༧. ཏི་ཎ་ཀུ་ཊི་དཱ་ཡ་ཀ་ཏྠེ་ར་ཨ་པ་དཱ་ནཾ
༧༤. ‘‘ན་ག་རེ བ་ནྡྷུ་མ་ཏི་ཡཱ, ཨ་ཧོ་སིཾ པ་ར་ཀ་མྨི་ཀོ;
པ་ར་ཀ་མྨཱ་ཡ་ནེ ཡུ་ཏྟོ, པ་ར་བྷ་ཏྟཾ ཨ་པ་སྶི་ཏོ.
༧༥. ‘‘ར་ཧོ་ག་ཏོ ནི་སཱི་དི་ཏྭཱ, ཨེ་ཝཾ ཙི་ནྟེ་ས་ཧཾ ཏ་དཱ;
བུ་དྡྷོ ལོ་ཀེ ས་མུ་པྤ་ནྣོ, ཨ་དྷི་ཀཱ་རོ ཙ ན་ཏྠི མེ.
༧༦. ‘‘ཀཱ་ལོ མེ ག་ཏིཾ [ཀཱ་ལོ ག་ཏིཾ མེ (སཱི. སྱཱ.)] སོ་དྷེ་ཏུཾ, ཁ་ཎོ མེ པ་ཊི་པཱ་དི་ཏོ;
དུ་ཀྑོ ནི་ར་ཡ་ས་མྥ་སྶོ, ཨ་པུ་ཉྙཱ་ན་ཉྷི པཱ་ཎི་ནཾ.
༧༧. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, ཀ་མྨ་སཱ་མིཾ ཨུ་པཱ་ག་མིཾ;
ཨེ་ཀཱ་ཧཾ ཀ་མྨཾ ཡཱ་ཙི་ཏྭཱ, ཝི་པི་ནཾ པཱ་ཝི་སིཾ ཨ་ཧཾ.
༧༨. ‘‘ཏི་ཎ་ཀ་ཊྛ་ཉྩ ཝ་ལླི་ཉྩ, ཨཱ་ཧ་རི་ཏྭཱ་ན་ཧཾ ཏ་དཱ;
ཏི་ད་ཎྜ་ཀེ ཋ་པེ་ཏྭཱ་ན, ཨ་ཀཾ ཏི་ཎ་ཀུ་ཊིཾ ཨ་ཧཾ.
༧༩. ‘‘ས་ངྒྷ་སྶ་ཏྠཱ་ཡ ཀུ་ཊི་ཀཾ, ནི་ཡྻཱ་དེ་ཏྭཱ་ན [ནི་ཡྻཱ་ཏེ་ཏྭཱ་ན (སཱི.)] ཏཾ ཨ་ཧཾ;
ཏ་ད་ཧེ་ཡེ་ཝ ཨཱ་ག་ནྟྭཱ, ཀ་མྨ་སཱ་མིཾ ཨུ་པཱ་ག་མིཾ.
༨༠. ‘‘ཏེ་ན ཀ་མྨེ་ན སུ་ཀ་ཏེ་ན, ཏཱ་ཝ་ཏིཾ་ས་མ་ག་ཙྪ་ཧཾ;
ཏ་ཏྠ མེ སུ་ཀ་ཏཾ བྱ་མྷཾ, ཀུ་ཊི་ཀཱ་ཡ སུ་ནི་མྨི་ཏཾ [ཏི་ཎ་ཀུ་ཊི་ཀཱ་ཡ ནི་མྨི་ཏཾ (སཱི.)].
༨༡. ‘‘ས་ཧ་སྶ་ཀ་ཎྜཾ ས་ཏ་བྷེ་ཎྜུ, དྷ་ཛཱ་ལུ ཧ་རི་ཏཱ་མ་ཡཾ;
ས་ཏ་ས་ཧ་སྶ་ནི་ཡྻཱུ་ཧཱ, བྱ་མྷེ པཱ་ཏུ་བྷ་ཝིཾ་སུ མེ.
༨༢. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
མ་མ ས་ངྐ་པྤ་མ་ཉྙཱ་ཡ, པཱ་སཱ་དོ ཨུ་པ་ཏི་ཊྛ་ཏི.
༨༣. ‘‘བྷ་ཡཾ ཝཱ ཚ་མྦྷི་ཏ་ཏྟཾ ཝཱ, ལོ་མ་ཧཾ་སོ ན ཝི་ཛྫ་ཏི;
ཏཱ་སཾ མ་མ ན ཛཱ་ནཱ་མི, ཏི་ཎ་ཀུ་ཊི་ཀཱ་ཡི་དཾ [ཏི་ཎ་ཀུ་ཊི་ཡི་དཾ (ཀ.)] ཕ་ལཾ.
༨༤. ‘‘སཱི་ཧ་བྱ་གྒྷཱ ཙ དཱི་པཱི ཙ, ཨ་ཙྪ་ཀོ་ཀ་ཏ་ར་ཙྪ་ཀཱ [ཏ་ར་ཙྪ་ཡོ (སྱཱ. ཀ.)];
ས་བྦེ མཾ པ་རི་ཝ་ཛྫེ་ནྟི, ཏི་ཎ་ཀུ་ཊི་ཀཱ་ཡི་དཾ ཕ་ལཾ.
༨༥. ‘‘ས་རཱི་ས་པཱ [སི་རིཾ་ས་པཱ (སཱི. སྱཱ.), ས་རིཾ་ས་པཱ (ཀ.)] ཙ བྷཱུ་ཏཱ ཙ, ཨ་ཧཱི ཀུ་མྦྷ་ཎྜ་ར་ཀྑ་སཱ;
ཏེ་པི མཾ པ་རི་ཝ་ཛྫེ་ནྟི, ཏི་ཎ་ཀུ་ཊི་ཀཱ་ཡི་དཾ ཕ་ལཾ.
༨༦. ‘‘ན པཱ་པ་སུ་པི་ན་སྶཱ་པི, ས་རཱ་མི ད་སྶ་ནཾ མ་མ;
ཨུ་པ་ཊྛི་ཏཱ ས་ཏི མ་ཡ྄ཧཾ, ཏི་ཎ་ཀུ་ཊི་ཀཱ་ཡི་དཾ ཕ་ལཾ.
༨༧. ‘‘ཏཱ་ཡེ་ཝ ཏི་ཎ་ཀུ་ཊི་ཀཱ་ཡ, ཨ་ནུ་བྷོ་ཏྭཱ་ན ས་མྤ་དཱ;
གོ་ཏ་མ་སྶ བྷ་ག་ཝ་ཏོ, དྷ་མྨཾ ས་ཙྪི་ཀ་རིཾ ཨ་ཧཾ.
༨༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏི་ཎ་ཀུ་ཊི་ཀཱ་ཡི་དཾ ཕ་ལཾ.
༨༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཎ་ཀུ་ཊི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཎ་ཀུ་ཊི་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.