༨. ས་ལ༹་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༣༠. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཀི་ནྣ་རོ ཏ་དཱ;
ཝི་པ་སྶིཾ ཨ་དྡ་སཾ བུ་དྡྷཾ, རཾ་སི་ཛཱ་ལ་ས་མཱ་ཀུ་ལཾ.
༣༡. ‘‘པ་ས་ནྣ་ཙི་ཏྟོ སུ་མ་ནོ, པ་ར་མཱ་ཡ ཙ པཱི་ཏི་ཡཱ;
པ་གྒ་ཡ྄ཧ ས་ལ༹་ལཾ པུ་པྥཾ, ཝི་པ་སྶིཾ ཨོ་ཀི་རིཾ ཨ་ཧཾ.
༣༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ལ༹་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ལ༹་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.