༣༢. ཨཱ་ར་ཀྑ་དཱ་ཡ་ཀ་ཝ་གྒོ
༡. ཨཱ་ར་ཀྑ་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘དྷ་མྨ་ད་སྶི་སྶ མུ་ནི་ནོ, ཝ་ཏི ཀཱ་རཱ་པི་ཏཱ མ་ཡཱ;
ཨཱ་ར་ཀྑོ ཙ མ་ཡཱ དི་ནྣོ, དྭི་པ་དི་ནྡ་སྶ ཏཱ་དི་ནོ.
༢. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ ཀ་མྨ་མ་ཀ་རིཾ ཏ་དཱ;
ཏེ་ན ཀ་མྨ་ཝི་སེ་སེ་ན, པ་ཏྟོ མེ ཨཱ་ས་ཝ་ཀྑ་ཡོ.
༣. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ར་ཀྑ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ར་ཀྑ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. བྷོ་ཛ་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༤. ‘‘སུ་ཛཱ་ཏོ སཱ་ལ་ལ་ཊྛཱི་ཝ, སོ་བྷ་ཉྫ་ན་མི་ཝུ་གྒ་ཏོ;
ཨི་ནྡ་ལ་ཊྛི་རི་ཝཱ་ཀཱ་སེ, ཝི་རོ་ཙ་ཏི ས་དཱ ཛི་ནོ.
༥. ‘‘ཏ་སྶ དེ་ཝཱ་ཏི་དེ་ཝ་སྶ, ཝེ་སྶ་བྷུ་སྶ མ་ཧེ་སི་ནོ;
ཨ་དཱ་སི བྷོ་ཛ་ན་མ་ཧཾ, ཝི་པྤ་ས་ནྣེ་ན ཙེ་ཏ་སཱ.
༦. ‘‘ཏཾ མེ བུ་དྡྷོ ཨ་ནུ་མོ་དི, ས་ཡ་མྦྷཱུ ཨ་པ་རཱ་ཛི་ཏོ;
བྷ་ཝེ ནི་བྦ་ཏྟ་མཱ་ན་མྷི, ཕ་ལཾ ནི་བྦ་ཏྟ་ཏཱུ ཏ་ཝ.
༧. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷོ་ཛ་ན་སྶ ཨི་དཾ ཕ་ལཾ.
༨. ‘‘པ་ཉྩ་ཝཱི་སེ ཨི་ཏོ ཀ་པྤེ, ཨེ་ཀོ ཨཱ་སིཾ ཨ་མི་ཏྟ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བྷོ་ཛ་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བྷོ་ཛ་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ག་ཏ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༠. ‘‘ཨཱ་ཀཱ་སེ་ཝ པ་དཾ ན་ཏྠི, ཨ་མྦ་རེ ཨ་ནི་ལ་ཉྫ་སེ;
སི་དྡྷ་ཏྠཾ ཛི་ན་མ་དྡ་ཀྑིཾ, ག་ཙྪ་ནྟཾ ཏི་དི་ཝ་ངྒ་ཎེ [ཏི་དི་ཝ་ངྒ་ཎཾ (སྱཱ. ཀ.)].
༡༡. ‘‘ཨ་ནི་ལེ་ནེ་རི་ཏཾ དི་སྭཱ, ས་མྨཱ་ས་མྦུ་དྡྷ་ཙཱི་ཝ་རཾ;
ཝི་ཏྟི མ་མཱ་ཧུ ཏཱ་ཝ་དེ [ཝི་ཏྟི མེ པཱ་ཧུ་ཎཱ ཏཱ་ཝ (སྱཱ.), ཝི་ཏྟི མེ ཏཱ་ཝ་དེ ཛཱ་ཏཱ (སཱི.)], དི་སྭཱ་ན ག་མ་ནཾ མུ་ནིཾ [མུ་ནེ (སཱི.)].
༡༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ག་ཏ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ག་ཏ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ས་ཏྟ་པ་དུ་མི་ཡ་ཏྠེ་ར་ཨ་པ་དཱ་ནཾ
༡༤. ‘‘ན་དཱི་ཀཱུ་ལེ ཝ་སཱ་མ་ཧཾ, ནེ་སཱ་དོ ནཱ་མ བྲཱ་ཧྨ་ཎོ;
ས་ཏ་པ་ཏྟེ་ཧི པུ་པྥེ་ཧི, ས་མྨ་ཛྫི་ཏྭཱ་ན ཨ་སྶ་མཾ.
༡༥. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, སི་དྡྷ་ཏྠཾ ལོ་ཀ་ནཱ་ཡ་ཀཾ;
དི་སྭཱ ན་བྷེ་ན [ཝ་ནེ་ན (སྱཱ. ཀ.)] ག་ཙྪ་ནྟཾ, ཧཱ་སོ མེ ཨུ་ད་པ་ཛྫ་ཐ.
