༡༠. ས་པ་རི་ཝཱ་ར་ཚ་ཏྟ་དཱ་ཡ་ཀ་ཏྠེ་ར་ཨ་པ་དཱ་ནཾ
༨༢. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཨཱ་ཀཱ་སེ ཛ་ལ་ཝུ་ཊྛཱི་ཝ ཝ་སྶ་ཏེ [ཝ་སྶ་ཏི (སཱི. སྱཱ.), ཝ་སྶེ་ཏི (?)] དྷ་མྨ་ཝུ་ཊྛི་ཡཱ.
༨༣. ‘‘ཏ་མ་དྡ་སཱ་སིཾ ས་མྦུ་དྡྷཾ, དེ་སེ་ནྟཾ ཨ་མ་ཏཾ པ་དཾ;
ས་ཀཾ ཙི་ཏྟཾ པ་སཱ་དེ་ཏྭཱ, ཨ་ག་མཱ་སིཾ ས་ཀཾ གྷ་རཾ.
༨༤. ‘‘ཚ་ཏྟཾ ཨ་ལ་ངྐ་ཏཾ ག་ཡ྄ཧ, ཨུ་པ་ག་ཙྪིཾ ན་རུ་ཏྟ་མཾ;
ཧ་ཊྛོ ཧ་ཊྛེ་ན ཙི་ཏྟེ་ན, ཨཱ་ཀཱ་སེ ཨུ་ཀྑི་པིཾ ཨ་ཧཾ.
༨༥. ‘‘སུ་ས་ངྒ་ཧི་ཏ་ཡཱ་ནཾ་ཝ, ད་ནྟོ་ཝ སཱ་ཝ་ཀུ་ཏྟ་མོ;
ཨུ་པ་ག་ནྟྭཱ་ན ས་མྦུ་དྡྷཾ, མ་ཏྠ་ཀེ ས་མྤ་ཏི་ཊྛ་ཧི.
༨༦. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, བུ་དྡྷོ ལོ་ཀ་གྒ་ནཱ་ཡ་ཀོ;
བྷི་ཀྑུ་ས་ངྒྷེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༨༧. ‘‘‘ཡེ་ན ཚ་ཏྟ་མི་དཾ དི་ནྣཾ, ཨ་ལ་ངྐ་ཏཾ མ་ནོ་ར་མཾ;
ཏེ་ན ཙི་ཏྟ་པྤ་སཱ་དེ་ན, དུ་གྒ་ཏིཾ སོ ན ག་ཙྪ་ཏི.
༨༨. ‘‘‘ས་ཏྟ་ཀྑ་ཏྟུ་ཉྩ དེ་ཝེ་སུ, དེ་ཝ་ར་ཛྫཾ ཀ་རི་སྶ་ཏི;
བཱ་ཏྟིཾ་ས་ཀྑ་ཏྟུ་ཉྩ རཱ་ཛཱ, ཙ་ཀྐ་ཝ་ཏྟཱི བྷ་ཝི་སྶ་ཏི.
༨༩. ‘‘‘ཀ་པྤ་ས་ཏ་ས་ཧ་སྶ་མྷི, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༩༠. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ས་བྦཱ་ས་ཝེ པ་རི་ཉྙཱ་ཡ, ནི་བྦཱ་ཡི་སྶ་ཏི་ནཱ་ས་ཝོ’.
༩༡. ‘‘བུ་དྡྷ་སྶ གི་ར་མ་ཉྙཱ་ཡ, ཝཱ་ཙཱ་ས་བྷི་མུ་དཱི་རི་ཏཾ;
པ་ས་ནྣ་ཙི་ཏྟོ སུ་མ་ནོ, བྷི་ཡྻོ ཧཱ་སཾ ཛ་ནེ་ས་ཧཾ.
༩༢. ‘‘ཛ་ཧི་ཏྭཱ མཱ་ནུ་སཾ ཡོ་ནིཾ, དི་བྦཾ ཡོ་ནིཾ [དེ་ཝ་ཡོ་ནིཾ (སཱི.), དི་བྦ་ཡོ་ནིཾ (སྱཱ.)] མ་ཛ྄ཛྷ་གཾ;
ཝི་མཱ་ན་མུ་ཏྟ་མཾ མ་ཡ྄ཧཾ, ཨ་བྦྷུ་གྒ་ཏཾ མ་ནོ་ར་མཾ.
༩༣. ‘‘ཝི་མཱ་ནཱ ནི་ཀྑ་མ་ནྟ་སྶ, སེ་ཏ་ཙྪ་ཏྟཾ དྷ་རཱི་ཡ་ཏི;
ཏ་དཱ ས་ཉྙཾ པ་ཊི་ལ་བྷིཾ, པུ་བྦ་ཀ་མྨ་སྶི་དཾ ཕ་ལཾ.
