༩. པུ་པྥ་ཙྪ་ཏྟི་ཡ་ཏྠེ་ར་ཨ་པ་དཱ་ནཾ

༧༣. ‘‘སི་དྡྷ་ཏྠ་སྶ བྷ་ག་ཝ་ཏོ, ལོ་ཀ་ཛེ་ཊྛ་སྶ ཏཱ་དི་ནོ;

ས་ཙྩཾ པ་ཀཱ་ས་ཡ་ནྟ་སྶ, ནི་བྦཱ་པེ་ནྟ་སྶ པཱ་ཎི་ནོ.

༧༤. ‘‘ཛ་ལ་ཛཾ ཨཱ་ཧ་རི་ཏྭཱ་ན, ས་ཏ་པ་ཏྟཾ མ་ནོ་ར་མཾ;

པུ་པྥ་སྶ ཚ་ཏྟཾ ཀ་ཏྭཱ་ན, བུ་དྡྷ་སྶ ཨ་བྷི་རོ་པ་ཡིཾ.

༧༥. ‘‘སི་དྡྷ་ཏྠོ ཙ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;

བྷི་ཀྑུ་ས་ངྒྷེ ཋི་ཏོ ས་ཏྠཱ, ཨི་མཾ གཱ་ཐཾ ཨ་བྷཱ་ས་ཐ.

༧༦. ‘‘‘ཡོ མེ ཙི་ཏྟཾ པ་སཱ་དེ་ཏྭཱ, པུ་པྥ་ཙྪ་ཏྟཾ ཨ་དྷཱ་ར་ཡིཾ;

ཏེ་ན ཙི་ཏྟ་པྤ་སཱ་དེ་ན, དུ་གྒ་ཏིཾ སོ ན ག་ཙྪ་ཏི’.

༧༧. ‘‘ཨི་དཾ ཝ་ཏྭཱ་ན ས་མྦུ་དྡྷོ, སི་དྡྷ་ཏྠོ ལོ་ཀ་ནཱ་ཡ་ཀོ;

ཨུ་ཡྻོ་ཛེ་ཏྭཱ་ན པ་རི་སཾ, ཝེ་ཧཱ་སཾ ན་བྷ་མུ་གྒ་མི.

༧༨. ‘‘ཝུ་ཊྛི་ཏེ ན་ར་དེ་ཝ་མྷི, སེ་ཏ་ཙྪ་ཏྟ་མྤི ཝུ་ཊྛ་ཧི;

པུ་ར་ཏོ བུ་དྡྷ་སེ་ཊྛ་སྶ, ག་ཙྪ་ཏི ཚ་ཏྟ་མུ་ཏྟ་མཾ.

༧༩. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཚ་ཏྟཾ ཨ་བྷི་རོ་པ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་ཙྪ་ཏྟ་སྶི་དཾ ཕ་ལཾ.

༨༠. ‘‘ཙ་ཏུ་ས་ཏྟ་ཏི་ཀ་པྤ་མྷི, ཨ་ཊྛ ཛ་ལ་སི་ཁཱ ཨ་ཧཱུ;

ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.

༨༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ པུ་པྥ་ཙྪ་ཏྟི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

པུ་པྥ་ཙྪ་ཏྟི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.