༩. ཨུ་པཱ་ག་ཏཱ་ས་ཡ་ཏྠེ་ར་ཨ་པ་དཱ་ནཾ

༣༤. ‘‘ཧི་མ་ཝ་ནྟ་སྶ ཝེ་མ་ཛ྄ཛྷེ, ས་རོ ཨཱ་སི སུ་ནི་མྨི་ཏོ;

ཏ་ཏྠཱ་ཧཾ ར་ཀྑ་སོ ཨཱ་སིཾ, ཧེ་ཋ་སཱི་ལོ བྷ་ཡཱ་ན་ཀོ.

༣༥. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, ཝི་པ་སྶཱི ལོ་ཀ་ནཱ་ཡ་ཀོ;

མ་མུ་དྡྷ་རི་ཏུ་ཀཱ་མོ སོ, ཨཱ་ག་ཙྪི མ་མ ས་ནྟི་ཀཾ.

༣༦. ‘‘ཨུ་པཱ་ག་ཏཾ མ་ཧཱ་ཝཱི་རཾ, དེ་ཝ་དེ་ཝཾ ན་རཱ་ས་བྷཾ;

ཨཱ་ས་ཡཱ ཨ་བྷི་ནི་ཀྑ་མྨ, ཨ་ཝ་ནྡིཾ ས་ཏྠུ་ནོ ཨ་ཧཾ.

༣༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཝ་ནྡིཾ པུ་རི་སུ་ཏྟ་མཾ;

དུ་གྒ་ཏིཾ ནཱ་བྷི་ཛཱ་ནཱ་མི, ཝ་ནྡ་ནཱ་ཡ ཨི་དཾ ཕ་ལཾ.

༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཨུ་པཱ་ག་ཏཱ་ས་ཡོ [ཨུ་པཱ་ག་ཏ་ཧཱ་ས་ནི་ཡོ (སྱཱ.), ཨུ་པཱ་ག་ཏཱ་ཧཱ་ས་ནི་ཡོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨུ་པཱ་ག་ཏཱ་ས་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.