༣༡. པ་དུ་མ་ཀེ་ས་ར་ཝ་གྒོ
༡. པ་དུ་མ་ཀེ་ས་རི་ཡ་ཏྠེ་ར་ཨ་པ་དཱ་ནཾ
༡. ‘‘ཨི་སི་ས་ངྒྷེ ཨ་ཧཾ པུ་བྦེ, ཨཱ་སིཾ མཱ་ཏ་ངྒ་ཝཱ་ར་ཎོ;
མ་ཧེ་སཱི་ནཾ པ་སཱ་དེ་ན, པ་དྨ་ཀེ་ས་ར་མོ་ཀི་རིཾ.
༢. ‘‘པ་ཙྩེ་ཀ་ཛི་ན་སེ་ཊྛེ་སུ, དྷུ་ཏ་རཱ་གེ་སུ ཏཱ་དི་སུ;
ཏེ་སུ ཙི་ཏྟཾ པ་སཱ་དེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཀེ་ས་རཾ ཨོ་ཀི་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་དུ་མ་ཀེ་ས་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་དུ་མ་ཀེ་ས་རི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ས་བྦ་ག་ནྡྷི་ཡ་ཏྠེ་ར་ཨ་པ་དཱ་ནཾ
༥. ‘‘ག་ནྡྷ་མཱ་ལཾ མ་ཡཱ དི་ནྣཾ, ཝི་པ་སྶི་སྶ མ་ཧེ་སི་ནོ;
ཨ་དཱ་སིཾ ཨུ་ཛུ་བྷཱུ་ཏ་སྶ, ཀོ་སེ་ཡྻ་ཝ་ཏྠ་མུ་ཏྟ་མཾ.
༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཝ་ཏྠ་མ་ད་དིཾ [ག་ནྡྷ་མ་ད་དིཾ (སྱཱ.)] པུ་རེ;
དུ་གྒ་ཏིཾ ནཱ་བྷི་ཛཱ་ནཱ་མི, ག་ནྡྷ་དཱ་ན་སྶི་དཾ ཕ་ལཾ.
༧. ‘‘ཨི་ཏོ པ་ནྣ་ར་སེ ཀ་པྤེ, སུ་ཙེ་ལོ༹ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་བྦ་ག་ནྡྷི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་བྦ་ག་ནྡྷི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. པ་ར་མ་ནྣ་དཱ་ཡ་ཀ་ཏྠེ་ར་ཨ་པ་དཱ་ནཾ
༩. ‘‘ཀ་ཎི་ཀཱ་རཾ་ཝ ཛོ་ཏ་ནྟཾ, ཨུ་ད་ཡ་ནྟཾ་ཝ བྷཱ་ཎུ་མཾ;
ཝི་པ་སྶིཾ ཨ་དྡ་སཾ བུ་དྡྷཾ, ལོ་ཀ་ཛེ་ཊྛཾ ན་རཱ་ས་བྷཾ.
༡༠. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཨ་བྷི་ནེ་སིཾ ས་ཀཾ གྷ་རཾ;
ཨ་བྷི་ནེ་ཏྭཱ་ན ས་མྦུ་དྡྷཾ, པ་ར་མ་ནྣ་མ་དཱ་ས་ཧཾ.
༡༡. ‘‘ཨེ་ཀ་ན་ཝུ་ཏི་ཏོ ཀ་པྤེ, པ་ར་མ་ནྣ་མ་དིཾ [པ་ར་མ་ནྣཾ ད་དིཾ (སཱི.), པ་ར་མ་ནྣ་མ་དཾ (སྱཱ.)] ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ར་མ་ནྣ་སྶི་དཾ ཕ་ལཾ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ར་མ་ནྣ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ར་མ་ནྣ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. དྷ་མྨ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༣. ‘‘ཝི་པ་སྶི་ནོ བྷ་ག་ཝ་ཏོ, མ་ཧཱ་བོ་དྷི་མ་ཧོ ཨ་ཧུ;
རུ་ཀྑ་ཊྛ་སྶེ་ཝ ས་མྦུ་དྡྷོ, [རུ་ཀྑ་ཊྛེ་ཡེ་ཝ ས་མྦུ་དྡྷེ (སཱི.), རུ་ཀྑ་ཊྛོ ཨི་ཝ ས་མྦུ་དྡྷོ (ཨ་ཊྛ.) ཨེ་ཏྠ རུ་ཀྑ་ཊྛ་སྶེ་ཝ བོ་དྷི་མ་ཧ་ཀཱ་ར་ཛ་ན་སྶ ས་མྦུ་དྡྷོ ཙ་ཏུ་ས་ཙྩཾ པ་ཀཱ་སེ་ཏཱི་ཏི ཨ་ཏྠོ་པི ས་ཀྐཱ ཉཱ་ཏུཾ] ལོ་ཀ་ཛེ་ཊྛོ ན་རཱ་ས་བྷོ [ལོ་ཀ་ཛེ་ཊྛེ ན་རཱ་ས་བྷེ (སཱི.)].
