༢༥. ཏུ་ཝ་ར་དཱ་ཡ་ཀ་ཝ་གྒོ
༡. ཏུ་ཝ་ར་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘མི་ག་ལུ་དྡོ པུ་རེ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ;
བྷ་རི་ཏྭཱ ཏུ་ཝ་ར་མཱ་དཱ་ཡ [བྷ་རི་ཏྭཱ ཏུ་ར་ཝ་མཱ་དཱ་ཡ (ཀ.), བྷ་ཛྫི་ཏཾ ཏུ་ཝ་ར་མཱ་དཱ་ཡ (?) ཨེ་ཏྠ ཏུ་ཝ་ར་ནྟི མུ་གྒ་ཀ་ལཱ་ཡ་ས་དི་སཾ ཏུ་ཝ་ར་ཊྛི་ནྟི ཏ་ད་ཊྛ་ཀ་ཐཱ; ཏུ་ཝ་རོ དྷ་ཉྙ་བྷེ་དེ་ཏི ས་ཀྐ་ཏཱ་བྷི་དྷཱ་ནེ], ས་ངྒྷ་སྶ ཨ་ད་དིཾ ཨ་ཧཾ.
༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏུ་ཝ་ར་སྶ ཨི་དཾ ཕ་ལཾ.
༣. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏུ་ཝ་ར་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏུ་ཝ་ར་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ནཱ་ག་ཀེ་ས་རི་ཡ་ཏྠེ་ར་ཨ་པ་དཱ་ནཾ
༤. ‘‘དྷ་ནུཾ ཨ་དྭེ་ཛ྄ཛྷཾ ཀ་ཏྭཱ་ན, ཝ་ན་མ་ཛ྄ཛྷོ་ག་ཧིཾ ཨ་ཧཾ;
ཀེ་ས་རཾ ཨོ་ག་ཏཾ [ཨོ་ས་རཾ (སྱཱ.), ཨོ་ས་ཊཾ (སཱི.)] དི་སྭཱ, པ་ཏ་པ་ཏྟཾ ས་མུ་ཊྛི་ཏཾ.
༥. ‘‘ཨུ་བྷོ ཧ་ཏྠེ་ཧི པ་གྒ་ཡ྄ཧ, སི་རེ ཀ་ཏྭཱ་ན ཨ་ཉྫ་ལིཾ;
བུ་དྡྷ་སྶ ཨ་བྷི་རོ་པེ་སིཾ, ཏི་སྶ་སྶ ལོ་ཀ་བ་ནྡྷུ་ནོ.
༦. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༧. ‘‘ཏེ་ས་ཏྟ་ཏི་མྷི ཀ་པྤ་མྷི [ས་ཏྟ་ས་ཏྟ་ཏི་མེ ཀ་པྤེ (སྱཱ.)], ས་ཏྟ ཀེ་ས་ར་ནཱ་མ་ཀཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནཱ་ག་ཀེ་ས་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནཱ་ག་ཀེ་ས་རི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ན་ལི༹་ན་ཀེ་ས་རི་ཡ་ཏྠེ་ར་ཨ་པ་དཱ་ནཾ
༩. ‘‘ཛཱ་ཏ་སྶ་ར་སྶ ཝེ་མ་ཛ྄ཛྷེ, ཝ་སཱ་མི ཛ་ལ་ཀུ་ཀྐུ་ཊོ;
ཨ་དྡ་སཱ་ཧཾ [ཨ་ཐ་དྡ་སཾ (སཱི. སྱཱ.)] དེ་ཝ་དེ་ཝཾ, ག་ཙྪ་ནྟཾ ཨ་ནི་ལ་ཉྫ་སེ.
༡༠. ‘‘ཏུ་ཎྜེ་ན ཀེ་ས་རིཾ [ཀེ་ས་རཾ (སྱཱ.)] ག་ཡ྄ཧ, ཝི་པྤ་ས་ནྣེ་ན ཙེ་ཏ་སཱ;
བུ་དྡྷ་སྶ ཨ་བྷི་རོ་པེ་སིཾ, ཏི་སྶ་སྶ ལོ་ཀ་བ་ནྡྷུ་ནོ.
༡༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༢. ‘‘ཏེ་ས་ཏྟ་ཏི་མྷི ཀ་པྤ་མྷི, ས་ཏྟ ཀེ་ས་ར་ནཱ་མ་ཀཱ [ས་ཏ་པ་ཏྟ་ས་ནཱ་མ་ཀོ (སཱི. སྱཱ.)];
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ན་ལི༹་ན་ཀེ་ས་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ན་ལི༹་ན་ཀེ་ས་རི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཝི་ར་ཝ་པུ་པྥི་ཡ་ཏྠེ་ར་ཨ་པ་དཱ་ནཾ
༡༤. ‘‘ཁཱི་ཎཱ་ས་ཝ་ས་ཧ་སྶེ་ཧི, ནི་ཡྻཱ་ཏི ལོ་ཀ་ནཱ་ཡ་ཀོ;
ཝི་ར་ཝ་པུ་པྥ་མཱ་དཱ་ཡ [ཝི་ར་ཝི་པུ་པྥཾ པ་གྒ་ཡ྄ཧ (སཱི.)], བུ་དྡྷ་སྶ ཨ་བྷི་རོ་པ་ཡིཾ.
༡༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝི་ར་ཝ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝི་ར་ཝ་པུ་པྥི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཀུ་ཊི་དྷཱུ་པ་ཀ་ཏྠེ་ར་ཨ་པ་དཱ་ནཾ
༡༧. ‘‘སི་དྡྷ་ཏྠ་སྶ བྷ་ག་ཝ་ཏོ, ཨ་ཧོ་སིཾ ཀུ་ཊི་གོ་པ་ཀོ;
ཀཱ་ལེ་ན ཀཱ་ལཾ དྷཱུ་པེ་སིཾ, པ་ས་ནྣོ སེ་ཧི པཱ་ཎི་བྷི.
