༣༣. ཨུ་མཱ་པུ་པྥི་ཡ་ཝ་གྒོ
༡. ཨུ་མཱ་པུ་པྥི་ཡ་ཏྠེ་ར་ཨ་པ་དཱ་ནཾ
༡. ‘‘ས་མཱ་ཧི་ཏཾ ས་མཱ་པ་ནྣཾ, སི་དྡྷ་ཏྠ་མ་པ་རཱ་ཛི་ཏཾ;
ས་མཱ་དྷི་ནཱ ཨུ་པ་ཝི་ཊྛཾ, ཨ་དྡ་སཱ་ཧཾ ན་རུ་ཏྟ་མཾ.
༢. ‘‘ཨུ་མཱ་པུ་པྥཾ ག་ཧེ་ཏྭཱ་ན, བུ་དྡྷ་སྶ ཨ་བྷི་རོ་པ་ཡིཾ;
ས་བྦ་པུ་པྥཱ ཨེ་ཀ་སཱི་སཱ, ཨུ་དྡྷཾ་ཝ་ཎྚཱ ཨ་དྷོ་མུ་ཁཱ.
༣. ‘‘སུ་ཙི་ཏྟཱ ཝི་ཡ ཏི་ཊྛ་ནྟེ, ཨཱ་ཀཱ་སེ པུ་པྥ་ས་ནྠ་རཱ;
ཏེ་ན ཙི་ཏྟ་པྤ་སཱ་དེ་ན, ཏུ་སི་ཏཾ ཨུ་པ་པ་ཛྫ་ཧཾ.
༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༥. ‘‘པ་ཉྩ་པ་ཉྙཱ་སི་ཏོ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
ས་མ་ནྟ་ཚ་ད་ནོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ.
ཨི་ཏྠཾ སུ་དཾ ཨཱ་ཡ་སྨཱ ཨུ་མཱ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་མཱ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. པུ་ལི་ན་པཱུ་ཛ་ཀ་ཏྠེ་ར་ཨ་པ་དཱ་ནཾ
༧. ‘‘ཀ་ཀུ་དྷཾ ཝི་ལ་ས་ནྟཾ་ཝ, ནི་ས་བྷཱ་ཛཱ་ནི་ཡཾ ཡ་ཐཱ;
ཨོ་ས་དྷིཾ་ཝ ཝི་རོ་ཙ་ནྟཾ, ཨོ་བྷཱ་ས་ནྟཾ ན་རཱ་ས་བྷཾ.
༨. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཨ་ཝ་ནྡིཾ ས་ཏྠུ་ནོ ཨ་ཧཾ;
ས་ཏྠཱ་རཾ པ་རི་ཝ་ཎྞེ་སིཾ, ས་ཀ་ཀ་མྨེ་ན ཏོ་ས་ཡིཾ [ཏོ་སི་ཏོ (སཱི.)].
༩. ‘‘སུ་སུ་དྡྷཾ པུ་ལི་ནཾ ག་ཡ྄ཧ, ག་ཏ་མ་གྒེ ས་མོ་ཀི་རིཾ;
ཨུ་ཙྪ་ངྒེ་ན ག་ཧེ་ཏྭཱ་ན, ཝི་པ་སྶི་སྶ མ་ཧེ་སི་ནོ.
༡༠. ‘‘ཏ་ཏོ ཨུ་པ་ཌྜྷ་པུ་ལི་ནཾ, ཝི་པྤ་ས་ནྣེ་ན ཙེ་ཏ་སཱ;
དི་ཝཱ་ཝི་ཧཱ་རེ ཨོ་སི་ཉྩིཾ, དྭི་པ་དི་ནྡ་སྶ ཏཱ་དི་ནོ.
༡༡. ‘‘ཨེ་ཀ་ན་ཝུ་ཏི་ཏོ ཀ་པྤེ, པུ་ལི་ནཾ ཡ་མ་སི་ཉྩ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་ལི་ན་སྶ ཨི་དཾ ཕ་ལཾ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པུ་ལི་ན་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པུ་ལི་ན་པཱུ་ཛ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཧཱ་ས་ཛ་ན་ཀ་ཏྠེ་ར་ཨ་པ་དཱ་ནཾ
༡༣. ‘‘དུ་མ་གྒེ པཾ་སུ་ཀཱུ་ལ་ཀཾ [པཾ་སུ་ཀཱུ་ལི་ཀཾ (སྱཱ. ཀ.)], ལ་གྒཾ དི་སྭཱ་ན ས་ཏྠུ་ནོ;
ཨ་ཉྫ་ལིཾ པ་གྒ་ཧེ་ཏྭཱ་ན, བྷི་ཡྻོ ཨུ་ཙྩཱ་རི་ཏཾ མ་ཡཱ.
