༢༨. སུ་ཝ་ཎྞ་བི་བྦོ་ཧ་ན་ཝ་གྒོ
༡. སུ་ཝ་ཎྞ་བི་བྦོ་ཧ་ནི་ཡ་ཏྠེ་ར་ཨ་པ་དཱ་ནཾ
༡. ‘‘ཨེ་ཀཱ་ས་ནཾ ཨ་ཧ་མ་དཾ, པ་ས་ནྣོ སེ་ཧི པཱ་ཎི་བྷི;
བི་བྦོ་ཧ་ན་ཉྩ [བི་མྦོ་ཧ་ན་ཉྩ (སཱི. པཱི.)] པཱ་དཱ་སིཾ, ཨུ་ཏྟ་མ་ཏྠ་སྶ པ་ཏྟི་ཡཱ.
༢. ‘‘ཨེ་ཀ་ན་ཝུ་ཏི་ཏོ ཀ་པྤེ, བི་བྦོ་ཧ་ན་མ་དཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, བི་བྦོ་ཧ་ན་སྶི་དཾ ཕ་ལཾ.
༣. ‘‘ཨི་ཏོ ཏེ་ས་ཊྛི་མེ ཀ་པྤེ, ཨ་ས་མོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ཝ་ཎྞ་བི་བྦོ་ཧ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ཝ་ཎྞ་བི་བྦོ་ཧ་ནི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཏི་ལ་མུ་ཊྛི་དཱ་ཡ་ཀ་ཏྠེ་ར་ཨ་པ་དཱ་ནཾ
༥. ‘‘མ་མ ས་ངྐ་པྤ་མ་ཉྙཱ་ཡ, ས་ཏྠཱ ལོ་ཀ་གྒ་ནཱ་ཡ་ཀོ;
མ་ནོ་མ་ཡེ་ན ཀཱ་ཡེ་ན, ཨི་དྡྷི་ཡཱ ཨུ་པ་ས་ངྐ་མི.
༦. ‘‘ས་ཏྠཱ་རཾ ཨུ་པ་ས་ངྐ་ནྟཾ, ཝ་ནྡི་ཏྭཱ པུ་རི་སུ་ཏྟ་མཾ;
པ་ས་ནྣ་ཙི་ཏྟོ སུ་མ་ནོ, ཏི་ལ་མུ་ཊྛི་མ་དཱ་ས་ཧཾ.
༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏི་ལ་མུ་ཊྛི་ཡི་དཾ ཕ་ལཾ.
༨. ‘‘ཨི་ཏོ སོ་ལ༹་ས་ཀ་པྤ་མྷི, ཏ་ནྟི་སོ [ཁ་ནྟི་ཡོ (སྱཱ.)] ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ལ་མུ་ཊྛི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ལ་མུ་ཊྛི་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཙ་ངྐོ་ཊ་ཀི་ཡ་ཏྠེ་ར་ཨ་པ་དཱ་ནཾ
༡༠. ‘‘མ་ཧཱ་ས་མུ་དྡཾ ནི་སྶཱ་ཡ, ཝ་ས་ཏཱི པ་བྦ་ཏ་ནྟ་རེ;
པ་ཙྩུ་གྒ་ནྟྭཱ་ན ཀ་ཏྭཱ་ན [པ་ཙྩུ་གྒ་ནྟྭཱ་ན’ཀཱ་ས་ཧཾ (ཨ་ཊྛ.), པ་ཙྩུ་གྒ་མ་ནཾ ཀ་ཏྭཱ་ན (?)], ཙ་ངྐོ་ཊ་ཀ [ཙ་ངྒོ་ཊ་ཀ (སཱི.)] མ་དཱ་ས་ཧཾ.
༡༡. ‘‘སི་དྡྷ་ཏྠ་སྶ མ་ཧེ་སི་ནོ, ས་བྦ་ས་ཏྟཱ་ནུ་ཀ་མྤི་ནོ [ས་ཡ་མྦྷུ་སྶཱ་ནུ་ཀ་མྤི་ནོ (སྱཱ.)];
པུ་པྥ་ཙ་ངྐོ་ཊ་ཀཾ ད་ཏྭཱ, ཀ་པྤཾ ས་གྒ་མྷི མོ་ད་ཧཾ.
