༨. ཏི་རཾ་སི་ཡ་ཏྠེ་ར་ཨ་པ་དཱ་ནཾ
༣༩. ‘‘ཀེ་ས་རིཾ ཨ་བྷི་ཛཱ་ཏཾ་ཝ, ཨ་གྒི་ཀྑ་ནྡྷཾ་ཝ པ་བྦ་ཏེ;
ཨོ་བྷཱ་སེ་ནྟཾ དི་སཱ ས་བྦཱ [ནི་ཝཱ་སེ་ནྟཾ (ཀ.), དི་སཱ་སི་ནྣཾ (སྱཱ.)], སི་དྡྷ་ཏྠཾ པ་བྦ་ཏ་ནྟ་རེ.
༤༠. ‘‘སཱུ་རི་ཡ་སྶ ཙ ཨཱ་ལོ་ཀཾ, ཙ་ནྡཱ་ལོ་ཀཾ ཏ་ཐེ་ཝ ཙ;
བུ་དྡྷཱ་ལོ་ཀ་ཉྩ དི་སྭཱ་ན, ཝི་ཏྟི མེ ཨུ་ད་པ་ཛྫ་ཐ.
༤༡. ‘‘ཏ་ཡོ ཨཱ་ལོ་ཀེ དི་སྭཱ་ན, ས་མྦུ་དྡྷཾ [བུ་དྡྷ་ཉྩ (སཱི.)] སཱ་ཝ་ཀུ་ཏྟ་མཾ;
ཨེ་ཀཾ་སཾ ཨ་ཛི་ནཾ ཀ་ཏྭཱ, ས་ནྠ་ཝིཾ ལོ་ཀ་ནཱ་ཡ་ཀཾ.
༤༢. ‘‘ཏ་ཡོ ཧི ཨཱ་ལོ་ཀ་ཀ་རཱ, ལོ་ཀེ ལོ་ཀ་ཏ་མོ་ནུ་དཱ;
ཙ་ནྡོ ཙ སཱུ་རི་ཡོ ཙཱ་པི, བུ་དྡྷོ ཙ ལོ་ཀ་ནཱ་ཡ་ཀོ.
༤༣. ‘‘ཨོ་པ་མྨཾ ཨུ་པ་ད་སྶེ་ཏྭཱ, ཀི་ཏྟི་ཏོ མེ མ་ཧཱ་མུ་ནི;
བུ་དྡྷ་སྶ ཝ་ཎྞཾ ཀི་ཏྟེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༤༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ བུ་དྡྷ་མ་བྷི་ཀི་ཏྟ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཀི་ཏྟ་ནཱ་ཡ ཨི་དཾ ཕ་ལཾ.
༤༥. ‘‘ཨེ་ཀ་ས་ཊྛི་མྷི་ཏོ ཀ་པྤེ, ཨེ་ཀོ ཉཱ་ཎ་དྷ་རོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་རཾ་སི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་རཾ་སི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.