༣༠. ཙི་ཏ་ཀ་པཱུ་ཛ་ཀ་ཝ་གྒོ
༡. ཙི་ཏ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༡. ‘‘ཨ་ཛི་ཏོ ནཱ་མ ནཱ་མེ་ན, ཨ་ཧོ་སིཾ བྲཱ་ཧྨ་ཎོ ཏ་དཱ;
ཨཱ་ཧུ་ཏིཾ ཡི་ཊྛུ་ཀཱ་མོ་ཧཾ, ནཱ་ནཱ་པུ་པྥཾ ས་མཱ་ན་ཡིཾ.
༢. ‘‘ཛ་ལ་ནྟཾ ཙི་ཏ་ཀཾ དི་སྭཱ, སི་ཁི་ནོ ལོ་ཀ་བ་ནྡྷུ་ནོ;
ཏ་ཉྩ པུ་པྥཾ ས་མཱ་ནེ་ཏྭཱ, ཙི་ཏ་ཀེ ཨོ་ཀི་རིཾ ཨ་ཧཾ.
༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘ས་ཏྟ་ཝཱི་སེ [ས་ཏྟ་ཏིཾ་སེ (ཀ.)] ཨི་ཏོ ཀ་པྤེ, ས་ཏྟཱ་སུཾ མ་ནུ་ཛཱ་དྷི་པཱ;
སུ་པ་ཛྫ་ལི་ཏ་ནཱ་མཱ ཏེ, ཙ་ཀྐ་ཝ་ཏྟཱི མ་ཧ་བྦ་ལཱ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙི་ཏ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙི་ཏ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. པུ་པྥ་དྷཱ་ར་ཀ་ཏྠེ་ར་ཨ་པ་དཱ་ནཾ
༦. ‘‘ཝཱ་ཀ་ཙཱི་ར་དྷ་རོ ཨཱ་སིཾ, ཨ་ཛི་ནུ་ཏྟ་ར་ཝཱ་ས་ནོ;
ཨ་བྷི་ཉྙཱ པ་ཉྩ ནི་བྦ་ཏྟཱ, ཙ་ནྡ་སྶ པ་རི་མ་ཛྫ་ཀོ.
༧. ‘‘ཝི་པ་སྶིཾ ལོ་ཀ་པ་ཛྫོ་ཏཾ, དི་སྭཱ ཨ་བྷི་ག་ཏཾ མ་མཾ;
པཱ་རི་ཙྪ་ཏྟ་ཀ་པུ་པྥཱ་ནི, དྷཱ་རེ་སིཾ ས་ཏྠུ་ནོ ཨ་ཧཾ.
༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, དྷཱ་ར་ཎཱ་ཡ ཨི་དཾ ཕ་ལཾ.
༩. ‘‘ས་ཏྟཱ་སཱི་ཏི་མྷི་ཏོ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
ས་མ་ནྟ་དྷཱ་ར་ཎོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པུ་པྥ་དྷཱ་ར་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པུ་པྥ་དྷཱ་ར་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཚ་ཏྟ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༡. ‘‘པུ་ཏྟོ མ་མ པ་བྦ་ཛི་ཏོ, ཀཱ་སཱ་ཡ་ཝ་ས་ནོ ཏ་དཱ;
སོ ཙ བུ་དྡྷ་ཏྟཾ ས་མྤ་ཏྟོ, ནི་བྦུ་ཏོ ལོ་ཀ་པཱུ་ཛི་ཏོ.
༡༢. ‘‘ཝི་ཙི་ན་ནྟོ ས་ཀཾ པུ་ཏྟཾ, ཨ་ག་མཾ པ་ཙྪ་ཏོ ཨ་ཧཾ;
ནི་བྦུ་ཏ་སྶ མ་ཧ་ནྟ་སྶ, ཙི་ཏ་ཀཾ ཨ་ག་མཱ་ས་ཧཾ.
༡༣. ‘‘པ་གྒ་ཡ྄ཧ ཨ་ཉྫ་ལིཾ ཏ་ཏྠ, ཝ་ནྡི་ཏྭཱ ཙི་ཏ་ཀཾ ཨ་ཧཾ;
སེ་ཏ་ཙྪ་ཏྟ་ཉྩ པ་གྒ་ཡ྄ཧ, ཨཱ་རོ་པེ་སིཾ ཨ་ཧཾ ཏ་དཱ.