༡༤. ‘‘དཱུ་ར་ཏོ པ་ན དི་སྭཱ་ན [པ་ཏི་དི་སྭཱ་ན (སཱི. སྱཱ.)], ཧཱ་སོ མེ ཨུ་ད་པ་ཛྫ་ཐ;
ཨ་ཉྫ་ལིཾ པ་གྒ་ཧེ་ཏྭཱ་ན, བྷི་ཡྻོ ཙི་ཏྟཾ པ་སཱ་ད་ཡིཾ.
༡༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཧཱ་ས་ཛ་ན་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཧཱ་ས་ཛ་ན་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཡ་ཉྙ་སཱ་མི་ཀ་ཏྠེ་ར་ཨ་པ་དཱ་ནཾ
༡༧. ‘‘ཛཱ་ཏི་ཡཱ ས་ཏྟ་ཝ་སྶོ་ཧཾ, ཨ་ཧོ་སིཾ མ་ནྟ་པཱ་ར་གཱུ;
ཀུ་ལ་ཝ་ཏྟཾ [ཀུ་ལ་ཝཾ་སཾ (སཱི. སྱཱ.)] ཨ་དྷཱ་རེ་སིཾ, ཡ་ཉྙོ ཨུ་སྶཱ་ཧི་ཏོ མ་ཡཱ.
༡༨. ‘‘ཙུ་ལླཱ་སཱི་ཏི་ས་ཧ་སྶཱ་ནི, པ་སཱུ ཧ་ཉྙ་ནྟི མེ ཏ་དཱ;
སཱ་ར་ཐ་མྦྷུ་པ་ནཱི་ཏཱ་ནི [ཏཱ་ར་སྨཱི་ཧི ཨུ་པ་ནཱི་ཏཱ་ནི (ཀ.), སཱ་ར་སྨིཾ་ཧི ཨུ་པ་ནཱི་ཏཱ་ནི (སྱཱ.)], ཡ་ཉྙ་ཏྠཱ་ཡ ཨུ་པ་ཊྛི་ཏཱ.
༡༩. ‘‘ཨུ་ཀྐཱ་མུ་ཁ་པ་ཧ་ཊྛོ་ཝ, ཁ་དི་ར་ངྒཱ་ར་ས་ནྣི་བྷོ;
ཨུ་ད་ཡ་ནྟོ་ཝ སཱུ་རི་ཡོ, པུ་ཎྞ་མཱ་ཡེ་ཝ [པུ་ཎྞ་མཱ་སེ་ཝ (སཱི.)] ཙ་ནྡི་མཱ.
༢༠. ‘‘སི་དྡྷ་ཏྠོ ས་བྦ་སི་དྡྷ་ཏྠོ, ཏི་ལོ་ཀ་མ་ཧི་ཏོ ཧི་ཏོ;
ཨུ་པ་ག་ནྟྭཱ་ན ས་མྦུ་དྡྷོ, ཨི་དཾ ཝ་ཙ་ན་མ་བྲ་ཝི.
༢༡. ‘‘‘ཨ་ཧིཾ་སཱ ས་བྦ་པཱ་ཎཱི་ནཾ, ཀུ་མཱ་ར མ་མ རུ་ཙྩ་ཏི;
ཐེ་ཡྻཱ ཙ ཨ་ཏི་ཙཱ་རཱ ཙ, མ་ཛྫ་པཱ་ནཱ ཙ ཨཱ་ར་ཏི.
༢༢. ‘‘‘ར་ཏི ཙ ས་མ་ཙ་རི་ཡཱ་ཡ, བཱ་ཧུ་ས་ཙྩཾ ཀ་ཏ་ཉྙུ་ཏཱ;
དི་ཊྛེ དྷ་མྨེ པ་ར་ཏྠ ཙ, དྷ་མྨཱ ཨེ་ཏེ པ་སཾ་སི་ཡཱ.
