༩. ཀ་ནྡ་ལི་པུ་པྥི་ཡ་ཏྠེ་ར་ཨ་པ་དཱ་ནཾ
༤༧. ‘‘སི་ནྡྷུ་ཡཱ ན་དི་ཡཱ ཏཱི་རེ, ཨ་ཧོ་སིཾ ཀ་སྶ་ཀོ ཏ་དཱ;
པ་ར་ཀ་མྨཱ་ཡ་ནེ ཡུ་ཏྟོ, པ་ར་བྷ་ཏྟཾ ཨ་པ་སྶི་ཏོ.
༤༨. ‘‘སི་ནྡྷུཾ ཨ་ནུ་ཙ་ར་ནྟོ་ཧཾ, སི་དྡྷ་ཏྠཾ ཛི་ན་མ་དྡ་སཾ;
ས་མཱ་དྷི་ནཱ ནི་སི་ནྣཾ་ཝ, ས་ཏ་པ་ཏྟཾ་ཝ པུ་པྥི་ཏཾ.
༤༩. ‘‘ས་ཏྟ ཀ་ནྡ་ལི་པུ་པྥཱ་ནི, ཝ་ཎྚེ ཚེ་ཏྭཱ་ན་ཧཾ ཏ་དཱ;
མ་ཏྠ་ཀེ ཨ་བྷི་རོ་པེ་སིཾ, བུ་དྡྷ་སྶཱ་དི་ཙྩ་བ་ནྡྷུ་ནོ.
༥༠. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ཨ་ནུ་ཀཱུ་ལེ ས་མཱ་ཧི་ཏཾ;
ཏི་དྷཱ་པ་བྷི་ནྣ་མཱ་ཏ་ངྒཾ, ཀུ་ཉྫ་རཾ་ཝ དུ་རཱ་ས་དཾ.
༥༡. ‘‘ཏ་མ་ཧཾ ཨུ་པ་ག་ནྟྭཱ་ན, ནི་པ་ཀཾ བྷཱ་ཝི་ཏི་ནྡྲི་ཡཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ཨ་ཝ་ནྡིཾ ས་ཏྠུ་ནོ ཨ་ཧཾ.
༥༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༥༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ནྡ་ལི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ནྡ་ལི་པུ་པྥི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.