༡༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཚ་ཏྟ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཚ་ཏྟ་དཱ་ན་སྶི་དཾ ཕ་ལཾ.
༡༥. ‘‘པ་ཉྩ་ཝཱི་སེ ཨི་ཏོ ཀ་པྤེ, ས་ཏྟ ཨཱ་སུཾ ཛ་ནཱ་དྷི་པཱ;
མ་ཧཱ་ར་ཧ་ས་ནཱ་མཱ ཏེ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཚ་ཏྟ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཚ་ཏྟ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ས་དྡ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༧. ‘‘ཨ་ནུ་གྒ་ཏ་མྷི ཨཱ་དི་ཙྩེ, པ་ནཱ་དོ [པ་སཱ་དོ (སྱཱ. ཨ་ཊྛ.)] ཝི་པུ་ལོ ཨ་ཧུ;
བུ་དྡྷ་སེ་ཊྛ་སྶ ལོ་ཀ་མྷི, པཱ་ཏུ་བྷཱ་ཝོ མ་ཧེ་སི་ནོ.
༡༨. ‘‘གྷོ་ས [ས་དྡ (སཱི. སྱཱ.)] མ་སྶོ་ས་ཧཾ ཏ་ཏྠ, ན ཙ པ་སྶཱ་མི ཏཾ ཛི་ནཾ;
མ་ར་ཎ་ཉྩ ཨ་ནུ་པྤ་ཏྟོ, བུ་དྡྷ་ས་ཉྙ་མ་ནུ་སྶ་རིཾ.
༡༩. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་དྡ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་དྡ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. གོ་སཱི་ས་ནི་ཀྑེ་པ་ཀ་ཏྠེ་ར་ཨ་པ་དཱ་ནཾ
༢༡. ‘‘ཨཱ་རཱ་མ་དྭཱ་རཱ ནི་ཀྑ་མྨ, གོ་སཱི་སཾ ས་ནྠ་ཏཾ མ་ཡཱ;
ཨ་ནུ་བྷོ་མི ས་ཀཾ ཀ་མྨཾ, པུ་བྦ་ཀ་མྨ་སྶི་དཾ ཕ་ལཾ.
༢༢. ‘‘ཨཱ་ཛཱ་ནི་ཡཱ ཝཱ་ཏ་ཛ་ཝཱ, སི་ནྡྷ་ཝཱ སཱི་གྷ་ཝཱ་ཧ་ནཱ;
ཨ་ནུ་བྷོ་མི ས་བྦ་མེ་ཏཾ, གོ་སཱི་ས་སྶ ཨི་དཾ ཕ་ལཾ.
༢༣. ‘‘ཨ་ཧོ ཀཱ་རཾ པ་ར་མ་ཀཱ་རཾ, སུ་ཁ་ཏྟེ སུ་ཀ་ཏཾ མ་ཡཱ;
ས་ངྒྷེ ཀ་ཏ་སྶ ཀཱ་ར་སྶ, ན ཨ་ཉྙཾ ཀ་ལ་མ་གྒྷ་ཏི.
༢༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ སཱི་སཾ ས་ནྠ་རིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.
༢༥. ‘‘པ་ཉྩ་ས་ཏྟ་ཏི་ཀ་པྤ་མྷི, སུ་པྤ་ཏི་ཊྛི་ཏ་ནཱ་མ་ཀོ;
ཨེ་ཀོ ཨཱ་སིཾ མ་ཧཱ་ཏེ་ཛོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ གོ་སཱི་ས་ནི་ཀྑེ་པ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
གོ་སཱི་ས་ནི་ཀྑེ་པ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. པཱ་ད་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༧. ‘‘པ་བྦ་ཏེ ཧི་མ་ཝ་ནྟ་མྷི, ཨ་ཧོ་སིཾ ཀི་ནྣ་རོ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, པཱི་ཏ་རཾ་སིཾ་ཝ བྷཱ་ཎུ་མཾ.