༡༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཙ་ངྐོ་ཊ་ཀ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཙ་ངྐོ་ཊ་ཀ་སྶི་དཾ ཕ་ལཾ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙ་ངྐོ་ཊ་ཀི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙ་ངྐོ་ཊ་ཀི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཨ་བྦྷ་ཉྫ་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༡༤. ‘‘ཀོ་ཎྜ་ཉྙ་སྶ བྷ་ག་ཝ་ཏོ, ཝཱི་ཏ་རཱ་ག་སྶ ཏཱ་དི་ནོ;
ཨཱ་ཀཱ་ས་ས་མ་ཙི་ཏྟ་སྶ [ཨ་ཀ་ཀྐ་ས་ཙི་ཏྟ་སྶཱ་ཐ (ཨ་ཊྛ.)], ནི་པྤ་པ་ཉྩ་སྶ ཛྷཱ་ཡི་ནོ.
༡༥. ‘‘ས་བྦ་མོ་ཧཱ་ཏི་ཝ་ཏྟ་སྶ, ས་བྦ་ལོ་ཀ་ཧི་ཏེ་སི་ནོ;
ཨ་བྦྷ་ཉྫ་ནཾ མ་ཡཱ དི་ནྣཾ, དྭི་པ་དི་ནྡ་སྶ ཏཱ་དི་ནོ.
༡༦. ‘‘ཨ་པ་རི་མེ་ཡྻེ ཨི་ཏོ ཀ་པྤེ, ཨ་བྦྷ་ཉྫ་ན་མ་དཾ ཏ་དཱ [ཨ་མྦྷ་ཉྫ་ན་མ་དཱ་ས་ཧཾ (སྱཱ.)];
དུ་གྒ་ཏིཾ ནཱ་བྷི་ཛཱ་ནཱ་མི, ཨ་བྦྷ་ཉྫ་ན་སྶི་དཾ ཕ་ལཾ.
༡༧. ‘‘ཨི་ཏོ པ་ནྣ་ར་སེ ཀ་པྤེ, ཙི་ར་པྤོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་བྦྷ་ཉྫ་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་བྦྷ་ཉྫ་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཨེ་ཀ་ཉྫ་ལི་ཀ་ཏྠེ་ར་ཨ་པ་དཱ་ནཾ
༡༩. ‘‘ཨུ་དུ་མྦ་རེ ཝ་ས་ནྟ་སྶ, ནི་ཡ་ཏེ པ་ཎྞ་ས་ནྠ་རེ;
ཝུ་ཏྠོ་ཀཱ་སོ མ་ཡཱ དི་ནྣོ, ས་མ་ཎ་སྶ མ་ཧེ་སི་ནོ.
༢༠. ‘‘ཏི་སྶ་སྶ དྭི་པ་དི་ནྡ་སྶ, ལོ་ཀ་ནཱ་ཐ་སྶ ཏཱ་དི་ནོ;
ཨ་ཉྫ་ལིཾ པ་གྒ་ཧེ་ཏྭཱ་ན, ས་ནྠ་རིཾ པུ་པྥ་ས་ནྠ་རཾ.
༢༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་རིཾ པུ་པྥ་ས་ནྠ་རཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.
༢༢. ‘‘ཨི་ཏོ ཙུ་དྡ་ས་ཀ་པྤ་མྷི, ཨ་ཧོ་སིཾ མ་ནུ་ཛཱ་དྷི་པོ;
ཨེ་ཀ་ཨ་ཉྫ་ལི་ཀོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་ཉྫ་ལི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་ཉྫ་ལི་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. པོ་ཏྠ་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༤. ‘‘ས་ཏྠཱ་རཾ དྷ་མྨ་མཱ་ར་བྦྷ, ས་ངྒྷ་ཉྩཱ་པི མ་ཧེ་སི་ནཾ;
པོ་ཏྠ་དཱ་ནཾ མ་ཡཱ དི་ནྣཾ, ད་ཀྑི་ཎེ་ཡྻེ ཨ་ནུ་ཏྟ་རེ.
༢༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པོ་ཏྠ་དཱ་ན་སྶི་དཾ ཕ་ལཾ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པོ་ཏྠ་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པོ་ཏྠ་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཙི་ཏ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༧. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ནུ་སོ་ཏཾ ཝ་ཛཱ་མ་ཧཾ;
ས་ཏྟ མཱ་ལུ་ཝ་པུ་པྥཱ་ནི, ཙི་ཏ་མཱ་རོ་པ་ཡིཾ ཨ་ཧཾ.