༡༤. ‘‘བྷ་ག་ཝཱ ཏ་མྷི ས་མ་ཡེ, བྷི་ཀྑུ་ས་ངྒྷ་པུ་ར་ཀྑ་ཏོ;
ཙ་ཏུ་ས་ཙྩཾ པ་ཀཱ་སེ་ཏི, ཝཱ་ཙཱ་ས་བྷི་མུ་དཱི་ར་ཡཾ.
༡༥. ‘‘ས་ངྑི་ཏྟེ་ན ཙ དེ་སེ་ནྟོ, ཝི་ཏྠཱ་རེ་ན ཙ དེ་ས་ཡཾ [དེ་ས་ཡི (སྱཱ.), བྷཱ་ས་ཏི (ཀ.)];
ཝི་ཝ་ཊྚ་ཙྪ་དོ ས་མྦུ་དྡྷོ, ནི་བྦཱ་པེ་སི མ་ཧཱ་ཛ་ནཾ.
༡༦. ‘‘ཏ་སྶཱ་ཧཾ དྷ་མྨཾ སུ་ཏྭཱ་ན, ལོ་ཀ་ཛེ་ཊྛ་སྶ ཏཱ་དི་ནོ;
ཝ་ནྡི་ཏྭཱ ས་ཏྠུ་ནོ པཱ་དེ, པ་ཀྐཱ་མིཾ ཨུ་ཏྟ་རཱ་མུ་ཁོ.
༡༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དྷ་མྨ་མ་སུ་ཎིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དྷ་མྨ་ས་ཝ་སྶི་དཾ ཕ་ལཾ.
༡༨. ‘‘ཏེ་ཏྟིཾ་ས་མྷི ཨི་ཏོ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
སུ་ཏ་ཝཱ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷ་མྨ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷ་མྨ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༠. ‘‘བྷཱ་གཱི་ར་ཐཱི་ན་དཱི་ཏཱི་རེ, ཨ་ཧོ་སི ཨ་སྶ་མོ ཏ་དཱ;
ཏ་མ་ཧཾ ཨ་སྶ་མཾ ག་ཙྪིཾ, ཕ་ལ་ཧ་ཏྠོ ཨ་པེ་ཀྑ་ཝཱ.
༢༡. ‘‘ཝི་པ་སྶིཾ ཏ་ཏྠ ཨ་དྡ་ཀྑིཾ, པཱི་ཏ་རཾ་སིཾ་ཝ བྷཱ་ཎུ་མཾ;
ཡཾ མེ ཨ་ཏྠི ཕ་ལཾ ས་བྦཾ, ཨ་དཱ་སིཾ ས་ཏྠུ་ནོ ཨ་ཧཾ.
༢༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཕ་ལཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ས་མྤ་སཱ་ད་ཀ་ཏྠེ་ར་ཨ་པ་དཱ་ནཾ
༢༤. ‘‘‘ན་མོ ཏེ བུ་དྡྷ ཝཱི་ར་ཏྠུ, ཝི་པྤ་མུ་ཏྟོ་སི ས་བྦ་དྷི;
བྱ་ས་ན་མྷི [བྱ་ས་ནཾ ཧི (སཱི.)] ཨ་ནུ་པྤ་ཏྟོ, ཏ་སྶ མེ ས་ར་ཎཾ བྷ་ཝ’.
༢༥. ‘‘སི་དྡྷ་ཏྠོ ཏ་སྶ བྱཱ་ཀཱ་སི, ལོ་ཀེ ཨ་པྤ་ཊི་པུ་གྒ་ལོ;
‘མ་ཧོ་ད་དྷི་ས་མོ ས་ངྒྷོ, ཨ་པྤ་མེ་ཡྻོ ཨ་ནུ་ཏྟ་རོ.