༢༨. ‘‘ཨུ་པེ་ཏཾ ཏ་མ་ཧཾ [ཨུ་པེ་ཏོ་པི ཏ་དཱ (སྱཱ.), ཨུ་པེ་སིཾ ཏ་མ་ཧཾ (?)] བུ་དྡྷཾ, ཝི་པ་སྶིཾ ལོ་ཀ་ནཱ་ཡ་ཀཾ;
ཙ་ནྡ་ནཾ ཏ་ག་ར་ཉྩཱ་པི, པཱ་དེ ཨོ་སི་ཉྩ་ཧཾ ཏ་དཱ.
༢༩. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པཱ་དཾ ཨ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པཱ་ད་པཱུ་ཛཱ་ཡི་དཾ ཕ་ལཾ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ད་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་ད་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. དེ་ས་ཀི་ཏྟ་ཀ་ཏྠེ་ར་ཨ་པ་དཱ་ནཾ
༣༡. ‘‘ཨུ་པ་སཱ་ལ་ཀ་ནཱ་མོ་ཧཾ, ཨ་ཧོ་སིཾ བྲཱ་ཧྨ་ཎོ ཏ་དཱ;
ཀཱ་ན་ནཾ ཝ་ན་མོ་གཱ་ལ༹ྷཾ, ལོ་ཀ་ཛེ་ཊྛཾ ན་རཱ་ས་བྷཾ.
༣༢. ‘‘དི་སྭཱ་ན ཝ་ནྡིཾ པཱ་དེ་སུ, ལོ་ཀཱ་ཧུ་ཏི་པ་ཊི་གྒ་ཧཾ;
པ་ས་ནྣ་ཙི་ཏྟཾ མཾ ཉ་ཏྭཱ, བུ་དྡྷོ ཨ་ནྟ་ར་དྷཱ་ཡ་ཐ.
༣༣. ‘‘ཀཱ་ན་ནཱ ཨ་བྷི་ནི་ཀྑ་མྨ, བུ་དྡྷ་སེ་ཊྛ་མ་ནུ་སྶ་རིཾ;
ཏཾ དེ་སཾ ཀི་ཏྟ་ཡི་ཏྭཱ་ན, ཀ་པྤཾ ས་གྒ་མྷི མོ་ད་ཧཾ.
༣༤. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ དེ་ས་མ་བྷི་ཀི་ཏྟ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཀི་ཏྟ་ནཱ་ཡ ཨི་དཾ ཕ་ལཾ.
༣༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དེ་ས་ཀི་ཏྟ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དེ་ས་ཀི་ཏྟ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ས་ར་ཎ་ག་མ་ནི་ཡ་ཏྠེ་ར་ཨ་པ་དཱ་ནཾ
༣༦. ‘‘པ་བྦ་ཏེ ཧི་མ་ཝ་ནྟ་མྷི, ཨ་ཧོ་སིཾ ལུ་དྡ་ཀོ ཏ་དཱ;
ཝི་པ་སྶིཾ ཨ་དྡ་སཾ བུ་དྡྷཾ, ལོ་ཀ་ཛེ་ཊྛཾ ན་རཱ་ས་བྷཾ.
༣༧. ‘‘ཨུ་པཱ་སི་ཏྭཱ་ན ས་མྦུ་དྡྷཾ, ཝེ་ཡྻཱ་ཝ་ཙྩ་མ་ཀཱ་ས་ཧཾ;
ས་ར་ཎ་ཉྩ ཨུ་པཱ་ག་ཙྪིཾ, དྭི་པ་དི་ནྡ་སྶ ཏཱ་དི་ནོ.
༣༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ས་ར་ཎཾ ཨུ་པ་ག་ཙྪ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ར་ཎཱ་ག་མ་ན་པྥ་ལཾ.
༣༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ར་ཎ་ག་མ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ར་ཎ་ག་མ་ནི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཨ་མྦ་པི་ཎྜི་ཡ་ཏྠེ་ར་ཨ་པ་དཱ་ནཾ
༤༠. ‘‘རོ་མ་སོ ནཱ་མ ནཱ་མེ་ན, དཱ་ན་ཝོ ཨི་ཏི ཝི་སྶུ་ཏོ;
ཨ་མྦ་པི་ཎྜཱི མ་ཡཱ དི་ནྣཱ [ཨ་མྦ་པི་ཎྜོ མ་ཡཱ དི་ནྣོ (སྱཱ.)], ཝི་པ་སྶི་སྶ མ་ཧེ་སི་ནོ.