༢༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཙི་ཏ་ཀཾ ཡ་མ་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཙི་ཏ་པཱུ་ཛཱ་ཡི་དཾ ཕ་ལཾ.
༢༩. ‘‘ས་ཏྟ་ས་ཊྛི་མྷི་ཏོ ཀ་པྤེ, པ་ཊི་ཛ་གྒ་ས་ནཱ་མ་ཀཱ;
ས་ཏྟ་ར་ཏ་ན་ས་མྤ་ནྣཱ, ས་ཏྟཱ་སུཾ ཙ་ཀྐ་ཝ་ཏྟི་ནོ [པ་ཊི་ཛ་གྒ་ས་ནཱ་མ་ཀོ; ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ (སྱཱ.)].
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙི་ཏ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙི་ཏ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཨཱ་ལུ་ཝ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༡. ‘‘པ་བྦ་ཏེ ཧི་མ་ཝ་ནྟ་མྷི, མ་ཧཱ་སི་ནྡྷུ སུ་ད་སྶ་ནཱ;
ཏ་ཏྠ་དྡ་སཾ ཝཱི་ཏ་རཱ་གཾ, སུ་པྤ་བྷཱ་སཾ སུ་ད་སྶ་ནཾ.
༣༢. ‘‘པ་ར་མོ་པ་ས་མེ ཡུ་ཏྟཾ, དི་སྭཱ ཝི་མྷི་ཏ་མཱ་ན་སོ;
ཨཱ་ལུ་ཝཾ ཏ་སྶ པཱ་དཱ་སིཾ, པ་ས་ནྣོ སེ་ཧི པཱ་ཎི་བྷི.
༣༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨཱ་ལུ་ཝ་སྶ ཨི་དཾ ཕ་ལཾ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ལུ་ཝ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ལུ་ཝ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཨེ་ཀ་པུ་ཎྜ་རཱི་ཀ་ཏྠེ་ར་ཨ་པ་དཱ་ནཾ
༣༥. ‘‘རོ་མ་སོ ནཱ་མ ནཱ་མེ་ན, ས་ཡ་མྦྷཱུ སུ་བྦ་ཏོ [ས་པྤ་བྷོ (སྱཱ.)] ཏ་དཱ;
པུ་ཎྜ་རཱི་ཀཾ མ་ཡཱ དི་ནྣཾ, ཝི་པྤ་ས་ནྣེ་ན ཙེ་ཏ་སཱ.
༣༦. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, པུ་ཎྜ་རཱི་ཀ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་ཎྜ་རཱི་ཀ་སྶི་དཾ ཕ་ལཾ.
༣༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་པུ་ཎྜ་རཱི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་པུ་ཎྜ་རཱི་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཏ་ར་ཎཱི་ཡ་ཏྠེ་ར་ཨ་པ་དཱ་ནཾ
༣༨. ‘‘མ་ཧཱ་པ་ཐ་མྷི ཝི་ས་མེ, སེ་ཏུ ཀཱ་རཱ་པི་ཏོ མ་ཡཱ;
ཏ་ར་ཎ་ཏྠཱ་ཡ ལོ་ཀ་སྶ, པ་ས་ནྣོ སེ་ཧི པཱ་ཎི་བྷི.
༣༩. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡོ སེ་ཏུ ཀཱ་རི་ཏོ མ་ཡཱ;
དུ་གྒ་ཏིཾ ནཱ་བྷི་ཛཱ་ནཱ་མི, སེ་ཏུ་དཱ་ན་སྶི་དཾ ཕ་ལཾ.
༤༠. ‘‘པ་ཉྩ་པ་ཉྙཱ་སི་ཏོ ཀ་པྤེ, ཨེ་ཀོ ཨཱ་སིཾ ས་མོ་ག་དྷོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་ར་ཎཱི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏ་ར་ཎཱི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
སུ་ཝ་ཎྞ་བི་བྦོ་ཧ་ན་ཝ་གྒོ ཨ་ཊྛ་ཝཱི་ས་ཏི་མོ.