ་ན, པ་ད་ཙ་ཀྐཾ ཨ་པཱུ་ཛ་ཡིཾ.
༡༦. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ད་པཱུ་ཛཱ་ཡི་དཾ ཕ་ལཾ.
༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཀོ་ས་ཀ [ས་ཀོ་ཊ་ཀ (སཱི. སྱཱ.)] ཀོ་ར་ཎྜ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཀོ་ས་ཀ་ཀོ་ར་ཎྜ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ད་ཎྜ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༨. ‘‘ཀཱ་ན་ནཾ ཝ་ན་མོ་ག་ཡ྄ཧ, ཝེ་ལུ༹ཾ ཚེ་ཏྭཱ་ན་ཧཾ ཏ་དཱ;
ཨཱ་ལ་མྦ་ནཾ ཀ་རི་ཏྭཱ་ན, ས་ངྒྷ་སྶ ཨ་ད་དཾ ཨ་ཧཾ.
༡༩. ‘‘ཏེ་ན ཙི་ཏྟ་པྤ་སཱ་དེ་ན, སུ་བྦ་ཏེ ཨ་བྷི་ཝཱ་དི་ཡ;
ཨཱ་ལ་མྦ་ན་མྤི ད་ཏྭཱ་ན, པ་ཀྐཱ་མིཾ ཨུ་ཏྟ་རཱ་མུ་ཁོ.
༢༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ད་ཎྜ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ད་ཎྜ་དཱ་ན་སྶི་དཾ ཕ་ལཾ.
༢༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ད་ཎྜ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ད་ཎྜ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཨ་མྦ་ཡཱ་གུ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༢. ‘‘ས་ཏ་རཾ་སཱི ནཱ་མ ས་མྦུ་དྡྷོ, ས་ཡ་མྦྷཱུ ཨ་པ་རཱ་ཛི་ཏོ;
ཝུ་ཊྛ་ཧི་ཏྭཱ ས་མཱ་དྷི་མྷཱ, བྷི་ཀྑཱ་ཡ མ་མུ་པཱ་ག་མི.
༢༣. ‘‘པ་ཙྩེ་ཀ་བུ་དྡྷཾ དི་སྭཱ་ན, ཨ་མྦ་ཡཱ་གུཾ ཨ་དཱ་ས་ཧཾ;
ཝི་པྤ་ས་ནྣ་མ་ནཾ ཏ་སྶ, ཝི་པྤ་ས་ནྣེ་ན ཙེ་ཏ་སཱ.
༢༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨ་མྦ་ཡཱ་གུ་ཡི་དཾ ཕ་ལཾ.
༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་མྦ་ཡཱ་གུ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་མྦ་ཡཱ་གུ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. སུ་པུ་ཊ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༦. ‘‘དི་ཝཱ་ཝི་ཧཱ་རཱ ནི་ཀྑ་ནྟོ, ཝི་པ་སྶཱི ལོ་ཀ་ནཱ་ཡ་ཀོ;
བྷི་ཀྑཱ་ཡ ཝི་ཙ་ར་ནྟོ སོ, མ་མ ས་ནྟི་ཀུ་པཱ་ག་མི.
༢༧. ‘‘ཏ་ཏོ པ་ཏཱི་ཏོ སུ་མ་ནོ, བུ་དྡྷ་སེ་ཊྛ་སྶ ཏཱ་དི་ནོ;
ལོ་ཎ་སུ་པུ་ཊ་ཀཾ ད་ཏྭཱ, ཀ་པྤཾ ས་གྒ་མྷི མོ་ད་ཧཾ.
༢༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་ཊ་ཀ་མ་དཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་ཊ་ཀ་སྶ ཨི་དཾ ཕ་ལཾ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་པུ་ཊ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་པུ་ཊ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. མ་ཉྩ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༠. ‘‘ཝི་པ་སྶི་ནོ བྷ་ག་ཝ་ཏོ, ལོ་ཀ་ཛེ་ཊྛ་སྶ ཏཱ་དི་ནོ;
ཨེ་ཀཾ མ་ཉྩཾ མ་ཡཱ དི་ནྣཾ, པ་ས་ནྣེ་ན ས་པཱ་ཎི་ནཱ.
༣༡. ‘‘ཧ་ཏྠི་ཡཱ་ནཾ ཨ་སྶ་ཡཱ་ནཾ, དི་བྦ་ཡཱ་ནཾ ས་མ་ཛ྄ཛྷ་གཾ;
ཏེ་ན མ་ཉྩ་ཀ་དཱ་ནེ་ན, པ་ཏྟོ་མྷི ཨཱ་ས་ཝ་ཀྑ་ཡཾ.
༣༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ མ་ཉྩ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་ཉྩ་དཱ་ན་སྶི་དཾ ཕ་ལཾ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ཉྩ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ཉྩ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ས་ར་ཎ་ག་མ་ནི་ཡ་ཏྠེ་ར་ཨ་པ་དཱ་ནཾ
༣༤. ‘‘ཨཱ་རུ་ཧི་མྷ ཏ་དཱ ནཱ་ཝཾ, བྷི་ཀྑུ ཙཱ་ཛཱི་ཝ་ཀོ ཙ་ཧཾ;
ནཱ་ཝཱ་ཡ བྷི་ཛྫ་མཱ་ནཱ་ཡ, བྷི་ཀྑུ མེ ས་ར་ཎཾ ཨ་དཱ.
༣༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡ་ཉྩ མེ ས་ར་ཎཾ ཨ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ར་ཎཱ་ག་མ་ནེ ཕ་ལཾ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ར་ཎ་ག་མ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ར་ཎ་ག་མ་ནི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པི་ཎྜ་པཱ་ཏི་ཀ་ཏྠེ་ར་ཨ་པ་དཱ་ནཾ
༣༧. ‘‘ཏི་སྶོ ནཱ་མཱ་སི ས་མྦུ་དྡྷོ, ཝི་ཧཱ་སི ཝི་པི་ནེ ཏ་དཱ;
ཏུ་སི་ཏཱ ཧི ཨི་དྷཱ་ག་ནྟྭཱ, པི་ཎྜ་པཱ་ཏཾ ཨ་དཱ་ས་ཧཾ.
༣༨. ‘‘ས་མྦུ་དྡྷ་མ་བྷི་ཝཱ་དེ་ཏྭཱ, ཏི་སྶཾ ནཱ་མ མ་ཧཱ་ཡ་སཾ;
ས་ཀཾ ཙི་ཏྟཾ པ་སཱ་དེ་ཏྭཱ, ཏུ་སི་ཏཾ ཨ་ག་མཱ་ས་ཧཾ.
༣༩. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པི་ཎྜ་པཱ་ཏ་སྶི་དཾ ཕ་ལཾ.
༤༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པི་ཎྜ་པཱ་ཏི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པི་ཎྜ་པཱ་ཏི་ཀ་ཏྠེ་ར་སྶཱ་པ་དཱ་ནཾ ད་ས་མཾ.
ས་དྡ་ས་ཉྙ་ཀ་ཝ་གྒོ ཚ་ཏྟིཾ་ས་ཏི་མོ.