༢༦. ‘‘‘ཏ་ཏྠ ཏྭཾ ཝི་ར་ཛེ ཁེ་ཏྟེ, ཨ་ན་ནྟ་ཕ་ལ་དཱ་ཡ་ཀེ;
ས་ངྒྷེ ཙི་ཏྟཾ པ་སཱ་དེ་ཏྭཱ, སུ་བཱི་ཛཾ ཝཱ་པ [ཙཱ་པི (སཱི.), ཝཱ་པི (སྱཱ.)] རོ་པ་ཡ.
༢༧. ‘‘ཨི་དཾ ཝ་ཏྭཱ་ན ས་བྦ་ཉྙཱུ, ལོ་ཀ་ཛེ་ཊྛོ ན་རཱ་ས་བྷོ;
མ་མེ་ཝ ཨ་ནུ་སཱ་སི་ཏྭཱ, ཝེ་ཧཱ་སཾ ན་བྷ་མུ་གྒ་མི.
༢༨. ‘‘ཨ་ཙི་རཾ ག་ཏ་མ་ཏྟ་མྷི, ས་བྦ་ཉྙུ་མྷི ན་རཱ་ས་བྷེ;
མ་ར་ཎཾ ས་མ་ནུ་པྤ་ཏྟོ, ཏུ་སི་ཏཾ ཨུ་པ་པ་ཛྫ་ཧཾ.
༢༩. ‘‘ཏ་དཱ་ཧཾ ཝི་ར་ཛེ ཁེ་ཏྟེ, ཨ་ན་ནྟ་ཕ་ལ་དཱ་ཡ་ཀེ;
ས་ངྒྷེ ཙི་ཏྟཾ པ་སཱ་དེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༣༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, པ་སཱ་ད་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་སཱ་ད་སྶ ཨི་དཾ ཕ་ལཾ.
༣༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་མྤ་སཱ་ད་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་མྤ་སཱ་ད་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཨཱ་རཱ་མ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༢. ‘‘སི་དྡྷ་ཏྠ་སྶ བྷ་ག་ཝ་ཏོ, ཨཱ་རཱ་མོ རོ་པི་ཏོ མ་ཡཱ;
ས་ནྡ་ཙྪཱ་ཡེ་སུ [སཱི་ཏ་ཚཱ་ཡེ་སུ (སྱཱ.), ས་ནྟ་ཙྪཱ་ཡེ་སུ (ཀ.)] རུ་ཀྑེ་སུ, ཨུ་པཱ་ས་ནྟེ་སུ པ་ཀྑི་སུ.
༣༣. ‘‘ཨ་དྡ་སཾ ཝི་ར་ཛཾ བུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
ཨཱ་རཱ་མཾ ཨ་བྷི་ནཱ་མེ་སིཾ, ལོ་ཀ་ཛེ་ཊྛཾ ན་རཱ་ས་བྷཾ.
༣༤. ‘‘ཧ་ཊྛོ ཧ་ཊྛེ་ན ཙི་ཏྟེ་ན, ཕ་ལཾ པུ་པྥ་མ་དཱ་ས་ཧཾ;
ཏ་ཏོ ཛཱ་ཏ་པྤ་སཱ་དོ་ཝ, ཏཾ ཝ་ནཾ པ་རི་ཎཱ་མ་ཡིཾ.
༣༥. ‘‘བུ་དྡྷ་སྶ ཡ་མི་དཾ དཱ་སིཾ, ཝི་པྤ་ས་ནྣེ་ན ཙེ་ཏ་སཱ;
བྷ་ཝེ ནི་བྦ་ཏྟ་མཱ་ན་མྷི, ནི་བྦ་ཏྟ་ཏི ཕ་ལཾ མ་མ.
༣༦. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཨཱ་རཱ་མ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨཱ་རཱ་མ་སྶ ཨི་དཾ ཕ་ལཾ.
