༦. པ་བྷ་ངྐ་ར་ཏྠེ་ར་ཨ་པ་དཱ་ནཾ
༥༣. ‘‘པ་དུ་མུ་ཏྟ་ར་བྷ་ག་ཝ་ཏོ, ལོ་ཀ་ཛེ་ཊྛ་སྶ ཏཱ་དི་ནོ;
ཝི་པི་ནེ ཙེ་ཏི་ཡཾ ཨཱ་སི, ཝཱ་ལ༹་མི་ག་ས་མཱ་ཀུ་ལེ.
༥༤. ‘‘ན ཀོ་ཙི ཝི་ས་ཧི ག་ནྟུཾ, ཙེ་ཏི་ཡཾ ཨ་བྷི་ཝ་ནྡི་ཏུཾ;
ཏི་ཎ་ཀ་ཊྛ་ལ་ཏོ་ན་དྡྷཾ, པ་ལུ་གྒཾ ཨཱ་སི ཙེ་ཏི་ཡཾ.
༥༥. ‘‘ཝ་ན་ཀ་མྨི་ཀོ ཏ་དཱ ཨཱ་སིཾ, པི་ཏུ་མཱ་ཏུ་མ་ཏེ་ན་ཧཾ [པི་ཏུ་པེ་ཏཱ་མ་ཧེ་ན་ཧཾ (སཱི.), པི་ཏཱ་པེ་ཏཱ་མ་ཧེ་ན་ཧཾ (སྱཱ.)];
ཨ་དྡ་སཾ ཝི་པི་ནེ ཐཱུ་པཾ, ལུ་གྒཾ ཏི་ཎ་ལ་ཏཱ་ཀུ་ལཾ.
༥༦. ‘‘དི་སྭཱ་ནཱ་ཧཾ བུ་དྡྷ་ཐཱུ་པཾ, ག་རུ་ཙི་ཏྟཾ ཨུ་པ་ཊྛ་ཧིཾ;
བུ་དྡྷ་སེ་ཊྛ་སྶ ཐཱུ་པོ་ཡཾ, པ་ལུ་གྒོ ཨ་ཙྪ་ཏཱི ཝ་ནེ.
༥༧. ‘‘ན་ཙྪ་ནྣཾ ན་པྤ་ཏི་རཱུ་པཾ, ཛཱ་ན་ནྟ་སྶ གུ་ཎཱ་གུ་ཎཾ;
བུ་དྡྷ་ཐཱུ་པཾ ཨ་སོ་དྷེ་ཏྭཱ, ཨ་ཉྙཾ ཀ་མྨཾ པ་ཡོ་ཛ་ཡེ.
༥༨. ‘‘ཏི་ཎ་ཀ་ཊྛ་ཉྩ ཝ་ལླི་ཉྩ, སོ་དྷ་ཡི་ཏྭཱ་ན ཙེ་ཏི་ཡེ;
ཝ་ནྡི་ཏྭཱ ཨ་ཊྛ ཝཱ་རཱ་ནི [ཨ་ཊྛ ཋཱ་ནཱ་ནི (ཀ.)], པ་ཊི་ཀུ་ཊི་ཀོ ཨ་ག་ཙྪ་ཧཾ.
༥༩. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༦༠. ‘‘ཏ་ཏྠ མེ སུ་ཀ་ཏཾ བྱ་མྷཾ, སོ་ཝ་ཎྞཾ ས་པ་བྷ་སྶ་རཾ;
ས་ཊྛི་ཡོ་ཛ་ན་མུ་བྦི་དྡྷཾ, ཏིཾ་ས་ཡོ་ཛ་ན་ཝི་ཏྠ་ཏཾ.
༦༡. ‘‘ཏི་ས་ཏཱ་ནི ཙ ཝཱ་རཱ་ནི, དེ་ཝ་ར་ཛྫ་མ་ཀཱ་ར་ཡིཾ;
པ་ཉྩ་ཝཱི་ས་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.
༦༢. ‘‘བྷ་ཝཱ་བྷ་ཝེ སཾ་ས་ར་ནྟོ, མ་ཧཱ་བྷོ་གཾ ལ་བྷཱ་མ་ཧཾ;
བྷོ་གེ མེ ཨཱུ་ན་ཏཱ ན་ཏྠི, སོ་དྷ་ནཱ་ཡ ཨི་དཾ ཕ་ལཾ.