༡༦. ‘‘པ་ཙྩུ་གྒ་ནྟྭཱ་ན ས་མྦུ་དྡྷཾ, ལོ་ཀ་ཛེ་ཊྛཾ ན་རཱ་ས་བྷཾ;
ཨ་སྶ་མཾ ཨ་ཏི་ནཱ་མེ་ཏྭཱ, ཛ་ལ་ཛ་གྒེ་ཧི ཨོ་ཀི་རིཾ.
༡༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༨. ‘‘ཨི་ཏོ ཏེ ས་ཏྟ་མེ ཀ་པྤེ, ཙ་ཏུ་རོ པཱ་ད་པཱ་ཝ་རཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཏྟ་པ་དུ་མི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཏྟ་པ་དུ་མི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. པུ་པྥཱ་ས་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༢༠. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, པཱི་ཏ་རཾ་སིཾ་ཝ [ས་ཏ་རཾ་སིཾ་ཝ (སཱི. སྱཱ.)] བྷཱ་ཎུ་མཾ;
ཨ་ཝི་དཱུ་རེ་ན ག་ཙྪ་ནྟཾ, སི་དྡྷ་ཏྠཾ ཨ་པ་རཱ་ཛི་ཏཾ.
༢༡. ‘‘ཏ་སྶ པ་ཙྩུ་གྒ་མི་ཏྭཱ་ན, པ་ཝེ་སེ་ཏྭཱ་ན ཨ་སྶ་མཾ;
པུ་པྥཱ་ས་ནཾ མ་ཡཱ དི་ནྣཾ, ཝི་པྤ་ས་ནྣེ་ན ཙེ་ཏ་སཱ.
༢༢. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཝེ་ད་ཛཱ་ཏོ ཏ་དཱ ཨ་ཧཾ;
བུ་དྡྷེ ཙི་ཏྟཾ པ་སཱ་དེ་ཏྭཱ, ཏཾ ཀ་མྨཾ པ་རི་ཎཱ་མ་ཡིཾ.
༢༣. ‘‘ཡཾ མེ ཨ་ཏྠི ཀ་ཏཾ པུ་ཉྙཾ, ས་ཡ་མྦྷུ་མྷ་པ་རཱ་ཛི་ཏེ;
ས་བྦེ་ན ཏེ་ན ཀུ་ས་ལེ་ན, ཝི་མ་ལོ ཧོ་མི སཱ་ས་ནེ.
༢༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, པུ་པྥཱ་ས་ན་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥཱ་ས་ན་སྶི་དཾ ཕ་ལཾ.
༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པུ་པྥཱ་ས་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པུ་པྥཱ་ས་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཨཱ་ས་ན་ས་ནྠ་ཝི་ཀ་ཏྠེ་ར་ཨ་པ་དཱ་ནཾ
༢༦. ‘‘ཙེ་ཏི་ཡཾ ཨུ་ཏྟ་མཾ ནཱ་མ, སི་ཁི་ནོ ལོ་ཀ་བ་ནྡྷུ་ནོ;
ཨ་ར་ཉྙེ ཨི་རཱི་ཎེ ཝ་ནེ, ཨ་ནྡྷཱ་ཧི་ཎྜཱ་མ་ཧཾ ཏ་དཱ.
༢༧. ‘‘པ་ཝ་ནཱ ནི་ཀྑ་མ་ནྟེ་ན, དི་ཊྛཾ སཱི་ཧཱ་ས་ནཾ མ་ཡཱ;
ཨེ་ཀཾ་སཾ ཨ་ཉྫ་ལིཾ ཀ་ཏྭཱ, ས་ནྠ་ཝིཾ [ཐ་ཝི་སྶཾ (སཱི.)] ལོ་ཀ་ནཱ་ཡ་ཀཾ.
༢༨. ‘‘དི་ཝ་ས་བྷཱ་གཾ ཐ་ཝི་ཏྭཱ་ན, བུ་དྡྷཾ ལོ་ཀ་གྒ་ནཱ་ཡ་ཀཾ;
ཧ་ཊྛོ ཧ་ཊྛེ་ན ཙི་ཏྟེ་ན, ཨི་མཾ ཝཱ་ཙཾ ཨུ་དཱི་ར་ཡིཾ.
༢༩. ‘‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;
ས་བྦ་ཉྙཱུ་སི མ་ཧཱ་ཝཱི་ར, ལོ་ཀ་ཛེ་ཊྛ ན་རཱ་ས་བྷ’.
