༢༧. པ་དུ་མུ་ཀྑི་པ་ཝ་གྒོ
༡. ཨཱ་ཀཱ་སུ་ཀྑི་པི་ཡ་ཏྠེ་ར་ཨ་པ་དཱ་ནཾ
༡. ‘‘སུ་ཝ་ཎྞ་ཝ་ཎྞཾ སི་དྡྷ་ཏྠཾ, ག་ཙྪ་ནྟཾ ཨ་ནྟ་རཱ་པ་ཎེ;
ཛ་ལ་ཛ་གྒེ དུ་ཝེ ག་ཡ྄ཧ, ཨུ་པཱ་ག་ཙྪིཾ ན་རཱ་ས་བྷཾ.
༢. ‘‘ཨེ་ཀ་ཉྩ པུ་པྥཾ པཱ་དེ་སུ, བུ་དྡྷ་སེ་ཊྛ་སྶ ནི་ཀྑི་པིཾ;
ཨེ་ཀ་ཉྩ པུ་པྥཾ པ་གྒ་ཡ྄ཧ, ཨཱ་ཀཱ་སེ ཨུ་ཀྑི་པིཾ ཨ་ཧཾ.
༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་དཱ་ན་སྶི་དཾ ཕ་ལཾ.
༤. ‘‘ཨི་ཏོ ཚ་ཏྟིཾ་ས་ཀ་པྤ་མྷི, ཨེ་ཀོ ཨཱ་སིཾ མ་ཧཱི་པ་ཏི;
ཨ་ནྟ་ལི་ཀྑ་ཀ་རོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ཀཱ་སུ་ཀྑི་པི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ཀཱ་སུ་ཀྑི་པི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཏེ་ལ་མ་ཀྑི་ཡ་ཏྠེ་ར་ཨ་པ་དཱ་ནཾ
༦. ‘‘སི་དྡྷ་ཏྠ་མྷི བྷ་ག་ཝ་ཏི, ནི་བྦུ་ཏ་མྷི ན་རཱ་ས་བྷེ;
བོ་དྷི་ཡཱ ཝེ་དི་ཀཱ་ཡཱ་ཧཾ, ཏེ་ལཾ མ་ཀྑེ་སི ཏཱ་ཝ་དེ.
༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཏེ་ལཾ མ་ཀྑ་ཡིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་ཀྑ་ནཱ་ཡ ཨི་དཾ ཕ་ལཾ.
༨. ‘‘ཙ་ཏུ་ཝཱི་སེ ཨི་ཏོ ཀ་པྤེ, སུ་ཙྪ་ཝི ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏེ་ལ་མ་ཀྑི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏེ་ལ་མ་ཀྑི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཨ་ཌྜྷ་ཙ་ནྡི་ཡ་ཏྠེ་ར་ཨ་པ་དཱ་ནཾ
༡༠. ‘‘ཏི་སྶ་སྶ ཁོ བྷ་ག་ཝ་ཏོ, བོ་དྷི་ཡཱ པཱ་ད་པུ་ཏྟ་མེ;
ཨ་ཌྜྷ་ཙ་ནྡཾ མ་ཡཱ དི་ནྣཾ, དྷ་ར་ཎཱི་རུ་ཧ་པཱ་ད་པེ.
༡༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཙ་ནྡ [ཡཾ པུ་པྥ (ཀ.)] མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བོ་དྷི་པཱུ་ཛཱ་ཡི་དཾ ཕ་ལཾ.
༡༢. ‘‘པ་ཉྩ་ཝཱི་སེ ཨི་ཏོ ཀ་པྤེ, དེ་ཝ་ལོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཌྜྷ་ཙ་ནྡི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ཌྜྷ་ཙ་ནྡི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. པ་དཱི་པ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༤. ‘‘དེ་ཝ་བྷཱུ་ཏོ ཨ་ཧཾ ས་ནྟོ, ཨོ་རུ་ཡ྄ཧ པ་ཐ་ཝིཾ ཏ་དཱ;
པ་དཱི་པེ པ་ཉྩ པཱ་དཱ་སིཾ, པ་ས་ནྣོ སེ་ཧི པཱ་ཎི་བྷི.
