༣. ན་ལི༹་ན་ཀེ་ས་རི་ཡ་ཏྠེ་ར་ཨ་པ་དཱ་ནཾ
༩. ‘‘ཛཱ་ཏ་སྶ་ར་སྶ ཝེ་མ་ཛ྄ཛྷེ, ཝ་སཱ་མི ཛ་ལ་ཀུ་ཀྐུ་ཊོ;
ཨ་དྡ་སཱ་ཧཾ [ཨ་ཐ་དྡ་སཾ (སཱི. སྱཱ.)] དེ་ཝ་དེ་ཝཾ, ག་ཙྪ་ནྟཾ ཨ་ནི་ལ་ཉྫ་སེ.
༡༠. ‘‘ཏུ་ཎྜེ་ན ཀེ་ས་རིཾ [ཀེ་ས་རཾ (སྱཱ.)] ག་ཡ྄ཧ, ཝི་པྤ་ས་ནྣེ་ན ཙེ་ཏ་སཱ;
བུ་དྡྷ་སྶ ཨ་བྷི་རོ་པེ་སིཾ, ཏི་སྶ་སྶ ལོ་ཀ་བ་ནྡྷུ་ནོ.
༡༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༢. ‘‘ཏེ་ས་ཏྟ་ཏི་མྷི ཀ་པྤ་མྷི, ས་ཏྟ ཀེ་ས་ར་ནཱ་མ་ཀཱ [ས་ཏ་པ་ཏྟ་ས་ནཱ་མ་ཀོ (སཱི. སྱཱ.)];
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ན་ལི༹་ན་ཀེ་ས་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ན་ལི༹་ན་ཀེ་ས་རི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.