༣༧. མ་ནྡཱ་ར་ཝ་པུ་པྥི་ཡ་ཝ་གྒོ
༡. མ་ནྡཱ་ར་ཝ་པུ་པྥི་ཡ་ཏྠེ་ར་ཨ་པ་དཱ་ནཾ
༡. ‘‘ཏཱ་ཝ་ཏིཾ་སཱ ཨི་དྷཱ་ག་ནྟྭཱ, མ་ངྒ་ལོ ནཱ་མ མཱ་ཎ་ཝོ;
མ་ནྡཱ་ར་ཝཾ ག་ཧེ་ཏྭཱ་ན, ཝི་པ་སྶི་སྶ མ་ཧེ་སི་ནོ.
༢. ‘‘ས་མཱ་དྷི་ནཱ ནི་སི་ནྣ་སྶ, མ་ཏྠ་ཀེ དྷཱ་ར་ཡིཾ ཨ་ཧཾ;
ས་ཏྟཱ་ཧཾ དྷཱ་ར་ཡི་ཏྭཱ་ན, དེ་ཝ་ལོ་ཀཾ པུ་ནཱ་ག་མིཾ.
༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ནྡཱ་ར་ཝ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ནྡཱ་ར་ཝ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཀ་ཀྐཱ་རུ་པུ་པྥི་ཡ་ཏྠེ་ར་ཨ་པ་དཱ་ནཾ
༥. ‘‘ཡཱ་མཱ དེ་ཝཱ ཨི་དྷཱ་ག་ནྟྭཱ, གོ་ཏ་མཾ སི་རི་ཝ་ཙྪ་སཾ;
ཀ་ཀྐཱ་རུ་མཱ་ལཾ [གོ་ཀྑ་ནུ་མཱ་ལཾ (སཱི.)] པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ.
༦. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ བུ་དྡྷ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ཀྐཱ་རུ་པུ་པྥི་ཡོ [གོ་ཀྑ་ནུ་པུ་པྥི་ཡོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ཀྐཱ་རུ་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. བྷི་ས་མུ་ལཱ༹་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༨. ‘‘ཕུ་སྶོ ནཱ་མཱ་སི ས་མྦུ་དྡྷོ, ས་བྦ་དྷ་མྨཱ་ན པཱ་ར་གཱུ;
ཝི་ཝེ་ཀ་ཀཱ་མོ ས་བྦ་ཉྙཱུ [ས་པྤ་ཉྙོ (སཱི. སྱཱ.)], ཨཱ་ག་ཉྪི མ་མ ས་ནྟི་ཀེ.
༩. ‘‘ཏ་སྨིཾ ཙི་ཏྟཾ པ་སཱ་དེ་ཏྭཱ, མ་ཧཱ་ཀཱ་རུ་ཎི་ཀེ ཛི་ནེ;
བྷི་ས་མུ་ལཱ༹་ལཾ པ་གྒ་ཡ྄ཧ, བུ་དྡྷ་སེ་ཊྛ་སྶ་དཱ་ས་ཧཾ.
༡༠. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ བྷི་ས་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷི་ས་དཱ་ན་སྶི་དཾ ཕ་ལཾ.
༡༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བྷི་ས་མུ་ལཱ༹་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བྷི་ས་མུ་ལཱ༹་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཀེ་ས་ར་པུ་པྥི་ཡ་ཏྠེ་ར་ཨ་པ་དཱ་ནཾ
༡༢. ‘‘ཝི་ཛྫཱ་དྷ་རོ ཏ་དཱ ཨཱ་སིཾ, ཧི་མ་ཝ་ནྟ་མྷི པ་བྦ་ཏེ;
ཨ་དྡ་སཾ ཝི་ར་ཛཾ བུ་དྡྷཾ, ཙ་ངྐ་མ་ནྟཾ མ་ཧཱ་ཡ་སཾ.
༡༣. ‘‘ཏཱི་ཎི ཀེ་ས་ར་པུ་པྥཱ་ནི [ཀེ་ས་རི་པུ་པྥཱ་ནི (སཱི.)], སཱི་སེ ཀ་ཏྭཱ་ན་ཧཾ ཏ་དཱ;
ཨུ་པ་ས་ངྐ་མྨ ས་མྦུ་དྡྷཾ, ཝེ་སྶ་བྷུཾ ཨ་བྷི་པཱུ་ཛ་ཡིཾ.
༡༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀེ་ས་ར་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀེ་ས་ར་པུ་པྥི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཨ་ངྐོ་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༡༦. ‘‘པ་དུ་མོ ནཱ་མ ས་མྦུ་དྡྷོ, ཙི་ཏྟ་ཀཱུ་ཊེ ཝ་སཱི ཏ་དཱ;
དི་སྭཱ་ན ཏཾ ཨ་ཧཾ བུ་དྡྷཾ, ས་ཡ་མྦྷུཾ ཨ་པ་རཱ་ཛི་ཏཾ [ཨུ་པ་ག་ཙྪི་ཧཾ (སཱི. སྱཱ.)].
༡༧. ‘‘ཨ་ངྐོ་ལཾ པུ་པྥི་ཏཾ དི་སྭཱ, ཨོ་ཙི་ནི་ཏྭཱ་ན་ཧཾ ཏ་དཱ;
ཨུ་པ་ག་ནྟྭཱ་ན ས་མྦུ་དྡྷཾ, པཱུ་ཛ་ཡིཾ པ་དུ་མཾ ཛི་ནཾ.