༡༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པ་དཱི་པ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དཱི་པ་དཱ་ན་སྶི་དཾ ཕ་ལཾ.
༡༦. ‘‘པ་ཉྩ་པ་ཉྙཱ་ས་ཀེ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
ས་མ་ནྟ་ཙ་ཀྑུ་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་དཱི་པ་དཱ་ཡ་ཀོ [ཨ་པ་ཎྞ་དཱི་པི་ཡོ (སཱི. ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་དཱི་པ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. བི་ལཱ༹་ལི་དཱ་ཡ་ཀ་ཏྠེ་ར་ཨ་པ་དཱ་ནཾ
༡༨. ‘‘ཧི་མ་ཝ་ནྟ་སྶཱ་ཝི་དཱུ་རེ, རོ་མ་སོ ནཱ་མ པ་བྦ་ཏོ;
ཏ་མྷི པ་བྦ་ཏ་པཱ་ད་མྷི, ས་མ་ཎོ བྷཱ་ཝི་ཏི་ནྡྲི་ཡོ.
༡༩. ‘‘བི་ལཱ༹་ལི་ཡོ ག་ཧེ་ཏྭཱ་ན, ས་མ་ཎ་སྶ ཨ་དཱ་ས་ཧཾ;
ཨ་ནུ་མོ་དི མ་ཧཱ་ཝཱི་རོ, ས་ཡ་མྦྷཱུ ཨ་པ་རཱ་ཛི་ཏོ.
༢༠. ‘‘བི་ལཱ༹་ལཱི ཏེ མ་མ དི་ནྣཱ, ཝི་པྤ་ས་ནྣེ་ན ཙེ་ཏ་སཱ;
བྷ་ཝེ ནི་བྦ་ཏྟ་མཱ་ན་མྷི, ཕ་ལཾ ནི་བྦ་ཏྟ་ཏཾ ཏ་ཝ.
༢༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ བི་ལཱ༹་ལི་མ་དཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, བི་ལཱ༹་ལི་ཡཱ ཨི་དཾ ཕ་ལཾ.
༢༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བི་ལཱ༹་ལི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བི་ལཱ༹་ལི་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. མ་ཙྪ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༣. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨུ་ཀྐུ་སོ ཨཱ་ས་ཧཾ ཏ་དཱ;
མ་ཧ་ནྟཾ མ་ཙྪཾ པ་གྒ་ཡ྄ཧ, སི་དྡྷ་ཏྠ་མུ་ནི་ནོ ཨ་དཾ.
༢༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ མ་ཙྪ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་ཙྪ་དཱ་ན་སྶི་དཾ ཕ་ལཾ.
༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ཙྪ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ཙྪ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཛ་ཝ་ཧཾ་ས་ཀ་ཏྠེ་ར་ཨ་པ་དཱ་ནཾ
༢༦. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨཱ་སིཾ ཝ་ན་ཙ་རོ ཏ་དཱ;
སི་དྡྷ་ཏྠཾ ཨ་དྡ་སཾ བུ་དྡྷཾ, ག་ཙྪ་ནྟཾ ཨ་ནི་ལ་ཉྫ་སེ.
༢༧. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཨུ་ལློ་ཀེ་ནྟོ མ་ཧཱ་མུ་ནིཾ;
ས་ཀཾ ཙི་ཏྟཾ པ་སཱ་དེ་ཏྭཱ, ཨ་ཝ་ནྡིཾ ནཱ་ཡ་ཀཾ ཨ་ཧཾ.
༢༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡ་མ་ཝ་ནྡིཾ ན་རཱ་ས་བྷཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཝ་ནྡ་ནཱ་ཡ ཨི་དཾ ཕ་ལཾ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཛ་ཝ་ཧཾ་ས་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཛ་ཝ་ཧཾ་ས་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ས་ལ༹་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༣༠. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཀི་ནྣ་རོ ཏ་དཱ;
ཝི་པ་སྶིཾ ཨ་དྡ་སཾ བུ་དྡྷཾ, རཾ་སི་ཛཱ་ལ་ས་མཱ་ཀུ་ལཾ.
