༢༩. པ་ཎྞ་དཱ་ཡ་ཀ་ཝ་གྒོ
༡. པ་ཎྞ་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘པ་ཎྞ་སཱ་ལེ ནི་སི་ནྣོ་མྷི, པ་ཎྞ་བྷོ་ཛ་ན་བྷོ་ཛ་ནོ;
ཨུ་པ་ཝི་ཊྛ་ཉྩ མཾ ས་ནྟཾ, ཨུ་པཱ་ག་ཙྪི མ་ཧཱ་ཨི་སི [མ་ཧཱ་མུ་ནི (སཱི.)].
༢. ‘‘སི་དྡྷ་ཏྠོ ལོ་ཀ་པ་ཛྫོ་ཏོ, ས་བྦ་ལོ་ཀ་ཏི་ཀི་ཙྪ་ཀོ;
ཏ་སྶ པ་ཎྞཾ མ་ཡཱ དི་ནྣཾ, ནི་སི་ནྣཾ [ནི་སི་ནྣ་སྶ (སྱཱ. ཨ་ཊྛ.)] པ་ཎྞ་ས་ནྠ་རེ.
༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པ་ཎྞ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཎྞ་དཱ་ན་སྶི་དཾ ཕ་ལཾ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཎྞ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཎྞ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༥. ‘‘སི་ནེ་རུ་ས་མ་ས་ནྟོ་སོ, དྷ་ར་ཎཱི་ས་མ [དྷ་ར་ཎཱི་དྷ་ར (སཱི. སྱཱ.)] སཱ་དི་སོ;
ཝུ་ཊྛ་ཧི་ཏྭཱ ས་མཱ་དྷི་མྷཱ, བྷི་ཀྑཱ་ཡ མ་མུ་པ་ཊྛི་ཏོ.
༦. ‘‘ཧ་རཱི་ཏ་ཀཾ [ཧ་རཱི་ཏ་ཀིཾ (སྱཱ.)] ཨཱ་མ་ལ་ཀཾ, ཨ་མྦ་ཛ་མྦུ་ཝི་བྷཱི་ཏ་ཀཾ;
ཀོ་ལཾ བྷ་ལླཱ་ཏ་ཀཾ བི་ལླཾ, ཕཱ་རུ་ས་ཀ་ཕ་ལཱ་ནི ཙ.
༧. ‘‘སི་དྡྷ་ཏྠ་སྶ མ་ཧེ་སི་སྶ, ས་བྦ་ལོ་ཀཱ་ནུ་ཀ་མྤི་ནོ;
ཏ་ཉྩ ས་བྦཾ མ་ཡཱ དི་ནྣཾ, ཝི་པྤ་ས་ནྣེ་ན ཙེ་ཏ་སཱ.
༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཕ་ལཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༩. ‘‘ས་ཏྟ་པ་ཉྙཱ་སི་ཏོ ཀ་པྤེ, ཨེ་ཀ་ཛ྄ཛྷོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. པ་ཙྩུ་གྒ་མ་ནི་ཡ་ཏྠེ་ར་ཨ་པ་དཱ་ནཾ
༡༡. ‘‘སཱི་ཧཾ ཡ་ཐཱ ཝ་ན་ཙ་རཾ, ནི་ས་བྷཱ་ཛཱ་ནི་ཡཾ ཡ་ཐཱ;
ཀ་ཀུ་དྷཾ ཝི་ལ་ས་ནྟཾ་ཝ, ཨཱ་ག་ཙྪ་ནྟཾ ན་རཱ་ས་བྷཾ.
༡༢. ‘‘སི་དྡྷ་ཏྠཾ ལོ་ཀ་པ་ཛྫོ་ཏཾ, ས་བྦ་ལོ་ཀ་ཏི་ཀི་ཙྪ་ཀཾ;
ཨ་ཀཱ་སིཾ པ་ཙྩུ་གྒ་མ་ནཾ, ཝི་པྤ་ས་ནྣེ་ན ཙེ་ཏ་སཱ.
༡༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, པ་ཙྩུ་གྒ་ཙྪིཾ ན་རཱ་ས་བྷཾ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཙྩུ་གྒ་མ་ནེ ཨི་དཾ ཕ་ལཾ.
༡༤. ‘‘ས་ཏྟ་ཏིཾ་སེ [ས་ཏྟ་ཝཱི་སེ (སཱི. སྱཱ.)] ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
ས་པ་རི་ཝཱ་རོ་ཏི ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༡༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཙྩུ་གྒ་མ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཙྩུ་གྒ་མ་ནི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཨེ་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༡༦. ‘‘ད་ཀྑི་ཎ་མྷི དུ་ཝཱ་ར་མྷི, པི་སཱ་ཙོ ཨཱ་ས་ཧཾ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, པཱི་ཏ་རཾ་སིཾ་ཝ བྷཱ་ཎུ་མཾ.