༢༣. ‘‘‘ཨེ་ཏེ དྷ་མྨེ བྷཱ་ཝ་ཡི་ཏྭཱ, ས་བྦ་ས་ཏྟ་ཧི་ཏེ ར་ཏོ [ཧི་ཏེ་སི་ཏོ (ཀ.)];
བུ་དྡྷེ ཙི་ཏྟཾ པ་སཱ་དེ་ཏྭཱ, བྷཱ་ཝེ་ཧི མ་གྒ་མུ་ཏྟ་མཾ’.
༢༤. ‘‘ཨི་དཾ ཝ་ཏྭཱ་ན ས་བྦ་ཉྙཱུ, ལོ་ཀ་ཛེ་ཊྛོ ན་རཱ་ས་བྷོ;
མ་མེ་ཝཾ ཨ་ནུ་སཱ་སི་ཏྭཱ, ཝེ་ཧཱ་སཾ ཨུ་གྒ་ཏོ ག་ཏོ.
༢༥. ‘‘པུ་བྦེ ཙི་ཏྟཾ ཝི་སོ་དྷེ་ཏྭཱ, པ་ཙྪཱ ཙི་ཏྟཾ པ་སཱ་ད་ཡིཾ;
ཏེ་ན ཙི་ཏྟ་པྤ་སཱ་དེ་ན, ཏུ་སི་ཏཾ ཨུ་པ་པ་ཛྫ་ཧཾ.
༢༦. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡ་དཱ ཙི་ཏྟཾ པ་སཱ་ད་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༢༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཡ་ཉྙ་སཱ་མི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡ་ཉྙ་སཱ་མི་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ནི་མི་ཏྟ་ས་ཉྙ་ཀ་ཏྠེ་ར་ཨ་པ་དཱ་ནཾ
༢༨. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཝ་སཱ་མི ཨ་སྶ་མེ ཨ་ཧཾ;
སུ་ཝ་ཎྞ་མི་ག་མ་དྡ་ཀྑིཾ, ཙ་ར་ནྟཾ ཝི་པི་ནེ ཨ་ཧཾ.
༢༩. ‘‘མི་གེ ཙི་ཏྟཾ པ་སཱ་དེ་ཏྭཱ, ལོ་ཀ་ཛེ་ཊྛཾ ཨ་ནུ་སྶ་རིཾ;
ཏེ་ན ཙི་ཏྟ་པྤ་སཱ་དེ་ན, ཨ་ཉྙེ བུ་དྡྷེ ཨ་ནུ་སྶ་རིཾ.
༣༠. ‘‘ཨ་བྦྷ་ཏཱི་ཏཱ ཙ ཡེ བུ་དྡྷཱ, ཝ་ཏྟ་མཱ་ནཱ ཨ་ནཱ་ག་ཏཱ;
ཨེ་ཝ་མེ་ཝཾ ཝི་རོ་ཙ་ནྟི, མི་ག་རཱ་ཛཱ་ཝ ཏེ ཏ་ཡོ.
༣༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༣༢. ‘‘ས་ཏྟ་ཝཱི་སེ ཨི་ཏོ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
ཨ་ར་ཉྙ་ས་ཏྠོ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནི་མི་ཏྟ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནི་མི་ཏྟ་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཨ་ནྣ་སཾ་སཱ་ཝ་ཀ་ཏྠེ་ར་ཨ་པ་དཱ་ནཾ
༣༤. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ག་ཙྪ་ནྟཾ ཨ་ནྟ་རཱ་པ་ཎེ;
ཀ་ཉྩ་ན་གྒྷི་ཡ་ས་ངྐཱ་སཾ, བཱ་ཏྟིཾ་ས་ཝ་ར་ལ་ཀྑ་ཎཾ.
༣༥. ‘‘སི་དྡྷ་ཏྠཾ ས་བྦ་སི་དྡྷ་ཏྠཾ, ཨ་ནེ་ཛཾ ཨ་པ་རཱ་ཛི་ཏཾ;
ས་མྦུ་དྡྷཾ ཨ་ཏི་ནཱ་མེ་ཏྭཱ, བྷོ་ཛ་ཡིཾ ཏཾ མ་ཧཱ་མུ་ནིཾ.