༣༡. ‘‘པ་ས་ནྣ་ཙི་ཏྟོ སུ་མ་ནོ, པ་ར་མཱ་ཡ ཙ པཱི་ཏི་ཡཱ;
པ་གྒ་ཡ྄ཧ ས་ལ༹་ལཾ པུ་པྥཾ, ཝི་པ་སྶིཾ ཨོ་ཀི་རིཾ ཨ་ཧཾ.
༣༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ལ༹་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ལ༹་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཨུ་པཱ་ག་ཏཱ་ས་ཡ་ཏྠེ་ར་ཨ་པ་དཱ་ནཾ
༣༤. ‘‘ཧི་མ་ཝ་ནྟ་སྶ ཝེ་མ་ཛ྄ཛྷེ, ས་རོ ཨཱ་སི སུ་ནི་མྨི་ཏོ;
ཏ་ཏྠཱ་ཧཾ ར་ཀྑ་སོ ཨཱ་སིཾ, ཧེ་ཋ་སཱི་ལོ བྷ་ཡཱ་ན་ཀོ.
༣༥. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, ཝི་པ་སྶཱི ལོ་ཀ་ནཱ་ཡ་ཀོ;
མ་མུ་དྡྷ་རི་ཏུ་ཀཱ་མོ སོ, ཨཱ་ག་ཙྪི མ་མ ས་ནྟི་ཀཾ.
༣༦. ‘‘ཨུ་པཱ་ག་ཏཾ མ་ཧཱ་ཝཱི་རཾ, དེ་ཝ་དེ་ཝཾ ན་རཱ་ས་བྷཾ;
ཨཱ་ས་ཡཱ ཨ་བྷི་ནི་ཀྑ་མྨ, ཨ་ཝ་ནྡིཾ ས་ཏྠུ་ནོ ཨ་ཧཾ.
༣༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཝ་ནྡིཾ པུ་རི་སུ་ཏྟ་མཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཝ་ནྡ་ནཱ་ཡ ཨི་དཾ ཕ་ལཾ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་པཱ་ག་ཏཱ་ས་ཡོ [ཨུ་པཱ་ག་ཏ་ཧཱ་ས་ནི་ཡོ (སྱཱ.), ཨུ་པཱ་ག་ཏཱ་ཧཱ་ས་ནི་ཡོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་པཱ་ག་ཏཱ་ས་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཏ་ར་ཎི་ཡ་ཏྠེ་ར་ཨ་པ་དཱ་ནཾ
༣༩. ‘‘སུ་ཝ་ཎྞ་ཝ་ཎྞོ ས་མྦུ་དྡྷོ, ཝི་པ་སྶཱི ད་ཀྑི་ཎཱ་ར་ཧོ;
ན་དཱི་ཏཱི་རེ ཋི་ཏོ ས་ཏྠཱ, བྷི་ཀྑུ་ས་ངྒྷ་པུ་ར་ཀྑ་ཏོ.
༤༠. ‘‘ནཱ་ཝཱ ན ཝི་ཛྫ་ཏེ ཏ་ཏྠ, ས་ནྟཱ་ར་ཎཱི མ་ཧ་ཎྞ་ཝེ;
ན་དི་ཡཱ ཨ་བྷི་ནི་ཀྑ་མྨ, ཏཱ་རེ་སིཾ ལོ་ཀ་ནཱ་ཡ་ཀཾ.
༤༡. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཏཱ་རེ་སིཾ ན་རུ་ཏྟ་མཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཏ་ར་ཎཱ་ཡ ཨི་དཾ ཕ་ལཾ.
༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་ར་ཎི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏ་ར་ཎི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
པ་དུ་མུ་ཀྑི་པ་ཝ་གྒོ ས་ཏྟ་ཝཱི་ས་ཏི་མོ.