༤༡. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡ་མ་མྦ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨ་མྦ་དཱ་ན་སྶི་དཾ ཕ་ལཾ.
༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་མྦ་པི་ཎྜི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་མྦ་པི་ཎྜི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཨ་ནུ་སཾ་སཱ་ཝ་ཀ་ཏྠེ་ར་ཨ་པ་དཱ་ནཾ
༤༣. ‘‘པི་ཎྜཱ་ཡ ཙ་ར་མཱ་ནཱ་ཧཾ, ཝི་པ་སྶི་མ་དྡ་སཾ ཛི་ནཾ;
ཨུ་ལུ༹་ངྒ་བྷི་ཀྑཾ པཱ་དཱ་སིཾ, དྭི་པ་དི་ནྡ་སྶ ཏཱ་དི་ནོ.
༤༤. ‘‘པ་ས་ནྣ་ཙི་ཏྟོ སུ་མ་ནོ, ཨ་བྷི་ཝཱ་དེ་ས་ཧཾ ཏ་དཱ;
ཨ་ནུ་སཾ་སཱ་ཝ་ཡིཾ བུ་དྡྷཾ, ཨུ་ཏྟ་མ་ཏྠ་སྶ པ་ཏྟི་ཡཱ.
༤༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཨ་ནུ་སཾ་སཱ་ཝ་ཡིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཨ་ནུ་སཾ་སཱ་ཝ་ནཱ ཕ་ལཾ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ནུ་སཾ་སཱ་ཝ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ནུ་སཾ་སཱ་ཝ་ཀ་ཏྠེ་ར་སྶཱ་པ་དཱ་ནཾ ད་ས་མཾ.
ཙི་ཏ་ཀ་པཱུ་ཛ་ཀ་ཝ་གྒོ ཏིཾ་ས་ཏི་མོ.
ཏ་སྶུ་དྡཱ་ནཾ –
ཙི་ཏ་ཀཾ པཱ་རི་ཚ་ཏྟོ ཙ, ས་དྡ་གོ་སཱི་ས་ས་ནྠ་རཾ;
པཱ་དོ པ་དེ་སཾ ས་ར་ཎཾ, ཨ་མྦོ སཾ་སཱ་ཝ་ཀོ་པི ཙ;
ཨ་ཊྛ་ཏཱ་ལཱི་ས གཱ་ཐཱ་ཡོ, ག་ཎི་ཏཱ་ཡོ ཝི་བྷཱ་ཝི་བྷི.
ཨ་ཐ ཝ་གྒུ་དྡཱ་ནཾ –
ཀ་ཎི་ཀཱ་རོ ཧ་ཏྠི་ད་དོ, ཨཱ་ལ་མྦ་ཎུ་ད་ཀཱ་ས་ནཾ;
ཏུ་ཝ་རཾ ཐོ་མ་ཀོ ཙེ་ཝ, ཨུ་ཀྑེ་པཾ སཱི་སུ་པ་དྷཱ་ནཾ.
པ་ཎྞ་དོ ཙི་ཏ་པཱུ་ཛཱི ཙ, གཱ་ཐཱ་ཡོ ཙེ་ཝ ས་བྦ་སོ;
ཙ་ཏྟཱ་རི ཙ ས་ཏཱ་ནཱི་ཧ, ཨེ་ཀ་པ་ཉྙཱ་ས་མེ་ཝ ཙ.
པ་ཉྩ་ཝཱི་ས་ས་ཏཱ ས་བྦཱ, དྭཱ་ས་ཏྟ་ཏི ཏ་དུ་ཏྟ་རི;
ཏི་ས་ཏཾ ཨ་པ་དཱ་ནཱ་ནཾ, ག་ཎི་ཏཱ ཨ་ཏྠ་ད་སྶི་བྷི.
ཀ་ཎི་ཀཱ་ར་ཝ་གྒ་ད་ས་ཀཾ.