༦༣. ‘‘སི་ཝི་ཀཱ ཧ་ཏྠི་ཁ་ནྡྷེ་ན, ཝི་པི་ནེ ག་ཙྪ་ཏོ མ་མ;
ཡཾ ཡཾ དི་སཱ་ཧཾ ག་ཙྪཱ་མི, ས་ར་ཎཾ ས་མྤ་ཏེ [སི་ཛ྄ཛྷ་ཏེ (ཀ.)] ཝ་ནཾ.
༦༤. ‘‘ཁཱ་ཎུཾ ཝཱ ཀ་ཎྚ་ཀཾ ཝཱ་པི, ནཱ་ཧཾ པ་སྶཱ་མི ཙ་ཀྑུ་ནཱ;
པུ་ཉྙ་ཀ་མྨེ་ན སཾ་ཡུ་ཏྟོ, ས་ཡ་མེ་ཝཱ་པ་ནཱི་ཡ་རེ.
༦༥. ‘‘ཀུ་ཊྛཾ ག་ཎྜོ ཀི་ལཱ་སོ ཙ, ཨ་པ་མཱ་རོ ཝི་ཏ་ཙྪི་ཀཱ;
ད་དྡུ ཀ་ཙྪུ [ཀ་ཎྜུ (སྱཱ.)] ཙ མེ ན་ཏྠི, སོ་དྷ་ནཱ་ཡ ཨི་དཾ ཕ་ལཾ.
༦༦. ‘‘ཨ་ཉྙ་མྤི མེ ཨ་ཙྪ་རི་ཡཾ, བུ་དྡྷ་ཐཱུ་པ་སྶ སོ་དྷ་ནེ [བུ་དྡྷ་ཐཱུ་པ་མྷི སོ་དྷི་ཏེ (སྱཱ.)];
ནཱ་བྷི་ཛཱ་ནཱ་མི མེ ཀཱ་ཡེ, ཛཱ་ཏཾ པི་ལ༹་ཀ་བི་ནྡུ་ཀཾ.
༦༧. ‘‘ཨ་ཉྙ་མྤི མེ ཨ་ཙྪ་རི་ཡཾ, བུ་དྡྷ་ཐཱུ་པ་མྷི སོ་དྷི་ཏེ [ས་བྦ་ཏྠ་པི ཨེ་ཝ་མེ་ཝ དི་སྶ་ཏི, ཏ་ཐཱ ཨུ་པ་རི་པི];
དུ་ཝེ བྷ་ཝེ སཾ་ས་རཱ་མི, དེ་ཝ་ཏྟེ ཨ་ཐ མཱ་ནུ་སེ.
༦༨. ‘‘ཨ་ཉྙ་མྤི མེ ཨ་ཙྪ་རི་ཡཾ, བུ་དྡྷ་ཐཱུ་པ་མྷི སོ་དྷི་ཏེ;
སུ་ཝ་ཎྞ་ཝ་ཎྞོ ས་བྦ་ཏྠ, ས་པྤ་བྷཱ་སོ བྷ་ཝཱ་མ་ཧཾ.
༦༩. ‘‘ཨ་ཉྙ་མྤི མེ ཨ་ཙྪ་རི་ཡཾ, བུ་དྡྷ་ཐཱུ་པ་མྷི སོ་དྷི་ཏེ;
ཨ་མ་ནཱ་པཾ ཝི་ཝ་ཛྫ་ཏི, མ་ནཱ་པཾ ཨུ་པ་ཏི་ཊྛ་ཏི.
༧༠. ‘‘ཨ་ཉྙ་མྤི མེ ཨ་ཙྪ་རི་ཡཾ, བུ་དྡྷ་ཐཱུ་པ་མྷི སོ་དྷི་ཏེ;
ཝི་སུ་དྡྷཾ ཧོ་ཏི མེ ཙི་ཏྟཾ, ཨེ་ཀ་གྒཾ སུ་ས་མཱ་ཧི་ཏཾ.
༧༡. ‘‘ཨ་ཉྙ་མྤི མེ ཨ་ཙྪ་རི་ཡཾ, བུ་དྡྷ་ཐཱུ་པ་མྷི སོ་དྷི་ཏེ;
ཨེ་ཀཱ་ས་ནེ ནི་སཱི་དི་ཏྭཱ, ཨ་ར་ཧ་ཏྟ་མ་པཱ་པུ་ཎིཾ.
༧༢. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, སོ་དྷ་ནཱ་ཡ ཨི་དཾ ཕ་ལཾ.
༧༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་བྷ་ངྐ་རོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་བྷ་ངྐ་ར་ཏྠེ་ར་སྶཱ་པ་དཱ་ནཾ ཚ་ཊྛཾ.