༨. ཨུ་ཏྟ་རེ་ཡྻ་དཱ་ཡ་ཀ་ཏྠེ་ར་ཨ་པ་དཱ་ནཾ
༩༠. ‘‘ན་ག་རེ ཧཾ་ས་ཝ་ཏི་ཡཱ, ཨ་ཧོ་སིཾ བྲཱ་ཧྨ་ཎོ ཏ་དཱ;
ཨ་ཛ྄ཛྷཱ་ཡ་ཀོ མ་ནྟ་དྷ་རོ, ཏི་ཎྞཾ ཝེ་དཱ་ན པཱ་ར་གཱུ.
༩༡. ‘‘པུ་ར་ཀྑ་ཏོ ས་སི་སྶེ་ཧི, ཛཱ་ཏི་མཱ ཙ སུ་སི་ཀྑི་ཏོ;
ཏོ་ཡཱ་བྷི་སེ་ཙ་ན་ཏྠཱ་ཡ, ན་ག་རཱ ནི་ཀྑ་མིཾ ཏ་དཱ.
༩༢. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཁཱི་ཎཱ་ས་ཝ་ས་ཧ་སྶེ་ཧི, པཱ་ཝི་སཱི ན་ག་རཾ ཛི་ནོ.
༩༣. ‘‘སུ་ཙཱ་རུ་རཱུ་པཾ དི་སྭཱ་ན, ཨཱ་ནེ་ཉྫ་ཀཱ་རི་ཏཾ ཝི་ཡ;
པ་རི་ཝུ་ཏཾ ཨ་ར་ཧ་ནྟེ་ཧི, དི་སྭཱ ཙི་ཏྟཾ པ་སཱ་ད་ཡིཾ.
༩༤. ‘‘སི་ར་སྨིཾ ཨ་ཉྫ་ལིཾ ཀ་ཏྭཱ, ན་མ་སྶི་ཏྭཱ་ན སུ་བྦ་ཏཾ;
པ་ས་ནྣ་ཙི་ཏྟོ སུ་མ་ནོ, ཨུ་ཏྟ་རཱི་ཡ་མ་དཱ་ས་ཧཾ.
༩༥. ‘‘ཨུ་བྷོ ཧ་ཏྠེ་ཧི པ་གྒ་ཡ྄ཧ, སཱ་ཊ་ཀཾ ཨུ་ཀྑི་པིཾ ཨ་ཧཾ;
ཡཱ་ཝ་ཏཱ བུ་དྡྷ་པ་རི་སཱ, ཏཱ་ཝ ཚཱ་དེ་སི སཱ་ཊ་ཀོ.
༩༦. ‘‘པི་ཎྜ་ཙཱ་རཾ ཙ་ར་ནྟ་སྶ, མ་ཧཱ་བྷི་ཀྑུ་ག་ཎཱ་དི་ནོ;
ཚ་དཾ ཀ་རོ་ནྟོ ཨ་ཊྛཱ་སི, ཧཱ་ས་ཡ་ནྟོ མ་མཾ ཏ་དཱ.
༩༧. ‘‘གྷ་ར་ཏོ ནི་ཀྑ་མ་ནྟ་སྶ, ས་ཡ་མྦྷཱུ ཨ་གྒ་པུ་གྒ་ལོ;
ཝཱི་ཐི་ཡཾ་ཝ ཋི་ཏོ ས་ཏྠཱ, ཨ་ཀཱ མེ [ཨ་ཀཱ་སི (སྱཱ.)] ཨ་ནུ་མོ་ད་ནཾ.
༩༨. ‘‘པ་ས་ནྣ་ཙི་ཏྟོ སུ་མ་ནོ, ཡོ མེ ཨ་དཱ་སི སཱ་ཊ་ཀཾ;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎོ་ཐ མ་མ བྷཱ་ས་ཏོ.
༩༩. ‘‘‘ཏིཾ་ས་ཀ་པྤ་ས་ཧ་སྶཱ་ནི, དེ་ཝ་ལོ་ཀེ ར་མི་སྶ་ཏི;
པ་ཉྙཱ་ས་ཀྑ་ཏྟུཾ དེ་ཝི་ནྡོ, དེ་ཝ་ར་ཛྫཾ ཀ་རི་སྶ་ཏི.
