༢. ནཱ་ག་ཀེ་ས་རི་ཡ་ཏྠེ་ར་ཨ་པ་དཱ་ནཾ
༤. ‘‘དྷ་ནུཾ ཨ་དྭེ་ཛ྄ཛྷཾ ཀ་ཏྭཱ་ན, ཝ་ན་མ་ཛ྄ཛྷོ་ག་ཧིཾ ཨ་ཧཾ;
ཀེ་ས་རཾ ཨོ་ག་ཏཾ [ཨོ་ས་རཾ (སྱཱ.), ཨོ་ས་ཊཾ (སཱི.)] དི་སྭཱ, པ་ཏ་པ་ཏྟཾ ས་མུ་ཊྛི་ཏཾ.
༥. ‘‘ཨུ་བྷོ ཧ་ཏྠེ་ཧི པ་གྒ་ཡ྄ཧ, སི་རེ ཀ་ཏྭཱ་ན ཨ་ཉྫ་ལིཾ;
བུ་དྡྷ་སྶ ཨ་བྷི་རོ་པེ་སིཾ, ཏི་སྶ་སྶ ལོ་ཀ་བ་ནྡྷུ་ནོ.
༦. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༧. ‘‘ཏེ་ས་ཏྟ་ཏི་མྷི ཀ་པྤ་མྷི [ས་ཏྟ་ས་ཏྟ་ཏི་མེ ཀ་པྤེ (སྱཱ.)], ས་ཏྟ ཀེ་ས་ར་ནཱ་མ་ཀཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནཱ་ག་ཀེ་ས་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནཱ་ག་ཀེ་ས་རི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.