༣༧. ‘‘ས་ཏྟ་ཏིཾ་སེ ཨི་ཏོ ཀ་པྤེ, ས་ཏྟཱ་སུཾ མུ་དུ་སཱི་ཏ་ལཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་རཱ་མ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་རཱ་མ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཨ་ནུ་ལེ་པ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༩. ‘‘ཨ་ཏྠ་ད་སྶི་སྶ མུ་ནི་ནོ, ཨ་དྡ་སཾ སཱ་ཝ་ཀཾ ཨ་ཧཾ;
ན་ཝ་ཀ་མྨཾ ཀ་རོ་ནྟ་སྶ, སཱི་མཱ་ཡ ཨུ་པ་ག་ཙྪ་ཧཾ.
༤༠. ‘‘ནི་ཊྛི་ཏེ ན་ཝ་ཀ་མྨེ ཙ, ཨ་ནུ་ལེ་པ་མ་དཱ་ས་ཧཾ;
པ་ས་ནྣ་ཙི་ཏྟོ སུ་མ་ནོ, པུ་ཉྙ་ཀྑེ་ཏྟེ ཨ་ནུ་ཏྟ་རེ.
༤༡. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨ་ནུ་ལེ་པ་སྶི་དཾ ཕ་ལཾ.
༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ནུ་ལེ་པ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ནུ་ལེ་པ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. བུ་དྡྷ་ས་ཉྙ་ཀ་ཏྠེ་ར་ཨ་པ་དཱ་ནཾ
༤༣. ‘‘ཨུ་དེ་ནྟཾ ས་ཏ་རཾ་སིཾ་ཝ, པཱི་ཏ་རཾ་སིཾ་ཝ བྷཱ་ཎུ་མཾ;
ཝ་ན་ནྟ་ར་ག་ཏཾ ས་ནྟཾ, ལོ་ཀ་ཛེ་ཊྛཾ ན་རཱ་ས་བྷཾ.
༤༤. ‘‘ཨ་དྡ་སཾ སུ་པི་ན་ནྟེ་ན, སི་དྡྷ་ཏྠཾ ལོ་ཀ་ནཱ་ཡ་ཀཾ;
ཏ་ཏྠ ཙི་ཏྟཾ པ་སཱ་དེ་ཏྭཱ, སུ་ག་ཏིཾ ཨུ་པ་པ་ཛྫ་ཧཾ.
༤༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བུ་དྡྷ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བུ་དྡྷ་ས་ཉྙ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པ་བྦྷཱ་ར་དཱ་ཡ་ཀ་ཏྠེ་ར་ཨ་པ་དཱ་ནཾ
༤༧. ‘‘པི་ཡ་ད་སྶི་ནོ བྷ་ག་ཝ་ཏོ, པ་བྦྷཱ་རོ སོ་དྷི་ཏོ མ་ཡཱ;
གྷ་ཊ་ཀ་ཉྩ ཨུ་པ་ཊྛཱ་སིཾ, པ་རི་བྷོ་གཱ་ཡ ཏཱ་དི་ནོ.
༤༨. ‘‘ཏཾ མེ བུ་དྡྷོ ཝི་ཡཱ་ཀཱ་སི, པི་ཡ་ད་སྶཱི མ་ཧཱ་མུ་ནི;
ས་ཧ་སྶ་ཀ་ཎྜོ ས་ཏ་བྷེ་ཎྜུ [ས་ཏ་གེ་ཎྜུ (སྱཱ. ཀ.)], དྷ་ཛཱ་ལུ ཧ་རི་ཏཱ་མ་ཡོ.
༤༩. ‘‘ནི་བྦ་ཏྟི་སྶ་ཏི སོ ཡཱུ་པོ, ར་ཏ་ན་ཉྩ ཨ་ན་པྤ་ཀཾ;
པ་བྦྷཱ་ར་དཱ་ནཾ ད་ཏྭཱ་ན, ཀ་པྤཾ ས་གྒ་མྷི མོ་ད་ཧཾ.
༥༠. ‘‘ཨི་ཏོ བཱ་ཏྟིཾ་ས་ཀ་པྤ་མྷི, སུ་སུ་དྡྷོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་བྦྷཱ་ར་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་བྦྷཱ་ར་དཱ་ཡ་ཀ་ཏྠེ་ར་སྶཱ་པ་དཱ་ནཾ ད་ས་མཾ.
པ་དུ་མ་ཀེ་ས་ར་ཝ་གྒོ ཨེ་ཀ་ཏིཾ་ས་ཏི་མོ.