༡༨. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ངྐོ་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ངྐོ་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཀ་ད་མྦ་པུ་པྥི་ཡ་ཏྠེ་ར་ཨ་པ་དཱ་ནཾ
༢༠. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ག་ཙྪ་ནྟཾ ཨ་ནྟ་རཱ་པ་ཎེ;
ཀ་ཉྩ་ན་གྒྷི་ཡ་ས་ངྐཱ་སཾ, བཱ་ཏྟིཾ་ས་ཝ་ར་ལ་ཀྑ་ཎཾ.
༢༡. ‘‘ནི་ས་ཛྫ པཱ་སཱ་ད་ཝ་རེ, ཨ་དྡ་སཾ ལོ་ཀ་ནཱ་ཡ་ཀཾ;
ཀ་ད་མྦ་པུ་པྥཾ པ་གྒ་ཡ྄ཧ, ཝི་པ་སྶིཾ ཨ་བྷི་པཱུ་ཛ་ཡིཾ.
༢༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ བུ་དྡྷ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ད་མྦ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ད་མྦ་པུ་པྥི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཨུ་དྡཱ་ལ་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༢༤. ‘‘ཨ་ནོ་མོ [སུ་ཛཱ་ཏོ (སྱཱ.), ཨ་ནུ་མོ (ཀ.)] ནཱ་མ ས་མྦུ་དྡྷོ, ག་ངྒཱ་ཀཱུ་ལེ ཝ་སཱི ཏ་དཱ;
ཨུ་དྡཱ་ལ་ཀཾ ག་ཧེ་ཏྭཱ་ན, པཱུ་ཛ་ཡིཾ ཨ་པ་རཱ་ཛི་ཏཾ.
༢༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་དྡཱ་ལ་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་དྡཱ་ལ་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཨེ་ཀ་ཙ་མྤ་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༢༧. ‘‘ཨུ་པ་ས་ནྟོ ཙ ས་མྦུ་དྡྷོ, ཝ་ས་ཏཱི པ་བྦ་ཏ་ནྟ་རེ;
ཨེ་ཀ་ཙ་མྤ་ཀ་མཱ་དཱ་ཡ, ཨུ་པ་ག་ཙྪིཾ ན་རུ་ཏྟ་མཾ.
༢༨. ‘‘པ་ས་ནྣ་ཙི་ཏྟོ སུ་མ་ནོ, པ་ཙྩེ་ཀ་མུ་ནི་མུ་ཏྟ་མཾ;
ཨུ་བྷོ་ཧ་ཏྠེ་ཧི པ་གྒ་ཡ྄ཧ, པཱུ་ཛ་ཡིཾ ཨ་པ་རཱ་ཛི་ཏཾ.
༢༩. ‘‘པ་ཉྩ་ས་ཊྛི་མྷི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་ཙ་མྤ་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་ཙ་མྤ་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཏི་མི་ར་པུ་པྥི་ཡ་ཏྠེ་ར་ཨ་པ་དཱ་ནཾ
༣༡. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ནུ་སོ་ཏཾ ཝ་ཛཱ་མ་ཧཾ;
ཨ་དྡ་སཾ ཝི་ར་ཛཾ བུ་དྡྷཾ, སཱ་ལ་རཱ་ཛཾ་ཝ ཕུ་ལླི་ཏཾ.
༣༢. ‘‘པ་ས་ནྣ་ཙི་ཏྟོ སུ་མ་ནོ, པ་ཙྩེ་ཀ་མུ་ནི་མུ་ཏྟ་མཾ;
ག་ཧེ་ཏྭཱ ཏི་མི་རཾ པུ་པྥཾ, མ་ཏྠ་ཀེ ཨོ་ཀི་རིཾ ཨ་ཧཾ.
༣༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་མི་ར་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་མི་ར་པུ་པྥི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ས་ལ༹་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༣༥. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཀི་ནྣ་རོ ཏ་དཱ;
ཏ་ཏྠ་དྡ་སཾ དེ་ཝ་དེ་ཝཾ, ཙ་ངྐ་མ་ནྟཾ ན་རཱ་ས་བྷཾ.
༣༦. ‘‘ཨོ་ཙི་ནི་ཏྭཱ་ན ས་ལ༹་ལཾ, པུ་པྥཾ བུ་དྡྷ་སྶ་དཱ་ས་ཧཾ;
ཨུ་པ་སི་ངྒྷི མ་ཧཱ་ཝཱི་རོ, ས་ལ༹་ལཾ དེ་ཝ་ག་ནྡྷི་ཀཾ.
༣༧. ‘‘པ་ཊི་གྒ་ཧེ་ཏྭཱ ས་མྦུ་དྡྷོ, ཝི་པ་སྶཱི ལོ་ཀ་ནཱ་ཡ་ཀོ;
ཨུ་པ་སི་ངྒྷི མ་ཧཱ་ཝཱི་རོ, པེ་ཀྑ་མཱ་ན་སྶ མེ ས་ཏོ.
༣༨. ‘‘པ་ས་ནྣ་ཙི་ཏྟོ སུ་མ་ནོ, ཝ་ནྡི་ཏྭཱ དྭི་པ་དུ་ཏྟ་མཾ;
ཨ་ཉྫ་ལིཾ པ་གྒ་ཧེ་ཏྭཱ་ན, པུ་ན པ་བྦ་ཏ་མཱ་རུ་ཧིཾ.
༣༩. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ལ༹་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ལ༹་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
མ་ནྡཱ་ར་ཝ་པུ་པྥི་ཡ་ཝ་གྒོ ས་ཏྟ་ཏིཾ་ས་ཏི་མོ.