༡༧. ‘‘ཝི་པ་སྶི་སྶ ན་ར་གྒ་སྶ, ས་བྦ་ལོ་ཀ་ཧི་ཏེ་སི་ནོ;
ཨེ་ཀ་པུ་པྥཾ མ་ཡཱ དི་ནྣཾ, དྭི་པ་དི་ནྡ་སྶ ཏཱ་དི་ནོ.
༡༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. མ་གྷ་ཝ་པུ་པྥི་ཡ་ཏྠེ་ར་ཨ་པ་དཱ་ནཾ
༢༠. ‘‘ན་མྨ་དཱ་ན་དི་ཡཱ ཏཱི་རེ, ས་ཡ་མྦྷཱུ ཨ་པ་རཱ་ཛི་ཏོ;
ས་མཱ་དྷིཾ སོ ས་མཱ་པ་ནྣོ, ཝི་པྤ་ས་ནྣོ ཨ་ནཱ་ཝི་ལོ.
༢༡. ‘‘དི་སྭཱ པ་ས་ནྣ་སུ་མ་ནོ, ས་མྦུ་དྡྷཾ ཨ་པ་རཱ་ཛི་ཏཾ;
ཏཱ་ཧཾ མ་གྷ་ཝ་པུ་པྥེ་ན, ས་ཡ་མྦྷུཾ པཱུ་ཛ་ཡིཾ ཏ་དཱ.
༢༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་གྷ་ཝ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་གྷ་ཝ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཨུ་པ་ཊྛཱ་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༤. ‘‘ར་ཐི་ཡཾ པ་ཊི་པ་ཛྫ་ནྟཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
དྭི་པ་དི་ནྡཾ མ་ཧཱ་ནཱ་གཾ, ལོ་ཀ་ཛེ་ཊྛཾ ན་རཱ་ས་བྷཾ.
༢༥. ‘‘པ་ཀྐོ་སཱ་པི་ཡ ཏ་སྶཱ་ཧཾ, ས་བྦ་ལོ་ཀ་ཧི་ཏེ་སི་ནོ;
ཨུ་པ་ཊྛཱ་ཀོ མ་ཡཱ དི་ནྣོ, སི་དྡྷ་ཏྠ་སྶ མ་ཧེ་སི་ནོ.
༢༦. ‘‘པ་ཊི་གྒ་ཧེ་ཏྭཱ [པ་ཊི་གྒ་ཧེ་སི (ཀ.)] ས་མྦུ་དྡྷོ, ནི་ཡྻཱ་དེ་སི མ་ཧཱ་མུ་ནི [མ་ཧཱ་ཨི་སི (ཀ.)];
ཨུ་ཊྛཱ་ཡ ཨཱ་ས་ནཱ ཏ་མྷཱ, པ་ཀྐཱ་མི པཱ་ཙི་ནཱ་མུ་ཁོ.
༢༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཨུ་པ་ཊྛཱ་ཀ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨུ་པ་ཊྛཱ་ན་སྶི་དཾ ཕ་ལཾ.
༢༨. ‘‘ས་ཏྟ་པ་ཉྙཱ་སི་ཏོ ཀ་པྤེ, བ་ལ་སེ་ན་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་པ་ཊྛཱ་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་པ་ཊྛཱ་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཨ་པ་དཱ་ནི་ཡ་ཏྠེ་ར་ཨ་པ་དཱ་ནཾ
༣༠. ‘‘ཨ་པ་དཱ་ནཾ སུ་ག་ཏཱ་ནཾ, ཀི་ཏྟ་ཡིཾ་ཧཾ མ་ཧེ་སི་ནཾ;
པཱ་དེ ཙ སི་ར་སཱ ཝ་ནྡིཾ, པ་ས་ནྣོ སེ་ཧི པཱ་ཎི་བྷི.
༣༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཨ་པ་དཱ་ནཾ པ་ཀི་ཏྟ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཀི་ཏྟ་ནཱ་ཡ ཨི་དཾ ཕ་ལཾ.
༣༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་པ་དཱ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་པ་དཱ་ནི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ས་ཏྟཱ་ཧ་པ་བྦ་ཛི་ཏ་ཏྠེ་ར་ཨ་པ་དཱ་ནཾ
༣༣. ‘‘ཝི་པ་སྶི་སྶ བྷ་ག་ཝ་ཏོ, ས་ངྒྷོ ས་ཀྐ་ཏ་མཱ་ནི་ཏོ;
བྱ་ས་ནཾ མེ ཨ་ནུ་པྤ་ཏྟཾ, ཉཱ་ཏི་བྷེ་དོ པུ་རེ ཨ་ཧུ.
༣༤. ‘‘པ་བྦ་ཛྫཾ ཨུ་པ་ག་ནྟྭཱ་ན, བྱ་ས་ནུ་པ་ས་མཱ་ཡ་ཧཾ;
ས་ཏྟཱ་ཧཱ་བྷི་ར་ཏོ ཏ་ཏྠ, ས་ཏྠུ་སཱ་ས་ན་ཀ་མྱ་ཏཱ.
༣༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡ་མ་ཧཾ པ་བྦ་ཛིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་བྦ་ཛྫཱ་ཡ ཨི་དཾ ཕ་ལཾ.