༡༠༠. ‘‘‘དེ་ཝ་ལོ་ཀེ ཝ་ས་ནྟ་སྶ, པུ་ཉྙ་ཀ་མྨ་ས་མ་ངྒི་ནོ;
ས་མ་ནྟཱ ཡོ་ཛ་ན་ས་ཏཾ, དུ་སྶ་ཙྪ་ནྣཾ བྷ་ཝི་སྶ་ཏི.
༡༠༡. ‘‘‘ཚ་ཏྟིཾ་ས་ཀྑ་ཏྟུཾ རཱ་ཛཱ ཙ, ཙ་ཀྐ་ཝ་ཏྟཱི བྷ་ཝི་སྶ་ཏི;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༡༠༢. ‘‘‘བྷ་ཝེ སཾ་ས་ར་མཱ་ན་སྶ, པུ་ཉྙ་ཀ་མྨ་ས་མ་ངྒི་ནོ;
མ་ན་སཱ པ་ཏྠི་ཏཾ ས་བྦཾ, ནི་བྦ་ཏྟི་སྶ་ཏི ཏཱ་ཝ་དེ.
༡༠༣. ‘‘‘ཀོ་སེ་ཡྻ་ཀ་མྦ་ལི་ཡཱ་ནི [ཀོ་སེ་ཡྻ་ཀ་མྦ་ལཱི་ཡཱ་ནི (སཱི.)], ཁོ་མ་ཀ་པྤཱ་སི་ཀཱ་ནི ཙ;
མ་ཧ་གྒྷཱ་ནི ཙ དུ་སྶཱ་ནི, པ་ཊི་ལ་ཙྪ་ཏི་ཡཾ ན་རོ.
༡༠༤. ‘‘‘མ་ན་སཱ པ་ཏྠི་ཏཾ ས་བྦཾ, པ་ཊི་ལ་ཙྪ་ཏི་ཡཾ ན་རོ;
ཨེ་ཀ་དུ་སྶ་སྶ ཝི་པཱ་ཀཾ, ཨ་ནུ་བྷོ་སྶ་ཏི ས་བྦ་དཱ.
༡༠༥. ‘‘‘སོ པ་ཙྪཱ པ་བྦ་ཛི་ཏྭཱ་ན, སུ་ཀྐ་མཱུ་ལེ་ན ཙོ་དི་ཏོ;
གོ་ཏ་མ་སྶ བྷ་ག་ཝ་ཏོ, དྷ་མྨཾ ས་ཙྪི་ཀ་རི་སྶ་ཏི’.
༡༠༦. ‘‘ཨ་ཧོ མེ སུ་ཀ་ཏཾ ཀ་མྨཾ, ས་བྦ་ཉྙུ་སྶ མ་ཧེ་སི་ནོ;
ཨེ་ཀཱ་ཧཾ སཱ་ཊ་ཀཾ ད་ཏྭཱ, པ་ཏྟོ་མྷི ཨ་མ་ཏཾ པ་དཾ.
༡༠༧. ‘‘མ་ཎྜ་པེ རུ་ཀྑ་མཱུ་ལེ ཝཱ, ཝ་ས་ཏོ སུ་ཉྙ་ཀེ གྷ་རེ;
དྷཱ་རེ་ཏི དུ་སྶ་ཚ་ད་ནཾ, ས་མ་ནྟཱ བྱཱ་མ་ཏོ མ་མ.
༡༠༨. ‘‘ཨ་ཝི་ཉྙ་ཏྟཾ ནི་ཝཱ་སེ་མི [ཨ་ཝི་ཉྙ་ཏྟཱ་ནི སེ་ཝཱ་མི (?)], ཙཱི་ཝ་རཾ པ་ཙྩ་ཡ་ཉྩ་ཧཾ;
ལཱ་བྷཱི [ལཱ་བྷི་མྷི (སྱཱ.)] ཨ་ནྣ་སྶ པཱ་ན་སྶ, ཨུ་ཏྟ་རེ་ཡྻ་སྶི་དཾ ཕ་ལཾ.
༡༠༩. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཝ་ཏྠ་དཱ་ན་སྶི་དཾ ཕ་ལཾ.
༡༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་ཏྟ་རེ་ཡྻ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ཏྟ་རེ་ཡྻ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.