༡༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དྷཱུ་པ་དཱ་ན་སྶི་དཾ [བུ་དྡྷ་པཱུ་ཛཱ་ཡི་དཾ (སཱི.)] ཕ་ལཾ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀུ་ཊི་དྷཱུ་པ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀུ་ཊི་དྷཱུ་པ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. པ་ཏྟ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༠. ‘‘པ་ར་མེ་ན ད་མ་ཐེ་ན, སི་དྡྷ་ཏྠ་སྶ མ་ཧེ་སི་ནོ;
པ་ཏྟ་དཱ་ནཾ མ་ཡཱ དི་ནྣཾ, ཨུ་ཛུ་བྷཱུ་ཏ་སྶ ཏཱ་དི་ནོ.
༢༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཏྟ་དཱ་ན་སྶི་དཾ ཕ་ལཾ.
༢༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཏྟ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཏྟ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. དྷཱ་ཏུ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༣. ‘‘ནི་བྦུ་ཏེ ལོ་ཀ་ནཱ་ཐ་མྷི, སི་དྡྷ་ཏྠ་མྷི ན་རུ་ཏྟ་མེ;
ཨེ་ཀཱ དྷཱ་ཏུ མ་ཡཱ ལ་དྡྷཱ, དྭི་པ་དི་ནྡ་སྶ ཏཱ་དི་ནོ.
༢༤. ‘‘ཏཱ་ཧཾ དྷཱ་ཏུཾ ག་ཧེ་ཏྭཱ་ན, བུ་དྡྷ་སྶཱ་དི་ཙྩ་བ་ནྡྷུ་ནོ;
པ་ཉྩ་ཝ་སྶེ པ་རི་ཙ་རིཾ, ཏི་ཊྛ་ནྟཾ་ཝ ན་རུ་ཏྟ་མཾ.
༢༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དྷཱ་ཏུཾ པཱུ་ཛ་ཡིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དྷཱ་ཏུ་པ་ཊྛ་ཧ་ནེ ཕ་ལཾ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷཱ་ཏུ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷཱ་ཏུ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ས་ཏྟ་ལི་པུ་པྥ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༧. ‘‘ས་ཏྟ ས་ཏྟ་ལི་པུ་པྥཱ་ནི, སཱི་སེ ཀ་ཏྭཱ་ན་ཧཾ ཏ་དཱ;
བུ་དྡྷ་སྶ ཨ་བྷི་རོ་པེ་སིཾ, ཝེ་སྶ་བྷུ་མྷི ན་རུ་ཏྟ་མེ [ཝི་བྷ་ཏྟི་ཝི་པ་ལླཱ་སོ ཙི་ནྟེ་ཏ་བྦོ].
༢༨. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཏྟ་ལི་པུ་པྥ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཏྟ་ལི་པུ་པྥ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. བི་མྦི་ཛཱ་ལི་ཡ་ཏྠེ་ར་ཨ་པ་དཱ་ནཾ
༣༠. ‘‘པ་དུ་མུ་ཏྟ་རོ ནཱ་མ ཛི་ནོ, ས་ཡ་མྦྷཱུ ཨ་གྒ་པུ་གྒ་ལོ;
ཙ་ཏུ་ས་ཙྩཾ པ་ཀཱ་སེ་ཏི, དཱི་པེ་ཏི ཨ་མ་ཏཾ པ་དཾ.
༣༡. ‘‘བི་མྦི་ཛཱ་ལ་ཀ་པུ་པྥཱ་ནི [བི་མྦ་ཛཱ་ལ་ཀ་པུ་པྥཱ་ནི (ཀ.)], པུ་ཐུ ཀ་ཏྭཱ་ན་ཧཾ ཏ་དཱ;
བུ་དྡྷ་སྶ ཨ་བྷི་རོ་པེ་སིཾ, དྭི་པ་དི་ནྡ་སྶ ཏཱ་དི་ནོ.
༣༢. ‘‘ཨ་ཊྛ་ས་ཊྛི་མྷི་ཏོ ཀ་པྤེ, ཙ་ཏུ་རོ ཀི་ཉྫ་ཀེ་ས་རཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བི་མྦི་ཛཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བི་མྦི་ཛཱ་ལི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཨུ་དྡཱ་ལ་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༤. ‘‘ཀ་ཀུ་དྷོ ནཱ་མ ནཱ་མེ་ན, ས་ཡ་མྦྷཱུ ཨ་པ་རཱ་ཛི་ཏོ;
པ་ཝ་ནཱ ནི་ཀྑ་མི་ཏྭཱ་ན, ཨ་ནུ་པྤ་ཏྟོ མ་ཧཱ་ན་དིཾ.
༣༥. ‘‘ཨུ་དྡཱ་ལ་ཀཾ ག་ཧེ་ཏྭཱ་ན, ས་ཡ་མྦྷུ་སྶ ཨ་དཱ་ས་ཧཾ;
སཾ་ཡ་ཏ་སྶུ་ཛུ་བྷཱུ་ཏ་སྶ, པ་ས་ནྣ་མཱ་ན་སོ ཨ་ཧཾ.
༣༦. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་དཱ་ན་སྶི་དཾ ཕ་ལཾ.
༣༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་དྡཱ་ལ་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་དྡཱ་ལ་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ད་ས་མཾ.
ཏུ་ཝ་ར་དཱ་ཡ་ཀ་ཝ་གྒོ པ་ཉྩ་ཝཱི་ས་ཏི་མོ.