༣༦. ‘‘ས་ཏྟ་ས་ཊྛི་མྷི་ཏོ ཀ་པྤེ, ས་ཏྟ ཨཱ་སུཾ མ་ཧཱི་པ་ཏཱི;
སུ་ནི་ཀྑ་མཱ་ཏི ཉཱ་ཡ་ནྟི, ཙ་ཀྐ་ཝ་ཏྟཱི མ་ཧ་བྦ་ལཱ.
༣༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཏྟཱ་ཧ་པ་བྦ་ཛི་ཏོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཏྟཱ་ཧ་པ་བྦ་ཛི་ཏ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. བུ་དྡྷུ་པ་ཊྛཱ་ཡི་ཀ་ཏྠེ་ར་ཨ་པ་དཱ་ནཾ
༣༨. ‘‘ཝེ་ཊ་མྦྷི་ནཱི་ཏི [ཝེ་ཊ་མྦ་རཱི་ཏི (སཱི.), ཝེ་དྷ་མྦྷི་ནཱི་ཏི (སྱཱ.)] མེ ནཱ་མཾ, པི་ཏུ་ས་ནྟཾ [པི་ཏཱ’ས་ནྟཾ (?)] མ་མཾ ཏ་དཱ;
མ་མ ཧ་ཏྠཾ ག་ཧེ་ཏྭཱ་ན, ཨུ་པཱ་ན་ཡི མ་ཧཱ་མུ་ནིཾ.
༣༩. ‘‘ཨི་མེ་མཾ ཨུ་དྡི་སི་སྶ་ནྟི, བུ་དྡྷཱ ལོ་ཀ་གྒ་ནཱ་ཡ་ཀཱ;
ཏེ་ཧཾ ཨུ་པ་ཊྛིཾ ས་ཀྐ་ཙྩཾ, པ་ས་ནྣོ སེ་ཧི པཱ་ཎི་བྷི.
༤༠. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, བུ་དྡྷེ ཨུ་པ་ཊྛ་ཧིཾ [པ་རི་ཙ་རིཾ (སཱི. སྱཱ.)] ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨུ་པ་ཊྛཱ་ན་སྶི་དཾ ཕ་ལཾ.
༤༡. ‘‘ཏེ་ཝཱི་ས་མྷི ཨི་ཏོ ཀ་པྤེ, ཙ་ཏུ་རོ ཨཱ་སུ ཁ་ཏྟི་ཡཱ;
ས་མ་ཎུ་པ་ཊྛཱ་ཀཱ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལཱ.
༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བུ་དྡྷུ་པ་ཊྛཱ་ཡི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བུ་དྡྷུ་པ་ཊྛཱ་ཡི་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པུ་བྦ་ངྒ་མི་ཡ་ཏྠེ་ར་ཨ་པ་དཱ་ནཾ
༤༣. ‘‘ཙུ་ལླཱ་སཱི་ཏི་ས་ཧ་སྶཱ་ནི, པ་བྦ་ཛི་མྷ ཨ་ཀི་ཉྩ་ནཱ;
ཏེ་སཾ པུ་བྦ་ངྒ་མོ ཨཱ་སིཾ, ཨུ་ཏྟ་མ་ཏྠ་སྶ པ་ཏྟི་ཡཱ.
༤༤. ‘‘ས་རཱ་གཱ ས་བྷ་ཝཱ [ས་མོ་ཧཱ (སྱཱ.)] ཙེ་ཏེ, ཝི་པྤ་ས་ནྣ་མ་ནཱ་ཝི་ལཱ;
ཨུ་པ་ཊྛ་ཧིཾ་སུ ས་ཀྐ་ཙྩཾ, པ་ས་ནྣཱ སེ་ཧི པཱ་ཎི་བྷི.
༤༥. ‘‘ཁཱི་ཎཱ་ས་ཝཱ ཝ་ནྟ་དོ་སཱ, ཀ་ཏ་ཀི་ཙྩཱ ཨ་ནཱ་ས་ཝཱ;
ཕ་རིཾ་སུ མེ་ཏྟ་ཙི་ཏྟེ་ན, ས་ཡ་མྦྷཱུ ཨ་པ་རཱ་ཛི་ཏཱ.
༤༦. ‘‘ཏེ་སཾ ཨུ་པ་ཊྛ་ཧི་ཏྭཱ་ན, ས་མྦུ་དྡྷཱ་ནཾ པ་ཏི་སྶ་ཏོ;
མ་ར་ཎ་ཉྩ ཨ་ནུ་པྤ་ཏྟོ, དེ་ཝ་ཏྟ་ཉྩ ཨ་ག་མྷ་སེ.
༤༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ སཱི་ལ་མ་ནུ་པཱ་ལ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ཉྙ་མ་སྶ ཨི་དཾ ཕ་ལཾ.
༤༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པུ་བྦ་ངྒ་མི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པུ་བྦ་ངྒ་མི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
པ་ཎྞ་དཱ་ཡ་ཀ་ཝ་གྒོ ཨེ་ཀཱུ་ན་ཏིཾ་ས་ཏི་མོ.