༤. ས་ཏྟ་པ་དུ་མི་ཡ་ཏྠེ་ར་ཨ་པ་དཱ་ནཾ

༡༤. ‘‘ན་དཱི་ཀཱུ་ལེ ཝ་སཱ་མ་ཧཾ, ནེ་སཱ་དོ ནཱ་མ བྲཱ་ཧྨ་ཎོ;

ས་ཏ་པ་ཏྟེ་ཧི པུ་པྥེ་ཧི, ས་མྨ་ཛྫི་ཏྭཱ་ན ཨ་སྶ་མཾ.

༡༥. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, སི་དྡྷ་ཏྠཾ ལོ་ཀ་ནཱ་ཡ་ཀཾ;

དི་སྭཱ ན་བྷེ་ན [ཝ་ནེ་ན (སྱཱ. ཀ.)] ག་ཙྪ་ནྟཾ, ཧཱ་སོ མེ ཨུ་ད་པ་ཛྫ་ཐ.

༡༦. ‘‘པ་ཙྩུ་གྒ་ནྟྭཱ་ན ས་མྦུ་དྡྷཾ, ལོ་ཀ་ཛེ་ཊྛཾ ན་རཱ་ས་བྷཾ;

ཨ་སྶ་མཾ ཨ་ཏི་ནཱ་མེ་ཏྭཱ, ཛ་ལ་ཛ་གྒེ་ཧི ཨོ་ཀི་རིཾ.

༡༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༡༨. ‘‘ཨི་ཏོ ཏེ ས་ཏྟ་མེ ཀ་པྤེ, ཙ་ཏུ་རོ པཱ་ད་པཱ་ཝ་རཱ;

ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.

༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ས་ཏྟ་པ་དུ་མི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ས་ཏྟ་པ་དུ་མི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.