༣༦. ‘‘མུ་ནི ཀཱ་རུ་ཎི་ཀོ ལོ་ཀེ, ཨོ་བྷཱ་ས་ཡི མ་མཾ ཏ་དཱ;
བུ་དྡྷེ ཙི་ཏྟཾ པ་སཱ་དེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༣༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷི་ཀྑཱ་དཱ་ན་སྶི་དཾ ཕ་ལཾ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ནྣ་སཾ་སཱ་ཝ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
ཨ་ནྣ་སཾ་སཱ་ཝ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ནི་གྒུ་ཎྜི་པུ་པྥི་ཡ་ཏྠེ་ར་ཨ་པ་དཱ་ནཾ
༣༩. ‘‘ཡ་དཱ དེ་ཝོ དེ་ཝ་ཀཱ་ཡཱ, ཙ་ཝ་ཏེ ཨཱ་ཡུ་ས་ངྑ་ཡཱ;
ཏ་ཡོ ས་དྡཱ ནི་ཙྪ་ར་ནྟི, དེ་ཝཱ་ནཾ ཨ་ནུ་མོ་ད་ཏཾ.
༤༠. ‘‘‘ཨི་ཏོ བྷོ སུ་ག་ཏིཾ ག་ཙྪ, མ་ནུ་སྶཱ་ནཾ ས་ཧ་བྱ་ཏཾ;
མ་ནུ་སྶ་བྷཱུ་ཏོ ས་དྡྷ་མྨེ, ལ་བྷ ས་དྡྷཾ ཨ་ནུ་ཏྟ་རཾ.
༤༡. ‘‘‘སཱ ཏེ ས་དྡྷཱ ནི་ཝི་ཊྛཱ་སྶ, མཱུ་ལ་ཛཱ་ཏཱ པ་ཏི་ཊྛི་ཏཱ;
ཡཱ་ཝ་ཛཱི་ཝཾ ཨ་སཾ་ཧཱི་རཱ, ས་དྡྷ་མྨེ སུ་པྤ་ཝེ་དི་ཏེ.
༤༢. ‘‘‘ཀཱ་ཡེ་ན ཀུ་ས་ལཾ ཀ་ཏྭཱ, ཝཱ་ཙཱ་ཡ ཀུ་ས་ལཾ བ་ཧུཾ;
མ་ན་སཱ ཀུ་ས་ལཾ ཀ་ཏྭཱ, ཨ་བྱཱ་པ་ཛྫཾ ནི་རཱུ་པ་དྷིཾ.
༤༣. ‘‘‘ཏ་ཏོ ཨོ་པ་དྷི་ཀཾ པུ་ཉྙཾ, ཀ་ཏྭཱ དཱ་ནེ་ན ཏཾ བ་ཧུཾ;
ཨ་ཉྙེ་པི མ་ཙྩེ ས་དྡྷ་མྨེ, བྲ་ཧྨ་ཙ་རི་ཡེ ནི་ཝེ་ས་ཡ’.
༤༤. ‘‘ཨི་མཱ་ཡ ཨ་ནུ་ཀ་མྤཱ་ཡ, དེ་ཝཱ་དེ་ཝཾ ཡ་དཱ ཝི་དཱུ;
ཙ་ཝ་ནྟཾ ཨ་ནུ་མོ་ད་ནྟི, ཨེ་ཧི དེ་ཝ པུ་ན་པྤུ་ནཾ [དེ་ཝ་པུ་རཾ པུ་ན (སཱི.)].
༤༥. ‘‘སཾ་ཝེ་གོ མེ [སཾ་ཝི་གྒོ་ཧཾ (སྱཱ.)] ཏ་དཱ ཨཱ་སི, དེ་ཝ་ས་ངྒྷེ ས་མཱ་ག་ཏེ;
ཀཾ་སུ ནཱ་མ ཨ་ཧཾ ཡོ་ནིཾ, ག་མི་སྶཱ་མི ཨི་ཏོ ཙུ་ཏོ.
༤༦. ‘‘མ་མ སཾ་ཝེ་ག་མ་ཉྙཱ་ཡ, ས་མ་ཎོ བྷཱ་ཝི་ཏི་ནྡྲི་ཡོ;
མ་མུ་དྡྷ་རི་ཏུ་ཀཱ་མོ སོ, ཨཱ་ག་ཙྪི མ་མ ས་ནྟི་ཀཾ.