༣༠. ‘‘ཨ་བྷི་ཏྠ་ཝི་ཏྭཱ སི་ཁི་ནཾ, ནི་མི་ཏྟ་ཀ་ར་ཎེ་ན་ཧཾ;
ཨཱ་ས་ནཾ ཨ་བྷི་ཝཱ་དེ་ཏྭཱ, པ་ཀྐཱ་མིཾ ཨུ་ཏྟ་རཱ་མུ་ཁོ.
༣༡. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཐ་ཝིཾ ཝ་ད་ཏཾ ཝ་རཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཐོ་མ་ནཱ་ཡ ཨི་དཾ ཕ་ལཾ.
༣༢. ‘‘ས་ཏྟ་ཝཱི་སེ ཨི་ཏོ ཀ་པྤེ, ཨ་ཏུ་ལཱ ས་ཏྟ ཨཱ་སུ ཏེ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ས་ན་ས་ནྠ་ཝི་ཀོ [ཨཱ་ས་ན་ས་ནྠ་ཝ་ཀོ (?), ཨཱ་ས་ན་ཐ་ཝི་ཀོ (ཀ.), ཨཱ་ས་ན་ཏྠ་ཝི་ཀོ (སཱི. སྱཱ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ས་ན་ས་ནྠ་ཝི་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ས་དྡ་ས་ཉྙ་ཀ་ཏྠེ་ར་ཨ་པ་དཱ་ནཾ
༣༤. ‘‘སུ་ད་སྶ་ནོ མ་ཧཱ་ཝཱི་རོ, དེ་སེ་ཏི ཨ་མ་ཏཾ པ་དཾ;
པ་རི་ཝུ་ཏོ སཱ་ཝ་ཀེ་ཧི, ཝ་ས་ཏི གྷ་ར་མུ་ཏྟ་མེ.
༣༥. ‘‘ཏཱ་ཡ ཝཱ་ཙཱ་ཡ མ་དྷུ་རཱ་ཡ, ས་ངྒ་ཎྷཱ་ཏི [ས་ངྒ་ཎྷ་ནྟེ (སཱི.)] མ་ཧཱ་ཛ་ནཾ;
གྷོ་སོ ཙ ཝི་པུ་ལོ ཨཱ་སི, ཨཱ་སཱི་སོ [ཨཱ་སཾ་སོ (སཱི.)] དེ་ཝ་མཱ་ནུ་སེ.
༣༦. ‘‘ནི་གྒྷོ་ས་ས་དྡཾ སུ་ཏྭཱ་ན, སི་དྡྷ་ཏྠ་སྶ མ་ཧེ་སི་ནོ;
ས་དྡེ ཙི་ཏྟཾ པ་སཱ་དེ་ཏྭཱ, ཨ་ཝ་ནྡིཾ ལོ་ཀ་ནཱ་ཡ་ཀཾ.
༣༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་དྡ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་དྡ་ས་ཉྙ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཏི་རཾ་སི་ཡ་ཏྠེ་ར་ཨ་པ་དཱ་ནཾ
༣༩. ‘‘ཀེ་ས་རིཾ ཨ་བྷི་ཛཱ་ཏཾ་ཝ, ཨ་གྒི་ཀྑ་ནྡྷཾ་ཝ པ་བྦ་ཏེ;
ཨོ་བྷཱ་སེ་ནྟཾ དི་སཱ ས་བྦཱ [ནི་ཝཱ་སེ་ནྟཾ (ཀ.), དི་སཱ་སི་ནྣཾ (སྱཱ.)], སི་དྡྷ་ཏྠཾ པ་བྦ་ཏ་ནྟ་རེ.
༤༠. ‘‘སཱུ་རི་ཡ་སྶ ཙ ཨཱ་ལོ་ཀཾ, ཙ་ནྡཱ་ལོ་ཀཾ ཏ་ཐེ་ཝ ཙ;
བུ་དྡྷཱ་ལོ་ཀ་ཉྩ དི་སྭཱ་ན, ཝི་ཏྟི མེ ཨུ་ད་པ་ཛྫ་ཐ.
༤༡. ‘‘ཏ་ཡོ ཨཱ་ལོ་ཀེ དི་སྭཱ་ན, ས་མྦུ་དྡྷཾ [བུ་དྡྷ་ཉྩ (སཱི.)] སཱ་ཝ་ཀུ་ཏྟ་མཾ;
ཨེ་ཀཾ་སཾ ཨ་ཛི་ནཾ ཀ་ཏྭཱ, ས་ནྠ་ཝིཾ ལོ་ཀ་ནཱ་ཡ་ཀཾ.