༩༤. ‘‘དེ་ཝ་ལོ་ཀཱ ཙ་ཝི་ཏྭཱ་ན, མ་ནུ་སྶ་ཏྟ་ཉྩ ཨཱ་ག་མིཾ;
ཚ་ཏྟིཾ་ས་ཀྑ་ཏྟུཾ ཙ་ཀྐ་ཝ་ཏྟཱི, ས་ཏྟ་ཀ་པྤ་ས་ཏ་མྷི་ཏོ.
༩༥. ‘‘ཏ་མྷཱ ཀཱ་ཡཱ ཙ་ཝི་ཏྭཱ་ན, ཨཱ་ག་ཙྪིཾ [ཨ་ག་ཉྪིཾ (?)] ཏི་ད་སཾ པུ་རཾ;
སཾ་ས་རི་ཏྭཱ་ནུ་པུ་བྦེ་ན, མཱ་ནུ་སཾ པུ་ན་རཱ་ག་མིཾ.
༩༦. ‘‘ཨོ་ཀྐ་ནྟཾ མཱ་ཏུ་ཀུ་ཙྪིཾ མཾ, སེ་ཏྟ་ཙྪ་ཏྟཾ ཨ་དྷཱ་ར་ཡུཾ;
ཛཱ་ཏི་ཡཱ ས་ཏྟ་ཝ་སྶོ་ཧཾ, པ་བྦ་ཛིཾ ཨ་ན་གཱ་རི་ཡཾ.
༩༧. ‘‘སུ་ན་ནྡོ ནཱ་མ ནཱ་མེ་ན, བྲཱ་ཧྨ་ཎོ མ་ནྟ་པཱ་ར་གཱུ;
ཕ་ལི་ཀཾ ཚ་ཏྟ་མཱ་དཱ་ཡ, སཱ་ཝ་ཀ་གྒ་སྶ སོ ཏ་དཱ.
༩༨. ‘‘ཨ་ནུ་མོ་དི མ་ཧཱ་ཝཱི་རོ, སཱ་རི་པུ་ཏྟོ མ་ཧཱ་ཀ་ཐཱི;
སུ་ཏྭཱ་ནུ་མོ་ད་ནཾ ཏ་སྶ, པུ་བྦ་ཀ་མྨ་མ་ནུ་སྶ་རིཾ.
༩༩. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ས་ཀཾ ཙི་ཏྟཾ པ་སཱ་ད་ཡིཾ;
ས་རི་ཏྭཱ པུ་རི་མཾ ཀ་མྨཾ, ཨ་ར་ཧ་ཏྟ་མ་པཱ་པུ་ཎིཾ.
༡༠༠. ‘‘ཨུ་ཊྛཱ་ཡ ཨཱ་ས་ནཱ ཏ་མྷཱ, སི་རེ ཀ་ཏྭཱ་ན ཨ་ཉྫ་ལིཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨི་མཾ ཝཱ་ཙཾ ཨུ་དཱི་རི་ཡིཾ.
༡༠༡. ‘‘ས་ཏ་ས་ཧ་སྶི་ཏོ ཀ་པྤེ, བུ་དྡྷོ ལོ་ཀེ ཨ་ནུ་ཏྟ་རོ;
པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ.
༡༠༢. ‘‘ཏ་སྶ ཚ་ཏྟཾ མ་ཡཱ དི་ནྣཾ, ཝི་ཙི་ཏྟཾ ས་མ་ལ་ངྐ་ཏཾ;
ཨུ་བྷོ ཧ་ཏྠེ་ཧི པ་གྒ་ཎྷི, ས་ཡ་མྦྷཱུ ཨ་གྒ་པུ་གྒ་ལོ.
༡༠༣. ‘‘ཨ་ཧོ བུ་དྡྷོ ཨ་ཧོ དྷ་མྨོ, ཨ་ཧོ ནོ ས་ཏྠུ་ས་མྤ་དཱ;
ཨེ་ཀ་ཙྪ་ཏྟ་སྶ དཱ་ནེ་ན, དུ་གྒ་ཏིཾ ནུ་པ་པ་ཛྫ་ཧཾ.
༡༠༤. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ས་བྦཱ་ས་ཝེ པ་རི་ཉྙཱ་ཡ, ཝི་ཧ་རཱ་མི ཨ་ནཱ་ས་ཝོ.
༡༠༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་པ་རི་ཝཱ་ར་ཚ་ཏྟ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་པ་རི་ཝཱ་ར་ཚ་ཏྟ་དཱ་ཡ་ཀ་ཏྠེ་ར་སྶཱ་པ་དཱ་ནཾ ད་ས་མཾ.
ཨུ་མཱ་པུ་པྥི་ཡ་ཝ་གྒོ ཏེ་ཏྟིཾ་ས་ཏི་མོ.