༤༧. ‘‘སུ་མ་ནོ ནཱ་མ ནཱ་མེ་ན, པ་དུ་མུ་ཏྟ་ར་སཱ་ཝ་ཀོ;
ཨ་ཏྠ་དྷ་མྨཱ་ནུ་སཱ་སི་ཏྭཱ, སཾ་ཝེ་ཛེ་སི མ་མཾ ཏ་དཱ.
དྭཱ་ད་ས་མཾ བྷཱ་ཎ་ཝཱ་རཾ.
༤༨. ‘‘ཏ་སྶཱ་ཧཾ ཝ་ཙ་ནཾ སུ་ཏྭཱ, བུ་དྡྷེ ཙི་ཏྟཾ པ་སཱ་ད་ཡིཾ;
ཏཾ དྷཱི་རཾ ཨ་བྷི་ཝཱ་དེ་ཏྭཱ, ཏ་ཏྠ ཀཱ་ལཾ་ཀ་ཏོ ཨ་ཧཾ.
༤༩. ‘‘ཨུ་པ་པ་ཛྫིཾ ས [ཨུ་པ་པ་ཛྫི་སྶཾ (སཱི.)] ཏ་ཏྠེ་ཝ, སུ་ཀྐ་མཱུ་ལེ་ན ཙོ་དི་ཏོ;
ཝ་ས་ནྟོ མཱ་ཏུ་ཀུ་ཙྪི་མྷི, པུ་ན དྷཱ་རེ་ཏི མཱ་ཏུ་ཡཱ.
༥༠. ‘‘ཏ་མྷཱ ཀཱ་ཡཱ ཙ་ཝི་ཏྭཱ་ན, ཏི་ད་སེ ཨུ་པ་པ་ཛྫ་ཧཾ;
ཨེ་ཏྠ་ནྟ་རེ ན པ་སྶཱ་མི, དོ་མ་ན་སྶ་མ་ཧཾ ཏ་དཱ.
༥༡. ‘‘ཏཱ་ཝ་ཏིཾ་སཱ ཙ་ཝི་ཏྭཱ་ན, མཱ་ཏུ་ཀུ་ཙྪིཾ ས་མོ་ཀྐ་མིཾ;
ནི་ཀྑ་མི་ཏྭཱ་ན ཀུ་ཙྪི་མྷཱ, ཀ་ཎྷ་སུ་ཀྐཾ ཨ་ཛཱ་ན་ཧཾ.
༥༢. ‘‘ཛཱ་ཏི་ཡཱ ས་ཏྟ་ཝ་སྶོ་ཝ [ཛཱ་ཏི་ཡཱ ས་ཏྟ་ཝ་སྶེ་ན (སྱཱ.)], ཨཱ་རཱ་མཾ པཱ་ཝི་སིཾ ཨ་ཧཾ;
གོ་ཏ་མ་སྶ བྷ་ག་ཝ་ཏོ, ས་ཀྱ་པུ་ཏྟ་སྶ ཏཱ་དི་ནོ.
༥༣. ‘‘ཝི་ཏྠཱ་རི་ཀེ [ཝི་ཏྠཱ་རི་ཏེ (སཱི. ཀ.)] པཱ་ཝ་ཙ་ནེ, བཱ་ཧུ་ཛ་ཉྙ་མྷི སཱ་ས་ནེ;
ཨ་དྡ་སཾ སཱ་ས་ན་ཀ་རེ, བྷི་ཀྑ་ཝོ ཏ་ཏྠ ས་ཏྠུ་ནོ.
༥༤. ‘‘སཱ་ཝ་ཏྠི ནཱ་མ ན་ག་རཾ, རཱ་ཛཱ ཏ་ཏྠཱ་སི ཀོ་ས་ལོ;
ར་ཐེ་ན ནཱ་ག་ཡུ་ཏྟེ་ན, ཨུ་པེ་སི བོ་དྷི་མུ་ཏྟ་མཾ.
༥༥. ‘‘ཏ་སྶཱ་ཧཾ ནཱ་གཾ དི་སྭཱ་ན, པུ་བྦ་ཀ་མྨཾ ཨ་ནུ་སྶ་རིཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ས་མ་ཡཾ ཨ་ག་མཱ་ས་ཧཾ.