༤༢. ‘‘ཏ་ཡོ ཧི ཨཱ་ལོ་ཀ་ཀ་རཱ, ལོ་ཀེ ལོ་ཀ་ཏ་མོ་ནུ་དཱ;
ཙ་ནྡོ ཙ སཱུ་རི་ཡོ ཙཱ་པི, བུ་དྡྷོ ཙ ལོ་ཀ་ནཱ་ཡ་ཀོ.
༤༣. ‘‘ཨོ་པ་མྨཾ ཨུ་པ་ད་སྶེ་ཏྭཱ, ཀི་ཏྟི་ཏོ མེ མ་ཧཱ་མུ་ནི;
བུ་དྡྷ་སྶ ཝ་ཎྞཾ ཀི་ཏྟེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༤༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ བུ་དྡྷ་མ་བྷི་ཀི་ཏྟ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཀི་ཏྟ་ནཱ་ཡ ཨི་དཾ ཕ་ལཾ.
༤༥. ‘‘ཨེ་ཀ་ས་ཊྛི་མྷི་ཏོ ཀ་པྤེ, ཨེ་ཀོ ཉཱ་ཎ་དྷ་རོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་རཾ་སི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་རཾ་སི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཀ་ནྡ་ལི་པུ་པྥི་ཡ་ཏྠེ་ར་ཨ་པ་དཱ་ནཾ
༤༧. ‘‘སི་ནྡྷུ་ཡཱ ན་དི་ཡཱ ཏཱི་རེ, ཨ་ཧོ་སིཾ ཀ་སྶ་ཀོ ཏ་དཱ;
པ་ར་ཀ་མྨཱ་ཡ་ནེ ཡུ་ཏྟོ, པ་ར་བྷ་ཏྟཾ ཨ་པ་སྶི་ཏོ.
༤༨. ‘‘སི་ནྡྷུཾ ཨ་ནུ་ཙ་ར་ནྟོ་ཧཾ, སི་དྡྷ་ཏྠཾ ཛི་ན་མ་དྡ་སཾ;
ས་མཱ་དྷི་ནཱ ནི་སི་ནྣཾ་ཝ, ས་ཏ་པ་ཏྟཾ་ཝ པུ་པྥི་ཏཾ.
༤༩. ‘‘ས་ཏྟ ཀ་ནྡ་ལི་པུ་པྥཱ་ནི, ཝ་ཎྚེ ཚེ་ཏྭཱ་ན་ཧཾ ཏ་དཱ;
མ་ཏྠ་ཀེ ཨ་བྷི་རོ་པེ་སིཾ, བུ་དྡྷ་སྶཱ་དི་ཙྩ་བ་ནྡྷུ་ནོ.
༥༠. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ཨ་ནུ་ཀཱུ་ལེ ས་མཱ་ཧི་ཏཾ;
ཏི་དྷཱ་པ་བྷི་ནྣ་མཱ་ཏ་ངྒཾ, ཀུ་ཉྫ་རཾ་ཝ དུ་རཱ་ས་དཾ.
༥༡. ‘‘ཏ་མ་ཧཾ ཨུ་པ་ག་ནྟྭཱ་ན, ནི་པ་ཀཾ བྷཱ་ཝི་ཏི་ནྡྲི་ཡཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ཨ་ཝ་ནྡིཾ ས་ཏྠུ་ནོ ཨ་ཧཾ.
༥༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༥༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ནྡ་ལི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ནྡ་ལི་པུ་པྥི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཀུ་མུ་ད་མཱ་ལི་ཡ་ཏྠེ་ར་ཨ་པ་དཱ་ནཾ
༥༤. ‘‘ཨུ་ས་བྷཾ པ་ཝ་རཾ ཝཱི་རཾ, མ་ཧེ་སིཾ ཝི་ཛི་ཏཱ་ཝི་ནཾ;
ཝི་པ་སྶི་ནཾ མ་ཧཱ་ཝཱི་རཾ, ཨ་བྷི་ཛཱ་ཏཾ་ཝ ཀེ་ས་རིཾ.
༥༥. ‘‘ར་ཐི་ཡཾ པ་ཊི་པ་ཛྫ་ནྟཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
ག་ཧེ་ཏྭཱ ཀུ་མུ་དཾ མཱ་ལཾ, བུ་དྡྷ་སེ་ཊྛཾ ས་མོ་ཀི་རིཾ.
༥༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༥༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀུ་མུ་ད་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀུ་མུ་ད་མཱ་ལི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
ཨཱ་ར་ཀྑ་དཱ་ཡ་ཀ་ཝ་གྒོ བཱ་ཏྟིཾ་ས་ཏི་མོ [བ་ཏྟིཾ་ས་ཏི་མོ (སཱི. སྱཱ.)].