༥. པུ་པྥཱ་ས་ན་དཱ་ཡ་ཀ་ཏྠེ་ར་ཨ་པ་དཱ་ནཾ

༢༠. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, པཱི་ཏ་རཾ་སིཾ་ཝ [ས་ཏ་རཾ་སིཾ་ཝ (སཱི. སྱཱ.)] བྷཱ་ཎུ་མཾ;

ཨ་ཝི་དཱུ་རེ་ན ག་ཙྪ་ནྟཾ, སི་དྡྷ་ཏྠཾ ཨ་པ་རཱ་ཛི་ཏཾ.

༢༡. ‘‘ཏ་སྶ པ་ཙྩུ་གྒ་མི་ཏྭཱ་ན, པ་ཝེ་སེ་ཏྭཱ་ན ཨ་སྶ་མཾ;

པུ་པྥཱ་ས་ནཾ མ་ཡཱ དི་ནྣཾ, ཝི་པྤ་ས་ནྣེ་ན ཙེ་ཏ་སཱ.

༢༢. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཝེ་ད་ཛཱ་ཏོ ཏ་དཱ ཨ་ཧཾ;

བུ་དྡྷེ ཙི་ཏྟཾ པ་སཱ་དེ་ཏྭཱ, ཏཾ ཀ་མྨཾ པ་རི་ཎཱ་མ་ཡིཾ.

༢༣. ‘‘ཡཾ མེ ཨ་ཏྠི ཀ་ཏཾ པུ་ཉྙཾ, ས་ཡ་མྦྷུ་མྷ་པ་རཱ་ཛི་ཏེ;

ས་བྦེ་ན ཏེ་ན ཀུ་ས་ལེ་ན, ཝི་མ་ལོ ཧོ་མི སཱ་ས་ནེ.

༢༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, པུ་པྥཱ་ས་ན་མ་དཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥཱ་ས་ན་སྶི་དཾ ཕ་ལཾ.

༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ པུ་པྥཱ་ས་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

པུ་པྥཱ་ས་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.