༥༦. ‘‘ཛཱ་ཏི་ཡཱ ས་ཏྟ་ཝ་སྶོ་ཝ, པ་བྦ་ཛིཾ ཨ་ན་གཱ་རི་ཡཾ;
ཡོ སོ བུ་དྡྷཾ ཨུ་པ་ཊྛཱ་སི, ཨཱ་ན་ནྡོ ནཱ་མ སཱ་ཝ་ཀོ.
༥༧. ‘‘ག་ཏི་མཱ དྷི་ཏི་མཱ ཙེ་ཝ, ས་ཏི་མཱ ཙ བ་ཧུ་སྶུ་ཏོ;
ར་ཉྙོ ཙི་ཏྟཾ པ་སཱ་དེ་ནྟོ, ནི་ཡྻཱ་དེ་སི མ་ཧཱ་ཛུ་ཏི.
༥༨. ‘‘ཏ་སྶཱ་ཧཾ དྷ་མྨཾ སུ་ཏྭཱ་ན, པུ་བྦ་ཀ་མྨཾ ཨ་ནུ་སྶ་རིཾ;
ཏ་ཏྠེ་ཝ ཋི་ཏ་ཀོ ས་ནྟོ, ཨ་ར་ཧ་ཏྟ་མ་པཱ་པུ་ཎིཾ.
༥༩. ‘‘ཨེ་ཀཾ་སཾ ཙཱི་ཝ་རཾ ཀ་ཏྭཱ, སི་རེ ཀ་ཏྭཱ་ན ཨ་ཉྫ་ལིཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨི་མཾ ཝཱ་ཙཾ ཨུ་དཱི་ར་ཡིཾ.
༦༠. ‘‘‘པ་དུ་མུ་ཏྟ་ར་བུ་དྡྷ་སྶ, དྭི་པ་དི་ནྡ་སྶ ས་ཏྠུ་ནོ;
ནི་གྒུ་ཎྜི་པུ་པྥཾ པ་གྒ་ཡ྄ཧ, སཱི་ཧཱ་ས་ནེ ཋ་པེ་ས་ཧཾ.
༦༡. ‘‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ’.
༦༢. ‘‘པ་ཉྩ་ཝཱི་ས་ས་ཧ་སྶ་མྷི, ཀ་པྤཱ་ནཾ མ་ནུ་ཛཱ་དྷི་པཱ;
ཨ་བྦུ་ད་ནི་ར་བྦུ་དཱ་ནི, ཨ་ཊྛ་ཊྛཱ་སིཾ་སུ ཁ་ཏྟི་ཡཱ.
༦༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནི་གྒུ་ཎྜི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནི་གྒུ་ཎྜི་པུ་པྥི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. སུ་མ་ནཱ་ཝེ་ལི༹་ཡ་ཏྠེ་ར་ཨ་པ་དཱ་ནཾ
༦༤. ‘‘ཝེ་སྶ་བྷུ་སྶ བྷ་ག་ཝ་ཏོ, ལོ་ཀ་ཛེ་ཊྛ་སྶ ཏཱ་དི་ནོ;
ས་བྦེ ཛ་ནཱ ས་མཱ་ག་མྨ, མ་ཧཱ་པཱུ་ཛཾ ཀ་རོ་ནྟི ཏེ.
༦༥. ‘‘སུ་དྷཱ་ཡ པི་ཎྜཾ ཀ་ཏྭཱ་ན, ཨཱ་ཝེ་ལ༹ཾ སུ་མ་ནཱ་ཡ་ཧཾ;
སཱི་ཧཱ་ས་ན་སྶ པུ་ར་ཏོ, ཨ་བྷི་རོ་པེ་ས་ཧཾ ཏ་དཱ.
༦༦. ‘‘ས་བྦེ ཛ་ནཱ ས་མཱ་ག་མྨ, པེ་ཀྑ་ནྟི པུ་པྥ་མུ་ཏྟ་མཾ;
ཀེ་ནི་དཾ པཱུ་ཛི་ཏཾ པུ་པྥཾ, བུ་དྡྷ་སེ་ཊྛ་སྶ ཏཱ་དི་ནོ.